கோவையில் பெரியார் அறிவுலகம் என்ற பெயரில் கடந்த தி.மு.க. ஆட்சி காலத்தில் கட்டப்பட்ட நூலகத்தை முதலமைச்சர் விஜய் கடந்த மாதம் திறந்து வைத்தார்.

இந்த நூலகத்துக்கு புத்தகங்கள் வாங்கியதில் மிகப்பெரிய அளவில் ஊழல் நடைபெற்று இருப்பதாக குற்றம் சாட்டப்பட்டுள்ளது பெரும் பரபரப்பை ஏற்படுத்தி இருக்கிறது.

வெளிச்சத்துக்கு வந்தது

இந்த விவகாரத்தை பிரபல எழுத்தாளரான பெருமாள் முருகன் வெளிச்சத்துக்கு கொண்டு வந்து உள்ளார். இதுபற்றி பல்வேறு தகவல்கள் வெளியிட்டுள்ள பெருமாள் முருகன் பெரியார் நூலகத்துக்கு புத்தகங்கள் கொள்முதல் செய்ததில் மிகப்பெரிய அளவில் முறைகேடு நடந்துள்ளதாகவும், அகல் விளக்கு என்ற பதிப்பகம் வெளியிட்ட 2 ஆயிரம் புத்தகங்கள் பார்வைக்கு வைக்கப்பட்டுள்ளதாகவும் தெரிவித்துள்ளார்.

பல்வேறு பதிப்பகங்கள் இருக்கும் நிலையில் குறிப்பிட்ட பதிப்பக புத்தகங்கள் மட்டும் அதிக அளவில் நூலகத்திற்கு வாங்கப்பட்டு உள்ளதாகவும், அங்குள்ள புத்தகங்களின் விலைகள் அதிக அளவில் இருப்பதாகவும் அவர் தெரிவித்துள்ளார்.

லட்சக்கணக்கில்

அங்குள்ள புத்தகங்களில் இடம்பெற்றுள்ள ஆசிரியர்களின் பெயர்களை பார்க்கும் போது அவர்கள் இதற்கு முன்பு எந்த புத்தகங்களையும் எழுதியது போல தெரியவில்லை.

இதன் மூலம் புத்தக கொள்முதலில் லட்சக்கணக்கில் முறைகேடு நடந்துள்ளதாகவும் எழுத்தாளர் பெருமாள் முருகன் புகார் தெரிவித்துள்ள நிலையில் இந்த விவகாரம் தொடர்பாக உரிய விசாரணை நடத்தப்படும் என்று பள்ளிக்கல்வித் துறை அமைச்சர் ராஜ்மோகன் கூறியுள்ளார்.

இது தொடர்பாக லஞ்ச ஒழிப்பு துறையில் 2 பக்கங்கள் கொண்ட புகார் மனுவையும் அவர் அளித்து உள்ளார்.

முழுமையான விசாரணை

அந்த புகார் மனுவில் கோவை பெரியார் அறிவுலக நூலகத்துக்கு புத்தகங்கள் வாங்கப்பட்டதில் நடைபெற்றுள்ள முறைகேடுகள் தொடர்பாக முறையான விசாரணை நடத்தி உண்மையை வெளிக்கொண்டு வர வேண்டும்.

அதே நேரத்தில் தமிழகம் முழுவதும் உள்ள மற்ற நூலகங்களுக்கு புத்தகங்களை வாங்கியது பற்றியும் விசாரணை நடத்த வேண்டும் எனவும் தெரிவித்து உள்ளார்.

விரைவில் விசாரணை

இதைத்தொடர்ந்து லஞ்ச ஒழிப்பு போலீசார் விரைவில் நேரடி விசாரணையை தொடங்க உள்ளனர். எப்போதுமே லஞ்ச ஒழிப்பு போலீசில் அளிக்கப்படும் புகார்கள் குறித்து ஆரம்ப கட்ட விசாரணையை முதலில் போலீசார் மேற்கொள்வார்கள்.

இதில் கிடைக்கும் தகவல்கள் அடிப்படையில் அடுத்தக்கட்டமாக சம்பந்தப்பட்ட நபர்கள் மீது வழக்குப்பதிவு செய்யப்படும். இதன் பின்னர் யார்-யார் மீது வழக்குப்பதிவு செய்யப்பட்டு உள்ளதோ அவர்களின் வீடுகளில் சோதனை நடத்தி வழக்குக்கு தேவையான ஆதாரங்களை போலீசார் கைப்பற்றுவார்கள்.

பள்ளிக்கல்வித்துறை

தமிழகம் முழுவதும் உள்ள நூலகங்களுக்கு பள்ளிக்கல்வித்துறை சார்பிலேயே புத்தகங்கள் வாங்கப்பட்டு வருகிறது. இதற்காக அரசின் விதிகள் முழுமையாக கடைப்பிடிக்கப்பட வேண்டும். எந்தெந்த புத்தகங்களை நூலகங்களில் வைக்க வேண்டும் என்பது பற்றி அதிகாரிகள் மட்டத்தில் உரிய ஆலோசனை நடத்தி முடிவு எடுப்பார்கள்.

இதன் பிறகே குறிப்பிட்ட பதிப்பகங்களில் இருந்து புத்தகங்கள் வாங்கப்பட்டு அவை நூலகங்களில் வாசகர்கள் படிப்பதற்காக வைக்கப்படும்.

அறிவு சார்ந்தவையாக

இதுபோன்று நூலகங்களில் இடம்பெறும் புத்தகங்கள் அறிவு சார்ந்தவையாகவும், குழந்தைகளை கவரும் வகையிலும், போட்டித் தேர்வுகளுக்கு தயாராகும் இளைஞர்கள் பயன்பெறும் வகையிலும் இருக்கும்.

ஆனால் கோவை பெரியார் நூலகத்தில் செயற்கை நுண்ணறிவு மூலம் உருவாக்கப்பட்ட நூல்களும் இடம்பெற்றுள்ளன. அதே நேரத்தில் அங்கு இடம் பெற்றுள்ள பல்வேறு புத்தகங்களில் பிழைகள் இருப்பதாகவும் குற்றம் சாட்டப்பட்டுள்ளது.

பல எழுத்தாளர்களின் பெயர்கள் நூல்களில் இடம் பெற்றுள்ளன. அவர்கள் யார் என்றே தெரியவில்லை என்ற குற்றம்சாட்டும் பிரதானமாக வைக்கப்பட்டு உள்ளன.

சிக்குகிறார்கள்

இதைத்தொடர்ந்து பள்ளிக்கல்வித்துறை சார்பில் இந்த புத்தகங்களை பெரியார் நூலகத்துக்கு வாங்குவதற்கு யார்-யார் முடிவு செய்தார்கள்? இதில் முறைகேடு எப்படி நடந்து உள்ளது? இதற்காக சட்ட விரோதமாக லஞ்ச பணம் பெறப்பட்டுள்ளதா? என்பது பற்றிய விசாரணையும் லஞ்ச ஒழிப்பு போலீசார் நடத்த உள்ளனர்.

இது தொடர்பாக விரைவில் அதிரடி விசாரணை நடத்தி சம்பந்தப்பட்ட அதிகாரிகள் மற்றும் அரசியல் பிரமுகர்களின் வீடுகளில் சோதனை நடத்தவும் முடிவு செய்துள்ளனர்.

மீண்டும் சிக்கல்

பள்ளிக்கல்வித்துறை மீது கடந்த தி.மு.க. ஆட்சியில் தனியார் பள்ளிகளிடம் முறைகேடாக பணம் வசூலிக்கப்பட்டதாக எழுந்து உள்ள குற்றச்சாட்டு தொடர்பாக சென்னை மத்திய குற்றப்பிரிவு போலீசார் ஏற்கனவே விசாரணை நடத்தி நடவடிக்கை எடுத்து உள்ளனர். இந்த நிலையில் பள்ளிக்கல்வித்துறையின் கீழ் செயல்படும் நூலகங்களுக்கு புத்தகங்கள் வாங்கியதில் முறைகேடு நடந்துள்ளதாக எழுந்துள்ள குற்றச்சாட்டு பரபரப்பை ஏற்படுத்தி உள்ளது.

இதன் மூலம் பள்ளிக் கல்வித்துறைக்கு மீண்டும் சிக்கல் ஏற்பட்டுள்ளது குறிப்பிடத்தக்கது.

மார்க்சிஸ்ட் தலைவர் பெ. சண்முகம் பேசுகையில்

இன்று உலகம் முழுவதும் நவம்பர் புரட்சி (அக்டோபர் புரட்சி) கொண்டாடப்படுகிறது. நாங்களும் தமிழ்நாடு சிபிஐ(எம்) அலுவலகத்தில் கட்சியின் கொடியை ஏற்றி இதைக் கொண்டாடுகிறோம். சோவியத் புரட்சியே முதன்முதலில் வெற்றிபெற்ற புரட்சியாக அமைந்தது. அதனைத் தொடர்ந்து சீனா, வியட்நாம் உள்ளிட்ட பல நாடுகளிலும் புரட்சிகள் வெற்றிபெற்றன.

அமெரிக்கத் தேர்தலில் டொனால்ட் ட்ரம்பும் அவரது கட்சியும் பெரும் தோல்வியைச் சந்தித்துள்ளன. ஈரான் போர் பல நாடுகளில் பொருளாதார நெருக்கடியை ஏற்படுத்தியுள்ளது. இதன் தாக்கம் இந்தியாவிலும் கடுமையாக உணரப்படுகிறது. தீபாவளி பண்டிகைக் காலத்திலும் கூட, விலைவாசி உயர்வு மற்றும் அத்தியாவசியப் பொருட்களின் விலை அதிகரிப்பால் மக்கள் பெரும் சிரமத்திற்கு ஆளாகியுள்ளனர். இந்தியாவில், மத அடிப்படையிலான அரசியலுக்கு எதிராக சிபிஐ(எம்) உறுதியாக நிற்கிறது என்று தெரிவித்தார்.

மேலும் மத்திய-மாநில உறவுகள் குறித்த உயர்மட்டக் குழு கலைக்கப்பட்டது குறித்து அவர் கூறுகையில், மத்திய-மாநில உறவுகளை ஆய்வு செய்வதற்காக முந்தைய திமுக அரசால் அமைக்கப்பட்ட உயர்மட்டக் குழுவை, தற்போதைய அரசு கலைத்துள்ளது. இந்த அரசு அக்குழுவைக் கலைத்திருக்கக் கூடாது. மத்திய அரசுக்கும் மாநில அரசுக்கும் இடையிலான சிக்கல்கள் இன்னும் தீர்க்கப்படாமலேயே உள்ளன என்று குறிப்பிட்டார்.

கோவை பெரியார் அறிவுலக நூல்கள் மோசடி தொடர்பாக சிறப்பு புலனாய்வுக்குழு விசாரிக்க வேண்டும்நூல்களோடு குப்பைகளையும் சேர்த்து வைத்துள்ளது மிகப்பெரிய மோசடிவிஜய் என்ற பெயரில் பல எழுத்தாளர்கள் எப்படி முளைத்தார்கள் என்று தெரியவில்லை.

எந்த ஆட்சியில் இந்த முறைகேடு நடந்தாலும் யார் காரணமென கண்டறிந்து உரிய நடவடிக்கை எடுக்க வேண்டும்அறிவு மோசடி நடந்துள்ளது. இதை வெளிப்படுத்திய எழுத்தாளர் பெருமாள்முருகனுக்கு பாராட்டுகள் என்று தெரிவித்துள்ளார்.

சிபிஐ தலைவர் மூ.வீரபாண்டியன் பேசுகையில்

இந்திய கம்யூனிஸ்ட கட்சி சார்பாக நவம்பர் [புரட்சி நாளில் வாழ்த்துகளை தெரிவித்துக்கொள்கிறேன்.சோவியத் நாட்டில் அந்த புரட்சி மறைந்திருக்கலாம் அல்லது தற்காலிக வீழ்ச்சியை பெற்றிருக்கலாம். ஆனால் அது தொடங்கி வைத்த திசை நீண்டுக்கொண்டே இருக்கிறது இந்தியா போன்ற மகத்தான தேசத்தின் விடுதலையை உந்தி சென்றது நவம்பர் புரட்சி நாள்

பெரியார் அறிவுலகம் என்பது கடந்த ஆட்சியின் சிறப்பான முயற்சி .உலகிலேயே சுமரியதைக்கான இயக்கத்தை தொடங்கியவர் பெரியார்.அவரின் பெயரில் நூல்கம் அமையபெற்றிப்பது சிறப்பு , அத்தகைய நூலகத்தில் முறைகேடு நடந்திருப்ப தாக சிறைந்த எழுத்தாளர்கள் கூறுகையில் அதை அரசு கவனத்தில் எடுத்துக்கொண்டு குற்றம்சாட்டப்பட்டவர்கள் யாராக இருந்தாலும் அவர்கள் சடடத்தி முன் நிறுத்தப்பட்டு தண்டிக்க வேனும் இது எங்களில் நிலைப்பாடு என்று தெரிவித்தார்,.

மேலும் செய்தியாளர்களின் விலைவாசி உயர்வு குறித்த கேள்விக்கு பதிலளித்த அவர்.

ஏழை மக்கள் பயன்படுத்தும் பொருட்களின் விலை உயர்வை கட்டுப்படுத்த அரசு சட்டம் இயற்ற வேண்டும். ஒன்றிய மாநில அரசுகள் விலையை கட்டுக்குள் கொண்டு வர வேண்டும் என்று வலியுறுத்துவதகாவும் எந்த வகையிலும் விலை உயர்வை ஏற்றுக்கொள்ள முடியாது என்று தெரிவித்துள்ளார்.

உய்ர் மட்ட குழிவை கலைத்திருப்பது ஏற்புடையதல்ல இந்திய ஒரு மொழி பேசுகின்ற ஒற்றை மொழி நாடு அல்ல பல்வேறு மொழி பேசுகிற தேசிய கூட்டிசைவு தான் இந்தியா . இதில் மாநிலங்கள் தான் அதிகாரத்தை தருகிறது

அதிகாரங்களை குவித்துக்கொண்டு ஒன்றிய அரசு மாநில அரசுகள் மீது அதிகாரத்தை செலுத்துகிறது.கவர்னர் மூலம் இரட்டை ஆட்சிக்கு முயல்கிறத.இது இந்தியாவின் ஒன்றுமையை கேள்விக்குள்ளாகும் முன்னர் ஆட்சியில் அமைத்த அந்த குழு நல்லது இது ஆராய பட வேண்டும் என்று தெரிவித்தார்.

தமிழகத்தில் வடகிழக்கு பருவமழை காரணமாக அவ்வப்போது மழை பெய்து வருகிறது. அர்னாப் புயல் மற்றும் முரசு புயல் காரணமாக தமிழகம் முழுவதும் கடந்த 2 வாரமாக பரவலாக கனமழை பெய்தது. அதன்பிறகு ஓரிரு நாட்கள் மழை சற்று ஓய்ந்திருந்தது.

சென்னையில் மழை

இந்த நிலையில் கடந்த 3 நாட்களாக தமிழகத்தில் ஆங்காங்கே மழை பெய்து வருகிறது. சென்னையில் நேற்று முன்தினம் முதல் ஓரிரு இடங்களில் அவ்வப்போது மழை பெய்து வருகிறது. சென்னையில் சில இடங்களில் நேற்று காலையிலும், சில இடங்களில் நேற்று மதியமும் கனமழை கொட்டியது.

இந்த நிலையில் சென்னையில் இன்று காலையில் மீண்டும் கனமழை கொட்டியது. சென்னை கோடம்பாக்கம், நுங்கம்பாக்கம், சூளைமேடு, வடபழனி, சேத்துப்பட்டு, எழும்பூர், தேனாம்பேட்டை, தி.நகர், கோயம்பேடு, மதுரவாயல், போரூர் உள்ளிட்ட பகுதிகளில் இன்று காலையில் ‘திடீர்’ மழை பெய்தது. சுமார் 20 நிமிடங்களுக்கு மேல் கனமழை கொட்டித் தீர்த்தது.

இதனால் சாலைகளில் வெள்ளம் பெருக்கெடுத்து ஓடியது.

தீபாவளியன்று மழை

இந்த நிலையில் நாளை தீபாவளியன்று 8 மாவட்டங்களில் கனமழை பெய்யும் என்றும், தமிழகத்தில் வருகிற 12-ந்தேதி வரை மழைக்கு வாய்ப்பு இருப்பதாகவும் வானிலை ஆய்வு மையம் தெரிவித்துள்ளது.

இதுகுறித்து வானிலை ஆய்வு மையம் கூறி இருப்பதாவது:-

தமிழகம், புதுச்சேரி மற்றும் காரைக்கால் பகுதிகளில் ஓரிரு இடங்களில் வருகிற 12-ந்தேதி வரை மழைக்கு வாய்ப்புள்ளது.

திண்டுக்கல், மதுரை, தேனி ஆகிய 3 மாவட்டங்களில் ஓரிரு இடங்களில் இன்று கனமழை பெய்ய வாய்ப்புள்ளது. செங்கல்பட்டு, விழுப்புரம், கடலூர், மயிலாடுதுறை, நாகை, திருவாரூர், தஞ்சாவூர், விருதுநகர், தென்காசி, தூத்துக்குடி, ராமநாதபுரம், சிவகங்கை, புதுக்கோட்டை, நெல்லை, கன்னியாகுமரி, கோவை, நீலகிரி ஆகிய 17 மாவட்டங்களில் ஓரிரு இடங்களில் இன்று மிதமான மழை பெய்ய வாய்ப்புள்ளது.

