அப்போது அவர் கூறியதாவது:-

தவெக ஆட்சி அமைந்த இந்த 6 மாதத்தில் மக்களுக்கு கிடைத்த பரிசு விலைவாசி உயர்வு என அதிமுக பொதுச்செயலாளர் எடப்பாடி பழனிசாமி தெரிவித்துள்ளார்.

தவெக ஆட்சியில் அரிசு, பருப்பு என அனைத்து பொருட்களின் விலையும் உயர்ந்துவிட்டது.

தனது சொத்தை மக்களுக்காக கொடுத்தவர் எம்ஜிஆர், தனது வாழ்நாள் முழுவதும் மக்களுக்காகவே வாழ்ந்தவர் ஜெயலலிதா.

தவெக ஆட்சியில் ஊழல் இல்லையா? திமுக ஆட்சியில் அரசு அலுவலகங்களில் ரூ.5000 லஞ்சம் வாங்கினார்கள். இப்போது, ரூ.10,000 வாங்கப்படுகிறது.

எந்த ஒரு அலுவலகத்திற்கு சென்றாலும் லஞ்சம் இல்லாமல் எந்த காரியமும் நடக்காது.

விஜய் ஒரு படத்திற்கு ரூ.200 கோடி வாங்கினாராம். இப்போது அதை விட்டுவிட்டு வந்தாராம்? யார் வரச்சொன்னது?

ரூ.200 கோடியை விட அதிகமாக கிடைக்கும் என நினைத்துதான் படத்தின் நடிப்பதை விட்டுவிட்டு அரசியலுக்கு வந்துள்ளார்.

பிற கட்சிகளைபோல் இல்லாமல் மக்களுக்காக தொடங்கப்பட்ட ஒரே கட்சி அதிமுக.

அதிமுகவில் மட்டுமே சாதாரண தொண்டன் கூடு உச்சபட்ச அதிகாரத்தில் அமர முடியும். நீங்களும் ஒன்று தான் நானும் ஒன்று தான்.

மனிதனாகப் பிறந்தால் தன்மானமுடன் இருக்க வேண்டும். அதிமுகவில் இருக்கும் அனைவரும் தன்மானம் மிக்கவர்கள்.

சிலர் வேடந்தாங்கல் பறவைகளைப்போல் சீசனுக்கு ஏற்றாற்போல் கட்சி மாறுவர்கள். அவர்களைப்பற்றி கவலை இல்லை.

இவ்வாறு அவர் கூறினார்.

இதுகுறித்து அவர் கூறியிருப்பதாவது:-

கேள்விகள் இல்லாத சமுதாயத்தை உருவாக்குவது நல்லாட்சியல்ல; கேள்விகளுக்குப் பதிலளிக்கும் நிர்வாகத்தை உருவாக்குவதுதான் நல்லாட்சி!

விமர்சனங்களை உள்வாங்கித் தமது தவறுகளைத் திருத்திக்கொள்வதுதான் ஜனநாயகத்தின் மாண்பு! விமர்சனங்களை எதிர்கொள்ள வேண்டியது கருத்துகளால்; காவல்துறை நடவடிக்கைகளால் அல்ல!

Fake ID-யின் Comment-ஐக் காரணமாகச் சொல்லி, அதிகாலையில் காவல்துறை விசாரணைக்கு அழைத்துச் செல்லப்பட்ட பேராசிரியர் கலையரசன் அவர்கள், தமக்கு நேர்ந்த அநீதிக்கு எதிராக உரிமைக்குரல் எழுப்பி வெளிவந்திருப்பதற்கு எனது வாழ்த்துகள்!

சதியில் ஈடுபட்ட விர்ச்சுவல் விஷமிகளைக் கண்டறிவதோடு, அத்துமீறிய அதிகாரிகள் மீது நடவடிக்கை எடுக்கப்படுவதும் அவசியம் என்பதை அரசுக்கு நினைவூட்டுகிறேன்.

இவ்வாறு அவர் குறிப்பிட்டுள்ளார்.

உயர்ந்து வரும் விலைவாசி, ஆன்லைன் ஷாப்பிங் மோகம், கடன் அட்டை செலவுகள் என பல்வேறு காரணிகளால் மாதாந்திர சேமிப்பு என்பது கனவாக மாறிவிடுகிறது.

எனினும், சம்பளத்தில் சேமிக்க முடியாது என்பது அல்ல, சேமிக்க தெரியாது என்பதுதான் பெரும்பாலானவர்களின் பிரச்சனை என நிபுணர்கள் கூறுகின்றனர்.

சம்பளம் வந்தவுடன் சேமிப்பை முதலில் பிரித்து எடுப்பது, 50-30-20 நிதி விதி, சிறிய செலவுகளை கட்டுப்படுத்துவது போன்ற எளிய முறைகளை பின்பற்றினால், குறைந்த சம்பளத்திலும் கூட குறிப்பிடத்தக்க சேமிப்பை உருவாக்க முடியும்.

சேமிப்பு என்பது பணக்காரர்களுக்கு மட்டுமானது அல்ல, ஒவ்வொருவருக்கும் நிதி பாதுகாப்பை தரும் அடிப்படை உரிமையாகும்.

இருப்பினும், வாங்கும் சம்பளத்தில் சேமிக்க முடிகிறதா? என்று மாலைமலர் சார்பில் பொது மக்களிடம் கருத்துகள் கேட்கப்பட்டது.

வாங்கும் சம்பளத்தில் சேமிப்பு என்பது இன்றைய காலக்கட்டத்தில் சாத்தியமா என்பதை ஆராய்கிறது இந்த செய்தி தொகுப்பு.

நெல்லை மாவட்டம் நாங்குநேரி வாகைகுளம் பகுதியை சேர்ந்தவர் முருகன்(வயது55). இவர் கேரளாவில் கடை வைத்து நடத்தி வருகிறார். இதனால் அவர் தனது குடும்பத்துடன் அங்கேயே வசிக்கிறார்.

விபத்து

இந்தநிலையில் வாகை குளத்தில் நடைபெற்ற உறவினர் வீட்டு விசேஷத்தில் கலந்து கொள்வதற்காக, முருகன் தனது குடும்பத்துடன் ஊருக்கு வந்திருந்தார். நிகழ்ச்சி முடிந்ததும் முருகன் நேற்று இரவு தனது காரில் குடும்பத்துடன் மீண்டும் கேரளாவுக்கு புறப்பட்டார். காரை முருகனே ஓட்டியிருக்கிறார்.

அவர்களது கார் நாகர்கோவில் பார்வதிபுரம் பாலத்தில் சென்று கொண்டிருந்தது. அப்போது நாகர்கோவில் வாத்தியார் விளையை சேர்ந்த மணிகண்டன்(வயது45) என்பவர் எதிரே மோட்டார் சைக்கிளில் வந்தார். வடசேரி சந்தையில் தொழிலாளியாக வேலை பார்த்து வரும் இவரது மோட்டார் சைக்கிளிலும், முருகனின் காரும் நேருக்கு நேர் மோதிக் கொண்டன.

பலத்த காயம்

கார் மோதிய வேகத்தில் மணிகண்டன் மோட்டார் சைக்கிளில் இருந்து தூக்கி வீசப்பட்டார். அவர் பாலத்தில் மேல் பகுதியில் இருந்து கீழே 25 அடி பள்ளத்தில் விழுந்தார். ​பாலத்திலிருந்து கீழே விழுந்த மணிகண்டனுக்கு உடலில் பலத்த காயம் ஏற்பட்டது.

இருப்பினும் அவர் தலைக்கவசம் அணிந்திருந்ததால் தலையில் படுகாயம் ஏற்படவில்லை. இருந்தபோதிலும் அவர் உயரத்தில் இருந்து கீேழ விழுந்ததால் படுகாயத்துடன் உயிருக்கு போராடியபடி கிடந்தார். இதனைப்பார்த்த அந்த பகுதியை சேர்ந்த பொதுமக்கள், அவரை உடனடியாக அவரை மீட்டு சிகிச்சைக்காக அருகில் உள்ள தனியார் மருத்துவமனையில் சேர்த்தனர்.

போக்குவரத்து பிரிவு போலீசார்

பின்னர் மேல் சிகிச்சைக்காக அவரது உறவினர்கள் மணிகண்டனை மற்றொரு தனியார் மருத்துவமனைக்கு கொண்டு சென்றனர். அங்கு அவருக்கு தீவிர சிகிச்சை அளிக்கப்பட்டு வருகிறது. இந்த விபத்து குறித்து நாகர்கோவில் மாநகர போக்குவரத்து பிரிவு போலீசாருக்கு தகவல் தெரிவிக்கப்பட்டது.

அவர்கள் சம்பவ இடத்திற்கு விரைந்து வந்த போலீஸார் விசாரணை மேற்கொண்டனர். மேலும் விபத்தில் சிக்கிய கார் மற்றும் மோட்டார்சைக்கிளை மீட்டு போலீஸ் நிலையத்திற்கு கொண்டு சென்றனர். விபத்துக்கான காரணம் குறித்து நாகர்கோவில் போக்குவரத்து பிரிவு போலீசார் வழக்குப் பதிவு செய்து விசாரணை நடத்தி வருகின்றனர்.

விபத்து நடக்க யார் காரணம்? என்பதை கண்டறிய சி.சி.டி.வி. கேமரா காட்சிகளை ஆய்வு செய்கின்றனர்.

தமிழகத்தில் மின்கட்டணம், சொத்து வரி, பணியாளர்களின் ஊதியம் மற்றும் பராமரிப்புச் செலவுகள் தாறுமாறாக உயர்ந்துள்ளதாலும், ஓடிடி தளங்களின் கடுமையான போட்டியாலும் திரையரங்குகளின் இயக்கம் பெரும் பொருளாதாரச் சிக்கலை சந்தித்து வருவதாக திரையரங்க உரிமையாளர்கள் சங்கம் சுட்டிக்காட்டியுள்ளது. இத்தகைய சூழ்நிலையில், திரைத் துறையை மீட்டெடுக்கவும், தியேட்டர்களின் எதிர்காலத்தைப் பாதுகாக்கவும் முதலமைச்சர் விஜயை நேரில் சந்தித்து கோரிக்கை மனு ஒன்றைச் சமர்ப்பித்துள்ளனர். இந்த விவகாரம் தொடர்பாக செய்தி மற்றும் விளம்பரத் துறை அமைச்சரையும் நேரில் சந்தித்து விளக்க அனுமதி கோரப்பட்டுள்ளது.

