தென்ஆப்பிரிக்காவின் முன்னணி பேட்ஸ்மேன் ஆன ஏபி டி வில்லியர்ஸ் கடந்த வாரம் திடீரென ஓய்வு பெறுவதாக அறிவித்தார். இந்த அறிவிப்பு அனைவரையும் அதிர்ச்சிக்குள்ளாக்கியது. உலகக்கோப்பையை கைப்பற்றுவதே தனது இலக்கு என்ற ஒரே நோக்கத்துடன் இருந்த டி வில்லியர்ஸ் உலகக்கோப்பை தொடர் நடைபெறுவதற்கு ஒரு வருடத்திற்கு முன்பு ஓய்வு பெற்றது தென்ஆப்பிரிக்காவிற்கு பெரிய அதிர்ச்சியை ஏற்படுத்தியுள்ளது.
இந்நிலையில் உலகக் கோப்பைக்குப்பின் டி வில்லியர்ஸ் ஓய்வு பெற்றிருக்க வேண்டும் என்று முன்னாள் தென்ஆப்பிரிக்கா கேப்டன் கிரேம் ஸ்மித் கூறியுள்ளார்.
இதுகுறித்து கிரேம் ஸ்மித் கூறுகையில் ‘‘ஓய்வு குறித்து டி வில்லியர்ஸ் அதிக அளவில் யோசித்திருப்பார். உலகக்கோப்பைக்கு பிறகு டி வில்லியர்ஸ் ஓய்வு பெற்றிருக்கனும். அவர் சிறிது காலம் விளையாடமல் இருந்து அதன்பின் அணிக்கு திரும்பி இந்தியா, ஆஸ்திரேலியா தொடரின்போது சிறப்பான ஆட்டத்தை வெளிப்படுத்தினார். அதேபோல் ஐபிஎல் தொடரில் நன்றாக விளையாடினார்.
இப்படி ஒரு முடிவு எடுப்பார் என்று நான் நினைக்கவில்லை. உச்சக்கட்டாக மக்கள் மிகவும் ஏமாற்றம் அடைந்திருப்பார்கள். அவர் ஒரு சிறப்பு வாய்ந்த பேட்ஸ்மேன் என்பதால் மக்கள் அவரை மிஸ் செய்யப் போகிறார்கள். டி வில்லியர்ஸ் அதிக காலம் விளையாட வேண்டும் என்று மக்கள் விரும்பினார்கள்’’ என்றார்.