8 மாவட்டங்கள்

நாளை (8-ந்தேதி) மயிலாடுதுறை, திருவாரூர், தஞ்சாவூர், புதுக்கோட்டை, ராமநாதபுரம், நாகை, தூத்துக்குடி, கன்னியாகுமரி ஆகிய 8 மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

சென்னை, திருவள்ளூர், காஞ்சிபுரம், செங்கல்பட்டு, விழுப்புரம், நெல்லை, கடலூர், கள்ளக்குறிச்சி, திருச்சி, அரியலூர், பெரம்பலூர், தென்காசி, சிவகங்கை, ஈரோடு, திருப்பூர், திண்டுக்கல், மதுரை, விருதுநகர், தேனி ஆகிய 19 மாவட்டங்களில் ஓரிரு இடங்களில் மிதமான மழை பெய்ய வாய்ப்பு உள்ளது.

வருகிற 9-ந்தேதி மயிலாடுதுறை, புதுக்கோட்டை, நாகை, சிவகங்கை, திருவாரூர், தஞ்சாவூர், ராமநாதபுரம் ஆகிய 7 மாவட்டங்களில் ஓரிரு இடங்களில் கனமழை பெய்ய வாய்ப்புள்ளது. வருகிற 10, 11-ந்தேதிகளில் தூத்துக்குடி, ராமநாதபுரம் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

சென்னையில் இன்று வானம் ஓரளவு மேகமூட்டத்துடன் காணப்படும். சென்னை நகரின் ஓரிரு இடங்களில் இன்று மிதமான மழை பெய்ய வாய்ப்புள்ளது.

இவ்வாறு அதில் கூறப்பட்டுள்ளது.

விழுப்புரம் மாவட்டம் செஞ்சி ஆலம்பூண்டி ஊராட்சி நடுப்பட்டு கிராமத்தைச் சேர்ந்தவர் 7 வயது சிறுமி.

சிறுமி மாயம்

2-ம் வகுப்பு மாணவியான சிறுமி தனது பிறந்தநாளை கடந்த அக்டோபர் 11-ந் தேதி கொண்டாடினார். பின்னர் பெற்றோருடன் வீட்டில் தூங்கிய சிறுமி மறுநாள் அதிகாலை திடீரென மாயமானார். அவரை தேடும் பணி தீவிரமாக நடந்து வருகிறது. சி.பி.சி.ஐ.டி. போலீசாரும் களத்தி இறங்கி தேடுதல் வேட்டையில் ஈடுபட்டுள்ளனர். ஆனால் இதுவரை இன்னும் துப்பு ஏதும் கிடைக்கவில்லை.

பைக்கில் சென்று விழிப்புணர்வு

இந்த நிலையில் பைக்கில் பேனர் கட்டி சிறுமியை கண்டுபிடிக்க உதவுமாறு சமூக ஆர்வலர் ஏழுமலை என்பவர் சுற்றுப்பயணம் மேற்கொண்டுள்ளார்.

அவர் புதுச்சேரி கிராமப்பகுதிகளில் சிறுமி புகைப்படத்துடன் கூடிய பேனரை பைக்கில் வைத்து செல்கிறார். அவர் வைத்துள்ள பேனரில் காணாமல் போன 7 வயது சிறுமி விரைவில் கிடைக்க நாம் இறைவனை பிரார்த்தனை செய்வோம். சிறுமி கிடைக்கும் வரை பெற்றோர்களில் ஒருவனாக தமிழகம் முழுவதும் விழிப்புணர்வு சுற்றுப்பயணம் தொடரும்" என எழுதியுள்ளார்.

போலீசார்

மக்கள் கூடும் இடங்களில் பைக்கை நிறுத்தி அங்கிருப்போரிடம் சிறுமியை பார்த்தீர்களா என்று விசாரிக்கிறார். பார்த்தால் போலீசாரிடம் சொல்லுங்கள் என்கிறார்.

இதுதொடர்பாக அவரிடம் கேட்டதற்கு, மனித உணர்வு அடிப்படையில் தமிழகம் முழுவதும் விழிப்புணர்வு பயணம் செய்கிறேன். போலீசாரும் சி.பி.சி.ஐ.டி. தரப்பிலும் தேடுகின்றனர். 25 நாட்களாகிவிட்டது. குழந்தை கிடைக்கவில்லை. இது யாருக்கோ நடந்தது என கடந்து செல்ல முடியவில்லை. மனசு கஷ்டமாக இருந்ததால் செய்கிறேன்.

மக்கள் கூடும் இடங்களில் விசாரணை

பஸ் நிலையம், டீக்கடை, மாணவர், மாணவியிடம் விசாரிக்கிறேன். இதுவரை விழுப்புரம், மரக்காணம், கடலூர், வளவனூர் பகுதிகளில் சுற்றுப்பயணம் செய்துள்ளேன். தீபாவளி வரவுள்ளது. குழந்தையின் மனநிலையை நினைத்து பார்க்கிறேன். அனைவரும் ஒன்று சேர்ந்து குழந்தையை கண்டறிவதில் உதவ வேண்டும். ஜல்லிக்கட்டுக்கு திரண்டது போல் மக்களும் இணைந்து குழந்தையை கண்டறிய உதவ வேண்டும். இதர மாநில முதலமைச்சர்களும் இந்த விஷயத்தில் கவனம் செலுத்தவேண்டும் என்றார்.

தமிழகத்தில் வடகிழக்கு பருவமழை தொடங்கியதில் இருந்து மாநிலம் முழுவதும் பரவலாக மழை பெய்து வருகிறது. தற்போது தென்கிழக்கு அரபிக்கடல் மற்றும் அதனை ஒட்டியுளள கேரள பகுதிகளில் காற்றழுத்த தாழ்வு நிலை நிலவுகிறது. இதன் காரணமாக தமிழகத்தில் அடுத்த 4 நாட்களில் பரவலாக மழை பெய்யும் என்று வானிலை மையம் அறிவித்திருந்தது.

மழை

அதன்படி இன்று மதுரை, தேனி, ராமநாதபுரம் உள்ளிட்ட 17 மாவட்டங்களில் மிதமான மழை இருக்கும் என தெரிவிக்கப்பட்டிருந்தது. இந்த நிலையில் நேற்று காலை ராமநாதபுரம் நகர் மற்றும் புறநகர் பகுதிகளில் வானம் மேக மூட்டத்துடன் காணப்பட்டது. மாலையில் கருமேகங்கள் திரண்டு குளிர்ந்த காற்று வீசியது. இதனை தொடர்ந்து ராமநாதபுரம் நகர் மற்றும் புறநகர் பகுதிகளல் லேசான முதல் கனமழை பெய்தது.

பேராவூர்

குறிப்பாக நேற்று நள்ளிரவு தொடங்கி இன்று அதிகாலை வரை ராமநாதபுரம் நகர் மற்றும் புறநகர் பகுதிகளான அரண்மனை, சூரங்கோட்டை, பேராவூர், பழங்குளம், தேவிபட்டினம் உள்ளிட்ட பல்வேறு பகுதிகளிலும் கனமழை வெளுத்து வாங்கியது. இதனால் ராமநாதபுரம் நகர் பகுதிகளான கேணிக்கரை, காட்டு பிள்ளையார் கோவில் தெரு, சூரங்கோட்டை, அரண்மனை உள்ளிட்ட பல்வேறு பகுதிகளிலும் மழைநீர் குளம் போல் தேங்கி காணப்படுகிறது.

மழை நீர்

அதே போல் பாரதி நகர் பகுதியில் உள்ள மதுரை- ராமேசுவரம் தேசிய நெடுஞ்சாலையில் மழை நீர் முழங்கால் அளவு தேங்கி குளம் போல் காணப்படுவதால் அந்த வழியாக செல்லக்கூடிய வாகன ஓட்டிகள், பாதசாரிகள் கடும் அவதி அடைந்து வருகின்றனர். தகவல் அறிந்து ராமநாதபுரம் வட்டாட்சியர் பழனி குமார் தலைமையிலான அதிகாரிகள் தேங்கிய மழை நீரை அப்புறப்படுத்தும் பணியில் தீவிரமாக ஈடுபட்டு வருகின்றனர்.

வியாபாரிகள்

ராமநாதபுரம் நகரில் நேற்று இரவு முழுவதும் கொட்டித்தீர்த்த மழையால் பல இடங்களில் தண்ணீர் தேங்கி உள்ளது. குறிப்பாக பஜார் பகுதியில் பெய்த மழை காரணமாக நேற்று தீபாவளி விற்பனை மந்தமாக இருந்தது. மழை பெய்து கொண்டே இருந்ததால் பொதுமக்கள் வீட்டை விட்டு வெளியே வர முடியவில்லை. தீபாவளி நாளை கொண்டாட உள்ள நிலையில் ராமநாதபுரத்தில் பெய்த மழை காரணமாக சாலையோர வியாபாரிகள் பாதிக்கப்பட்டனர்.

கன்னியாகுமரி பாராளுமன்ற உறுப்பினர் விஜய் வசந்த் தீபாவளி வாழ்த்து தெரிவித்துள்ளார். இதுதொடர்பாக விஜய் வசந்த் வெளியிட்டுள்ள அறிக்கையில்,

இருள் நீங்கி ஒளி பிறக்கும் இனிய தீபாவளித் திருநாளில், மக்கள் அனைவரின் வாழ்விலும் மகிழ்ச்சி, மனநிறைவு, அமைதி, அன்பு மற்றும் வளம் பெருகட்டும்.

உற்சாகம் மலரச் செய்யட்டும்

தீமைகளை வென்று நன்மை நிலைபெற வேண்டும் என்ற உயரிய சிந்தனையை நமக்கு உணர்த்தும் தீபாவளித் திருநாளில், ஏழை, எளியோர் உள்ளிட்ட அனைத்து மக்களின் வாழ்விலும் நம்பிக்கையின் ஒளி பிரகாசிக்கட்டும். சாதி, மத, மொழி வேறுபாடுகளைக் கடந்து சகோதரத்துவமும், மனிதநேயமும் தழைத்தோங்கட்டும். வண்ணமயமான பட்டாசுகளின் ஒளியும் ஒலியும், இனிப்புகளின் தித்திப்பும், புத்தாடைகளின் புதுமகிழ்ச்சியும் இணைந்து, ஒவ்வொரு குடும்பத்திலும் ஆனந்தத்தையும் உற்சாகத்தையும் மலரச் செய்யட்டும்.

இந்தத் தீபாவளி அனைவருக்கும் புதிய நம்பிக்கைகளையும், புதிய வாய்ப்புகளையும், வளமான எதிர்காலத்தையும் வழங்கட்டும்.

அனைவருக்கும் எனது இதயம் கனிந்த இனிய தீபாவளி நல்வாழ்த்துகள்! என கூறியுள்ளார்.

தேனி மாவட்டம் சின்னமனூர் அருகே பட்டாசு குடோன், கடையில் ஏற்பட்ட தீவிபத்தில் பல லட்சம் மதிப்பிலான பொருட்கள் எரிந்து சேதமானது.

பட்டாசு கடை

தேனி மாவட்டம் சின்னமனூர் அருகில் உள்ள காமாட்சிபுரத்தை சேர்ந்தவர் அழகுமுத்து. இவர் முன்னாள் ஊராட்சி மன்ற தலைவர் ஆவார். ஒவ்வொரு வருடமும் தீபாவளி பண்டிகையின் போது இவர் பட்டாசு கடை அமைப்பது வழக்கம். அதன்படி இந்த வருட தீபாவளிக்காக கடந்த 2 வாரங்களுக்கு முன்பே சிவகாசியில் இருந்து மொத்தமாக பல லட்சம் ரூபாய் மதிப்பிலான பட்டாசுகள் கொள்முதல் செய்து வேப்பம்பட்டியில் உள்ள குடோனில் வைத்திருந்தார். நேற்று காலை முதல் குடோனுக்கு அருகிலேயே பட்டாசு கடை உரிமம் பெற்று வைத்திருந்தார்.

இந்த கடையில் 3 பணியாளர்கள் நியமிக்கப்பட்டு பட்டாசு விற்பனை செய்து வந்தனர்.

நள்ளிரவில் தீ விபத்து

நேற்று இரவு 11.30 மணியளவில் பட்டாசு கடைக்கு தார்ப்பாய் போட்டுவிட்டு ஊழியர்கள் அருகிலேயே தூங்கிக் கொண்டிருந்தனர். அப்போது எதிர்பாராத விதமாக கடையில் தீ விபத்து ஏற்பட்டது. சிறிது நேரத்தில் தீ மளமளவென பரவி கடை முழுவதும் எரியத் தொடங்கியது. இதனால் அங்கிருந்த ஊழியர்கள் அச்சத்துடன் ஓடத் தொடங்கினர். தீயை அணைக்க முடியாததால் தீயணைப்பு துறையினருக்கு தகவல் தெரிவித்தனர். வேகமாக பரவிய காட்டுத்தீ அருகில் இருந்த குடோனுக்கும் பரவியது. இதனால் திரைப்படத்தில் வரும் காட்சியைப் போல தீ கொழுந்துவிட்டு எரிந்தும், வெடித்தும் வந்தது. இதனால் தீயை அணைக்க அருகில் செல்லவே அச்சமடைந்தனர். நள்ளிரவில் பிடித்த தீ இன்று அதிகாலை 3 மணிவரை விடாமல் எரிந்து கொண்டே இருந்தது. தீயணைப்பு துறையினர் பல மணிநேரம் போராடி தீயை அணைத்து கட்டுக்குள் கொண்டு வந்தனர்.

பொருட்கள் சேதம்

இந்த தீ விபத்தில் 2 குடோன்கள் முற்றிலும் இடிந்து தரைமட்டமானதுடன் கடையில் இருந்த அனைத்து பட்டாசுகளும் சாம்பலானது. மேலும் அருகில் நிறுத்தி வைத்திருந்த ஒரு டிராக்டர், 2 சரக்கு வாகனம், 2 மோட்டார் சைக்கிள்கள் ஆகியவையும் முற்றிலும் எரிந்தது. இந்த விபத்தில் பணியில் இருந்த பெண் உட்பட 4 ஊழியர்களும் லேசான காயங்களுடன் அதிர்ஷ்ட வசமாக உயிர் தப்பினர். பட்டாசு கடை, குடோன் அமைந்துள்ள பகுதி குடியிருப்புகள் இல்லாமல் வயல்வெளி அருகே இருந்ததால் பெரும் அசம்பாவிதம் தவிர்க்கப்பட்டது.

போலீசார் விசாரணை

விபத்து குறித்து அறிந்ததும் உத்தமபாளையம் டி.எஸ்.பி. சந்திரசேகர், கோட்டாட்சியர் சையது முகமது மற்றும் ஓடைப்பட்டி போலீசார் சம்பவ இடத்திற்கு வந்து விசாரணை மேற்கொண்டு வருகின்றனர். விபத்துக்கான காரணம் குறித்தும் விசாரித்து வருகின்றனர். எதிர்பாராமல் தீ பிடித்ததா அல்லது யாரேனும் தீ வைத்ததால் விபத்து நடந்ததா என்றும் விசாரணை நடத்தி வருகின்றனர். விபத்து காரணமாக மாவட்டத்தில் உள்ள மற்ற பட்டாசு கடைகளுக்கும் பாதுகாப்பு அறிவுறுத்தல்கள் வெளியிடப்பட்டுள்ளது. பட்டாசுகளை பாதுகாப்பான முறையில் விற்பனை செய்ய வேண்டும். எளிதில் தீப்பிடிக்கும் கருவிகளை வைத்திருக்கக் கூடாது. சிகரெட் பிடிக்கக் கூடாது என்பது உள்ளிட்ட பல்வேறு கட்டுப்பாடுகள் விதிக்கப்பட்டுள்ளன.

இச்சம்பவம் சின்னமனூர் பகுதியில் மிகுந்த பரபரப்பை ஏற்படுத்தி உள்ளது.

தனது எக்ஸ் பக்கத்தில் குறிப்பிட்டுள்ளதாவது

முன்னாள் முதலமைச்சர் மு.க. ஸ்டாலின் தனது எக்ஸ் தளத்தில் "State Rights Theatre Rights" என்று பதிவிட்டு, தவெக அரசு உயர்மட்டக் குழுவைக் கலைத்ததை விமர்சித்துள்ளார். மாநில உரிமைகளைவிடத் திரையரங்க உரிமைகளுக்கே புதிய அரசு முக்கியத்துவம் அளிப்பதாக அவர் மறைமுகமாகச் சாடியுள்ளார்.

கலைக்கப்பட உயர்மட்ட குழு

2025-ஆம் ஆண்டு ஏப்ரல் மாதம், அப்போதைய முதலமைச்சர் மு.க. ஸ்டாலின், மத்திய-மாநில உறவுகள் தொடர்பான அரசியலமைப்பு விதிகள், சட்டங்கள் மற்றும் கொள்கைகளை மறுஆய்வு செய்வதற்கும், கூட்டாட்சி மற்றும் மாநில சுயாட்சியை வலுப்படுத்துவதற்கான நடவடிக்கைகளைப் பரிந்துரைப்பதற்கும் மூன்று பேர் கொண்ட உயர்மட்டக் குழு ஒன்று அமைக்கப்படும் என்று சட்டமன்றத்தில் அறிவித்திருந்தார்.

ஓய்வுபெற்ற உச்ச நீதிமன்ற நீதிபதி குரியன் ஜோசப் தலைமையில் நடைபெற்ற இக்குழுவில், ஓய்வுபெற்ற ஐஏஎஸ் அதிகாரி கே. அசோக் வர்தன் ஷெட்டி மற்றும் முன்னாள் மாநில திட்டக் கமிஷன் துணைத் தலைவர் எம். நாகநாதன் ஆகியோர் உறுப்பினர்களாகப் பணியாற்றினர். இக்குழு, பெரிதும் பாராட்டப்பட்ட தனது அறிக்கையின் முதல் பகுதியை, அப்போதைய முதலமைச்சர் மு.க. ஸ்டாலினிடம் பிப்ரவரி 16 அன்று சமர்ப்பித்தது.