திரையரங்குகளில் தற்பொழுது நடைமுறையிலுள்ள அதிகபட்ச டிக்கெட் விலையை ரூ.150-ல் இருந்து ரூ.250 ஆக உயர்த்தி வழங்க வேண்டும் என்றும், ஒரு டிக்கெட்டுக்கான திரையரங்கு பராமரிப்புக் கட்டணத்தை ரூ.6-ல் இருந்து ரூ.10 ஆக மாற்றி அமைக்க வேண்டும் என்றும் கோரப்பட்டுள்ளது. மேலும், தியேட்டர்களில் டிஜிட்டல் புரொஜெக்டர் இயக்குவதற்கு உரிமம் பெற்ற ஆபரேட்டர் கட்டாயம் இருக்க வேண்டும் என்ற பழமையான விதியை முழுமையாக நீக்க வேண்டும் என வலியுறுத்தப்பட்டுள்ளது.

நிர்வாகப் பணிகளை எளிதாக்கும் வகையில் திரையரங்குகளுக்கான சி-ஃபார்ம் உரிமத்தை ஆண்டுதோறும் அலைச்சலுக்குப் பிறகு புதுப்பிப்பதற்குப் பதிலாக, 5 ஆண்டுகளுக்கு ஒருமுறை மட்டுமே புதுப்பிக்கும் வகையில் சட்டதிட்டங்களை மாற்றியமைக்க வேண்டும். அதுமட்டுமின்றி, ஒவ்வொரு இரண்டு ஆண்டுகளுக்கு ஒருமுறை தானாகவே 10 சதவீத டிக்கெட் கட்டணத்தை உயர்த்திக் கொள்ள அரசு தங்களை அனுமதிக்க வேண்டும் எனவும் கோரிக்கைகள் வைக்கப்பட்டுள்ளன.

நாட்டின் பொருளாதார முதுகெலும்பாக விளங்கும் சிறு, குறு மற்றும் நடுத்தர நிறுவனங்கள் பிரிவின் கீழ் தகுதியுள்ள திரையரங்குகளை இணைத்து, வணிகரீதியான கட்டணங்களுக்கு மாற்றாகக் குறைந்த மின்கட்டணம் வசூலிக்க வேண்டும் எனத் திரையரங்க உரிமையாளர்கள் கேட்டுக்கொண்டுள்ளனர். ஏற்கனவே செயல்பாட்டில் உள்ள திரையரங்க வளாகங்களுக்குள்ளேயே கூடுதல் திரைகள் அமைப்பதற்கான அனுமதிகளை எளிய முறையில் துரிதமாக வழங்க வேண்டும் என்பதும் இவர்களின் முக்கிய கோரிக்கையாக உள்ளது.

பொதுமக்கள் மற்றும் திரையுலகின் நீண்ட நாள் எதிர்பார்ப்பினை பூர்த்தி செய்யும் வகையில், திரையரங்குகளில் கிரிக்கெட் உள்ளிட்ட விளையாட்டுப் போட்டிகள், இசை நிகழ்ச்சிகள் மற்றும் கலாச்சார நிகழ்ச்சிகளைத் திரையில் நேரடியாக ஒளிபரப்ப அனுமதிக்க வேண்டும். மேலும், திரையரங்குகள் செயல்படும் நேரமானது தற்போதுள்ள காலை 9 மணி முதல் நள்ளிரவு 2 மணி வரை என்பதற்குப் பதிலாக, காலை 6 மணி முதல் நள்ளிரவு 2 மணி வரை முழுமையாக நீட்டிக்கப்பட வேண்டும் என்றும், எனினும் தினமும் அதிகபட்சம் 5 காட்சிகள் என்ற கட்டுப்பாடு தொடர்ந்து நடைமுறையில் இருக்க வேண்டும் என்றும் கோரிக்கை விடுக்கப்பட்டுள்ளது.

சிவகங்கை மாவட்டம், பாகனேரி பகுதியை சேர்ந்தவர் ஆறுமுகம். இவரது மனைவி பொன்னி (வயது 75). இவர் அங்குள்ள அரசு ஆரம்ப சுகாதார நிலையம் அருகே கடை வைத்துள்ளார். தினமும் இரவு பொன்னி கடையில் தூங்குவது வழக்கம்.

அதன்படி நேற்று இரவும் அவர் கடையில் தூங்கினார். அப்போது நள்ளிரவு நேரத்தில் அங்கு வந்த மர்ம நபர்கள் கடையில் தூங்கி கொண்டிருந்த பொன்னியின் தலையில் கல்லை தூக்கி போட்டனர்.

கொலை

இதில் படுகாயமடைந்த அவர் ரத்த வெள்ளத்தில் சம்பவ இடத்திலேயே பலியானார். இன்று காலையில் மூதாட்டி தலையில் பலத்த காயங்களுடன் உயிரிழந்து கிடப்பதை கண்டு அப்பகுதி மக்கள் அதிர்ச்சியடைந்தனர். இதுகுறித்து உடனடியாக மதகுபட்டி போலீசாருக்குத் தகவல் தெரிவிக்கப்பட்டது.

தகவலறிந்து சம்பவ இடத்திற்கு விரைந்து வந்த போலீசார், மூதாட்டியின் உடலைக் கைப்பற்றி பிரேத பரிசோதனைக்காக சிவகங்கை அரசு மருத்துவக் கல்லூரி மருத்துவமனைக்கு அனுப்பி வைத்தனர். மேலும், சம்பவ இடத்தில் தடயங்களைச் சேகரித்து விசாரணையைத் தொடங்கியுள்ளனர்.

காரணம் என்ன?

75 வயது மூதாட்டியை கொலை செய்தது யார்? முன்விரோதம் காரணமாக இந்தக் கொலை நடந்ததா? அல்லது வேறு ஏதேனும் காரணம் உள்ளதா? மூதாட்டி தூங்கிக் கொண்டிருந்த கடையில் கொள்ளை முயற்சி நடைபெற்றதா? என்பது உள்ளிட்ட பல்வேறு கோணங்களில் மதகுபட்டி போலீசார் விசாரணை மேற்கொண்டு வருகின்றனர்.

மேலும் கொலையில் ஈடுபட்ட மர்ம நபர்களைக் கண்டறிய அப்பகுதியில் உள்ள கண்காணிப்பு கேமரா காட்சிகளையும் போலீசார் ஆய்வு செய்து வருகின்றனர்.

இந்த சம்பவம் அப்பகுதியில் பரபரப்பை ஏற்படுத்தி உள்ளது.

அரசு அலுவலர்கள், ஆசிரியர்களுக்கு 60 சதவீதமாக உள்ள அகவிலைப்படியை 63 சதவீதமாக உயர்த்தி முதலமைச்சர் விஜய் அறிவித்துள்ளார்.

அகவிலைப்படி உயர்வால் தமிழக அரசுக்கு கூடுதலாக ரூ.1,858 கோடி செலவாகும் என தெரிவிக்கப்பட்டுள்ளது.

கடந்த ஜூலை 1ம் தேதியில் இருந்து அகவிலைப்படியை 3 சதவீதம் உயர்த்தி வழங்குவதால் சுமார் 16 லட்சம் பேர் பயன்பெருவர்.

கடந்த ஜூலை 1ம் தேதியில் இருந்து அகவிலைப்படியை 3 சதவீதம் உயர்த்தி வழங்குவதால் சுமார் 16 லட்சம் பேர் பயன்பெறுவர் என தெரிவிக்கப்பட்டுள்ளது.

3 சதவீத அகவிலைப்படி உயர்வால் அரசு அலுவலர்கள், ஆசிரியர்கள், ஓய்வூதியதாரர்கள், குடும்ப ஓய்வூதியர்கள் பயன்பெறுவர் என தெரிவிக்கப்பட்டுள்ளது.

தமிழகத்தில் இந்த ஆண்டு இதுவரை வடகிழக்கு பருவமழை இயல்பைவிட 35 சதவீதம் அதிகமாக பதிவாகியுள்ளது. இதுகுறித்து சென்னை வானிலை ஆய்வு மையம் வெளியிட்டுள்ள அறிக்கையில் கூறி இருப்பதாவது:-

தமிழகத்தில் வடகிழக்கு பருவமழை கடந்த 15-ந்தேதி தொடங்கியது. தமிழகம் முழுவதும் பரவலாக மழை பெய்து வருகிறது. குறிப்பாக, மேற்கு தொடா்ச்சி மலை மாவட்டங்கள், தென் மாவட்டங்களில் இயல்பை விட அதிகமாகவே மழை பதிவாகியுள்ளது.

கடந்த 1-ந்தேதி முதல் நேற்று வரை இயல்பாக 16.56 செ.மீ. மழை பதிவாக வேண்டும். ஆனால் இந்த ஆண்டு 21.79 செ.மீ. மழை பதிவாகியுள்ளது. அதாவது 35 சதவீதம் கூடுதலாக மழை பதிவாகியுள்ளது.

இதில் 30-க்கும் மேற்பட்ட மாவட்டங்களில் இயல்பைவிட அதிக மழை பதிவாகியுள்ளது. அதிகபட்சமாக கோவையில் 101 சதவீதமும் (31.34 செ.மீ), திருவள்ளூரில் 79 சதவீதமும் (25.87 செ.மீ.), திண்டுக்கல்லில் 74 சதவீதமும் (32.8 செ.மீ.), காரைக்காலில் 70 சதவீதமும் (43.49 செ.மீ.) மழை பதிவாகியுள்ளது.

சென்னை

சென்னையில் வழக்கமாக 26 செ.மீ. மழை பதிவாக வேண்டிய நிலையில் 29.6 செ.மீ. மழை பெய்து உள்ளது. அதாவது சென்னையில் 3 சதவீதம் மழை அதிகமாக பதிவாகியுள்ளது. அதே நேரத்தில் தென்காசி, செங்கல்பட்டு, திருப்பூர், புதுக்கோட்டை மாவட்டங்களில் மழை குறைவாக பெய்துள்ளது.

இவ்வாறு அதில் கூறப்பட்டுள்ளது.

வெயில் தாக்கம்

சென்னையில் வடகிழக்கு பருவமழை தொடங்குவதற்கு முன்பு வரை வெயில் வாட்டி வதைத்தது. இதனால் வெப்பத்தின் தாக்கத்தால் பொதுமக்கள் மிகுந்த சிரமத்துக்கு ஆளானார்கள். வடகிழக்கு பருவமழை தொடங்கியதும் சென்னை மற்றும் புறநகர் பகுதிகளில் சில நாட்கள் பரவலாக மழை பெய்தது. இதையடுத்து வெயிலின் தாக்கம் குறைந்து குளிர்ச்சி நிலவியது. இதனால் பொது மக்கள் மகிழ்ச்சி அடைந்தனர்.

வெப்பம் உயரும்

ஆனால் கடந்த சில நாட்களாக மழை பெய்யாததால் சென்னையில் மீண்டும் வெயிலின் தாக்கம் அதிகரிக்க தொடங்கியுள்ளது. பகலில் வெப்பத்தின் தாக்கம் அதிகமாக உள்ளது. இரவில் அதிக அளவில் புழுக்கம் காணப்படுகிறது. இதனால் பொதுமக்கள் கடும் சிரமத்துக்கு ஆளாகியுள்ளனர். இந்த நிலையில் சென்னையில் இன்று வெப்பம் உயரும் என்று வானிலை ஆய்வு மையம் கூறியுள்ளது.

