பராமரிப்பு பணி: தாம்பரம்-விழுப்புரம் பயணிகள் ரெயில் ரத்து- தெற்கு ரெயில்வே அறிவிப்பு

சென்னை:

தெற்கு ரெயில்வே சென்னை கோட்டம் வெளியிட்டுள்ள செய்திக்குறிப்பில் கூறியிருப்பதாவது:-

சென்னை எழும்பூர்-விழுப்புரம் வழித்தடத்தில் உள்ள சிங்கபெருமாள் கோவில்-செங்கல்பட்டு ரெயில் நிலையங்களுக்கு இடையே இன்று காலை 9.35 மணி முதல் மதியம் 12.05 மணி வரையிலும் (2 மணி நேரம் 30 நிமிடம்), இதேபோல, நாளை (திங்கட்கிழமை) முதல் 16-ந்தேதி வரையில் மதியம் 1.20 மணி முதல் மாலை 3.20 மணி வரையிலும் (2 மணி நேரம்) பராமரிப்பு பணிகள் மேற்கொள்ள இருப்பதால் மின்சார ரெயில் மற்றும் பயணிகள் ரெயில் சேவையில் மாற்றம் செய்யப்பட்டுள்ளது. அதன் விவரம் வருமாறு:-

* தாம்பரத்தில் இருந்து இன்று (ஞாயிற்றுக்கிழமை) காலை 9.40 புறப்பட்டு விழுப்புரம் செல்லும் பயணிகள் ரெயிலும் (வண்டி எண்.66045), காஞ்சிபுரத்தில் இருந்து இன்று காலை 9.30 மணிக்கு புறப்பட்டு சென்னை கடற்கரை வரும் பயணிகள் ரெயிலும் (40754) ரத்து செய்யப்படுகிறது.

இன்று பகுதி நேர ரத்து

* விழுப்புரத்தில் இருந்து இன்று மதியம் 1.30 மணிக்கு புறப்பட்டு சென்னை கடற்கரை வரும் பயணிகள் ரெயில் (66046), விழுப்புரம்-தாம்பரம் இடையே பகுதி நேர ரத்து செய்யப்படுகிறது.

* சென்னை கடற்கரையில் இருந்து இன்று காலை 5.35 மணிக்கு புறப்பட்டு காஞ்சிபுரம் செல்லும் மின்சார ரெயில் வாலாஜாபாத்-காஞ்சிபுரம் இடையே பகுதி நேர ரத்து செய்யப்படுகிறது.

* சென்னை கடற்கரையில் இருந்து இன்று காலை 8.10, 9.30 ஆகிய நேரங்களில் புறப்பட்டு செங்கல்பட்டு செல்லும் மின்சார ரெயில்கள் சிங்கபெருமாள் கோவில்-செங்கல்பட்டு இடையேயும், செங்கல்பட்டில் இருந்து காலை 8.45, 9.40 ஆகிய நேரங்களில் புறப்பட்டு சென்னை கடற்கரை வரும் மின்சார ரெயில்கள் செங்கல்பட்டு-சிங்கபெருமாள் கோவில் இடையேயும் பகுதி நேர ரத்து செய்யப்படுகிறது.

* சென்னை கடற்கரையில் இருந்து இன்று காலை 8.50, 10 ஆகிய நேரங்களில் புறப்பட்டு செங்கல்பட்டு செல்லும் மின்சார ரெயில்கள் காட்டாங்குளத்தூர்-செங்கல்பட்டு இடையேயும், செங்கல்பட்டில் இருந்து காலை 10.40,11.35 ஆகிய நேரங்களில் புறப்பட்டு சென்னை கடற்கரை வரும் மின்சார ரெயில்கள் செங்கல்பட்டு-காட்டாங்குளத்தூர் இடையேயும் பகுதி நேர ரத்து செய்யப்படுகிறது.

13-ந்தேதி முதல் 16-ந்தேதி வரை...

* சென்னை கடற்கரையில் இருந்து நாளை (திங்கட்கிழமை) முதல் வருகிற 16-ந்தேதி வரையில் காலை 11.40, மதியம் 12.40 ஆகிய நேரங்களில் புறப்பட்டு செங்கல்பட்டு செல்லும் மின்சார ரெயில்கள் சிங்கபெருமாள்கோவில்-செங்கல்பட்டு இடையேயும், செங்கல்பட்டில் இருந்து மதியம் 1.10, 2.20 ஆகிய நேரங்களில் புறப்பட்டு சென்னை கடற்கரை வரும் மின்சார ரெயில்கள் செங்கல்பட்டு-சிங்கபெருமாள் கோவில் இடையேயும் பகுதி நேர ரத்து செய்யப்படுகிறது.

* சென்னை கடற்கரையில் இருந்து நாளை (திங்கட்கிழமை) முதல் வருகிற 16-ந்தேதி வரையில் மதியம் 12.28, 1.45 ஆகிய நேரங்களில் புறப்பட்டு செங்கல்பட்டு செல்லும் மின்சார ரெயில்கள் காட்டாங்குளத்தூர்-செங்கல்பட்டு இடையேயும், செங்கல்பட்டில் இருந்து மதியம் 1.45, மாலை 3.05 ஆகிய நேரங்களில் புறப்பட்டு சென்னை கடற்கரை வரும் மின்சார ரெயில்கள் செங்கல்பட்டு-காட்டாங்கொளத்தூர் இடையேயும் பகுதி நேர ரத்து செய்யப்படுகிறது.

இவ்வாறு அதில் கூறப்பட்டுள்ளது.