இந்த நிலையில் தற்போது உள்ள அரசு தமிழ்நாடு மாநில சட்ட ஆணையத்தை மறுசீரமைத்துள்ளது. அதன்படி மாநிலங்களுக்கு இடையேயான மற்றும் மத்திய-மாநில உறவுகள் தொடர்பான நடவடிக்கைகள் குறித்து ஆய்வு செய்தல்,

சட்டங்களை மறு ஆய்வு செய்தல் , நிறுவன கட்டமைப்பை மேம்படுத்துதல் உள்ளிட்ட விரிவான் அதிகாரங்கள் அணையத்திடம் ஒப்படைக்கப்ப்பட்டுள்ளன

தமிழ்நாடு அரசு வெளியிட்டுள்ள அறிக்கையில்,

இன்றைய டிஜிட்டல் உலகில், உயர்கல்வி பயிலும் மாணாக்கர்களுக்கு மடிக்கணினி என்பது இன்றியமையாத கல்வி உபகரணமாக விளங்குகிறது. மாணாக்கர்கள் தங்களது தொழில்நுட்ப அறிவை மேம்படுத்தவும், திறன் மேம்பாட்டுப் பயிற்சிகளை மேற்கொள்ளவும், இணையவழிக் கல்வி மற்றும் எதிர்கால வேலைவாய்ப்புகளுக்கும் மடிக்கணினிகள் பெரிதும் உதவும். இதனைக் கருத்திற்கொண்டு, 2026-2027ஆம் ஆண்டு நிதிநிலை அறிக்கையில் அறிவிக்கப்பட்டுள்ள வெற்றி மடிக்கணினித் திட்டத்தை (Vetri Laptop Scheme) 2,000 கோடி ரூபாய் நிதி ஒதுக்கீட்டில் செயல்படுத்துவதற்கு தமிழ்நாடு முதலமைச்சர் விஜய் உத்தரவிட்டுள்ளார். அதனைத் தொடர்ந்து, இதற்கான விரிவான வழிகாட்டு நெறிமுறைகள் மற்றும் நிதி ஒதுக்கீட்டிற்கான நிருவாக அனுமதி அளித்து அரசாணை வெளியிடப்பட்டுள்ளது.

உயர்தரத் தொழில்நுட்பத்துடன் கூடிய மடிக்கணினிகள்

வெற்றி மடிக்கணினித் திட்டத்தின் மூலம் 2026-2027ஆம் கல்வியாண்டில் அரசு மற்றும் அரசு உதவிபெறும் கல்லூரிகளில் கலை மற்றும் அறிவியல், பொறியியல், பாலிடெக்னிக். ஐ.டி.ஐ (ITI), மருத்துவம், கால்நடை மருத்துவம், மீன்வளம், வேளாண்மை மற்றும் சட்டம் உள்ளிட்ட பல்வேறு கல்விப் பிரிவுகளில் பயிலும் முதலாம் ஆண்டு மற்றும் இரண்டாம் ஆண்டு இளநிலைப் பட்டப்படிப்பு (UG) மற்றும் பட்டயப்படிப்பு (Diploma) மாணாக்கர்கள் பயனடைவார்கள்.

மேலும், முந்தைய 2025-2026ஆம் கல்வியாண்டில் மடிக்கணினித் திட்டத்தில் பயனடையாத அரசு மற்றும் அரசு உதவிபெறும் கல்லூரிகளில் பயிலும் மூன்றாம் மற்றும் நான்காம் ஆண்டு தொழில்முறைப் படிப்பு (Professional Courses) மாணாக்கர்களும் தற்போதைய இத்திட்டத்தின் மூலம் பயனடைவார்கள்.

பொறியியல் மாணாக்கர்களின் தொழில்நுட்பக் கல்வித் தேவைகளைக் கருத்திற்கொண்டு, அவர்களுக்கு Intel Core i5 அல்லது அதற்கு இணையான உயர்தரத் தொழில்நுட்பத்துடன் கூடிய மடிக்கணினிகள் வழங்கப்படும்.

இத்திட்டத்தை மிகச் சீரிய முறையில் கண்காணித்து, தொய்வின்றிச் செயல்படுத்திட தமிழ்நாடு முதலமைச்சர் தலைமையில் உயர்மட்ட வழிகாட்டுதல் குழு (High-Level Steering Committee) அமைக்கப்படவுள்ளது. மேலும், தரக்கட்டுப்பாட்டுடன் கூடிய மடிக்கணினிகளைக் கொள்முதல் செய்வதை உறுதிசெய்ய தமிழ்நாடு மின்னணு நிறுவனத்திற்கு (ELCOT) நிருவாக அனுமதி வழங்கப்படுகிறது.

இன்றைய அதிவேக டிஜிட்டல் யுகத்தில், நமது மாநிலத்தின் அடித்தட்டு மற்றும் நடுத்தரக் குடும்பங்களைச் சேர்ந்த மாணவச் செல்வங்கள் உலகளாவிய போட்டித் திறன்களில் சிறந்து விளங்கவும், வேலைவாய்ப்புத் திறனை மேம்படுத்திக் கொள்ளவும் இந்த ‘வெற்றி மடிக்கணினித் திட்டம்’ ஒரு மாபெரும் மைல்கல்லாக அமையும் என்பது திண்ணம்.

தீபாவளி பண்டிகை

சென்னையில் தங்கி வேலை பார்த்து வருவோர் மற்றும் படித்து வருபவர்கள் தீபாவளி பண்டிகையை கொண்டாட நேற்று முன்தினம் முதலே தங்கள் சொந்த ஊர்களுக்கு செல்ல தொடங்கினர்.

இதனால் சென்னையிலிருந்து ஏராளமான வாகனங்கள் தென் மாவட்டங்களை நோக்கி படையெடுத்த வண்ணம் உள்ளது. இந்த வாகனங்கள் அனைத்தும் விக்கிரவாண்டி சுங்கச்சாவடியை கடந்து தான் செல்ல வேண்டும்.

வாகனங்கள்

தீபாவளி பண்டிகை, தொடர் விடுமுறை காரணமாக ஒரே நேரத்தில் ஏராளமான வாகனங்கள் வரத் தொடங்கின. இதன் காரணமாக சென்னை-திருச்சி சாலையில் வாகனங்கள் சாரை சாரையாக அணிவகுத்து சென்றன. இதனால் விக்கிரவாண்டி சுங்கச்சாவடியில் கடும் வாகன நெரிசல் ஏற்பட்டது. வாகனங்கள் நீண்ட தூரம் அணிவகுத்து நின்றன.

சென்னையிலிருந்து தென் மாவட்டங்களுக்கு அதிகமான வாகனங்கள் சென்றதால் நேற்று மாலையில் கூடுதலாக இரண்டு வழிகள் திறக்கப்பட்டு, மொத்தம் 8 வழிகள் வழியாக வாகனங்கள் தென் மாவட்டங்களுக்கு அனுப்பி வைக்கப்பட்டன.

70 ஆயிரம் வாகனங்கள் கடந்து சென்றன

விபத்து அதிகமாக நடைபெறும் பகுதிகள் மற்றும் சாலை குறுக்கிடும் பகுதிகளில் போலீசார் சாலைகளை பொதுமக்களும், வாகனங்களும் குறுக்கிடாத வகையில் பேரி கார்டுகளை அமைத்து வாகன ஓட்டிகளுக்கு பாதுகாப்பை ஏற்படுத்தி பாதுகாப்பு பணியில் ஈடுபட்டனர்.

நேற்று முன்தினம் காலை 6 மணி முதல் இரவு 12 மணி வரை 52 ஆயிரத்து 100 வாகனங்கள் தென் மாவட்டங்களை நோக்கி சென்றன.

நள்ளிரவு 12 மணி முதல் தற்போது வரை 15 ஆயிரத்துக்கும் மேற்பட்ட வாகனங்கள் என மொத்தமாக இதுவரை 70 ஆயிரத்துக்கும் மேற்பட்ட வாகனங்கள் விக்கிரவாண்டி சுங்கச்சாவடியை கடந்து சென்றுள்ளன.

போலீஸ் பாதுகாப்பு

இன்றும் ஏராளமான வாகனங்கள் தென்மாவட்டங்களை நோக்கி வரும் என்பதால் விழுப்புரம் போலீஸ் சூப்பிரண்டு மதிவாணன் உத்தரவின் பேரில் டி.எஸ்.பி. சரவணகுமார் தலைமையில் விக்கிரவாண்டி போலீஸ் இன்ஸ்பெக்டர் சத்தியசீலன், போக்குவரத்து சப்-இன்ஸ்பெக்டர் தமிழ்ச்செல்வன் தலைமையிலான போலீசார் பாதுகாப்பு பணியில் ஈடுபட்டுள்ளனர்.

தங்கம் விலை கடந்த மாதம் குறைந்து கொண்டே வந்து நகைப் பிரியர்களுக்கு மகிழ்ச்சியான செய்தியாக இருந்தது. மேலும் விலை குறைந்து சவரன் ரூ.1 லட்சத்துக்கு கீழ் செல்வதற்கும் வாய்ப்பு இருப்பதாக கூறப்பட்ட நிலையில் கடந்த 2-ந்தேதியில் இருந்து நேற்று முன்தினம் வரை கிராமுக்கு ரூ.655-ம், சவரனுக்கு ரூ.5.240-ம் உயர்ந்து இருந்தது.

இனியும் விலை அதிகரிக்கவே வாய்ப்பு இருப்பதாக கூறப்பட்ட சூழலில், நேற்று திடீரென்று விலை சரிந்தது. அதன்படி, நேற்று முன்தினம் ஒரு கிராம் ரூ.13 ஆயிரத்து 385-க்கும். ஒரு சவரன் ரூ.1 லட்சத்து 7 ஆயிரத்து 80-க்கும் விற்கப்பட்டது. நேற்றைய நிலவரப்படி, கிராமுக்கு ரூ.245-ம் சவரனுக்கு ரூ.1,960-ம் சரிந்து, ஒரு கிராம் ரூ.13 ஆயிரத்து 140-க்கும். ஒரு சவரன் ரூ.1 லட்சத்து 5 ஆயிரத்து 120-க்கும் விற்பனை செய்யப்பட்டது.

தங்கம் விலை நிலவரம்

இந்த நிலையில், இன்றும் தங்கம் விலை குறையும் என எதிர்பார்க்கப்பட்ட நிலையில், சற்று உயர்ந்துள்ளது. அதன்படி கிராமுக்கு 20 ரூபாய் உயர்ந்து ஒரு கிராம் தங்கம் ரூ.13,160-க்கும், சவரனுக்கு 160 ரூபாய் உயர்ந்து ஒரு சவரன் ரூ.1 லட்சத்து 5 ஆயிரத்து 280-க்கு விற்பனையாகிறது.

வெள்ளி விலை

வெள்ளி விலையில் இன்று மாற்றமில்லை. ஒரு கிராம் ரூ.205-க்கும். ஒரு கிலோ ரூ.2 லட்சத்து 5 ஆயிரத்துக்கும் விற்பனை செய்யப்படுகிறது.

கடைசி ஐந்து நாள் தங்கம் விலை நிலவரம்

6-11-2026- ஒரு பவுன் (22 காரட்) ரூ.1,05,120

5-11-2026- ஒரு பவுன் (22 காரட்) ரூ.1,07,080

4-11-2026- ஒரு பவுன் (22 காரட்) ரூ.1,04,800

3-11-2026- ஒரு பவுன் (22 காரட்) ரூ.1,02,400

2-11-2026- ஒரு பவுன் (22 காரட்) ரூ.1,02,200

கடைசி ஐந்து நாள் வெள்ளி விலை நிலவரம்

6-11-2026- ஒரு கிராம் ரூ.205

5-11-2026- ஒரு கிராம் ரூ.210

4-11-2026- ஒரு கிராம் ரூ.210

3-11-2026- ஒரு கிராம் ரூ.200

2-11-2026- ஒரு கிராம் ரூ.200

பா.ம.க. தலைவர் அன்புமணி ராமதாஸ் வெளியிட்டுள்ள அறிக்கையில்,

தமிழ்நாட்டில் புதிதாக வெளியிடப்படும் திரைப்படங்களுக்கு, வெளியீட்டு நாளில் இருந்து ஒரு வாரத்திற்கு தினமும் 6 காட்சிகளை திரையிடுவதற்கு அனுமதி அளித்து தமிழக அரசு ஆணையிட்டிருக்கிறது. மக்களின் உழைப்பையும், உற்பத்தித் திறனையும் ஊக்குவித்து முன்னேற்றத்திற்கு வழி வகுப்பதற்கு பதிலாக ஒரு நாளைக்கு 20.30 மணி நேரம் திரையரங்குகளில் முடக்கி வைப்பது மிகவும் பிற்போக்குத்தனமானது ஆகும்.

புதிய வழக்கம்

தமிழக வரலாற்றில் ஒரு நாளைக்கு 6 காட்சிகள் திரைப்படங்களுக்கு திரையிட இதுவரை சட்டப்பூர்வமாக அனுமதி வழங்கபட்டதில்லை. இப்போதும் கூட அதற்கான தேவை எதுவும் இல்லை. திரைப்பட தயாரிப்பாளர் சங்கங்களும், திரையரங்க உரிமையாளர்களும் கோரிக்கை விடுத்தார்கள் என்பதற்காக அதன் பின்விளைவுகளைப் பற்றிக் கவலைப்படாமல், அதிகாலை 6.00 மணிக்குத் தொடங்கி தினமும் 6 காட்சிகள் திரையிடுவதற்கு அனுமதி வழங்கியிருக்கக் கூடாது. 1988-ஆம் ஆண்டு வரை ஒரு நாளுக்கு அதிகபட்சமாக 4 காட்சிகள் மட்டுமே அனுமதிக்கப்பட்டு வந்தன. 1988-ஆம் ஆண்டில் தான் விழாக்காலங்களில் ஐந்தாவது காட்சியை அனுமதித்து அரசாணை பிறப்பிக்கப்பட்டது. அதன்பின் கடந்த சில ஆண்டுகளாக விழாக்காலங்களுக்கான 5 காட்சிகள் தவிர, படம் வெளியாகும் நாளில் மட்டும் அதிகாலை காட்சியை அனுமதிக்கும் புதிய வழக்கம் ஏற்பட்டது.

2023-ஆம் ஆண்டு ஜனவரி 11-ஆம் நாள் அதிகாலை அவ்வாறு திரையிடப்பட்ட திரைப்படத்தை பார்க்க வந்த ரசிகர்களில் ஒருவர், சரக்குந்து மீது ஏறி நடனமாடி, தவறி விழுந்து உயிரிழந்ததைத் தொடர்ந்து, அதிகாலை சிறப்புக் காட்சிகளுக்கு அனுமதி அளிக்கும் வழக்கம் நிறுத்தப்பட்டது. ஆனால், தவெக ஆட்சிக்கு வந்த பின்னர், புதிய திரைப்படங்கள் வெளியான நாளிலிருந்து ஒரு வாரத்திற்கும், விடுமுறை நாள்களிலும் 5 காட்சிகள் திரையிடுவதற்கு சட்டப்பூர்வ அனுமதி அளிக்கப்பட்டது. இப்போது அது 6 காட்சிகளாக்கப்பட்டிருக்கிறது. இதனால் தமிழ்நாட்டுக்கோ, தமிழ்நாட்டு மக்களுக்கோ எந்த நன்மையும் ஏற்படாது; பாதிப்புகள் தான் ஏற்படும்.

தமிழக அரசின் ஆணைப்படி, ஒரு திரைப்படம் வெளியான நாளிலிருந்து 7 நாள்களுக்கு 6 காட்சிகள் திரையிட அனுமதிக்கப்படும். ஒரு வெள்ளிக்கிழமை வெளியாகும் திரைப்படத்தை இயல்பாக 7 நாள்களுக்கும், அடுத்த வெள்ளிக்கிழமை விடுமுறை என்றால் 10 நாள்களுக்கும் 6 காட்சிகள் வீதம் திரையிட முடியும். ஒவ்வொரு வாரமும் ஒரு திரைப்படம் வெளியாகி வருவதால், அனைத்து நாள்களுமே திரையரங்குகளில் 6 காட்சிகள் திரையிடப்படும். திரைத்துறையினரின் கோணத்திலிருந்து பார்த்தால், அனைத்து நாள்களும் 6 காட்சிகள் என்பது அவர்களுக்கான வருமானம்; பொதுமக்களின் கோணத்திலிருந்து பார்த்தால் அனைத்து நாள்களும் 6 காட்சிகள் வருமானம் மற்றும் பொருளாதார இழப்பு. இந்த விவகாரத்தை தமிழக அரசு பொதுமக்களின் பார்வையிலிருந்து தான் பார்த்திருக்க வேண்டுமே தவிர, திரைத்துறையினரின் பார்வையிலிருந்து மட்டும் பார்த்திருக்கக் கூடாது.

ஏற்றுக்கொள்ள முடியாதது

பொழுதுபோக்கு என்பது போகாத பொழுதை கடத்துவதற்கானதாக இருக்க வேண்டும்; மாறாக உழைக்கும் மக்களின் பொழுதை திருடுவதாக இருக்கக் கூடாது. ஒரு நாளில் 20.30 மணி நேரம் திரையரங்குகள் இயங்கினால், அதை நோக்கி மக்கள் ஈர்க்கப்படுவார்கள். அதனால், அவர்கள் உழைக்கும் நேரம் குறைந்து, மாநிலத்தின் உற்பத்தி கடுமையாக பாதிக்கப்படும். அதனால், தமிழ்நாட்டின் பொருளாதாரம் வீழ்ச்சியடையக் கூடும். இதே காரணத்திற்காகத் தான் தமிழ்நாட்டில் மதுக்கடைகள் திறந்திருக்கும் நேரத்தை குறைக்க வேண்டும் என்று பாட்டாளி மக்கள் கட்சி போராடியது. அதன் பயனாக மதுக்கடைகளின் வணிக நேரம் 16 மணி நேரத்திலிருந்து 10 மணி நேரமாக குறைக்கப்பட்டது. அதற்கு முற்றிலும் மாறான வகையில் திரையரங்குகளின் காட்சி நேரத்தை 20 மணி நேரத்திற்கும் மேலாக அதிகரிப்பது எந்த வகையிலும் ஏற்றுக்கொள்ள முடியாதது.