இதுகுறித்து சென்னை வானிலை ஆய்வு மையம் கூறி இருப்பதாவது:-

வங்கக்கடலில் நிலவும் புதிய வானிலை மாறுபாடுகள் மற்றும் காற்றின் திசை மாற்றங்கள் காரணமாக, தமிழ்நாட்டின் பல பகுதிகளில் இன்று வெப்பநிலை அதிகரிக்கும். சென்னையில் இன்று அதிகபட்ச வெப்பநிலை வழக்கத்தைவிட 2 முதல் 3 டிகிரி செல்சியஸ் வரை அதிகரிக்கும். 93 முதல் 97 டிகிரி பாரன்ஹீட் வரை வெப்பம் பதிவாகும்.

காற்றில் உள்ள அதிகப்படியான ஈரப்பதம் காரணமாக, வெளியில் செல்லும் போது வளிமண்டல வெப்ப நிலை 93 டிகிரியாக இருந்தாலும், உடலுக்கு அது 100 முதல் 102 டிகிரி போல உணரப்படும். பகலில் வானம் ஓரளவு மேகமூட்டம் மற்றும் வறண்ட சூழலுடன் காணப்பட்டாலும், சென்னையின் ஒரு சில பகுதிகளில் லேசான தூறல் அல்லது மிதமான மழைக்கு வாய்ப்புள்ளது. வங்கக்கடலில் உருவாகியுள்ள குறைந்த காற்றழுத்த தாழ்வு பகுதி காரணமாக நாளை (1-ந்தேதி) முதல் சென்னையில் மீண்டும் படிப்படியாக மழைப்பொழிவு அதிகரிக்கும்.

இவ்வாறு அதில் கூறப்பட்டுள்ளது.

அம்மா மக்கள் முன்னேற்ற கழக பொதுச்செயலாளர் டி.டி.வி.தினகரன் வெளியிட்டுள்ள அறிக்கையில்,

கோவை மத்திய சிறை வளாகத்திலிருந்து ஒரு விசாரணைக் கைதி, சென்னை கொளத்தூரில் பாலியல் வழக்கில் கைது செய்யப்பட்ட ஒருவர் என முதலமைச்சர் சிறைத்துறைக்கு "கிடுக்குப்பிடி" உத்தரவு விடுத்த அடுத்த கணமே அடுத்தடுத்த கைதிகள் காவல் பாதுகாப்பிலிருந்து தப்பித்துள்ளனர்.

தவெக ஆட்சி அமைந்த நாள் முதலே சென்னை புழல், சேலம், தேனி என இதுவரை 50-க்கும் மேற்பட்ட சிறைக் கைதிகள் தப்பியிருப்பதாக சொல்லப்படுவது, தவெக ஆட்சியில் சிறைத்துறை நிர்வாகம் சின்னாபின்னமாகியுள்ளதையே காட்டுகிறது.

அலட்சியத்துடன் தவெக அரசு

குற்றவாளிகள் சிறைகளிலிருந்து தப்பிக்கும் சம்பவங்கள் தொடர்கதையாகி வரும் நிலையில், சிறைத்துறையில் பாதுகாப்புக் குறைபாடுகள் இருப்பது தெரியவந்த பிறகும், அவற்றைச் சரிசெய்வதற்கு எந்தவொரு முன்னெடுப்பையும் மேற்கொள்ளாமல் அலட்சியத்துடன் தவெக அரசு செயல்பட்டதே இச்சம்பவங்களுக்கான முக்கியக் காரணமாக அமைந்துள்ளது.

சிறைக்காவலர்கள் மீது நடவடிக்கை எடுக்கப்படும் என்றும், சிறைத்துறை சீரமைக்கப்படும் என்றும் முதலமைச்சர் உத்தரவு வெளியிட்ட சில மணித்துளிகளிலேயே பாதுகாப்பு அரணிலிருந்த கைதிகள் தப்பியிருப்பது, முதலமைச்சரின் கீழ் இயங்கும் காவல்துறையையும், "வாய்ச்சவடால் வீராசாமி" எனப் பெயரெடுத்துள்ள சிறைத்துறை அமைச்சரையும் யாரும் ஒரு பொருட்டாகக்கூட மதிக்கவில்லை என்பது தெள்ளத்தெளிவாகிறது.

எனவே, சிறைத்துறையின் மேம்பாடு என்பது எவ்வளவு முக்கியம் என்பதை இனியாவது உணர்ந்து, சம்பிரதாயத்திற்காகவும் "பரிகாரத்திற்காகவும்" சிறைச்சாலைகளை ஆய்வு செய்வதைத் தவிர்த்து, முறையாக ஆய்வு மேற்கொண்டு பாதுகாப்புக் குறைபாடுகளைக் கண்டறிந்து, அவை அனைத்தையும் நிவர்த்தி செய்வதற்கான நடவடிக்கைகளை மேற்கொள்ள வேண்டும் என முதலமைச்சர் விஜய் அவர்களை வலியுறுத்துகிறேன்.

அப்போது அவர் கூறியதாவது:-

சென்னையில் வீட்டு வசதி வாரிய வீடுகள் மிகவும் மோசமாக உள்ளன. மோசமான வீடுகளில் இருப்பவர்கள் பாதுகாப்பாக தங்க ஏற்பாடு செய்யப்பட்டுள்ளது.

சென்னை மாநகராட்சிக்கு எல்லைக்கு உட்பட்ட சாலைகளில் தற்போது பேட்ச் ஒர்க் நடைபெறுகிறது.

மழையின் தாக்கத்தில் இருந்து மக்களை காக்கும் வகையில் விரைந்து பேட்ச் ஒர்க் செய்யப்படுகிறது.

புதிய டெண்டர் விடப்பட்டு அடுத்தாண்டு மழைக்கு முன்னர் அனைத்து சாலைகளும் முழுமையாக சரி செய்யப்படும்.

முந்தைய ஆட்சியில் ஒரு குடும்பத்தின் ஆதிக்கத்தில் இருந்த காவல்துறையை முதலமைச்சர் விஜய் மீட்டு வருகிறார்.

திமுக ஆட்சியில் காவல்துறையை செயல்படாமல் தடுத்து துறையையே சீரழித்து வைத்திருந்தனர்.

திமுக ஆட்சியில் காவல்துறையை யார் கட்டுப்பாட்டில் வைத்திருந்தார் என கனிமொழி தான் பதில் தர வேண்டும்.

பொய்யான பரப்புரை, ஸ்டாலின் எத்தனை வீடியோ வேண்டுமானாலும் போடட்டும், நாங்கள் மக்களுக்காக பணியாறறி வருகிறோம்.

இவ்வாறு அவர் கூறினார்.

கடலூர் மாவட்டம் வடலூரில் வாரந்தோறும் சனிக்கிழமை ஆட்டுச்சந்தை நடைபெறுவது வழக்கம். இந்த சந்தைக்கு வடலூர் மற்றும் அதன் சுற்றுவட்டார பகுதிகளான 50-க்கும் மேற்பட்ட கிராமங்களில் இருந்து விவசாயிகள் தாங்கள் வளர்க்கும் வெள்ளாடு, கொடிஆடு, செம்மறி ஆடுகளை விற்பனைக்கு கொண்டு வருவார்கள்.

தீபாவளி பண்டிகை

இந்நிலையில் தீபாவளி பண்டிகையை முன்னிட்டு இன்று அதிகாலை 2 மணி முதலே ஆட்டுச்சந்தை விறுவிறுப்பாக தொடங்கியது. அதிகாலை முதலே ஏராளமான விவசாயிகள் ஆடுகளை கொண்டு வந்ததால் சந்தை முழுவதும் மக்கள் கூட்டம் அலைமோதியது.

ஆடுகளை வாங்குவதற்காக கடலூர், விழுப்புரம், கள்ளக்குறிச்சி, சென்னை, திருவண்ணாமலை, சேலம், திருச்சி, புதுக்கோட்டை, தேனி, திண்டுக்கல் உள்ளிட்ட தமிழகத்தின் பல்வேறு மாவட்டங்களில் இருந்தும், புதுச்சேரி மாநிலத்தில் இருந்தும் வியாபாரிகள் மற்றும் இறைச்சிக்கடை உரிமையாளர்கள் குவிந்தனர்.

வியாபாரிகள்

இதனால் அதிகாலை முதலே ஆடுகளின் விற்பனை விறுவிறுப்பாக நடைபெற்றது. ஒரு ஆடு குறைந்தபட்சம் ரூ.6 ஆயிரம் முதல் அதிகபட்சம் ரூ.35 ஆயிரம் வரை விற்பனையானது. ஆடுகளின் எடை, ரகம் மற்றும் தரத்தை பொறுத்து விலை நிர்ணயம் செய்து வியாபாரிகள் போட்டி போட்டு ஆடுகளை வாங்கி குவித்தனர்.

ேமலும் இன்று ஒருநாள் விற்பனையில் மட்டும் சுமார் ரூ.4 கோடிக்கு ஆடுகள் விற்பனையாகியுள்ளதாக வியாபாரிகள் தெரிவித்தனர். குறிப்பாக, வெளி மாவட்டங்களில் இருந்து வந்த வியாபாரிகள் அதிக அளவில் ஆடுகளை வாங்கி சென்றதால் சந்தை விற்பனை களைகட்டியது.

வடலூர் ஆட்டுச் சந்தை

வடலூர் ஆட்டுச் சந்தையில் தீபாவளி உள்ளிட்ட முக்கிய பண்டிகை காலங்களில் ஆடுகளின் விற்பனை வழக்கத்தைவிட அதிகரிப்பது குறிப்பிடத்தக்கது. கடந்த தீபாவளி பண்டிகையின்போது சுமார் ரூ.1 கோடிக்கு அதிகமாக ஆடுகள் விற்பனையான நிலையில் இந்த ஆண்டு விற்பனை அதிகமாகி இருப்பது விவசாயிகளிடையே பெரும் மகிழ்ச்சியை ஏற்படுத்தி உள்ளது.

அசோக் நகர்

சென்னை அசோக் நகர், போக்குவரத்து பிரிவு போலீஸ் ஏட்டு புவனேஸ்வரன். இவர் நேற்று மாலை அசோக்நகர் 100 அடி சாலை - லட்சுமன் ஸ்ருதி சந்திப்பில் சிறப்பு சப்-இன்ஸ்பெக்டர் கண்ணனுடன் சேர்ந்து பணியில் ஈடுபட்டிருந்தார். அப்போது வடபழனியில் இருந்து அசோக் நகர் நோக்கி வந்த கார் ஒன்று “யூ டர்ன்” எடுக்க முயன்றது.

