காயம் காரணமாக எஞ்சிய ஐ.பி.எல். போட்டிகளில் இருந்து மெக்கல்லம் விலகல்

நியூசிலாந்து அணியின் முன்னாள் கேப்டனும், அதிரடி ஆட்டக்காரரும் ஆன பிராண்டன் மெக்கல்லம் ஐ.பி.எல். தொடரில் குஜராத் லயன்ஸ் அணிக்காக விளையாடி வந்தார். நேற்று டெல்லி டேர்டெவில்ஸ் - குஜராத் லயன்ஸ் அணிகளுக்கு இடையிலான ஆட்டம் நடைபெற்றது. அப்போது பீல்டிங் செய்த பிராண்டன் மெக்கல்லத்திற்கு தொடைப்பகுதியில் காயம் ஏற்பட்டது.

இதனால் அவர் எஞ்சிய போட்டிகளில் இருந்து விலகியுள்ளார். தற்போது குஜராத் அணி 11 போட்டிகளில் விளையாடி 3-ல் மட்டுமே வெற்றி பெற்று பிளேஆஃப் சுற்றுக்கான வாய்ப்பை இழந்துள்ளது.

மும்பைக்கெதிரான சூப்பர் ஓவர் உள்பட 12 இன்னிங்சில் விளையாடிய மெக்கல்லம் 320 ரன்கள் குவித்துள்ளார். அதிகபட்ச ஸ்கோர் 72 ஆகும். இரண்டு அரைசதங்களும், 29 பவுண்டரிகளும், 18 சிக்சர்களம் விளாசியுள்ளார்.