அதுமட்டுமின்றி, 20 மணி நேரத்திற்கும் மேலாக திரையரங்குகள் இயங்கினால் குடும்பத்தினர் ஒன்றாக செலவிடும் நேரம் வெகுவாக குறையும். இதனால் குடும்பத்தில் நிம்மதியின்மை, தேவையற்ற சண்டைகள் என்பன போன்ற உளவியல் சார்ந்த சிக்கல்களும் ஏற்படும். இது முதலில் குடும்பத்தையும், பின்னர் சமூகத்தையும் பாதிக்கும். காலை 6.00 மணிக்கு திரைப்படம் பார்க்க வேண்டும் என்றால், அதிகாலை 4.00 மணிக்கு வீட்டில் இருந்து புறப்பட வேண்டும்; அதேபோல், அதிகாலை 2.30 மணிக்கு முடியும் திரைப்படத்தைப் பார்ப்பவர்கள் வீடு திரும்ப குறைந்தது 4.30 மணியாகி விடும். அந்த நேரத்தில், பொதுவெளியில் நடமாடும் பெண்கள், குழந்தைகள் மீது பாலியல் தாக்குதல்கள், நகைப்பறிப்பு போன்றவை நடத்தப்படலாம். இதனால் சட்டம் & ஒழுங்கு பாதிக்கப்படும்.

திரைத்துறை என்பது சமூகத்தின் பிரிக்க முடியாத அங்கம். மனிதகுலத்தின் மன அழுத்தங்களைப் போக்கும் முதன்மையான மருந்தும் அது தான். ஆனால், அளவுக்கு மீறினால் அமிர்தமும் நஞ்சு என்பதைப் போன்று ஒரு நாளின் 86% நேரத்திற்கு திரையரங்குகளை இயக்குவது எதிர்மறையான விளைவுகளையே ஏற்படுத்தும்.

இன்றையத் தேவை

திரைத்துறை என்பது நட்சத்திரங்கள், கலைஞர்கள், தயாரிப்பாளர்கள் ஆகியோரை மட்டுமே சார்ந்தது அல்ல. திரைத்துறையை நம்பி நேரடியாகவும், மறைமுகமாகவும் லட்சக்கணக்கான தொழிலாளர்கள் வாழ்வாதாரம் பெறுகின்றனர். அவர்களின் நலனுக்காகவாவது திரைத்துறை செழிக்க வேண்டும் என்பது தான் பாட்டாளி மக்கள் கட்சியின் நோக்கம் ஆகும். தமிழ்த் திரையுலகில் சுமார் 2500 திரைப்படங்கள் தயாரிக்கப்பட்டு, வெளியிடப்படாமல் முடங்கிக் கிடக்கின்றன. திரைப்படத் தயாரிப்பு செலவுகள் பல மடங்கு அதிகரித்து விட்டன. சிறு மற்றும் நடுத்தரத் தயாரிப்பாளர்களால் திரைப்படம் தயாரிக்க முடியவில்லை என உடனடியாக தீர்க்கப்பட வேண்டிய சிக்கல்கள் ஏராளமான உள்ளன. அவற்றுக்கு தீர்வு காண தமிழக அரசு நடவடிக்கை எடுத்தால், ஒட்டுமொத்த திரையுலமும் ஆட்சியாளர்களை வாழ்த்தும். அது தான் தமிழகத்தின் இன்றையத் தேவை.

எனவே, உழைப்பையும், உற்பத்தித் திறனையும் கெடுக்கும் ஒரு நாளைக்கு 6 காட்சிகள் நடத்த அனுமதி வழங்கும் அரசாணையை தமிழக அரசு உடனடியாக திரும்பப் பெற வேண்டும். தமிழ்த் திரையுலகம் சந்தித்து வரும் சிக்கல்கள் என்னென்ன? என்பதைக் கண்டறிந்து அவற்றை தீர்க்க அரசு நடவடிக்கை எடுக்க வேண்டும்.

இந்த நிலையில், தி.மு.க. தலைவரும், முன்னாள் முதலமைச்சருமான மு.க.ஸ்டாலின், கமல்ஹாசனுக்கு பிறந்தநாள் வாழ்த்து தெரிவித்துள்ளார். இதுதொடர்பாக மு.க.ஸ்டாலின் எக்ஸ் தள பக்கத்தில் வெளியிட்டுள்ள பதிவில்,

சமூகத்திற்குச் சிறந்த பங்களிப்பு

திரையுலகில் கலைமொழியைச் செழுமைப்படுத்தியும், அரசியலில் தமிழ்மொழியின் மாண்பு, மாநில உரிமைகள் உள்ளிட்டவற்றுக்காகத் தமது கருத்தாற்றலை வெளிப்படுத்தியும் வரும் அன்புச் சகோதரர், மாநிலங்களவை உறுப்பினர், மக்கள் நீதி மய்யத்தின் தலைவர் கலைஞானி கமல்ஹாசன் அவர்களுக்கு இனிய பிறந்தநாள் வாழ்த்துகள்!

கலையை நேசிப்பதிலும், கருத்துகளைப் பரிமாறுவதிலும் என்றும் இளமை குன்றாத தாங்கள், கலைப்பயணத்தில் மேலும் பல சாதனைகளைப் படைக்கவும், அறிவார்ந்த சிந்தனைகளாலும் அரசியல் செயல்பாடுகளாலும் சமூகத்திற்குச் சிறந்த பங்களிப்புகளை வழங்கவும் வாழ்த்துகிறேன்! என்று கூறியுள்ளார்.

இதேபோல், கவிஞரும், பாடலாசிரியருமான வைரமுத்துவும் கமல்ஹாசனுக்கு வாழ்த்து தெரிவித்துள்ளார். இதுதொடர்பாக வைரமுத்து எக்ஸ் தள பக்கத்தில் வெளியிட்டுள்ள பதிவில்,

நவம்பர் ஏழு

நாயகன் பிறந்தநாள்

தமிழ்நாட்டின்

பெருமிதங்களுள் ஒன்று

பத்மபூஷண் கமல்ஹாசன்

எந்தப் பூவை

நினைந்து நுகர்ந்தாலும்

அந்தப் பூவின்

வாசம் வீசுமாம்

மனோரஞ்சிதம்

நடிகர் - இயக்குநர்

கதாசிரியர் - வசனகர்த்தா

பாடகர் - பாடலாசிரியர்

தயாரிப்பாளர் - தலைவர்

என்ற

பரிமாணங்களின் பரிணாமம்

கமல்ஹாசன்

உடலென்ற ஒருபொருளை

இரும்பாய் - ரப்பராய்

கல்லாய் - களிமண்ணாய்

மடைமாற்றும் மாகலைஞன்

தாதா சாகேப் விருதுக்குப்

பெருந்தகுதி பெற்றார்

உன்னிலும் எவருண்டு?

அரசியல் ஊடாடாவிடில்

அடுத்தாண்டு உனக்குத்தான்

தர்மம் வெற்றிபெறட்டும்;

தர்மனும் வெற்றிபெறட்டும்

வாழ்க நண்பரே! என்று கூறியுள்ளார்.

சான்றுக்கு சில நூல்களைக் குறிப்பிட்டு நூல்களைக் கொள்முதல் செய்ததில் எத்தகைய முறைகேடுகள் நடந்துள்ளன என்பதை ஆதாரங்களுடன் அம்பலப்படுத்தியுள்ளார். இது மிகுந்த பேரதிர்ச்சியை ஏற்படுத்தியது, இந்த நிலையில் இந்த நூல்களை கூடுதலான விலைக்கு கொள்முதல் செய்த்தால் பெரிய அளவில் ஊழல் நடந்திருக்கிறது. எனவே விசாரணை ஆணயம் அமைத்து உண்மை கணடறிய வேண்டு என விசிக தலைவர் திருமாவளவன் வலியுறுத்தியுள்ளார்.

இது குறித்து அவர் தனது சமூகவலைதள பதிவில் குறிப்பிட்டுள்ளதாவது

அரசு உரிய நடவடிக்கை எடுக்க வேண்டும்

போலி நிறுவனங்களின் பெயரால் தரமில்லாத நூல்களைக் கூடுதலான விலைக்கு கொள்முதல் செய்ததால் பெரிய அளவில் ஊழல் நடந்திருக்கிறது என ஊகிக்கும் அதே வேளையில்; வரலாற்றுப் பிழைகள் மலிந்த மிகவும் கீழான நூல்களை நூலகங்களில் வைத்திருப்பது புதிய -இளைய தலைமுறையினரைப் பாழாக்கும் மிகமோசமான மன்னிக்கமுடியாத பெருங்குற்றம் ஆகும். இது தீராத ஆத்திரத்தையும் பெருங்கவலையையும் அளிக்கிறது.

இதன்பின்னணியில் உள்ள உண்மையைக் கண்டறிந்து தொடர்புடையோர் யாவரையும் சட்டத்தின் முன் நிறுத்தி கடும் தண்டனை அளித்திட அரசு உரிய நடவடிக்கைகளை விரைந்து மேற்கொள்ள வேண்டும் என தமிழ்நாடு அரசை வலியுறுத்திக் கேட்டுக்கொள்கிறோம்.

பெரியார் அறிவுலகம் உள்ளிட்ட அரசுக்கான பொதுநூலகங்களில் இடம்பெற்றுள்ள நூல்களின் உள்ளீட்டுக்கான தரம் எத்தகையது என்பதைக் கண்டறியவும்; போலி நிறுவனங்களின் மூலம் நடந்துள்ள ஊழல் முறைகேடுகளைக் கண்டறிந்து தொடர்புடையோரைத் தண்டிக்கவும் ஏதுவாக தமிழ்நாடு அரசு உடனடியாக 'விசாரணை ஆணையம்' ஒன்றை அமைத்திட வேண்டுமென விடுதலைச் சிறுத்தைகள் கட்சியின் சார்பில் கேட்டுக் கொள்கிறோம்.

என்று தெரிவித்துள்ளது.

2025-ஆம் ஆண்டு ஏப்ரல் மாதம், அப்போதைய முதலமைச்சர் மு.க. ஸ்டாலின், மத்திய-மாநில உறவுகள் தொடர்பான அரசியலமைப்பு விதிகள், சட்டங்கள் மற்றும் கொள்கைகளை மறுஆய்வு செய்வதற்கும், கூட்டாட்சி மற்றும் மாநில சுயாட்சியை வலுப்படுத்துவதற்கான நடவடிக்கைகளைப் பரிந்துரைப்பதற்கும் மூன்று பேர் கொண்ட உயர்மட்டக் குழு ஒன்று அமைக்கப்படும் என்று சட்டமன்றத்தில் அறிவித்திருந்தார்.

ஓய்வுபெற்ற உச்ச நீதிமன்ற நீதிபதி குரியன் ஜோசப் தலைமையில் நடைபெற்ற இக்குழுவில், ஓய்வுபெற்ற ஐஏஎஸ் அதிகாரி கே. அசோக் வர்தன் ஷெட்டி மற்றும் முன்னாள் மாநில திட்டக் கமிஷன் துணைத் தலைவர் எம். நாகநாதன் ஆகியோர் உறுப்பினர்களாகப் பணியாற்றினர். இக்குழு, பெரிதும் பாராட்டப்பட்ட தனது அறிக்கையின் முதல் பகுதியை, அப்போதைய முதலமைச்சர் மு.க. ஸ்டாலினிடம் பிப்ரவரி 16 அன்று சமர்ப்பித்தது.

தமிழ்நாடு மாநில சட்ட ஆணையம் இன்று மறுசீரமைக்கப்பட்டுள்ளது. அதன்படி மாநிலங்களுக்கு இடையேயான மற்றும் மத்திய-மாநில உறவுகள் தொடர்பான நடவடிக்கைகள் மற்றும் பிற விஷயங்கள் குறித்து ஆய்வு செய்து பரிந்துரைகளை வழங்குதல், தற்போதுள்ள சட்டங்களை மறுஆய்வு செய்தல் மற்றும் மாநிலத்தின் சட்ட மற்றும் நிறுவனக் கட்டமைப்பை மேம்படுத்துதல் உள்ளிட்ட விரிவான அதிகாரங்கள் இந்த ஆணையத்திடம் ஒப்படைக்கப்பட்டுள்ளன, என்று அந்த அரசாணை சுட்டிக்காட்டியது.

இந்த அரசாணை மத்திய் மாநில உறவுகள தொடர்பானபல்வேறு பிரச்சினைகளை ஆராயும் 'மத்திய-மாநில உறவுகள் மீதான உயர்நிலைக் குழு' என்பது ஒரு சட்டப்பூர்வமற்ற அமைப்பு ஆகும்.

கவனமாகப் பரிசீலித்த பின்னரே உயர்நிலைக் குழுவின் சேவைகளை உடனடியாக நிறுத்துவதற்கு அரசாங்கம் முடிவு செய்துள்ளதாக அரசாணையில் குறிப்பிட்டுள்ளது குறிப்பிடத்தகக்து.

அமெரிக்காவின் லாஸ் ஏஞ்சல்ஸ் நகர மேயர் தேர்தலில் ஜனநாயக கட்சி சார்பில் இந்திய வம்சாவளியைச் சேர்ந்த நித்யா ராமன் (45) வெற்றி பெற்றார். இவர் கேரளாவை பூர்வீகமாக கொண்டவர்.

லாஸ் ஏஞ்சல்ஸ் நகரின் முதல் இந்திய வம்சாவளி மேயர் என்ற பெருமையை அவர் பெற்றுள்ளார்.

ஹார்வர்டு பல்கலைக்கழகத்தில் இளங்கலை பட்டமும், எம்.ஐ.டி.யில் நகர்ப்புற திட்டமிடல் துறையில் முதுகலை பட்டமும் பெற்றவர் நித்யா ராமன்.

சென்னை

2010 முதல் 2013 வரை சென்னையில் 'சென்டர் பார் டெவலப்மென்ட் பைனான்ஸ்' எனும் அமைப்பு மேற்கொண்ட 'டிரான்ஸ்பரன்ட் சென்னை' என்ற தலைப்பிலான களப்பணியை தலைமை தாங்கி நடத்தி உள்ளார்.

இந்த அமைப்பு சென்னையில் குடிசை பகுதிகளில் பொது சுகாதாரம் மற்றும் கழிப்பறை வசதி எப்படி உள்ளது? என ஆய்வு நடத்தியது.

நித்யா ராமனும், அவரது குழுவினரும் ஜி.பி.எஸ். கருவிகள் மற்றும் குறிப்பேடுகளுடன் சென்னையின் களப்பணிகளை மேற்கொண்டனர்.

இதற்காக சென்னையின் குடிசைப்பகுதிகளுக்கு சென்ற நித்யா ராமன், அங்குள்ள பொது கழிப்பறைகளை நேரில் பார்வையிட்டார்.

மேலும், சென்னையில் குப்பைகளை சேகரிக்கும் தூய்மை பணியாளர்களின் தரவுகளை திரட்டி, அவர்களுக்கு உரிய அங்கீகாரம் கிடைக்க தமிழக அரசிடம் தொடர்ந்து வலியுறுத்தினார்.

கூவம்

சென்னையின் நீர்வழிகள், குறிப்பாக கூவம் ஆற்றங்கரையோரம் இருந்த குடிசை பகுதிகளை அரசு தீவிரமாக அகற்ற தொடங்கியபோது, நித்யா ராமன் ஏழை மக்களுக்கு ஆதரவாக நின்றார்.

இவர்களை வெகுதொலைவில் உள்ள குடியிருப்புகளுக்கு இடமாற்றம் செய்வதற்கு எதிராக குரல் கொடுத்தார்.

அடிப்படை வசதிகள் எதையும் வழங்காமல், இத்தகைய வெளியேற்றங்கள் மக்களின் வாழ்வாதாரத்தையே பறித்துவிட் டன என அரசுக்கு சுட்டிக்காட்டினார்.

மேலும் சென்னை நங்கநல்லூரில் 'எக்ஸ்னோரா' மற்றும் 'தில்லை கங்கா நகர் குடியிருப்போர் நலச் சங்கம்' போன்ற அமைப்புகளுடன் இணைந்து மக்கள் பணியாற்றினார்.

சென்னையில் நித்யா ராமனுடன் இணைந்து மக்கள் பணிகளை மேற்கொண்டவர்கள், நித்யா ராமன் லாஸ் ஏஞ்சல்ஸ் நகரின் மேயராக வெற்றி பெற்றதை தொடர்ந்து தங்கள் மகிழ்ச்சியை வெளிப்படுத்தியுள்ளனர்.

தமிழ் சினிமாவின் முன்னணி நடிகராக இருந்த விஜய் தவெக கட்சியை தொடங்கி கடந்த சட்டமன்ற தேர்தலில் போட்டியிட்டு வெற்றி பெற்று, தமிழகத்தின் முதலமைச்சராக உருவெடுத்துள்ளார்.

கடைசி படம்

இதனால் எச்.வினோத் இயக்கத்தில் கடைசியாக அவர் ஜனநாயகன் படத்துடன் அவரின் திரை வாழ்க்கை முடிவுக்கு வந்தது.

தேர்தலில் போட்டியிடுவதற்கு முன்பாகவே, 'ஜனநாயகன்' திரைப்படம் தான் தனது கடைசி படம், என்று அறிவித்தார். இது அவரது ரசிகர்களுக்கு சோகமான தகவலாகவே அமைந்தது.

மீண்டும் நடிப்பு

அவர் மீண்டும் நடிக்க மாட்டாரா? என்று எதிர்பார்த்திருந்த ரசிகர்களுக்கு ஆறுதலாக தகவலொன்று வெளியாகி உள்ளது.