இதனால் அங்கு போக்குவரத்து நெரிசல் ஏற்பட்டது. இதை கண்ட ஏட்டு புவனேஸ்வரன் ஓடி வந்து காரில் இருந்த வாலிபரிடம் இங்கு திரும்ப கூடாது, சற்று தூரம் சென்று வளைவில் திரும்பி செல்லும்படி கூறினார். பலமுறை கூறியும் அங்கிருந்து போக மறுத்த வாலிபர் காரை தடை செய்யப்பட்ட பகுதியில் திருப்ப முயன்றார். உடனடியாக புவனேஸ்வரன் தனது செல்போனில் காரை படம் பிடித்தார்.

வாலிபர்

இதில் ஆத்திரமடைந்த வாலிபர் திடீரென காரை சாலையின் நடுவே நிறுத்திவிட்டு கீழே இறங்கி தகாத வார்த்தைகளால் பேசி “என்னையே படம் பிடிப்பாயா, முடிந்தால் வழக்கு போடு “ என்று கூறி புவனேஸ்வரனின் செல்போனை பறித்து அவரை தாக்கினார்.

போலீசார் மீது தாக்குதல்

இதை தடுத்து கண்டித்த சப்- இன்ஸ்பெக்டர் கண்ணனையும் தாக்கிய வாலிபர் காரில் ஏறி தப்பி சென்றுவிட்டார்.பணியில் இருந்த போக்குவரத்து போலீசார் மீது தாக்குதல் நடத்திய சம்பவம் பெரும் பரபரப்பை ஏற்படுத்தியது.

தாக்குதலில் காயமடைந்த கண்ணன் மற்றும் புவனேஸ்வரன் இருவரும் கே.கே நகர் அரசு ஆஸ்பத்திரியில் சிகிச்சை பெற்று திரும்பினர். தகவல் அறிந்து வந்த அசோக் நகர் போலீசார் அந்த பகுதியில் உள்ள கண்காணிப்பு கேமரா பதிவு மற்றும் காரின் பதிவு எண்ணை வைத்து நடத்திய விசாரணையில் போலீசார் மீது தாக்குதல் நடத்தி தப்பியது மாங்காடு பகுதியை சேர்ந்த பிரகாஷ் (39) என்பது தெரிந்தது.

அவர் மீது 4 பிரிவுகளின் கீழ் வழக்கு பதிவு செய்த போலீசார் பிரகாசை கைது செய்தனர். அவரிடம் விசாரணை நடந்து வருகிறது.

வேலூர் மாவட்டம், பேரணாம் பட்டு பகுதியில் அரசு மகளிர் மேல்நிலைப் பள்ளி உள்ளது.

மாணவிகள் மாயம்

அங்கு பத்தலப்பல்லி கிராமத்தை சேர்ந்த 16 வயது மாணவி பிளஸ்-1 படித்து வருகிறார். மாலை பள்ளி முடிந்ததும் வீடு திரும்பாத நிலையில் அதிர்ச்சி அடைந்த பெற்றோர், உடனே மகளுடன் படிக்கும் சக தோழியான சின்னவரிக்கம் கிராமத்தை சேர்ந்த பிளஸ்-1 மாணவியின் தாயாரை செல்போனில் தொடர்பு கொண்டு கேட்டபோது, அவர் உங்கள் மகளும், எனது மகளும் பள்ளிக்கு வரவில்லை என்று பள்ளியில் இருந்து போனில் தெரிவித்ததாகவும், எனது மகள் வீட்டில் இருந்த செல்போனை எடுத்து சென்று விட்டதாகவும் தெரிவித்தார்.

ஒரே நேரத்தில் பிளஸ்-1 மாணவிகள் 2 பேர் மாயமானதால் அவர்களை உறவினா்கள் மற்றும் தோழிகள் என பல்வேறு இடங்களில் தேடியும் அவா்கள் கிடைக்கவில்லை. இதையடுத்து, மாணவிகளின் பெற்றோா் பேரணாம்பட்டு போலீஸ் நிலையத்தில் புகாா் அளித்தனா்.

போலீசார் வழக்குப்பதிவு செய்து மாணவி எடுத்துச் சென்றுள்ள செல்போன் பதிவுகளை ஆய்வு செய்து தேடி வந்தனர். ஒரே பள்ளியில் பிளஸ்-1 படிக்கும் 2 மாணவிகள் திடீரென காணாமல் போன சம்பவம் அந்த பகுதியிலும், பள்ளியிலும் பரபரப்பை ஏற்படுத்தியது.

சென்னையில் மீட்பு

இந்த நிலையில் சென்னை கீழ்பாக்கம் பகுதியில் நின்ற 2 மாணவிகளையும் சென்னை போலீசார் மீட்டனர். அவர்களிடம் விசாரணை நடத்தினர். மேலும் இதுகுறித்து பேரணாம்பட்டு போலீசாருக்கு தகவல் தெரிவித்தனர். மாணவிகளை மீட்பதற்காக பேரணாம்பட்டு போலீசார் சென்னை புறப்பட்டு சென்றனர்.

மார்க்சிஸ்ட் கம்யூனிஸ்டு கட்சி சார்பில் பாரிமுனை குறலகம் அருகில் இன்று கண்டன ஆர்ப்பாட்டம் நடைபெற்றது. விலைவாசி உயர்வு மற்றும் அரிசி, பருப்பு, சர்க்கரை போன்ற அத்தியாவசிய பொருட்கள் தட்டுப்பாடு பதுக்கலுக்கு காரணமானவர் மீது நடவடிக்கை எடுக்க வலியுறுத்தி இந்த போராட்டம் நடந்தது.

மத்திய சென்னை

மத்திய சென்னை மாவட்ட செயலாளர் செல்வா தலைமையில் நடந்த ஆர்ப்பாட்டத்தில் மத்திய குழு உறுப்பினர் கே.பாலபாரதி கலந்து கொண்டார். மேலும் துறைமுகம் பகுதி செயலாளர் ஆர்.குமார், வியாபாரிகள் சங்கத் தலைவர் எம்.டி.கிருஷ்ணன் உள்ளிட்ட 100-க்கும் மேற்பட்டவர்கள் கலந்து கொண்டனர்.

விலைவாசி உயர்வு

விலைவாசி உயர்வுக்கு காரணமான மாநில அரசின் தவறான போக்கை கண்டித்து கோஷங்களை எழுப்பினார்கள். இந்த ஆர்ப்பாட்டத்தின் போது போராட்டக்காரர்கள் கழுத்தில் காய்கறி மாலைகளை அணிந்து நூதன முறையில் அரசுக்கு தங்களது எதிர்ப்பை தெரிவித்தனர்.

போக்குவரத்து போலீசார்

சென்னையில் தினமும் போக்குவரத்து போலீசார் சாலைகளில் நின்று கொண்டு விதிமீறல்களில் ஈடுபடும் வாகன ஓட்டிகளுக்கு அபராதம் விதித்து வருகிறார்கள்.

போலீஸ் கமிஷனர் அமல்ராஜ் உத்தரவின் பேரில் போக்குவரத்து கூடுதல் கமிஷனர் சாமூண்டீஸ்வரி, இணை கமிஷனர் பகலவன் ஆகியோரது மேற்பார்வையில் இந்த பணிகள் மேற்கொள்ளப்பட்டு வருகிறது.

அதிரடி வேட்டை

இந்த நிலையில் இன்று சென்னை மாநகரில் உள்ள போக்குவரத்து அதிகாரிகள் மற்றும் காவலர்கள் இணைந்து அனைத்து இடங்களிலும் சோதனை மேற்கொண்டனர்.

போக்குவரத்து விதிமீறல் அற்ற நாள் என்ற பெயரில் இன்று 81 இடங்களில் அதிரடி சோதனை நடத்தப்பட்டது. போக்குவரத்து அதிகாரிகள் தலைமையில் நடத்தப்பட்ட இந்த சோதனையின்போது ஹெல்மெட் அணியாமல் வந்தவர்களை மடக்கி பிடித்து போலீசார் அபராதம் விதித்தனர். இதேபோன்று உரிய ஆவணங்கள் இன்றி வந்த வாகனங்கள் பறிமுதல் செய்யப்பட்டன. ஓட்டுனர் உரிமம் இன்றி வந்தவர்களும், வாகனங்களுக்கான உரிய ஆவணம் இன்றி பயணித்தவர்களும் போலீசில் சிக்கினார்கள். அவர்களுக்கு அபராதம் விதிக்கப்பட்டது.

பாராட்டு

இந்த சோதனையின்போது மோட்டார் சைக்கிளில் சென்றவர்களில் பலர் வாகனத்தை ஓட்டியவர்களும், பின்னால் அமர்ந்திருந்தவர்களும் ஹெல்மெட் அணிந்திருந்தனர் என்றும் இது வரவேற்கக்கூடிய விஷயம் தான் என்றும் போக்குவரத்து போலீசார் தெரிவித்தனர்.

இதுபோன்று விதிகளை மதித்து வாகனங்களை ஓட்டி சென்றவர்களை கைகொடுத்து பாராட்டினார்கள்.

இந்த சோதனை சென்னை மாநகர் முழுவதும் இன்று மேற்கொள்ளப்பட்ட நிலையில் அனைத்து முக்கிய சாலைகள் மற்றும் பிரதான சாலைகளில் சிறப்பு தணிக்கை மற்றும் தீவிர நடவடிக்கைகள் மேற்கொள்ளப்பட்டு போக்குவரத்து விதிகளை மீறிய வாகன ஓட்டிகள் மீது வழக்குகள் பதிவு செய்யப்பட்டது.

செல்போன்கள்

பொதுமக்கள் போக்குவரத்து விதிகளைத் தவறாது கடைப்பிடிக்கவும், போக்குவரத்து சிக்னல்களை மதித்து நடக்கவும், இருசக்கர வாகனங்களில் செல்பவர்கள் தலைக்கவசம் அணியவும் 4 சக்கர வாகனங்களில் செல்பவர்கள் இருக்கைப் பட்டை அணியவும் போலீசார் கேட்டுக் கொண்டனர். அதிவேகமாகவும் ஆபத்தான முறையிலும் வாகனங்களை ஓட்டுவதைத் தவிர்க்கவும், வாகனம் ஓட்டும்போது செல்போன்களை பயன்படுத்த வேண்டாம் என்றும் கூறினர்.

தருமபுரி மாவட்டம் பழைய இண்டூர் பகுதியை சேர்ந்தவர் சித்தன், இவருடைய மனைவி சின்ன பாப்பா (வயது45). இவர்களது மகன் தேவராஜ் (20), கட்டிட தொழிலாளி. இவருக்கு மது குடிக்கும் பழக்கம் இருந்து வந்தது. கடந்த ஆகஸ்டு மாதம் 3-ந்தேதி இண்டூரில் போலீஸ் தொப்பியை அணிந்து கொண்டு கையில் கத்தியுடன் சாலையில் சென்ற பொதுமக்களை விரட்டிய தேவராஜ், வீரமணி என்பவரை தாக்க முயன்றார்.

