தென்னாப்பிரிக்காவுடன் முதல் ஒருநாள் போட்டி: மார்கன் சதத்தால் இங்கிலாந்து வெற்றி

லீட்ஸ்:

தென்னாப்பிரிக்கா கிரிக்கெட் அணி இங்கிலாந்தில் சுற்றுப்பயணம் செய்து 3 ஒருநாள் போட்டியில் விளையாடுகிறது.

முதல் ஒருநாள் போட்டி நேற்று லீட்ஸ் நகரில் நடந்தது. முதலில் பேட்டிங் செய்த இங்கிலாந்து அணி 50 ஓவரில் 6 விக்கெட் இழப்புக்கு 339 ரன் குவித்தது. கேப்டன் இயன்மோர்கன் 93 பந்தில் 107 ரன் எடுத்தார்.



ஹால்ஸ் 61 ரன்னும், மொயின் அலி 77 ரன்னும் எடுத்தனர். 340 ரன் இலக்குடன் விளையாடிய தென்னாப்பிரிக்கா அணியில் தொடக்க வீரர் டி-காக் 5 ரன்னில் ஆட்டமிழந்தார்.

அடுத்த அம்லா - பாப் டு பிளிஸ்சிஸ் ஜோடி சிறப்பாக விளையாடி இருவரும் ஆட்டமிழந்த பிறகு விக்கெட்டுகள் சரிந்தன. அம்லா 73 ரன்னும், டு பிளிஸ்சிஸ் 67 ரன்னும், கேப்டன் டிவில்லியர்ஸ் 45 ரன்னும் எடுத்தனர்.

தென்னாப்பிரிக்கா 45 ஓவரில் 267 ரன்னுக்கு ஆல்-அவுட் ஆனது. இதனால் இங்கிலாந்து 72 ரன் வித்தியாசத்தில் அபார வெற்றி பெற்றது. 2-வது ஒருநாள் போட்டி வருகிற 27-ந்தேதி நடக்கிறது.