தமிழக அரசு சார்ந்த ஒரு விளம்பரத்தில் விஜய் நடிக்க போவதாகவும், இந்த விளம்பரத்தை கவுதம் மேனன் இயக்க போவதாகவும் தகவல்கள் தெரிவிக்கின்றன.

இந்த அரசு விளம்பரத்தின் படப்பிடிப்பு இம்மாத இறுதியிலோ அல்லது அடுத்த மாத தொடக்கத்திலோ நடக்கும் என்று எதிர்பார்க்கப்படுகிறது. இது விஜய் ரசிகர்களுக்கு இனிப்பான செய்தியாக அமைந்துள்ளது.

இது குறித்து வானிலை ஆய்வு மையம் வெளியிட்டுள்ள செய்தி குறிப்பில், "சுமார் 0.9 கி மீ உயரத்தில் தென்கிழக்கு அரபிக்கடல் மற்றும் அதனை ஒட்டிய கேரளா பகுதிகளில் இருந்து தெற்கு உள் கர்நாடகா வரை ஒரு காற்றழுத்த தாழ்வு பாதை நிலவுகிறது.

கனமழை எச்சரிக்கை:

இதன் காரணமாக இன்று (நவ. 07) மதுரை, தேனி மற்றும் திண்டுக்கல் மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய கன மழை பெய்யக்கூடும்.

இதேபோல் செங்கல்பட்டு, விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர், விருதுநகர், தென்காசி, தூத்துக்குடி, ராமநாதபுரம், சிவகங்கை, புதுக்கோட்டை, திருநெல்வேலி, கன்னியாகுமரி, கோவை, நீலகிரி மாவட்டங்களில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய மிதமான மழை பெய்யக்கூடும்.

ஏனைய தமிழகத்தில் ஒருசில இடங்களில் இடி மின்னலுடன் கூடிய லேசான மழை பெய்யக்கூடும். சென்னை மற்றும் புறநகர் பகுதிகளில் இன்று (நவ. 07) வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான மழை பெய்ய வாய்ப்புள்ளது. அதிகபட்ச வெப்பநிலை 30-31° செல்சியஸை ஒட்டியும், குறைந்தபட்ச வெப்பநிலை 24-25° செல்சியஸை ஒட்டியும் இருக்கக்கூடும்," என தெரிவிக்கப்பட்டுள்ளது.

தமிழகத்தின் குலசேகரப்பட்டினத்தில் உள்ள விண்வெளி ஏவுதளத்தில் இருந்து அடுத்த ஆண்டு முதல் ராக்கெட்டுகளை ஏவுவதற்கான இஸ்ரோவின் தயாரிப்புகள் குறித்த பின்னணியில், நாராயணன் முதல்வர் விஜயுடன் சுமார் அரை மணி நேரம் ஆலோசனை நடத்தினார் என்று அதிகாரப்பூர்வ வட்டாரங்கள் தெரிவித்தன.

மாதிரி வடிவம்:

குலசேகரப்பட்டினம், தெற்கு தமிழகத்தின் தூத்துக்குடி மாவட்டத்தில் திருச்செந்தூருக்கு அருகில் அமைந்துள்ளது.

இந்த சந்திப்பின்போது, ​​செயற்கைக்கோள் ஏவு வாகனத்தின் மாதிரி வடிவம் ஒன்றை நாராயணன், முதல்வர் விஜயிடம் வழங்கினார்.

குலசேகரப்பட்டினம் விண்வெளி ஏவுதளத்தில் இருந்து அடுத்த ஆண்டு ராக்கெட் ஏவுதல்கள் தொடங்கும் என்று நாராயணன் தெரிவித்தார்.

நிகழ்ச்சி ஒன்றில் கலந்துகொண்டபோது பேசிய இஸ்ரோ தலைவர், தமிழகத்தில் அமைக்கப்பட்டு வரும் இந்த ஏவுதளத்தின் கட்டுமான பணிகள் சிறப்பாக நடைபெற்று வருவதாக குறிப்பிட்டார்.

அறிவுப் புரட்சி மலர வேண்டிய கோவையின் மண்ணில், பெரியார் அறிவுலகம் என்ற புனிதப் பெயரின் பின்னால் அரங்கேற்றப்பட்டிருப்பது தமிழக வரலாறே கண்டிராத ஒரு மாபெரும் அறிவுத் திருட்டு! யார் தொடங்கிய திட்டமாக இருந்தாலும், அது மக்கள் நலன் சார்ந்தது என்றால் மாற்றாந்தாய் மனப்பான்மையின்றித் தொடர வேண்டும் என்கிற உன்னத நோக்கோடுதான், கடந்த அக்டோபரில் அந்த நூலகத்தின் வாயில்களை மக்கள் பயன்பாட்டிற்குத் திறந்து வைத்தார் நமது முதலமைச்சர்.

முன்னாள் முதலமைச்சர் ஸ்டாலின் கோவையில் சில நாட்களுக்கு முன் தனக்குத்தானே பாராட்டு விழா நடத்தி, போலிப் பெருமைகளைச் சுயபுராணமாகப் பாடிச் சென்றார்.

அரண்மனை நாடகங்கள் எத்தனை காலம் நிலைக்கும்?

ஆனால், அரண்மனை நாடகங்கள் எத்தனை காலம் நிலைக்கும்? இதோ, நம் கொங்கு மண்ணின் மைந்தரும், திருச்செங்கோட்டின் பெருமைமிகு எழுத்தாளருமான பெருமாள் முருகனின் கூர்மையான பேனா முனை, அந்த மாயத்திரையைக் கிழித்து அதிர்ச்சி தரும் உண்மைகளை வெளிச்சத்திற்குக் கொண்டு வந்திருக்கிறது!

அகல் விளக்குப் பதிப்பகம், உதயசூரியன் பதிப்பகம், பீனிக்ஸ் பதிப்பகம் என்ற முகமூடிகளை மாட்டிக்கொண்டு, மனித மூளை சிந்திக்காத... முழுக்க முழுக்கச் செயற்கை நுண்ணறிவால் அச்சுக்கூடத்தில் அவசரமாக உற்பத்தி செய்யப்பட்ட விஷக் குப்பைகளை நூல்களாக மாற்றி, இந்த நூலகத்தின் அலமாரிகளில் திமுக அரசு திணித்திருக்கிறது என்கிற உண்மை தமிழகத்தையே அதிர வைத்துள்ளது.

இந்த ஒட்டுமொத்தப் பாவச் செயலுக்கும் விதை போட்டது யார்?

பாரதியாரின் நெஞ்சுரமிக்க வரலாற்றையே தலைகீழாகப் புரட்டிப் போட்டும், காலத்தால் அழியாத அறநெறி நூலான நாலடியாருக்கே பொய்யான புனைவுகளைக் கட்டவிழ்த்து விட்டும், எதிர்காலத் தலைமுறையினரின் சிந்தனையில் அறியாமையின் நஞ்சை விதைக்கத் துணிந்திருக்கிறது இந்தத் திருட்டுக் கூட்டம்.

கல்வி, சிந்தனை, பகுத்தறிவு என்று மேடைதோறும் முழங்கிய தீய சக்தி திமுகவின் ஆட்சியில், இந்த ஒட்டுமொத்தப் பாவச் செயலுக்கும் விதை போட்டது யார்? முன்னாள் பள்ளிக் கல்வித்துறை அமைச்சர், '400 கோடி வசூல் புகழ் மகேஷ்' தலைமையில் அமைக்கப்பட்ட மாநில நூலகக் குழுவின் மூலமாக நூலகத் துறையிலும் Party Fund ஆ எனத் தமிழக மக்கள் அதிர்ச்சியில் உறைந்து போய் இருக்கிறார்கள்.

தந்தை பெரியார் பெயரில் புரட்டு வியாபாரம்

ஒருபுறம் ‘கல்வியில் சிறந்த தமிழ்நாடு’ என்று பசப்பு வார்த்தைகளால் போலி முழக்கமிட்டுவிட்டு, மறுபுறம் தந்தை பெரியாரின் பெயரையே களங்கப்படுத்தும் வகையில் போலி எழுத்தாளர்கள், போலிப் பதிப்பகங்கள் வழியே கொள்ளையடித்த திமுகவின் வஞ்சக முகம் இன்று நாறிப்போய்க் கிடக்கிறது. அடுத்த தலைமுறைப் பிள்ளைகளின் அறிவுக் கண்களைக் குருடாக்கத் துணிந்த இந்தத் துரோகத்தை மக்கள் அரசு ஒருபோதும் மன்னிக்காது. தந்தை பெரியார் பெயரில் புரட்டு வியாபாரம் நடத்திய அத்தனை சூத்திரதாரிகளையும் நமது முதலமைச்சரின் அரசு சட்டத்தின் கரங்களால் மிகக் கடுமையாகத் தண்டிக்கும்.

இவ்வாறு அமைச்சர் அருண் ராஜ் தெரிவித்துள்ளார்.

அறப்போர் இயக்கத்தின் ஜெயராம் வெங்கடேசன் மற்றும் எஸ். தமிழ்செல்வன் ஆகியோர் அளித்த புகார்களின் அடிப்படையிலும், அமலாக்கத்துறை நடத்திய சோதனை அடிப்படையிலும் இந்த வழக்கு பதிவு செய்யப்பட்டுள்ளது.

குற்றச்சாட்டு

திறந்தவெளி ஒப்பந்த முறைக்கு பதிலாக வரையறுக்கப்பட்ட ஒப்பந்த முறையில் விதிகளை மீறி ஒப்பந்தங்களை வழங்கியது, அனுமதிக்கப்பட்ட அளவைத் தாண்டி சட்டவிரோதமாக மணல் அள்ளியது, மற்றும் போலி அனுமதிச் சீட்டுகள் தயாரித்து கடத்தலுக்கு உடந்தையாக இருந்தது போன்ற குற்றச்சாட்டுகள் முன்வைக்கப்பட்டுள்ள.

மொத்தம் 28 மணல் குவாரிகள் தொடர்பாக புகார் அளிக்கப்பட்டுள்ள நிலையில், வெறும் நான்கு குவாரிகளிலிருந்து மட்டும் மாநில அரசுக்கு ரூ. 1,427.34 கோடி இழப்பு ஏற்பட்டுள்ளதாக குற்றம் சாட்டப்பட்டுள்ளது.

இந்த வழக்கில் துரைமுருகன் தவிர, நீர்வளத்துறையின் ஓய்வுபெற்ற முதன்மை தலைமைப் பொறியாளர்கள் ஏ. முத்தையா, இராமமூர்த்தி, தற்போதைய அரசு ஊழியர்கள் 14 பேர் மற்றும் மணல் குவாரி ஒப்பந்ததாரர்கள், தனியார் நிறுவனங்கள் என மொத்தம் 27 பேர் சேர்க்கப்பட்டுள்ளனர்.

பறிமுதல்

வழக்குப் பதிவைத் தொடர்ந்து இன்று சென்னை, வேலூர், திருச்சி, திண்டுக்கல், புதுக்கோட்டை, சிவகங்கை, புதுச்சேரி உள்ளிட்ட 34 இடங்களில் லஞ்ச ஒழிப்பு போலீஸார் அதிரடிச் சோதனை நடத்தினர்.

இச்சோதனையில் வழக்குக்கு தொடர்புடைய 825 முக்கிய ஆவணங்கள், 11 மின்னணு ஆவணங்கள் மற்றும் 3 வங்கி லாக்கர் சாவிகள் பறிமுதல் செய்யப்பட்டுள்ளதாக லஞ்ச ஒழிப்புத்துறை தெரிவித்துள்ளது.

இந்நிலையில் அவருக்கு தமிழ்நாட்டின் முதலமைச்சரும், தவெக தலைவரும், சக திரையுலக சகோதரருமான விஜய் பிறந்தநாள் வாழ்த்து தெரிவித்துள்ளார்.

அந்த வாழ்த்துச் செய்தியில் அவர் கூறியுள்ளதாவது;

அன்பிற்கினிய கமல்ஹாசன் அவர்களுக்கு, தங்களின் 07.11.2026-ஆம் தேதிய பிறந்தநாளையொட்டி, என்னுடைய இதயம் கனிந்த நல்வாழ்த்துகளைத் தெரிவித்துக் கொள்கிறேன்.

தாங்கள் நல்ல உடல்நலத்துடனும், மனநிறைவுடனும், மகிழ்ச்சியுடன் வாழ்ந்திடவும், தாங்கள் கலைத்துறை மற்றும் பொது வாழ்வில் மேலும் பல சிறப்புகளைப் பெற்று, மக்களுக்கான தங்கள் அர்ப்பணிப்பான பணிகளைத் தொடர்ந்து சிறப்புடன் ஆற்றிட என் அன்பான வாழ்த்துகளைத் தெரிவித்துக் கொள்கிறேன். இனிய பிறந்தநாள் நல்வாழ்த்துகள்”.

என தெரிவித்துள்ளார்.

சண்டியர்

சித்தா பட இயக்குநர் எல்.யு.அருண் இயக்கத்தில், கமல்ஹாசன் நடிக்கும் புதிய படத்திற்கு ‘சண்டியர்’ என தலைப்பு வைக்கப்பட்டுள்ளது. இந்த தலைப்பு அறிவிப்பு இன்று வெளியான நிலையில், படப்பிடிப்பு நாளை பூஜையுடன் தொடங்கவுள்ளதாக தகவல் வெளியாகி உள்ளது.

முதற்கட்டமாக மதுரையில் படப்பிடிப்பு நடக்கவுள்ளதாக கூறப்படுகிறது.

மத்திய பிரதேசத்தை சேர்ந்த வைஷ்ணவி சர்மா, முதல் மூன்று ஓவர்களில் 16 ரன்கள் விட்டுக்கொடுத்து 2 விக்கெட்டுகள் வீழ்த்தினார்.

4 பந்துகளில் 4 விக்கெட்

தனது கடைசி ஓவரான 4-வது ஓவரை 19-வராக வீசினார். முதல் இரண்டு பந்துகளில் 6 ரன்கள் விட்டுக்கொடுத்தார். அதன்பின் அடுத்த நான்கு பந்துகளிலும் விக்கெட்டுகள் வீழ்த்தி அசத்தினார்.

இதன்மூலம் தொடர்ந்து 4 பந்துகளில் 4 விக்கெட்டுகள் வீழ்த்திய 2-வது வீராங்கனை என்ற பெருமையை பெற்றுள்ளார். இதற்கு முன்னதாக 2022-ம் ஆண்டு ஹுமைரா காஜி சவுராஷ்டிராவுக்கு எதிராக தொடந்து 4 பந்துகளில் 4 விக்கெட்டுகள் வீழ்த்தியிருந்தார்.

எளிதாக சேஸிங்

வைஷ்ணவி சர்மா 22 ரன்கள் விட்டுக்கொடுத்து 6 விக்கெட்டுகள் வீழ்த்த ஆந்திரா 20 ஓவரில் 8 விக்கெட் இழப்பிற்கு 129 ரன்கள் எடுத்தது. பின்னர் மத்திய பிரதேசம் எளிதாக இலக்கை எட்டி வெற்றி பெற்றது.

சமீப காலமாக சிறப்பான பந்து வீச்சு

சமீபத்தில் இந்திய அணிக்காக ஒருநாள் தொடரில் 2 போட்டிகளில் 9 விக்கெட்டுகள் வீழ்த்தினார். 3-வது போட்டியில் 39 ரன்கள் விட்டுக்கொடுத்து 5 விக்கெட்டுகள் வீழ்த்தினார்.

இந்தியா `ஏ' அணிக்காக 3 ஒருநாள் போட்டியில் 8 விக்கெட்டுகள் வீழ்த்தினார். அதிகாரப்பூர்வமற்ற ஒரு டெஸ்டில் முதல் இன்னிங்சில் 52 ரன்கள் விட்டுக்கொடுத்து 6 விக்கெட்டும், 2-வது இன்னிங்சில் 58 ரன்கள் விட்டுக்கொடுத்து 3 விக்கெட்டும் வீழ்த்தினார்.

இதுதொடர்பாக அவர் வெளியிட்டுள்ள அறிக்கையில் கூறப்பட்டுள்ளதாவது;

எதற்கெடுத்தாலும் தி.மு.க.

கோவை பெரியார் அறிவுலகத்தில் இடம்பெற்றுள்ள சில நூல்கள் தவறான தகவல்களையும் - பிழையான வரலாற்றையும் உள்ளடக்கியதாக இருப்பதையும், அப்புத்தகங்களின் வெளியீட்டாளர்கள் மற்றும் அதன் எழுத்தாளர்களின் பெயர் மற்றும் முகவரிகள் போலியாக இருப்பதையும் எழுத்தாளர் பெருமாள் முருகன் தான் எழுதிய கட்டுரை ஒன்றில் வெளிச்சம் போட்டுக் காட்டியிருந்தார்.

இதை தங்களது அரசியல் அருவெறுப்புக்கு பயன்படுத்தப் பார்க்கிறது த.வெ.க.

எதற்கெடுத்தாலும் தி.மு.க.வைக் குற்றம் சொல்லியே பழக்கப்பட்ட த.வெ.க. அரசைச் சேர்ந்த பள்ளிக்கல்வித் துறை அமைச்சரும் - தி.மு.க. மீது புழுதி வாரி இறைப்பதற்கென்றே செயல்படும் அக்கட்சியின் “Virtual Abusers” கூட்டமும், வழக்கம்போல் பழியைத் தூக்கி தி.மு.க. மீது போட்டுவிடலாம் என்று செயல்பட்டனர்.

இதில் அதிர்ச்சியான ஆச்சர்யம் என்ன என்றால், இதுவரை சட்டம்-ஒழுங்கு, விலைவாசி உயர்வு, மின்கட்டண உயர்வு உள்ளிட்ட எந்தப் பிரச்சினைக்கும் வாய்த்திறக்காத முதலமைச்சரும் அதிசயமாய் அறிக்கை வெளியிட்டுள்ளார்; மக்களைத் திசைத்திருப்ப இது பயன்படும் என்ற நப்பாசையால்!