கைது

இது தொடர்பான புகாரின் பேரில் தேவராஜை இண்டூர் போலீசார் கைது செய்து சேலம் மத்திய சிறையில் அடைத்தனர். கடந்த 28-ந்தேதி இவருக்கு ஜாமீன் வழங்கப்பட்டது. இதனால் சிறையில் இருந்து தேவராஜ் வெளியே வந்தார். நேற்று முன்தினம் நள்ளிரவு வீட்டில் இருந்த தேவராஜிடம், அதிக செலவு செய்து உன்னை ஜாமீனில் எடுத்துள்ளோம். எனவே இனிமேல் எந்த பிரச்சினையும் செய்யாமல் வேலைக்கு செல்லுமாறு அவரது தாயார் சின்னபாப்பா அறிவுரை கூறியுள்ளார்.

அடித்துக்கொலை

இதனால் ஆத்திரமடைந்த தேவராஜ் தன்னை எதிர்த்து யாரும் பேசக்கூடாது என்று கூறி தனது தாயாரிடம் வாக்குவாதத்தில் ஈடுபட்டார். பின்னர் வீட்டின் கதவை உள்பக்கமாக பூட்டி கொண்டு தாயார் சின்னபாப்பாவை இரும்பு ராடால் அடித்தார். இதில் படுகாயம் அடைந்து ரத்த வெள்ளத்தில் கீழே விழுந்த சின்ன பாப்பா பரிதாபமாக உயிரிழந்தார். இதனால் அதிர்ச்சி அடைந்த குடும்பத்தினர் இதுபற்றி இண்டூர் போலீசாருக்கு தகவல் தெரிவித்தனர்.

போலீசார்

இதையடுத்து போலீசார் சம்பவ இடத்திற்கு சென்று விசாரணை நடத்தினர். பின்னர் சின்னபாப் பாவின் உடலை மீட்டு பிரேத பரிசோதனைக்காக தர்மபுரி அரசு ஆஸ்பத்திரிக்கு அனுப்பி வைத்தனர். இது தொடர்பாக போலீசார் கொலை வழக்குப்பதிவு செய்து தேவராஜை நேற்று கைது செய்தனர்.

கடலூர் மாவட்டம் சிதம்பரம் அருகே உள்ள மீதிகுடி கிராமத்தைச் சேர்ந்தவர் ரவிச்சந்திரன் (வயது34). பெயிண்டர்.

காதல் திருமணம்

இவர், சிவகாமி (30) என்பவரை கடந்த 12 ஆண்டுகளுக்கு முன்பு காதலித்து திருமணம் செய்து கொண்டார்.

இவர்களுக்கு இடையே கடந்த 2 ஆண்டுகளாக அடிக்கடி குடும்பத் தகராறு ஏற்பட்டு வந்ததாக கூறப்படுகிறது. பின்னர் இருவரும் சமாதானமாகி ஒன்றாக வாழ்ந்து வந்துள்ளனர்.

இந்த நிலையில் நேற்று மதியம் கணவன், மனைவி இடையே மீண்டும் தகராறு ஏற்பட்டது. அப்போது ஆத்திரமடைந்த ரவிச்சந்திரன், மனைவி சிவகாமியை கடுமையாக தாக்கியுள்ளார்.

அடித்து கொலை

இதில் பலத்த காயம் அடைந்த சிவகாமி ரத்த வெள்ளத்தில் சம்பவ இடத்திலேயே உயிரிழந்து விட்டார். அவர் இறந்ததற்கான எந்த தடயமும் வீட்டில் இல்லாதபடி ரவிச்சந்திரன் பார்த்து கொண்டார். வீட்டில் ஆங்காங்கே படிந்திருந்த ரத்தக்கறை எல்லாவற்றையும் அவர் அழித்து விட்டதாக கூறப்படுகிறது.

தனது மனைவி இறந்த தகவலை அக்கம்பக்கத்தினருக்கோ, கிராம மக்களுக்கோ தெரிவிக்காமல், யாருக்கும் தெரியாமல், இரவு நேரத்தில் வாகனம் ஒன்றை வரவழைத்து சிவகாமியின் உடலை சுடுகாட்டிற்கு கொண்டு சென்றுள்ளார்.

உடல் எரிப்பு

பின்னர் அங்கு வைத்து யாருக்கும் தெரியாமல் உடலை எரித்துள்ளனர். இந்த நிலையில், சுடுகாட்டில் பிணம் எரிவதை பார்த்த அப்பகுதி மக்கள், இங்கு எந்த இறப்பும் நடக்கவில்லை. பின்னர் எப்படி சுடுகாட்டில் பிணம் எரியூட்டப்படுகிறது என சந்தேகம் அடைந்தனர்.

உடனடியாக அவர்கள் சம்பவம் குறித்து கிராம உதவியாளருக்கு தகவல் கொடுத்தனர். அவர் உடனடியாக தாசில்தாருக்கு இந்த தகவலை தெரிவிக்க, அவர் சம்பவம் குறித்து அண்ணாமலை நகர் போலீசாருக்கு தகவல் தெரிவித்தார். இதையடுத்து சிதம்பரம் துணை போலீஸ் சூப்பிரண்டு சத்திரிய கவின், அண்ணாமலை நகர் இன்ஸ்பெக்டர் கவிதா தலைமையிலான போலீசார் நள்ளிரவு சம்பவ இட த்திற்குச் சென்று விசாரணை மேற்கொண்டனர்.

கணவர் கைது

விசாரணையில் ரவிச்சந்திரன் குடும்பத் தகராறில் தனது மனைவியை அடித்து கொலை செய்ததும், யாருக்கும் தெரியாமல் உடலை சுடுகாட்டிற்கு எடுத்து சென்று எரித்ததும் தெரியவந்தது. மேலும், உடலை எரிக்க ரவிசந்திரனின் தந்தை தனது விறகு கடையில் இருந்து விறகு எடுத்து வந்து கொ டுத்ததாகவும் தகவல்கள் வெளியாகி உள்ளது.

இதையடுத்து போலீசார் ரவிசந்திரன் மற்றும் அவரது தந்தையை தேடினர். ஆனால் அவர்கள் தலைமறைவாகி விட்டனர். அவர்களது செல்போன் எண்ணும் சுவிட்ச் ஆப் செய்யப்பட்டு இருந்தது. தொடர்ந்து அவர்கள் 2 பேரையும் போலீசார் தீவிரமாக தேடி வந்தனர். இந்த நிலையில் ரவிச்சந்திரனை போலீசார் கைது செய்தனர். தொடர்ந்து தலைமறைவாக உள்ள ரவிச்சந்திரனின் தந்தையை தேடி வருகின்றனர். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

விவசாய கூலி வேலைக்காக நிலத்தில் உழுது கொண்டிருந்தபோது மின்சாரம் தாக்கி தந்தை ராஜா, மகன் ஆதித்யன் உயிரிழந்தனர்.

குடும்பத்திற்கு ஆறுதல் தெரித்த முதலமைச்சர் ஜோசப் விஜய் ரூ.6 லட்சம் நிதியுதவி வழங்க உத்தரவிட்டுள்ளார்.

இதுகுறித்து அவர் வெளியிட்டுள்ள அறிக்கையில் கூறப்பட்டுள்ளதாவது:-

திருவாரூர் மாவட்டம், புதூர் கிராமத்தைச் சேர்ந்த ஆதித்யன் (வயது 21), த/பெ. ராஜா மற்றும் ராஜா (வயது 49) த/பெ. அருணாச்சலம் ஆகியோர் கடந்த 5.10.2026 அன்று விவசாயக் கூலி வேலைக்காக நஞ்சை நிலத்தில் டிராக்டர் மூலம் உழுது கொண்டிருந்தபோது, அழுத்த மின்பாதை மின்கம்பத்தில் உயர் டிராக்டர் எதிர்பாராதவிதமாக 'வீ கிராசாரம்' மின்கம்பியுடன் டிராக்டர் மீது விழுந்ததில், டிராக்டர் ஓட்டிக்கொண்டிருந்த ஆதித்யன் மீது மின்சாரம் பாய்ந்ததோடு, அருகில் வேலை செய்துகொண்டிருந்த அவரது தந்தை ராஜா, இவரைக் காப்பாற்ற முயன்றபோது அவர்மீதும் மின்சாரம் பாய்ந்ததில், இருவரும் நிகழ்விடத்திலேயே உயிரிழந்தனர் என்ற செய்தியை அறிந்து மிகுந்த வருத்தமும், வேதனையும் அடைந்தேன்.

மோதியதில் மின்கம்பத்தில் இருந்த இச்சம்பவத்தில் உறவினர்களுக்கும் உயிரிழந்தவர்களின் குடும்பத்தினருக்கும், எனது ஆழ்ந்த இரங்கலையும், ஆறுதலையும் தெரிவித்துக் கொள்வதோடு, உயிரிழந்தவர்களின் குடும்பத்தினருக்குத் தலா மூன்று லட்சம் ரூபாய் முதலமைச்சரின் பொது நிவாரண நிதியிலிருந்து வழங்கிடவும் உத்தரவிட்டுள்ளேன்.

இவ்வாறு குறிப்பிடப்பட்டுள்ளது.

தீபாவளி பண்டிகையையொட்டி சென்னை தீவுத்திடலில் ஒவ்வொரு ஆண்டும் பட்டாசு கடைகள் மூலம் சிறப்பு விற்பனை நடப்பது வழக்கம்.

இந்த ஆண்டு கோர்ட்டு வழக்கு காரணமாக கடைகள் திறப்பது தாமதமாகி உள்ளது. சென்னை ஐகோர்ட்டு உத்தரவுபடி தீவுத்திடலில் 30 கடைகள் வைப்பதற்கு அனுமதி அளிக்கப்பட்டதை தொடர்ந்து தமிழ்நாடு சுற்றுலா வளர்ச்சி கழகம் அதற்கான டெண்டர் விடப்பட்டு கடைகள் அமைக்கும் பணி தற்போது நடைபெற்று வருகிறது.

பட்டாசு கடைகள் திறப்பது குறித்து சென்னை பட்டாசு வியாபாரிகள் சங்க செயல் தலைவர் ஷேக் அப்துல்லா கூறியதாவது:-

தீவுத்திடலில் பட்டாசு கடைகள் வைக்க 30 வியாபாரிகளுக்கு அனுமதி அளிக்கப்பட்டுள்ளது. இதைத் தொடர்ந்து கடந்த 2 நாட்களாக கடைகள் அமைக்கும் பணி வேகமாக நடைபெற்று வருகிறது. இன்னும் 2 நாளில் பணிகள் முடிந்து விடும். பட்டாசு விற்பனை 3-ந்தேதி தொடங்கி 10-ந் தேதி வரை நடைபெறும்.

