ஒரே நாடு, ஒரே தேர்தல் மசோதாவுக்கு முதலமைச்சர் மு.க.ஸ்டாலின் எதிர்ப்பு

சென்னை:

முதலமைச்சர் மு.க.ஸ்டாலின் எக்ஸ் தள பக்கத்தில் வெளியிட்டுள்ள பதிவில்,

கூட்டாட்சிக்கு எதிரான, நடைமுறைக்கு மாறான 'ஒரே நாடு ஒரே தேர்தல்' என்ற கொள்கையை இந்தியா கூட்டணி எதிர்க்கும்.

ஒரே நாடு ஒரே தேர்தல் என்பது ஒன்றையாட்சி முறைக்குள் தள்ளவிடும் அபாயமும் நாட்டின் பன்முகத்தன்மையையும் ஜனநாயகத்தையும் கொன்றுவிடும்.

ஒரே நாடு ஒரே தேர்தலால் மாநில தேர்தல்கள் அவற்றின் அரசியல் முக்கியத்துவத்தை இழக்கும்.

நாட்டின் முக்கிய பிரச்சனைகளில் இருந்து திசைதிருப்ப வெட்கக்கேடான முயற்சியில் பாஜக ஈடுபட்டுள்ளது.

தேர்தல் சீர்திருத்தம் என்ற பெயரில் திணிக்கப்படும் அருவெறுப்பை எதிர்த்து அனைத்து ஜனநாயக சக்திகளும் போராட வேண்டும் என்று கூறியுள்ளார்.