அனைத்து அதிகாரங்கள் இருந்தும்...

முதலமைச்சர் என்ற பொறுப்பில் இருந்துகொண்டு, நொடிப்பொழுதில் அரசின் அத்தனை ஆவணங்களையும் ஆய்வு செய்யும் அதிகாரத்தையும் கொண்டுள்ள விஜய், பெரியார் அறிவுலகப் புத்தகங்கள் வாங்கியது தொடர்பான சர்ச்சை வெளியானதும் அது குறித்து முறையாக ஆய்வு செய்திருக்க வேண்டும். அதை அவர் பொறுப்புடன் செய்ததாகத் தெரியவில்லை.

நூலகங்களுக்கு வாங்கப்படும் நூல்கள் தரமானவையாக இருக்க வேண்டும் - அவற்றில் வெளிப்படைத்தன்மை பேணப்பட வேண்டும் என, “வெளிப்படையான நூல் கொள்முதல் கொள்கையை” முதலில் உருவாக்கியதே திராவிட முன்னேற்றக் கழக ஆட்சிதான் என்பதை மறைத்துவிட்டு த.வெ.க.வினர் பரப்புவது அவதூறு மட்டுமே.

தி.மு.க.வின் திட்டங்களைச் சிதைப்பதை மட்டுமே..

கோவையில் அமையவுள்ள மாபெரும் நூலகத்தில் தரமான நூல்கள் இடபெற வேண்டும் என மதிப்புமிக்க எழுத்தாளர்களையும் - கல்வியாளர்களையும் உள்ளடக்கிய நூல் பரிந்துரைக் குழுவினை கடந்த தி.மு.க. ஆட்சியில் அமைத்தோம். புத்தக முறைகேட்டை வெளிகொண்டுவந்த கட்டுரையை எழுதிய எழுத்தாளர் பெருமாள் முருகன், அந்த நூல் பரிந்துரைக் குழுவில் இடம்பெற்றிருந்தவர்தான்.

தமிழ்நாடு முழுவதும் ஆயிரக்கணக்கான நூலகங்களை உருவாக்கி, இந்திய ஒன்றியமே வியந்து பார்க்கும் வகையில் அண்ணா நூற்றாண்டு நூலகம், கலைஞர் நூற்றாண்டு நூலகம் உள்ளிட்ட நூலகங்களை அமைத்த தி.மு.க.வின் திட்டங்களில் இதற்குமுன் இப்படிப்பட்ட குறைகள் ஏதாவது எழுந்துள்ளனவா?

ஆனால், ஆட்சி மாற்றம் ஏற்பட்ட பிறகு, தி.மு.க.வின் திட்டங்களைச் சிதைப்பதை மட்டுமே நோக்கமாகக் கொண்டு செயல்படும் த.வெ.க. ஆட்சியில் இத்தகைய செய்தி வந்திருப்பதால், இதில் உள்நோக்கம் ஏதும் உள்ளதோ, சதிச் செயல்கள் ஏதும் உள்ளனவோ என்று கருத வேண்டியிருக்கிறது. குறிப்பிட்ட புத்தகங்கள், அதனை எழுதிய எழுத்தாளர்கள், அனுமதி பெற்ற பதிப்பகங்கள் ஆகியவற்றின் பின்னணி வெளிப்படையாக அறிவிக்கப்பட வேண்டும்.

எனவே, வழக்கம் போல் தி.மு.க. தி.மு.க. என்று சொல்லாமல், சுதந்திரமான அமைப்பைக் கொண்டு விசாரணை நடத்தப்பட வேண்டும். இந்த முறைகேட்டில் ஈடுபட்டவர்கள் மீது சட்ட ரீதியான நடவடிக்கை அவசியம் என்பதே தி.மு.கழகத்தின் நிலைப்பாடு!” எனக் குறிப்பிட்டுள்ளார்.

காவல் உதவி ஆய்வாளரே உயிரைக் காப்பாற்றிக்கொள்ளக் கடும் முயற்சியில் ஈடுபடும் நிலைக்குத் தள்ளப்பட்டிருப்பது, தமிழகத்தில் சட்டம்-ஒழுங்கு எந்த அளவிற்குச் சீரழிந்து போயிருப்பதாக தமிழக மாநில பாஜக தலைவர் நயினார் நாகேந்திரன் கண்டன் தெரிவித்துள்ளார்.

இது குறித்து நயினார் நாகேந்திரன் தனது சமூகவலைதள பதிவில் குறிப்பிட்டுள்ளதாவது

முதலமைச்சர் விஜய் தலைமையிலான தவெக அரசு நிர்வாகத்தில் முற்றிலும் தோல்வியடைந்து, குற்றவாளிகளுக்குச் சட்டம் மற்றும் காவல்துறை மீதான அச்சமே இல்லாத சூழலை உருவாக்கியுள்ளது. மேடை முழக்கங்களுக்கும் கள எதார்த்தத்திற்கும் உள்ள இடைவெளியை மக்கள் தற்போது கண்கூடாக உணர்கிறார்கள்.

அடிப்படை நிர்வாகத் திறனும் அரசியல் முதிர்ச்சியும் அற்ற ஒரு தலைமையால் பொது அமைதி எப்படி நிலைகுலையும் என்பதற்குத் தமிழகத்தில் அன்றாடம் அரங்கேறும் வன்முறைக் குற்றங்களே அப்பட்டமான சாட்சி

என்று தெரிவித்துள்ளார்.

மத்திய இடைநிலைக் கல்வி வாரியம் (CBSE) 10 மற்றும் 12-ஆம் வகுப்பு மாணவர்களுக்கான பொதுத்தேர்வு அட்டவணையானது வெளியிடப்பட்டுள்ளது. தேர்வுகள் அனைத்தும் வழக்கம்போல முற்பகல் 10:30 மணி முதல் மதியம் 1:30 மணி வரை ஒரே நாளில் நடைபெறுகிறது.நாடு முழுவதும் இந்த பொதுத்தேர்வுகள் 2027 பிப்ரவரி 16-ஆம் தேதி முதல் தொடங்குகின்றன.

பாடவாரியான விரிவான தேர்வு கால அட்டவணையை மாணவர்கள் சிபிஎஸ்இ-யின் அதிகாரப்பூர்வ இணையதளத்தில் பதிவிறக்கம் செய்துகொள்ளலாம் என்று தெரிவிக்கப்பட்டுள்ளது.

மேலும் பொதுத் தேர்வுகளுக்கு முன்னதாக நடைபெறவுள்ள செய்முறைத் தேர்வுகள் மற்றும் அகமதிப்பீட்டுப் பணிகள் =அனைத்தும் ஜனவரி மாதத் தொடக்கத்திலேயே அந்தந்தப் பள்ளிகளில் நடத்தி முடிக்க வேண்டும் என்றும் அறிவுறுத்தப்பட்டுள்ளது.

குளிர்காலம் மற்றும் பனிப்பொழிவு அதிகமாக இருக்கும் பகுதிகளில் உள்ள பள்ளிகளுக்கு மட்டும் வரும் நவம்பர் 9 முதல் டிசம்பர் 19, 2026 வரை செய்முறைத் தேர்வுகள் நடத்தப்பட உள்ளன.

அதன்படி, காலிப்பணியிட ஒதுக்கீடு தலைமை அலுவலகத்தின் காவல் கண்காணிப்பாளராக பணியாற்றி வரும் டி.என்.ஹரி கிரண் பிரசாத், ராமநாதபுரம் மாவட்ட கண்காணிப்பாளராக நியமனம் செய்யப்பட்டுள்ளார்.

ராமநாதபுரம் மாவட்ட கண்காணிப்பாளராக இருக்கும் ஜி.சந்தீஷ், பெருநகர சென்னை காவல்துறையின் தெற்கு போக்குவரத்து துணை ஆணையராக நியமனம் செய்யப்பட்டுள்ளார்.

சென்னை காவல்துறையின் தெற்கு போக்குவரத்து துணை ஆணையராக பணியாற்றி வரும் கே.முத்துகுமார், ஆவடி காவல் ஆணையரகத்தின் போக்குவரத்து துணை ஆணையராக நியமனம் செய்யப்பட்டுள்ளார்.

சென்னை ஆவடி காவல் ஆணையரகத்தின் போக்குவரத்துத் துணை ஆணையராக பணியாற்றி வரும் டி.ஈஸ்வரன், பள்ளிக்கரணை, தாம்பரம் காவல் ஆணையரகத்தின் துணை ஆணையராக, முன்பு காலியாக இருந்த பணிக்கு நியமிக்கப்பட்டுள்ளார்.

தி.மு.க. பொதுச்செயலாளர் துரைமுருகன் இல்லத்திருமண விழா கடந்த 1-ம் தேதி நடந்தது. இந்தத் திருமண விழாவில், மந்திரங்கள் சமஸ்கிருதத்தில் ஓதப்பட்டது தற்போது பல்வேறு விவாதங்களுக்கு வழிவகுத்துள்ளன.

இதற்கிடையே, தி.மு.க. பொதுச் செயலாளர் இல்லத்தில் சமஸ்கிருத வேத மந்திரம் முழங்க புரோகிதத் திருமணமா என திராவிடர் கழகத் தலைவர் கி.வீரமணி கண்டனம் தெரிவித்திருந்தார்.

இந்நிலையில், பேத்தியின் வற்புறுத்தலின் பேரில்தான் வைதீக முறைப்படி திருமணம் நடைபெற்றது என துரைமுருகன் விளக்கம் அளித்துள்ளார்.

இதுதொடர்பாக துரைமுருகன் வெளியிட்டுள்ள அறிக்கையில் கூறியுள்ளதாவது:

எனது பேத்தி திருமணம் குறித்து சில விளக்கங்களை கழகத் தோழர்களுக்கும், மற்றவர்களுக்கும் தெரிவித்துக் கொள்ள விரும்புவது யாதெனில்;

கலைஞரின் அடியொற்றி, நீண்ட அரசியல் பயணம் மேற்கொண்டு வரும் எனது திருமணம், கலைஞர் தலைமையில் நடைபெற்றது. அதைப்போலவே, நான் முன்னின்று நடத்திய என் மகன் திருமணம் கலைஞர் தலைமையில் நடைபெற்றது என்பதை நாடே அறியும்.

அயல்நாட்டில் கல்வி பயின்ற எனது பேத்தி, தான் வேற்று சாதியைச் சேர்ந்த ஒருவரை காதலித்து வருவதாவும், அவரையே திருமணம் செய்துகொள்ள விரும்புவதாகவும், வைதீக முறைப்படியே திருமணம் செய்துகொள்ளப் போவதாகவும் என்னிடம் தெரிவித்தார்.

அவரது விருப்பத்தின்படியே வைதீக முறையில் எனது பேத்தியின் திருமணம் நடைபெற்றது. எனது பேத்தியின் வற்புறுத்தலின் பேரில்தான், இவ்வைதீக முறை திருமணத்தை ஏற்றுக்கொள்ள வேண்டிய கட்டாயம் எனக்கு ஏற்பட்டுவிட்டது.

நடைபெற்ற இந்நிகழ்வுக்கு நான் வருத்தம் தெரிவித்துக் கொள்கிறேன். இதனை அரசியலாக்கவோ அல்லது விவாதப் பொருளாக்கவோ யாரும் முன்வர வேண்டாம் என்பதைக் கேட்டுக்கொள்கிறேன் என தெரிவித்துள்ளார்.

இதுகுறித்து அவர் வெளியிட்டுள்ள அறிக்கையில் கூறப்பட்டுள்ளதாவது:-

கோவையில் திமுக ஆட்சியில் அமைக்கப்பட்டு, கடந்த அக்டோபர் 16-ஆம் தேதி திறக்கப்பட்ட பெரியார் அறிவுலகம் நூலகத்திற்கு நூல்கள் வாங்கியதில் ஊழல்கள் நடைபெற்றிருப்பதாக குற்றச்சாட்டுகள் எழுந்துள்ளன. கல்வி, நூலகம் சார்ந்த விஷயங்களிலும், அறிவை வளர்க்கும் நூல்களை வாங்குவதிலும் ஊழல் செய்வதை மன்னிக்கவே முடியாது.

எவராலும் அறியப்படாத ‘அகல் விளக்கு’ என்ற பதிப்பகத்தின் பெயரில் அச்சிடப்பட்ட 1,800 புத்தகங்கள் வாங்கப்பட்டிருப்பதாகவும், நாலடியார் நூல்களை மற்ற பதிப்பகங்கள் ரூ. 350-க்கு விற்கும் நிலையில்,’நாலடியார் வாழ்வின் வழிகாட்டி’ என்னும் முந்நூறு பக்க நூலை ரூ. 1,445 வாங்கியிருப்பதாகவும் எழுத்தாளர் பெருமாள் முருகன் குற்றஞ்சாட்டியுள்ளார். அதை பள்ளிக்கல்வி அமைச்சர் ராஜ்மோகன் மறுமொழிந்துள்ளார்.

அறிவார்ந்த சமூகத்தை உருவாக்குவது தான் நூலகங்களின் நோக்கம். அவற்றில் மக்களுக்கு பயனுள்ள, அறிவை வளர்க்கக்கூடிய நூல்கள் தான் இடம்பெற வேண்டும். எவராலும் அறியப்படாத, யாருக்கும் பயன்படாத நூல்களை இதுவரை இல்லாத விலையைக் கொடுத்து வாங்குவதை ஏற்றுக்கொள்ள முடியாது. இது தொடர்பான அனைத்து உண்மைகளும் வெளிக்கொண்டு வரப்பட வேண்டும். இதன் பின்னணியில் உள்ள அனைவரும் தண்டிக்கப்பட வேண்டும்.

எனவே, பெரியார் அறிவுலகத்திற்கு நூல்கள் கொள்முதல் செய்யப்பட்டதில் நடைபெற்ற ஊழல்கள் குறித்து கையூட்டுத் தடுப்புப் பிரிவு விசாரணைக்கு ஆணையிட வேண்டும். ஊழலின் பின்னணி குறித்த உண்மைகளை வெளிக்கொண்டு வருவதற்காக விசாரணை ஆணையம் அமைத்து விசாரிக்க வேண்டும் என்று வலியுறுத்துகிறேன்.

இவ்வாறு அவர் குறிப்பிட்டுள்ளார்.

தேனி மாவட்டத்தில் வடகிழக்கு பருவமழை தொடர்ந்து பெய்து வருவதால் வறண்டு கிடந்த நீர்நிலைகளில் தண்ணீர் வரத்து அதிகரித்து காணப்படுகிறது. மாவட்டம் முழுவதும் பரவலாக மழை பெய்து வருகிறது. மீண்டும் மழை வேகமெடுப்பதால் வராகநதி, மூல வைகையாறு, கொட்டக்குடியாறு, முல்லை பெரியாறு உள்ளிட்ட முக்கிய ஆறுகளில் தண்ணீர் ஆர்ப்பரித்து செல்கிறது. மேலும் குளம், கண்மாய் உள்ளிட்ட நீர்நிலைகள் நிறைந்துள்ளதால் விவசாய பணிகளும் மும்முரம் அடைந்துள்ளது.

முல்லை பெரியாறு அணை

நீர்பிடிப்பு பகுதியில் பெய்து வரும் தொடர் மழை காரணமாக முல்லை பெரியாறு அணைக்கு நீர்வரத்து அதிகரித்துள்ளது. நேற்று 634 கனஅடியாக இருந்த நீர்வரத்து இன்று காலை 1782 கனஅடியாக உயர்ந்துள்ளது. அணையின் நீர்மட்டமும் 122.70 அடியாக உள்ளது. விரைவில் 123 அடியை எட்டும் என எதிர்பார்க்கப்படுகிறது. தமிழக பகுதிக்கு 400 கனஅடி நீர் திறக்கப்படுகிறது. அணையில் 3163 மி.கனஅடி நீர் இருப்பு உள்ளது.

வைகை அணை

71 அடி உயரம் கொண்ட வைகை அணையின் நீர்மட்டம் 51.48 அடியாக உள்ளது. 255 கனஅடி நீர் வருகிறது. 86 கனஅடி நீர் குடிநீர் திட்டங்களுக்காக திறக்கப்படுகிறது. அணையில் 2191 மி.கனஅடி நீர் இருப்பு உள்ளது. மஞ்சளாறு அணையின் நீர்மட்டம் 44.20 அடியாக உள்ளது. வரத்து 34 கனஅடி, திறப்பு இல்லை. சோத்துப்பாறை அணையின் நீர்மட்டம் அதன் முழு கொள்ளளவான 126.28 அடியில் நீடிக்கிறது. அணைக்கு வரும் 139 கனஅடி நீர் முழுவதும் உபரியாக வெளியேற்றப்படுகிறது. சண்முகாநதி அணையின் நீர்மட்டம் 28.90 அடியாக உள்ளது. 2 கனஅடி நீர் வருகிற நிலையில் திறப்பு இல்லை.

மழையளவு

அரண்மனைப்புதூர் 6, வீரபாண்டி 9.2, சோத்துப்பாறை 2.6, போடி 53.2, பெரியாறு அணை 16.2, தேக்கடி 0.6 மி.மீ. மழையளவு பதிவாகி உள்ளது.

தமிழக விவசாயிகள் பாதுகாப்பு சங்கத்தின் தேனி மாவட்ட ஒருங்கிணைப்பாளர் சீனிராஜ் தலைமையில் விவசாயிகள் தேனி மாவட்ட கலெக்டர் மற்றும் மாவட்ட போலீஸ் சூப்பிரண்டு ஆகியோரிடம் கோரிக்கை மனு கொடுத்துள்ளனர்.