இந்த ஆண்டு பட்டாசு விலை 10 முதல் 15 சதவீதம் உயர்ந்துள்ளது. சிவகாசியில் நிறைய பட்டாசு தொழிற்சாலைகள் மூடப்பட்டதால் உற்பத்தி குறைந்துள்ளது. இதனால் தேவையான அளவுக்கு பட்டாசு கிடைக்கவில்லை.

அதனால் கடைசி நாள் வரை பட்டாசு வாங்குவதற்காக காத்திருக்க வேண்டாம். விரும்பிய ரகங்கள் முதலிலே விற்று தீர்ந்து விடும். புதிய பட்டாசு வகைகள் இந்த ஆண்டு மிகக் குறைவு.

இவ்வாறு அவர் கூறினார்.

இதற்கு முன் ஓய்வுபெற்ற நீதிபதி மற்றும் ஐஏஎஸ் தலைமையில் சமூகநீதி ஆணையம் அமைக்கப்படும் என்றும், மத்திய அரசு நடத்தும் மக்கள்தொகை கணக்கெடுப்பு முடிந்த பிறகு, 2027-ம் ஆண்டு பிப்ரவரி அல்லது மார்ச் மாதத்தில் இந்த ஆணையம் முறையாக அமைக்கப்பட்டு கணக்கெடுப்பு பணி தொடங்கப்படும் என்று முதலமைச்சர் தலைமையில் நடைபெற்ற அமைச்சரவை கூட்டத்தில் ஓப்புதலானது அளிக்கப்பட்டது.

இந்த நிலையில் சாதிவாரி கணக்கெடுப்பு குறித்து தமிழக அரசு எடுத்துள்ள முடிவை வரவேற்று சில கோரிக்கைகளை முன்வைத்துள்ளது. இது குறித்து சிபிஎம் தலைவர் பெ சண்முகம் தனது சமூகவலைதள பதிவில் குறிப்பிட்டுள்ளதாவது

மத்திய அரசின் மக்கள் தொகை கணக்கெடுப்பிற்கு பிறகு தமிழ்நாட்டில் சமூக நீதி ஆய்வை நடத்துவதென்றும், இதற்காக ஓய்வுபெற்ற உயர்நீதிமன்ற நீதிபதி மற்றும் ஐ.ஏ.எஸ். அதிகாரிகள் அடங்கிய ஆணையம் அமைக்கப்படும் என்றும் தமிழ்நாடு அமைச்சரவை முடிவு செய்துள்ளது. தமிழ்நாட்டில் பாஜக தவிர அனைத்துக் கட்சிகளும் இக்கணக்கெடுப்பை நடத்த வேண்டுமென நீண்ட காலமாக வலியுறுத்தி வருகின்றன.

முழுமையான விபரங்கள் வெளியிடப்படுவது அவசியம்

இந்தப் பின்னணியில் தமிழ்நாடு அமைச்சரவையின் இந்த முடிவை மார்க்சிஸ்ட் கம்யூனிஸ்ட் கட்சி வரவேற்கிறது.அதே சமயம், இதன் ஆய்வு வரம்புகள் (Terms of reference) உள்ளிட்ட முழுமையான விபரங்கள் வெளியிடப்படுவது அவசியம் என்று சிபிஐ(எம்) வலியுறுத்துகிறது.

இதன் நோக்கத்தை முழுமையாக நிறைவேற்ற வேண்டுமெனில் ஆணையம் தன் பணியைத் தொடங்குவதற்கு முன்பே அனைத்துக் கட்சி கூட்டத்தைக் கூட்டி ஆலோசனைகளைப் பெற்றால் சமூக, பொருளாதார நிலைமைகளை முழுமையாக வெளிக்கொணரவும், அதனடிப்படையில் சமூக -பொருளியல் நீதிக்கான நடவடிக்கைகளை மேற்கொள்ளவும் உதவும்.

எனவே, இதுகுறித்து அனைத்துக் கட்சி கூட்டத்தை நடத்த வேண்டுமென மார்க்சிஸ்ட் கம்யூனிஸ்ட் கட்சியின் மாநில செயற்குழு தமிழ்நாடு அரசை வலியுறுத்துகிறது.

என்று தெரிவித்துள்ளார்.

தமிழக முதலமைச்சராக விஜய் பொறுப்பேற்றதில் இருந்து அரசுத் துறைகளில் பல்வேறு சீர்திருத்த நடவடிக்கைகளை மேற்கொண்டு வருகிறார்.

லஞ்சம் வாங்கக்கூடாது

தமிழக அரசு ஊழியர்கள் லஞ்சம் வாங்கக்கூடாது என்றும், ஊழல் விவகாரங்களில் சிக்ககூடாது எனவும் கண்டிப்புடன் தெரிவித்துள்ளார்.

அதிகாரிகள் லஞ்சம் கேட்டால் அதுபற்றி புகார் அளிக்க வாட்ஸ் அப் எண் வெளியிடப்பட்டது.

அரசுத் துறைகளில் லஞ்சம் மற்றும் இடைத்தரகர்களின் ஆதிக்கத்தை ஒழிப்பதற்காக, அரசு ஊழியர்களின் பணியிட மாற்றங்கள் மற்றும் நியமனங்கள் அனைத்தும் முழுமையாக இணையவழி முறைக்கு மாற்றப்பட்டுள்ளன.

அரசியல் தலையீடுகள் இன்றி அதிகாரிகள் சுதந்திரமாகச் செயல்பட தன்னாட்சி வழங்கப்பட்டுள்ளது. மேலும், நிர்வாகத் தேக்க நிலையைத் தவிர்க்க கோப்புகள் விரைவாகத் தீர்க்கப்படுவதை முதலமைச்சர் விஜய் உறுதி செய்துள்ளார்.

உடனடி நடவடிக்கைகள்

அரசு அதிகாரிகள் காலை 10 மணி முதல் மாலை 5 மணி வரை கட்டாயம் அலுவலகத்தில் இருக்க வேண்டும் என்ற விதிகள் தீவிரமாக்கப்பட்டுள்ளன.

வருவாய் மற்றும் கூட்டுறவு போன்ற முக்கியத் துறைகளில் நிலவும் முறையற்ற செயல்பாடுகள் மற்றும் திறமையின்மைகளை கண்டறிய முதலமைச்சர் விஜய் நேரடியாகத் தீவிர ஆய்வுகளை மேற்கொண்டு வருகிறார். தவறு செய்யும் அதிகாரிகள் மீது உடனடி ஒழுங்கு நடவடிக்கைகள் எடுக்கப்பட்டு வருகின்றன.

இதன் தொடர்ச்சியாக அரசு நிர்வாகத்தில் ஊழலை ஒழிக்கவும், பினாமி சொத்துச் சேர்ப்பைத் தடுக்கவும் அதிரடி நடவடிக்கை மேற்கொள்ளப்பட்டு உள்ளது.

அதன்படி, தமிழக அரசு ஊழியர்கள் அனைவரும் தங்களின் அசையும், அசையா சொத்துகள், சேமிப்பு, கடன் உள்ளிட்ட அனைத்து சொத்து விவரங்களையும் தமிழக அரசின் ஒருங்கிணைந்த நிதி மற்றும் மனிதவள மேலாண்மை அமைப்பு இணையதளத்தில் பதிவு செய்ய வேண்டும் என்று தெரிவிக்கப்பட்டிருந்தது.

சொத்து விவரங்களைத் தாக்கல் செய்யும் அரசு ஊழியர்களுக்கு மட்டுமே பதவி உயர்வு வழங்கப்படும் என்று அரசு திட்டவட்டமாக அறிவித்துள்ளது.

குறிப்பிட்ட காலக்கெடுவுக்குள் விவரங்களைச் சமர்ப்பிக்காத ஊழியர்களின் பெயர்கள், பதவி உயர்வுக்கான தகுதிப் பட்டியலில் இருந்து உடனடியாக நீக்கப்படும்.

கால அவகாசம் நீட்டிப்பு

வேறு யார் பெயரிலும் அரசு ஊழியர்கள் சொத்துகள் வாங்கியிருந்தாலும் அவற்றையும் குறிப்பிட்டு அந்த நபருக்கும், அரசு ஊழியருக்கும் என்ன உறவு என்பதையும் குறிப்பிட வேண்டும். குறிப்பிட்ட காலத்துக்குள் சொத்து மதிப்புகளை தாக்கல் செய்யும் அரசு ஊழியர்கள் பெயர்கள் தான் பதவி உயர்வுக்கான பட்டியலில் இடம்பெறும்.

இந்த உத்தரவை மதிக்காமல் சொத்து விவரங்களை மறைப்பவர்கள் அல்லது தாக்கல் செய்யத் தவறுபவர்கள், “தமிழ்நாடு அரசுப் பணியாளர் நடத்தை விதிகள், 1973”-ஐ மீறியவர்களாகக் கருதப்பட்டு, அவர்கள் மீது துறை ரீதியான கடுமையான ஒழுங்கு நடவடிக்கைகள் பாயும் எனத் தலைமைச் செயலாளர் மூலமாக எச்சரிக்கப்பட்டுள்ளது.

இதற்கான முதற்கட்ட இறுதி நாளாக இன்று (அக்டோபர் 31) நிர்ணயிக்கப்பட்டிருந்தது. எனினும், அரசு ஊழியர் சங்கங்களின் கோரிக்கையை ஏற்று மற்றும் அனைத்து ஊழியர்களும் பதிவேற்றம் செய்வதை உறுதி செய்ய, இந்த அவகாசத்தை வருகிற டிசம்பர் 31 வரை நீட்டித்து தமிழக அரசு தற்போது புதிய உத்தரவை வெளியிட்டுள்ளது.

போலீசார்

தகவல் அறிந்து வந்த கோயம்பேடு பஸ் நிலைய போலீசார் கண்காணிப்பு கேமரா பதிவுகளை கொண்டு செல்போன் பறிப்பில் ஈடுபட்ட அதே பகுதியை சேர்ந்த தேவகுமார் மற்றும் வியாசர்பாடியை சேர்ந்த நித்திஷ் ஆகிய 2 பேரை கைது செய்தனர். தலைமறைவாக உள்ள மேலும் ஒருவரை போலீசார் தேடி வருகின்றனர்.

தற்காலிக அனுமதி நீட்டிப்பு

இரண்டாம் கட்ட மெட்ரோ ரெயில் திட்டத்தின் ஒரு பகுதியாக, போரூர் முதல் வடபழனி வரையிலான வழித்தடத்தில் ரெயில்களை இயக்குவதற்காக பெறப்பட்டிருந்த தற்காலிக அனுமதி அடுத்த மாதம் 30ஆம் தேதி வரை நீட்டிக்கப்பட்டுள்ளது. இதன் மூலம் பயணிகள் தங்களது பயணங்களை எந்தவித தடையுமின்றி தொடர்ந்து மேற்கொள்ளலாம் எனத் தெரிவிக்கப்பட்டுள்ளது.