அந்த மனுவில் கூறப்பட்டிருந்ததாவது:-

தேனி தாலுகாவில் உள்ள கொடுவிலார்பட்டி, தாடிச்சேரி, கோவிந்தநகரம், குப்பிநாயக்கன்பட்டி ஆகிய பகுதியில் விவசாயிகள் அதிகமானோர் வசித்து வருகின்றனர். இந்நிலையில் இந்த விவசாயிகளின் மின் மோட்டார், மின் வயர்கள், விவசாய இடுபொருட்கள் திருட்டு சம்பவங்கள் அதிகளவில் இப்பகுதியில் நடந்து வருகிறது. ஏற்கெனவே விவசாயிகள் செய்து வரும் விவசாய இடுபொருட்களுக்கு சரியான விலை இல்லை.

மின் மோட்டார்

எனவே மின் மோட்டார், மின் வயர், விவசாயிகளின் இடுபொருட்களை திருடும் திருட்டு கும்பலை அடியோடு ஒழிக்கவும், திருட்டு கும்பல் மூலம் நடைபெறும் திருட்டை தடுக்கவும் மாவட்ட கலெக்டர் மற்றும் மாவட்ட போலீஸ் சூப்பிரண்டு ஆகியோர் சட்டப்பூர்வ நடவடிக்கை எடுக்க வேண்டும்.

மேலும் விவசாயிகளின் மின் மோட்டார், மின் வயர் திருடு போன விவசாயிகளுக்கு உரிய நிவாரணம் வழங்க நடவடிக்கை வேண்டும்.

இவ்வாறு அந்த மனுவில் கூறப்பட்டிருந்தது.

கொடைக்கானலில் தற்போது நிலவி வரும் இதமான சூழல் மற்றும் மிதமான சாரல் மழை காரணமாக கொடைக்கானல் நட்சத்திர ஏரி பகுதியில் அரியவகை பறவை இனங்கள் அதிக அளவில் குவியத் தொடங்கியுள்ளன. தற்போது ஏரி பகுதியில் உள்ள மரங்களில் பெலிகனிபார்மசு வகையை சேர்ந்த பறவையினம் அதிக அளவில் காணப்படுகிறது. இவ்வகை பறவை அர்டெயிடே குடும்ப வகையை சார்ந்ததாக கூறப்படுகிறது. இதற்கு அர்டியோலா கிரேயி என்ற அறிவியல் பெயரும் உண்டு. தமிழில் குருட்டு கொக்கு, மடையான், குளத்துக் கொக்கு என்ற பெயரும் இருப்பதாக கூறப்படுகிறது.

பறவை

இந்தப் பறவை அமைதியாக அசையாமல் மரக்கிளைகளில் நிற்கும் பொழுது அதனை சுற்றியுள்ள கால சூழலுடன் நன்றாக ஒன்றி கலந்து விடும். அருகில் சென்றாலும் உடனே அங்கிருந்து பறந்து செல்லாமல் தாமதிப்பதால் இது குருட்டுத்தனமாக நடந்து கொள்வதாகக் கருதி இதற்கு குருட்டு கொக்கு என பெயரிடப்பட்டுள்ளது. இதுபோன்ற அரியவகை பறவைகள் கொடைக்கானல் ஏரி சாலை அருகே உள்ள மரங்களில் தென்படுவதால் சுற்றுலா பயணிகள் வியந்து பார்த்து புகைப்படம் எடுத்துச் செல்கின்றனர். இவ்வகை பறவைகள் மேற்குவங்க மாநில பகுதிகளில் அதிக அளவில் உள்ளதாகவும் தெரியவந்துள்ளது.

தகராறு

இந்நிலையில் நேற்று முன்தினம் இந்த எல்லை பிரச்சினை தொடர்பாக இருதரப்பினருக்கும் இடையே மீண்டும் தகராறு ஏற்பட்டு, அது பின்னர் அடிதடியாக மாறியுள்ளது.

இந்த மோதல் குறித்து மரியசூசையின் மனைவி ஜீலியன் அலெக்ஸ் சோபியா (38) மற்றும் மீட்பர்ராஜாவின் தரப்பில் ரெக்ஸ் ஆண்டனி ஆகிய இருவரும் சோழதரம் போலீஸ் நிலையத்தில் தனித்தனியாக புகார் அளித்தனர். புகார்களின் அடிப்படையில் போலீசார் இருதரப்பு மீதும் வழக்குப்பதிவு செய்து விசாரணை நடத்தி மீட்பர்ராஜாவின் மகன் ரெக்ஸ் ஆண்டனி (22) மற்றும் அவரது நண்பரான அரியலூர் மாவட்டம், மீன்சுருட்டி அருகே உள்ள ரெட்டிபாளையம் கிராமத்தை சேர்ந்த பாலா மகன் சஞ்சய் (20) ஆகிய 2 பேரையும் போலீசார் கைது செய்து சிறையில் அடைத்தனர்.

மக்களின் வரிப்பணத்தில் உருவாக்கப்பட்ட அறிவுத்தேடலுக்கான இடமான நூலகத்திலேயே, தவறான தகவல்கள் அடங்கிய போலி நூல்கள் அதிக விலைக்கு கொள்முதல் செய்யப்பட்டு, முறைகேடு நடைபெற்றுள்ளது கடும் கண்டனத்திற்குரியது என்று நாம் தமிழர் கட்சியி ஒருங்கிணைப்பாளர் சீமான் கண்டனங்களை தெரிவித்துள்ளா. இது குறித்து அவர் தனது சமூகவலை தள பதிவில் குறிப்பிட்டுள்ளதாவது

தவறான தகவல்களைக் கொண்டு, செயற்கை நுண்ணறிவின் மூலம் உருவாக்கப்பட்டப் போலி நூல்களைக் கொள்முதல் செய்வதா? அறிவுலகத்திற்கு நூல்கள் வாங்குவதிலேயே மிகப்பெரும் மோசடியா?

ஏறத்தாழ 1,800 நூல்கள் ஒரே பதிப்பகத்தின் பெயரில் இடம் பெற்றிருப்பதாகவும், முந்நூறு பக்க நூல்களுக்கு 1,395 ரூபாய், 1,445 ரூபாய் என விலை குறிப்பிடப்பட்டிருப்பதாகவும் எழுத்தாளர் பெருமாள் முருகன் எழுதியிருக்கும் அக்கட்டுரை சுட்டிக்காட்டுகிறது. இந்த நூல்களின் உள்ளடக்கத்தை ஆய்வு செய்தது யார்? அவற்றின் விலையை ஏற்றுக்கொண்டது யார்? கொள்முதலுக்கு ஒப்புதல் வழங்கியது யார்? நானூறு வெண்பாக்களின் தொகுப்பான நாலடியாரை ஒரு கவிஞராகச் சித்தரிப்பதும்,

மதுரைக்காஞ்சியை எழுதிய மாங்குடி மருதனாருக்குப் பதிலாக இல்லாத பெயர்களையும், வரலாற்றையும் முன்வைப்பதும் எத்தகைய அபத்தம்? தமிழ்நாட்டின் அரசியல் வரலாற்றையே தவறாக எழுதி வைத்துள்ள நூல்களை மாணவர்களும், போட்டித்தேர்வுக்குத் தயாராகும் இளைஞர்களும் படித்தால் என்ன ஆகும்? அறியாமையை அகற்ற வேண்டிய நூலகத்தில், அறியாமையையே அச்சடித்து அடுக்கி வைப்பதுதான் அரசின் சாதனையா?

நூல்களின் பன்னாட்டுத் தரப் புத்தக எண்கள் போலியானவை என்றும், ஆசிரியர்களின் அடையாளங்கள் மற்றும் பதிப்பக முகவரி குறித்துச் சந்தேகங்கள் இருப்பதாகவும் எழுப்பப்பட்டுள்ள குற்றச்சாட்டுகளுக்கு அரசு உடனடியாக விளக்கமளிக்க முன்வர வேண்டும். தவறான தகவல்களைக் கொண்டு, செயற்கை நுண்ணறிவின் மூலம் உருவாக்கப்பட்டப் போலி நூல்களைக் கொள்முதல் செய்வதில் நடைபெற்ற இம்மாபெரும் முறைகேடு ஆட்சியின் அவல நிலைக்கான சான்றாகும்.

ஒருபக்கம், பொழுதுபோக்குக்கு முக்கியத்துவம் கொடுத்து அதிகாலை ஆறு மணிக்கே திரையரங்குகளைத் திறக்க ஏற்பாடு செய்கிறது தவெக அரசு. மற்றொரு பக்கம், அறிவுக்கண்ணைத் திறக்க வேண்டிய நூலகத்தில், புத்தகங்களிலேயே ஊழல் நடைபெற்றிருப்பதாகக் குற்றச்சாட்டுகள் எழுமளவுக்கு நிர்வாகம் செய்கிறது. மக்களைப் பொழுதுபோக்கில் மூழ்கடித்துவிட்டு,

அவர்களின் அறிவுத்தேடலையும் மோசடிபேர்வழிகளிடம் ஒப்படைக்க முனைவது பெரும் அவலம் இல்லையா? திரையரங்கத்தில் திரைப்படக்காட்சிகளை அதிகரிப்பதில் காட்டும் அக்கறையில் சிறிதளவையாவது நூலகங்களின் தரத்தை உறுதிசெய்வதில் காட்டியிருக்க வேண்டாமா? மக்கள் எத்தனை காட்சிகள் திரைப்படம் பார்க்க வேண்டும் எனச் சிந்திக்கும் அரசு, அவர்கள் எத்தகைய நூல்களைப் படிக்கிறார்கள் என்று சிந்திக்காதது ஏன்?

நூலகத்தின் பெருமை என்பது அதன் உயரமானக் கட்டிடத்திலும், பளபளப்பான அலமாரிகளிலும் இல்லை; அதற்குள் இருக்கும் நூல்களின் தரத்தில்தான் இருக்கிறது. தவறான தகவல்களை நூலகத்தின் வழியாக மக்களிடம் கொண்டுசேர்ப்பது, பண மோசடியையும் கடந்து ஒரு தலைமுறையின் அறிவு வளர்ச்சியையே பாதிக்கும் மாபெரும் முறைகேடாகும். முந்தைய திமுகவின் ஆட்சியில் தொடங்கப்பட்ட திட்டம் என்பதைக் கூறி, இன்றைய அரசு தன்னுடையப் பொறுப்பிலிருந்து விலக முடியாது.

அதேபோல, திட்டத்தை உருவாக்கிய பெருமையை உரிமைகோரும் முந்தைய திமுகவின் ஆட்சியாளர்களும், கொள்முதல் குறித்த கேள்விகளுக்கு விளக்கமளிக்க முன்வர வேண்டும். எந்தக் காலக்கட்டத்தில், யாருடைய ஒப்புதலுடன் முறைகேடுகள் நடந்திருந்தாலும், அனைத்தையும் வெளிச்சத்திற்கு வர வேண்டியது பேரவசியமாகும்.

ஆகவே, பெரியார் அறிவுலக நூல் கொள்முதல் தொடர்பான தேர்வுக்குழு விவரங்கள், பரிந்துரைகள், வழங்கல் ஆணைகள், நூல்களின் பட்டியல், விலை மற்றும் பணப்பட்டுவாடா விவரங்கள் அனைத்தையும் தமிழ்நாடு அரசு பொதுவெளியில் வெளியிட வேண்டும் எனவும், எழுத்தாளுமைகளைக் கொண்ட குழுவின் மூலம் நூல்களின் தரத்தை ஆய்வுசெய்து, தவறான தகவல்கள் கொண்ட போலி நூல்களை உடனடியாக அகற்ற வேண்டும்.

கொள்முதல் முறைகேடுகள் குறித்து நீதிவிசாரணையும், சிறப்புத் தணிக்கையும் நடத்தி, குற்றத்தில் தொடர்புடைய அதிகாரிகள், விநியோகிப்பாளர்கள் உள்ளிட்ட அனைவர் மீதும் குற்றவியல் நடவடிக்கை எடுத்து கைதுசெய்ய வேண்டும் எனவும் நாம் தமிழர் கட்சியின் சார்பாக தவெக அரசை வலியுறுத்துகிறேன்.

என்று தெரிவித்துள்ளார்.

தீபாவளி பண்டிகை

இந்த நிலையில் நாளை மறுநாள் தீபாவளி பண்டிகை கொண்டாடப்படுகிறது. இதனையொட்டி இன்று வழக்கம் போல செஞ்சி வாரச்சந்தை நடைபெற்றது. காலை முதலே சந்தைக்கு செஞ்சி மற்றும் சுற்று வட்டார பகுதிகளை சேர்ந்த விவசாயிகள் தங்கள் ஆடுகளை விற்பனைக்கு கொண்டு வந்திருந்தனர்.

மேலும் ஆடுகளை வாங்குவதற்கும் பல்வேறு மாவட்டங்களில் இருந்தும் ஏராளமான வியாபாரிகளும் வந்திருந்தனர். அவர்கள் போட்டி போட்டுக் கொண்டு ஆடுகளை வாங்கிச் சென்றனர். இன்று அதிகாலை முதல் நடைபெற்று வரும் செஞ்சி ஆட்டு சந்தையில் வெள்ளாடுகள், செம்மரி ஆடுகள் ரூ 15 ஆயிரம் முதல் 25 ஆயிரம் வரையிலும் விலை போனது.

ஆட்டு சந்தை

தீபாவளி பண்டிகையை முன்னிட்டு இன்று அதிகாலை துவங்கிய செஞ்சி வார ஆட்டு சந்தையில் ரூ 5 கோடிகள் வரை ஆடுகள் விற்பனை அமோகமாக நடைப்பெற்று உள்ளதாக வியாபாரி ஒருவர் தெரிவித்தார் செஞ்சி வார ஆட்டு சந்தையில் விலை அதிகமாக இருந்தாலும் தீபாவளி பண்டிகையை முன்னிட்டு நடைப்பெற்ற சந்தை என்பதால் ஆடுகள் விற்பனை ஜோராக நடைபெற்றது.

கடலூர் மாவட்டம் விருத்தாசலம் அடுத்த கார்குடல் அணைக்கரை பகுதியில், கடந்த ஒரு வாரமாக ஊராட்சி நிர்வாகத்தின் சார்பில் முறையாக குடிநீர் வழங்கப்படவில்லை என்று கூறப்படுகிறது. இதனால் அந்த பகுதி கிராம மக்கள் குடிநீரின்றி அன்றாட தேவைகளுக்கும் கடும் அவதிக்குள்ளாகி வந்தனர். ஊராட்சி நிர்வாகத்திடம் பலமுறை முறையிட்டும் எந்தவித நடவடிக்கையும் எடுக்கப்படாததால் ஆத்திரமடைந்த கிராம மக்கள் இன்று காலை ஊராட்சி நிர்வாகத்தை கண்டித்து காலி குடங்களுடன் விருத்தாசலம்-சிதம்பரம் சாலையில் திடீரென அமர்ந்து சாலை மறியல் போராட்டத்தில் ஈடுபட்டனர்.

போராட்டம்

கிராம மக்களின் இந்த திடீர் போராட்டத்தால் அப்பகுதியில் கடுமையான போக்குவரத்து பாதிப்பு ஏற்பட்டது. வாகனங்கள் இருபுறமும் நீண்ட தூரத்திற்கு அணிவகுத்து நின்றன.

எங்கள் பகுதி குடிநீர் பிரச்சினைக்கு அதிகாரிகள் உடனடியாக நிரந்தரத் தீர்வு காண வேண்டும் என போராட்டத்தில் ஈடுபட்டவர்கள் கோரிக்கை விடுத்தனர்.

சாலை மறியல்

இதுகுறித்து தகவல் அறிந்து சம்பவ இடத்திற்கு விரைந்து வந்த விருத்தா சலம் போலீசார் மறியலில் ஈடுபட்ட கிராம மக்களுடன் சமரச பேச்சுவார்த்தை நடத்தினர். குடிநீர் பிரச்சனை குறித்து சம்பந்தப்பட்ட அதிகாரிகளிடம் பேசி உடனடியாக உரிய நடவடிக்கை எடுக்கப்படும் என உறுதி அளித்ததன் பேரில் கிராம மக்கள் போராட்டத்தை கைவிட்டு கலைத்து சென்றனர். இந்த திடீர் சாலை மறியல் போராட்டத்தால் அந்த பகுதியில் சிறிது நேரம் பரபரப்பு நிலவியது.

இதுதொடர்பாக அவர் வெளியிட்டுள்ள அறிக்கையில் கூறப்பட்டுள்ளதாவது;

“தமிழ்நாட்டின் பெருமைக்குரிய அறிவுசார் முன்னெடுப்புகளில் ஒன்றாக, கோவை மாவட்டத்தில் அமைக்கப்பட்டுள்ள “பெரியார் அறிவுலகம்” முதல்வர் ஜோசப் விஜய்யால் 2026 அக்டோபர் 16 அன்று திறந்து வைக்கப்பட்டது.

கடந்த திமுக ஆட்சிக் காலத்தில் சுமார் 300 கோடி ரூபாய் செலவில், ஏழு ஏக்கர் பரப்பளவில், ஏழு தளங்களைக் கொண்ட கட்டிடமாக இது கட்டப்பட்டது என்பது குறிப்பிடத்தக்கது.

இந்நிலையில், எழுத்தாளர் பெருமாள் முருகன், “பெரியார் அறிவுலகத்தில் மிகப்பெரிய ஊழல் நடைபெற்றுள்ளது" என்பதை ஆதாரங்களுடன் சுட்டிக்காட்டியுள்ளார். குறிப்பாக, நூல் கொள்முதலில் மிகப்பெரிய அளவில் திட்டமிட்ட முறைகேடுகள் நடைபெற்றுள்ளதாக அவர் எடுத்துரைத்துள்ளார்.

நூலகங்களுக்கான நூல் கொள்முதலில் பின்பற்றப்பட வேண்டிய அரசு விதிமுறைகளும், வழிகாட்டுதல்களும் உள்ளன. ஆனால், பெரியார் அறிவுலக நூலகத்திற்கான நூல் கொள்முதலில் இத்தகைய விதிமுறைகளும் வழிகாட்டுதல்களும் முறையாகப் பின்பற்றப்பட்டதாகத் தெரியவில்லை.