தற்போது இடைப்பட்ட சில பகுதிகளில் நடந்து வரும் மீதமுள்ள கட்டுமானப் பணிகளை விரைவாக முழுமை பெறச் செய்து, உரிய பாதுகாப்பு வழிமுறைகளின்படி மிக விரைவில் நிரந்தர அனுமதியைப் பெறுவதற்கான தீவிர நடவடிக்கைகளில் அதிகாரிகள் ஈடுபட்டுள்ளனர். பொதுமக்கள் மற்றும் பயணிகள் யாரும் இதுபோன்ற வதந்திகளை நம்ப வேண்டாம் என மெட்ரோ ரெயில் துறை சார்பில் கேட்டுக்கொள்ளப்படுகிறார்கள்.

முன்னாள் முதலமைச்சரும், தி.மு.க. தலைவருமான மு.க.ஸ்டாலின் எக்ஸ் தள பக்கத்தில் வெளியிட்டுள்ள பதிவில்,

தமிழ்நாடெங்கும் இன்று தி.மு.க. மகளிர் அணியினர் நடத்திய கண்டன ஆர்ப்பாட்டத்தில், கட்சி சார்பற்ற மகளிரும் பெருந்திரளாகக் கலந்துகொண்டு தங்கள் ஆதங்கத்தை வெளிப்படுத்தியுள்ளனர்.

செவிசாய்ப்பது அரசின் கடமை

தங்கள் வீடுகளின் EB Bill-ஐயும் மளிகை Bill-ஐயும் பார்த்து, இந்த ஆட்சி மீது பெண்கள் பெரும் கோபத்தில் இருக்கின்றனர். விலைவாசி ஏற்றத்தால் ஏழை மக்கள் விக்கித்து நிற்கிறார்கள்.

போதாக் குறைக்கு, பெண்களுக்கு எதிரான குற்றங்களும் நாளுக்கு நாள் பெருகி வருகின்றன. தங்கள் வீட்டுப் பிள்ளைகளை வீட்டுக்கு வெளியே விளையாட விடவே அச்சப்படும் அளவுக்குச் சட்டம் ஒழுங்கு சீர்கெட்டுப் போயுள்ளதையும் அவர்கள் செய்திகளில் தினம் தினம் பார்த்துக் கொண்டு இருக்கிறார்கள்.

விமர்சனம் செய்வோரை வேட்டையாடுவதிலும், இடைத்தேர்தல் நடக்கவுள்ள தொகுதிகளில் Show காட்டுவதிலும் முதலமைச்சருக்கு இருக்கும் கவனம் ஆட்சி நிர்வாகத்திலும் இருக்க வேண்டும் என்பதற்கான எச்சரிக்கை மணியைத் தமிழ்நாட்டுப் பெண்கள் அடித்துவிட்டனர்.

அவர்களின் #WakeUpCall-க்குச் செவிசாய்ப்பது அரசின் கடமை! என்று கூறியுள்ளார்.

திருச்சி மாவட்டம், தொட்டியம் அருகே உள்ள நத்தம் குறிஞ்சி நகரை சேர்ந்தவர் செந்தில்குமார் (வயது 43). விவசாயியான இவர் மரவள்ளிக்கிழங்கு பயிரிட்டு இருந்தார். மரவள்ளிக்கிழங்கு சரியாக விளையவில்லை. இதனால் மனவேதனை அடைந்த அவர் தூக்குப்போட்டு தற்கொலை செய்து கொண்டார்.

போலீசார் வழக்குப்பதிவு

இது குறித்து காட்டுப்புத்தூர் போலீசார் வழக்குப்பதிவு செய்து விசாரணை நடத்தி வருகின்றனர். மரவள்ளிக்கிழங்கு சரியாக விளையாததால் ஏற்பட்ட மனவேதனையில் செந்தில்குமார் தற்கொலை செய்துகொண்டதாக முதல்கட்ட விசாரணையில் தெரியவந்தது.

தமிழ்நாடு அமைச்சரவையில் பா.ம.க. இடம்பெறும் என்றும் சவுமியா அன்புமணி அமைச்சராக ஆவார் என்றும் சில தினங்களுக்கு முன் தகவல்கள் வெளியாகின. இது குறித்து பேசிய அமைச்சர் வன்னி அரசு, பா.ம.க. இடம்பெறும் அமைச்சரவையில் விடுதலை சிறுத்தைகள் கட்சி இடம்பெறாது என தெரிவித்தார். இதுதொடர்பாக காரசார விவாதம் நடைபெற்றது.

ஆலோசனை

இந்த நிலையில், சென்னை மீனம்பாக்கத்தில் நடைபெற்ற நிகழ்ச்சியில் தருமபுரி எம்.எல்.ஏ. சவுமியா அன்புமணி பங்கேற்று இருந்தார். நிகழ்ச்சிக்கு பின் செய்தியாளர்களை சந்தித்த சவுமியாவிடம், தமிழ்நாடு அமைச்சரவையில் பா.ம.க. இடம்பெறுமா? என கேள்வி எழுப்பப்பட்டது. அதற்கு சவுமியா அன்புமணி பதில் கூறுகையில்,

தமிழ்நாடு அமைச்சரவையில் பா.ம.க. பங்கேற்கும் சூழல் இல்லை. தொடர்ந்து தமிழ்நாடு அரசுக்கு ஆலோசனை வழங்கக்கூடிய இடத்தில் இருப்போம். உலக நகரங்கள் தினம் 2026 நிகழ்வில் தொகுப்பாளரும் என்னை அமைச்சர் என்றார், அதை திருத்தினேன் என்றார்.

நாகர்கோவில் புத்தேரி பெருமாள்நகர் பகுதியை சேர்ந்தவர் ஸ்ரீஜித்(வயது39). இவர் டிராவல்ஸ் நிறுவனம் நடத்தி வருகிறார். ஸ்ரீஜித்தின்

ஒன்றரை வயது குழந்தையான சாஷ்விக்கிற்கு கடந்த சில நாட்களுக்கு முன்பு திடீரென காய்ச்சல் ஏற்பட்டது. இதையடுத்து தனது குழந்தையை நாகர்கோவில் கோட்டார் பகுதியில் உள்ள ஒரு தனியார் மருத்துவமனைக்குச் சிகிச்சைக்காக அழைத்துச் சென்றார்.

குழந்தைக்கு காய்ச்சல்

அங்கு சிகிச்சை அளித்தும் குழந்தைக்கு காய்ச்சல் குணமாகவில்லை. இதனைத்தொடர்ந்து குழந்தை சாஷ்விக்கை வெட்டூர்ணிமடத்தில் உள்ள மற்றொரு தனியார் மருத்துவமனைக்கு கொண்டு சென்றனர். அங்கு குழந்தைக்கு சிகிச்சை அளிக்கப்பட்டது. பின்னர் மேல் சிகிச்சைக்காக நெய்யாற்றின்கரையில் உள்ள தனியார் மருத்துவமனைக்கு குழந்தையைக் கொண்டு சென்றனர். அங்கு பரிசோதித்த மருத்துவர்கள், குழந்தை ஏற்கனவே இறந்துவிட்டதாக தெரிவித்தனர். இதையடுத்து குழந்தை சாஷ்விக்கின் உடல் நாகர்கோவிலுக்கு கொண்டுவரப்பட்டது.

வடசேரி போலீஸ் நிலையம்

தனது குழந்தை இறந்தது குறித்து வடசேரி போலீஸ் நிலையத்தில் ஸ்ரீஜித் புகார் அளித்தார். அவரது புகாரின் பேரில் போலீஸ் சப்-இன்ஸ்பெக்டர் ஜான்சன் வழக்குப்பதிவு செய்து விசாரணை நடத்தி வருகிறார்.

குழந்தை சாஷ்விக்கின் உடல் பிரேத பரிசோதனைக்காக ஆசாரிப்பள்ளம் அரசு ஆஸ்பத்திரிக்கு போலீசார் அனுப்பி வைத்தனர். காய்ச்சல் காரணமாகவே குழந்தையை இறந்ததாக கூறப்படுகிறது. இருந்தபோதிலும் பிரேத பரிசோதனை முடிவில் தான் சரியான காரணம் தெரியவரும் என்று போலீசார் தெரிவித்தனர்.

அந்த பதிவில்,

ஸ்டாலின் சார் மனசாட்சி...

குறிப்பு :

தன் ஆட்சியில் நடந்த அவலங்களை முன்பு ஆட்சியில் இருந்த முன்னாள் முதல்வரே ஒப்புக்கொண்டு பேசினால் எப்படி இருக்கும் என்று சொல்லும், A.I. தொழில்நுட்பத்தால் உருவாக்கப் பட்ட கற்பனைக் காணொளி வெளியிடப்பட்டுள்ளது.

இந்நிலையில், திமுக தலைவரை விமர்சித்து தவெக வீடியோ வெளியிட்டது தொடர்பாக சைபர் கிரைமில் புகார் அளிக்கப்பட்டுள்ளது.

இதுதொடர்பாக, சென்னை அண்ணா அறிவாலயத்தில் திமுக சட்டத்துறை இணை செயலர் பரந்தாமன் செய்தியாளர்களிடம் கூறியதாவது:

* இந்தியாவின் எந்த அரசியல் கட்சியும் செயல்படாத வகையில் தவெக மோசமாக செயல்படுகிறது.

* திமுக வீடியோ போட்டால் அதை முடக்கி, கைது செய்யும் நடவடிக்கையில் தவெக ஈடுபடுகிறது.

* பொதுமக்கள் பதிவிட்டால் பாய்ந்து பாய்ந்து நடவடிக்கை எடுக்கிறது காவல் துறை.

* மற்ற வீடியோக்களை நீக்கும்போது தவெக வெளியிடும் வீடியோக்களை ஏன் முடக்குவதில்லை?

* திமுகவுக்கு எதிரான அவதூறுகள் மீது நடவடிக்கை இல்லை.

* ஆர்எஸ்எஸ்-ஐ விட தவெக மோசமாக செயல்படுகிறது.

இவ்வாறு அவர் கூறினார்.

புதுக்கோட்டை மாவட்டம் பொன்னமராவதி அருகே உள்ள வார்ப்பட்டு ஊராட்சி தேவன்பட்டி கிராமத்தை சேர்ந்தவர் ராஜா (வயது 48), கட்டிட தொழிலாளி. இவரது மனைவி அழகு மீனா (43). இவர்களுக்கு கார்த்திக்ராஜா (22), அரவிந்த் (20) ஆகிய 2 மகன்கள் உள்ளனர்.

அடித்துக்கொலை

ராஜாவுக்கு மது அருந்தும் பழக்கம் இருந்ததாக கூறப்படுகிறது. இதனால் கணவன்-மனைவி இடையே அடிக்கடி தகராறு ஏற்பட்டு வந்துள்ளது. அதேபோல் நேற்று மது குடித்து விட்டு ராஜா வீட்டுக்கு வந்தார். பின்னர் மனைவி அழகு மீனாவுடன் தகராறில் ஈடுபட்டு அவரை தாக்கியதாக கூறப்படுகிறது.