அரசுப் பணத்தைத் திட்டமிட்டுச் சூறையாடும் நோக்கில், முறையற்ற வழிகளில் நூல்கள் கொள்முதல் செய்யப்பட்டுள்ளதாக எழுந்துள்ள குற்றச்சாட்டுகள் மிகுந்த கவலை அளிக்கின்றன.

ஒருபுறம் பொதுமக்களின் வரிப்பணம் சூறையாடப்பட்டுள்ளதாகக் குற்றச்சாட்டு எழுந்துள்ள நிலையில், மறுபுறம் அறிவுக்கு ஒவ்வாத உள்ளடக்கங்களைக் கொண்ட நூல்கள் தயாரிக்கப்பட்டு, அவை நூலகத்தில் இடம்பெற்றுள்ளதன் மூலம் அறிவுத் தளத்திலும் மோசடி அரங்கேறியுள்ளதாகத் தெரிகிறது.

தமிழ்ச் சமூகத்தை அறிவார்ந்த திசையில் வழிநடத்த வேண்டிய நூலகத்திலேயே இத்தகைய அறிவு மோசடி நடைபெற்றிருப்பதை ஒருபோதும் ஏற்க முடியாது.

எனவே, பெரியார் அறிவுலக நூலகத்திற்கான நூல்களைத் தேர்வு செய்யப் பரிந்துரைத்த குழுவில் இடம்பெற்றவர்கள் யார்? இத்தகைய தரமற்ற, போலியான நூல்களை வாங்குவதற்கு அவர்கள் எவ்வாறு ஒப்புதல் அளித்தனர்?

இந்த முறைகேடுகளுக்குத் துணைபோனவர்கள் யார்? எப்போது டெண்டர் விடப்பட்டது? எப்போது கொள்முதல் செய்யப்பட்டது? உள்ளிட்ட கேள்விகளுக்கு தமிழ்நாடு அரசு மக்கள் மன்றத்தில் வெளிப்படையாகப் பதிலளிப்பதே பொருத்தமானது.

அரசு உடனடியாக தமிழ் அறிஞர்கள் உள்ளடக்கிய ஒரு குழுவை அமைக்க வேண்டும், நூலகத்தில் இடம்பெற்றுள்ள நூல்கள் அனைத்தையும் ஆராய்ந்து போலியானவை என உறுதிப்படுத்தப்படும் நூல்களை உடனடியாக நீக்கிட நடவடிக்கை எடுக்க வேண்டும், சிறப்பு புலன் விசாரணைக்குழு ஒன்றை அமைத்து முறைகேடுகள், மோசடிகளை கண்டறிந்து அவற்றிற்கு காரணமான அனைவர் மீதும் உரிய நடவடிக்கை எடுக்க வேண்டுமென மார்க்சிஸ்ட் கம்யூனிஸ்ட் கட்சியின் மாநில செயற்குழு தமிழ்நாடு அரசை வலியுறுத்துகிறது.

மேலும், அரசு நூலகங்களில் நூல்கள் கொள்முதல் செய்யும்போது அரசின் விதிமுறைகளும், வழிகாட்டுதல்களும் முறையாகப் பின்பற்றப்படுவதைத் தமிழ்நாடு அரசு உறுதிப்படுத்துவதுடன், அதனைத் தொடர்ந்து கண்காணிக்க வேண்டுமெனவும் மார்க்சிஸ்ட் கம்யூனிஸ்ட் கட்சி மாநில செயற்குழு கேட்டுக் கொள்கிறது.” எனக் குறிப்பிட்டுள்ளார்.

இதுகுறித்து திமுக வெளியிட்டுள்ள எக்ஸ் தள பதிவில் கூறியிருப்பதாவது:-

இடைத்தேர்தல் பிரச்சாரம் மற்றும் தேர்தல் முடிவுக்கு (அக்டோபர் 9) பிறகு தவெக தலைவர், டம்மி முதலமைச்சரின் அதிகாரப்பூர்வ பக்கத்தில் இருந்து வந்திருக்கும் பதிவு ‘அடடே இந்த பொம்மை பேசுமா?’ என ஆச்சரியமளிக்கிறது.

விலைவாசி உயர்வு குறித்து பதிவு இல்லை.. கொலைகள் குறித்து கவலையில்லை…காணாமல் போன சிறுமி குறித்து விசாரிப்புகள் இல்லை…மின்வெட்டு, மின் கட்டணம் குறித்தெல்லாம் எந்த வாக்குறுதியும் இல்லை.. அவ்வளவு ஏன் அரசின் அசமஞ்சத்தால் கடலில் இறந்து மிதந்த மீனவர்கள் குறித்து கூட பதிவு இல்லை.

ஆனால் திமுக தலைவர் கோவை பெரியார் அறிவுலகம் சென்றதும் அவருக்கு கிடைத்த பாராட்டும் பேசு பொருளானதும், புத்தக கொள்முதலில் ஊழல் என்று ஓடி வந்திருக்கிறார் தவெக தலைவர்.

பெரியார் அறிவுலகத்தில் அகல் விளக்கு மற்றும் பீனிக்ஸ் பதிப்பகத்தின் போலியான நூல்களில் மட்டும் ஜூன் மாதம் என்று முத்திரை இடப்பட்டுள்ளது என்று அங்கிருக்கும் தோழர்கள் தெரிவிக்கிறார்கள். அந்த தேதி கூட dummy CMன் பிறந்தநாள் தான்.

அதே பெரியார் அறிவுலகத்தில் உள்ள வால்காவிலிருந்து கங்கை வரை போன்ற புகழ்பெற்ற மற்ற பதிப்பக நூல்கள் திமுக ஆட்சியின் மார்ச் மாத முத்திரையோடு உள்ளன. அப்படியென்றால் போலி பதிப்பக புத்தகங்கள் எப்பொழுது வாங்கப்பட்டன? யார் முடிவு எடுத்தது? தவெக ஆட்சியில் யாருக்கு கமிஷன் போனது?

கடந்த ஆட்சியில் நூலகங்களுக்கு புத்தகங்கள் வாங்குவதில் எந்தவிதமான ஒளிவு மறைவுமின்றி வெளிப்படையான முறையில் புத்தகங்களை கொள்முதல் செய்யப்பட்டது என்பதை பதிப்பாளர்களே அறிவர்.

திமுக ஆட்சியில் புத்தகத் தேர்வுக்குழுவில் இருந்த எழுத்தாளர் ஒருவர் தவெக ஆட்சியமைந்த ஆறு மாதங்களுக்குப் பிறகு நூலகத்தில் உள்ள புத்தகங்களின் பெயர்களையும், திரிஷா விஜய், விஜய் பாலு, விஜய் செல்வம், விஜய் ஆதித்தன், சுமேகா விஜய் என்ற ‘எழுத்தாளர்களின்’ பெயர்களையும் பார்த்து பதறிய பிறகுதான் அரசுக்குத் தெரிந்ததா?

அல்லது எந்த விவரமும் தெரியாமல் தான் dummy cm அறிக்கை விட்டு இருக்கிறாரா?

இவ்வாறு குறிப்பிடப்பட்டுள்ளது.

சென்னை வானிலை ஆய்வு மையம் வெளியிட்டுள்ள அறிக்கையில்,

சுமார் 0.9 கி மீ உயரத்தில் தென்கிழக்கு அரபிக்கடல் மற்றும் அதனை ஒட்டிய கேரளா பகுதிகளிலிருந்து தெற்கு உள் கர்நாடகா வரை ஒரு காற்றழுத்த தாழ்வு பாதை (Trough) நிலவுகிறது.

கன மழை

இன்று தூத்துக்குடி, ராமநாதபுரம், புதுக்கோட்டை மற்றும் சிவகங்கை மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய கன மழை பெய்யக்கூடும். சென்னை, செங்கல்பட்டு, காஞ்சிபுரம், திருவள்ளூர், விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர், விருதுநகர், தென்காசி, திருநெல்வேலி, கன்னியாகுமரி, திருச்சிராப்பள்ளி, சேலம், நாமக்கல், திருவண்ணாமலை, கள்ளக்குறிச்சி, தேனி, திண்டுக்கல், மதுரை, திருப்பூர், கோயம்புத்தூர், நீலகிரி, ஈரோடு, கரூர் மாவட்டங்களில் அநேக இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில் கூடிய மிதமான மழை பெய்யக்கூடும். ஏனைய தமிழகத்தில் அநேக இடங்களில் இடி மின்னலுடன் கூடிய லேசான மழை பெய்யக்கூடும்.

நாளை மதுரை, தேனி மற்றும் திண்டுக்கல் மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய கன மழை பெய்யக்கூடும். செங்கல்பட்டு, விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர், விருதுநகர், தென்காசி, தூத்துக்குடி, ராமநாதபுரம், சிவகங்கை, புதுக்கோட்டை, திருநெல்வேலி, கன்னியாகுமரி, கோவை, நீலகிரி மாவட்டங்களில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களில் இடி மின்னலுடன் கூடிய லேசான மழை பெய்யக்கூடும்.

8-ந்தேதி தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, ராமநாதபுரம், தூத்துக்குடி, கன்னியாகுமரி மாவட்டங்களில் ஓரிரு இடங்களிலும், காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய கன மழை பெய்யக்கூடும். சென்னை, திருவள்ளூர், காஞ்சிபுரம், செங்கல்பட்டு, விழுப்புரம், கடலூர், கள்ளக்குறிச்சி, திருச்சிராப்பள்ளி, அரியலூர், பெரம்பலூர், சிவகங்கை, ஈரோடு, திருப்பூர், திண்டுக்கல், மதுரை, விருதுநகர், தேனி, தென்காசி, திருநெல்வேலி மாவட்டங்களில் ஒருசில இடங்களிலும், புதுவையிலும் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களில் இடி மின்னலுடன் கூடிய லேசான மழை பெய்யக்கூடும்.

9-ந்தேதி மயிலாடுதுறை, நாகப்பட்டினம், புதுக்கோட்டை, சிவகங்கை, தஞ்சாவூர், திருவாரூர், ராமநாதபுரம் மாவட்டங்களில் ஓரிரு இடங்களிலும், காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய கன மழை பெய்யக்கூடும். விருதுநகர், திண்டுக்கல், மதுரை, தேனி, தூத்துக்குடி, தென்காசி, திருநெல்வேலி மற்றும் கன்னியாகுமரி மாவட்டங்களில் ஒருசில இடங்களில் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், புதுவையிலும் இடி மின்னலுடன் கூடிய லேசான மழை பெய்யக்கூடும்.

10-ந்தேதி தூத்துக்குடி மற்றும் ராமநாதபுரம் மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய கன மழை பெய்யக்கூடும். டெல்டா மாவட்டங்கள் மற்றும் தென் தமிழகத்தில் ஓரிரு இடங்களிலும், காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஓரிரு இடங்களிலும், புதுவையிலும் இடி மின்னலுடன் கூடிய லேசான மழை பெய்யக்கூடும்.

11 மற்றும் 12-ந்தேதிகளில் டெல்டா மாவட்டங்கள் மற்றும் தென் தமிழகத்தில் ஓரிரு இடங்களிலும், காரைக்கால் பகுதிகளிலும் மிதமான மழை பெய்யக்கூடும். ஏனைய தமிழகத்தில் ஓரிரு இடங்களிலும், புதுவையிலும் லேசான மழை பெய்யக்கூடும்.

சென்னை மற்றும் புறநகர் பகுதிகள்

சென்னை மற்றும் புறநகர் பகுதிகளில் இன்று வானம் பொதுவாக மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய மிதமான மழை பெய்ய வாய்ப்புள்ளது. அதிகபட்ச வெப்பநிலை 30-31° செல்சியஸை ஒட்டியும், குறைந்தபட்ச வெப்பநிலை 24-25° செல்சியஸை ஒட்டியும் இருக்கக்கூடும்.

நாளை வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான மழை பெய்ய வாய்ப்புள்ளது. அதிகபட்ச வெப்பநிலை 30-31° செல்சியஸை ஒட்டியும், குறைந்தபட்ச வெப்பநிலை 24-25° செல்சியஸை ஒட்டியும் இருக்கக்கூடும்.

தீபாவளி பண்டிகை வருகிற 6-ந்தேதி கொண்டாடப்பட உள்ளது. இதையொட்டி வெளியூர்களில் வசிக்கும் மக்கள் சொந்த ஊர்களுக்கு சென்று பண்டிகையை கொண்டாடும் வகையில், தமிழக அரசு போக்குவரத்துக்கழகம் சார்பில் மாநிலம் முழுவதும் சிறப்பு பஸ்கள் இயக்கப்பட்டு வருகின்றன.

பஸ்கள் இயக்கம்

கோவை மாவட்டத்தில் இருந்து வெளியூர்களுக்கு வழக்கமாக இயக்கப்படும் 5 ஆயிரம் பஸ்களுடன் கூடுதலாக 2 ஆயிரத்து 895 சிறப்பு பஸ்களும் நேற்று முதல் இயக்கப்படுகின்றன.

அதன்படி டெல்டா மாவட்டங்களுக்கு செல்லும் பஸ்கள் சூலூர் பஸ் நிலையத்தில் இருந்தும், தென் மாவட்ட பஸ்கள் சிங்காநல்லூரில் இருந்தும், மேற்கு மாவட்டங்களுக்கு செல்லும் பஸ்கள் காந்திபுரம் மத்திய பஸ் நிலையத்தில் இருந்தும், நீலகிரி மாவட்டத்துக்கு செல்லும் பஸ்கள் சாய்பாபா காலனி புதிய பஸ் நிலையத்தில் இருந்தும் இயக்கப்படுகின்றன.

சுற்றுலா பஸ்

மேலும் பஸ்கள் பற்றாக்குறையை தவிர்க்கும் வகையில், தரமான கட்டமைப்பு வசதிகளை கொண்ட, சமீபத்தில் கொள்முதல் செய்யப்பட்ட நகர பஸ்களும் வெளியூர்களுக்கு இயக்கப்படுகின்றன. இதேபோல சொகுசு இருக்கை வசதிகளை கொண்ட தனியார் சுற்றுலா பஸ்களும் ஒப்பந்த அடிப்படையில் நேற்று முதல் கோவையில் இருந்து வெளியூர்களுக்கு இயக்கப்பட்டு வருகின்றன.

இதுகுறித்து கோவை அரசு போக்குவரத்துக்கழக உயர் அதிகாரிகள் கூறியதாவது:-

"பயணிகள் கூட்ட நெரிசல் இன்றி சொந்த ஊர்களுக்கு செல்லும் வகையில், கோவையில் இருந்து ஒப்பந்த அடிப்படையில் 30 தனியார் சுற்றுலா பஸ்கள் அரசு சிறப்பு பஸ்களாக இயக்கப்படுகின்றன. கோவையில் இருந்து சென்னைக்கு 20 பஸ்களும், மதுரை, திருச்சிக்கு தலா 5 பஸ்களும் ஒதுக்கப்பட்டு உள்ளன. இந்த பஸ்கள் சில நாட்களுக்கு இயக்கப்படும்.

இந்த வாகனங்களுக்கு சம்பந்தப்பட்ட தனியார் பஸ்களின் டிரைவர்களே பணியாற்றுவர். அரசு போக்கு வரத்துக்கழக கண்டக்டர்கள் பணியில் இருப்பர். பயணிகளிடம் அரசு பஸ்களுக்கான கட்டணமே வசூலிக்கப்படும். இந்த பஸ்களின் முன்பகுதியில் 'ஒப்பந்த பஸ், சிறப்பு பஸ்' மற்றும் செல்லும் வழித்தடத்தின் பெயர் ஆகியவை பெரிய அளவில் ஸ்டிக்கர்களாக ஒட்டப்பட்டு உள்ளன. இந்த திட்டத்துக்கு பொதுமக்களிடம் நல்ல வரவேற்பு உள்ளது.”

இவ்வாறு அவர் தெரிவித்து உள்ளார்.

வாகன தணிக்கை

இதற்கிடையே கோவை காந்திபுரம் ஆம்னி பஸ் நிலையத்தில் இருந்து சென்னை, பெங்களூரு, புதுச்சேரி உள்ளிட்ட பல்வேறு தொலை தூர பகுதிகளுக்கு தினமும் ஆம்னி பஸ்கள் இயக்கப்பட்டு வருகின்றன. தீபாவளி சிறப்பு பஸ்கள் கொடிசியா மைதானத்தில் இருந்து இயக்கப்பட உள்ளன.

தீபாவளி பண்டிகை காலத்தில் ஆம்னி பஸ்களில் அதிக கட்டணம் நிர்ணயிக்கப்பட்டு உள்ளதாக புகார்கள் எழுந்து உள்ளன. தொடர்ந்து ஆம்னி பஸ்களில் அதிக கட்டணம் வசூலிப்பதை தடுக்க, வட்டார போக்குவரத்து அலுவலர்கள் அடங்கிய பறக்கும் படையினர் தீவிர கண்காணிப்பில் ஈடுபட்டு வருகின்றனர்.

வாகன ஆய்வாளர்கள்

ஆம்னி பஸ்களில் அதிக கட்டணம் வசூலிப்பதை தடுக்கவும், முறையாக வரி செலுத்தாத பஸ்கள் இயக்குவதை தடுக்கவும், அரசிடம் முறையாக பெர்மிட் பெறாமல் பஸ்கள் இயக்கப்படுவதை தடுக்கவும் வட்டார போக்குவரத்து அலுவலர்கள் மற்றும் மோட்டார் வாகன ஆய்வாளர்கள் அடங்கிய பறக்கும்படை குழுவினர் கோவை கணியூர் சுங்கச்சாவடி உள்ளிட்ட பல்வேறு இடங்களில் வாகனத் தணிக்கை சோதனை நடத்தப்படுகிறது.