இதில் ஆத்திரம் அடைந்த அழகு மீனா தனது கணவர் ராஜாவை கீழே தள்ளி அருகே கிடந்த இரும்பு கம்பியால் சரமாரியாக அடித்தார். இதில் அவர் படுகாயம் அடைந்தார். இருப்பினும் ஆத்திரம் தீராத அழகு மீனா அங்கிருந்த நைலான் கயிற்றால் அவரது கழுத்தை நெரித்தார். இதில் ராஜா சம்பவ இடத்திலேயே துடிதுடித்து பரிதாபமாக இறந்தார்.

மனைவி கைது

இதுகுறித்து தகவல் அறிந்த பொன்னமராவதி போலீசார் சம்பவ இடத்துக்கு விரைந்து சென்று ராஜாவின் உடலை மீட்டு பிரேத பரிசோதனைக்காக பொன்னமராவதி அரசு மருத்துவமனைக்கு அனுப்பி வைத்தனர். இந்த சம்பவம் தொடர்பாக போலீசார் வழக்குப்பதிவு செய்து அழகு மீனாவை கைது செய்தனர். மேலும் இந்த கொலை தொடர்பாக அவர்களது 2 மகன்களிடம் போலீசார் தீவிர விசாரணை நடத்தி வருகின்றனர்.

முன்னாள் முதலமைச்சரும், போடி தொகுதி தி.மு.க. எம்.எல்.ஏ.வுமான ஓ.பன்னீர்செல்வம் காலில் ஏற்பட்ட காயம் காரணமாக சென்னையில் உள்ள வீட்டில் ஓய்வு எடுத்து வருகிறார்.

இந்த நிலையில், வீட்டில் ஓய்வு எடுத்து வரும் ஓ.பன்னீர்செல்வத்தை தி.மு.க. தலைவரும், முன்னாள் முதலமைச்சருமாக மு.க.ஸ்டாலின் நேரில் சந்தித்து உடல் நலம் குறித்தும் சிகிச்சைகள் குறித்தும் கேட்டறிந்தார்.

முன்னதாக, எதிர்க்கட்சி தலைவர் உதயநிதி ஸ்டாலின், ஓ.பன்னீர்செல்வத்தை சந்தித்து உடல் நலம் குறித்து விசாரித்தார் என்பது குறிப்பிடத்தக்கது.

அம்பத்தூர் கள்ளிக்குப்பம் கங்கை நகர், வள்ளியம்மாள் தெருவைச் சேர்ந்தவர் காயத்ரி (வயது 18.). இவர் தனியார் கல்லூரியில் படித்து வந்தார்.

பலி

இவர் நேற்று மாலை கல்லூரி முடிந்து வீட்டுக்கு செல்வதற்காக பட்டரைவாக்கம் ரெயில் நிலையத்திற்கு வந்தார். அங்கு தண்டவாளத்தை கடக்க முயன்றபோது எதிர் பாராதவிதமாக திருவள்ளூரில் இருந்து சென்ட்ரல் நோக்கி சென்ற எக்ஸ்பிரஸ் ரெயில் அவர் மீது மோதியது. இதில் காயத்ரி தூக்கி வீசப்பட்டார். படுகாயமடைந்த அவர் சம்பவ இடத்திலேயே பரிதாபமாக உயிரிழந்தார்.

விசாரணை

இதுகுறித்து தகவலறிந்து வந்த பெரம்பூர் ரெயில்வே போலீசார் காயத்ரி உடலை மீட்டு பிரேத பரிசோதனைக்காக, கீழ்ப்பாக்கம் அரசு மருத்துவமனைக்கு அனுப்பி வைத்தனர். இது தொடர்பாக போலீசார் வழக்கு பதிவு செய்து விசாரணை மேற்கொண்டு வருகின்றனர்.

இந்த சோப்ளாங்கி ஆட்சியில் புழல், தேனியைத் தொடர்ந்து கோவை மத்தியச் சிறையில் இருந்தும் ஒரு கைதி தப்பிச் சென்றுள்ளார்.

அடுத்து பாளையம்கோட்டையா? சேலமா? எனக் கைதிகள் inky pinky ponky போட்டுத் தப்பிச் செல்லும் அளவுக்கு Dummy முதலமைச்சரின் ஆட்சி லட்சணம் இருக்கிறது.

தோல்வி பயத்தில் இடைத்தேர்தல் நடைபெறும் தொகுதிகளுக்கு முதலமைச்சர் ஓடுகிறார்.

மறுபுறம் கைதிகளோ, இது கையாலாகாத அரசு என தெரிந்து கொண்டு சிறையில் இருந்து ஓட்டம் எடுக்கின்றனர்.

இனி பணியிடமாற்றம், சஸ்பெண்ட் செய்யவேண்டும் என்றால் முதலமைச்சர் தன்னைத் தானே தான் செய்துகொள்ள வேண்டும்.

'மெத்' அரசின் மெத்தனப் போக்கால் தமிழ்நாட்டு மக்களின் பாதுகாப்பு தொடர்ந்து கேள்விக்குறி ஆகி வருவதை வன்மையாகக் கண்டிக்கிறேன்.

இவ்வாறு அதில் கூறப்பட்டுள்ளது.

செங்கல்பட்டு பச்சையம்மன் கோவில் அருகே செங்கல்பட்டு நகராட்சி குப்பை கிடங்கு உள்ளது. நகரத்தில் உள்ள 33 வார்டுகளில் சேகரமாகும் அனைத்து குப்பை கழிவுகளும் இங்கு கொண்டு போய் கொட்டப்படுகிறது.

மக்கும் குப்பைகள்

இங்கு மக்கும் குப்பைகள் மற்றும் மக்காத குப்பைகள் பிரித்தெடுக்கப் பட்டு வருகிறது. நேற்று நகராட்சி பணி நிமித்தமாக அரசு ஊழியர்களான நகராட்சி ஆணையர் சுமா, துப்புரவு ஆய்வாளர் ஆல்பர்ட் அருள் மற்றும் நகராட்சி ஊழியர்கள் குப்பை கிடங்கை பார்வையிட சென்றதாக கூறப்படுகிறது. அச்சமயத்தில் பச்சையம்மன் கோவில் பகுதியில் குடியிருக்கும் அந்தோணி (வயது37) மற்றும் சிலர் அங்கு இருந்த ஆணையர், துப்புரவு ஆய்வாளர் மற்றும் ஊழியர்களிடம் வாக்கு வாதத்தில் ஈடுபட்டதாக கூறப்படுகிறது.

வழக்கு பதிவு

மேலும் அரசு ஊழியர்களை பணி செய்ய விடாமல் தகாத வார்த்தைகளால் திட்டியதாக தெரிகிறது. இதனால் மன உளைச்சலுக்கு ஆளான துப்புரவு ஆய்வாளர் ஆல்பர்ட் அருள் செங்கல்பட்டு நகர போலீசில் புகார் அளித்தார். இது குறித்து வழக்கு பதிவு செய்த போலீசார் அந்தோனி என்பவரை கைது செய்து சிறையில் அடைத்தனர்.

சென்னையில் இருந்து திருவள்ளூர் செல்லும் வழியில் ஆவடி அடுத்த திருநின்றவூர் அருகே தேசிய நெடுஞ்சாலையை ஒட்டி உள்ளது நெமிலிச்சேரி ஏரி. இந்த ஏரியை சுற்றி ஆயிரத்திற்கும் மேற்பட்ட குடியிருப்பு பகுதிகள் உள்ளன.

ஏரி

அதுமட்டுமில்லாமல் கல்லூரி, பள்ளிகள், கோவில்கள், தேவாலயங்கள் உள்ளன. இந்த நிலையில் சுற்றுப்புறத்தில் உள்ள மக்கள் குப்பைகளை இந்த ஏரியில் கரைப்பகுதியில் வந்து தினமும் கொட்டி விட்டு செல்கின்றனர்.

இதனால் டன் கணக்கில் குப்பைகள் சேர்ந்து அந்தப் பகுதியில் அதிக அளவில் துர்நாற்றம் வீசுகிறது. அது மட்டுமல்லாமல் சுகாதார சீர்கேடு ஏற்பட்டு தொற்று நோய்கள் ஏற்படுகிறது.

இது குறித்து அப்பகுதி பொது மக்கள் கூறியதாவது:-

நாங்கள் சுத்தமான காற்று சுகாதாரம் வேண்டும் என்பதற்காகத்தான் சென்னையின் புறநகர் பகுதியான இந்த பகுதியில் சொந்தமாக வீடு கட்டி வந்தோம். ஆனால் இங்குள்ள திருநின்றவூர், பட்டாபிராம், பாக்கம், பெருமாள்பட்டு, நடுக்குத்தகை உள்ளிட்ட 10-க்கும் மேற்பட்ட பகுதிகளில் சேகரிக்கப்படும் குப்பைகள் இந்த கரைப்பகுதியில் கொட்டுவதால் எங்களால் இந்த பகுதியில் வசிக்க முடியவில்லை.

மலேரியா

துர்நாற்றம் வீசுகிறது, அது மட்டும் இல்லாமல் டெங்கு, மலேரியா போன்ற நோய் தொற்றுகள் ஏற்படுவதுடன் பாம்பு உள்ளிட்ட விஷ ஜந்துகள் அதிக அளவில் குடியிருப்பு பகுதியில் வருகிறது.

எனவே இந்த ஏரியை சீரமைத்து சென்னையின் பல்வேறு பகுதிகளில் ஏரியை சுற்றி நடைப்பயிற்சி செய்யும் வகையில் உள்ளது போல் மாற்றி தர வேண்டும். அப்படி செய்யாத பட்சத்தில் எங்களுக்கு குப்பையையாவது அகற்றி ஏரியை தூய்மைப்படுத்த வேண்டும்.

இவ்வாறு அவர்கள் கூறினர்.

புழல், தேனி சிறையில் இருந்து கைதிகள் தப்பியோடிய சம்பவத்தை தொடர்ந்து கோவை மத்திய சிறையில் இருந்தும் கைதி தப்பி ஓடி உள்ள சம்பவம் அதிர்ச்சியை ஏற்படுத்தி உள்ளது. மேலும் தமிழ்நாட்டில் மின் வெட்டு பிரச்சனையும் நிகழ்வதால் தார்மீகப் பொறுப்பேற்று சட்டத்துறை மற்றும் மின்சாரத்துறை அமைச்சருமான நிர்மல் குமார் பதவி விலக வேண்டும் என எதிர்க்கட்சிகள் வலியுறுத்தி வருகின்றன.

இந்த நிலையில், மதுரையில் செய்தியாளர்களை சந்தித்த அமைச்சர் நிர்மல்குமார் கூறியதாவது:-

மதுரை மீனாட்சியம்மன் கோவிலில் துணைக் குடியரசுத் தலைவர் வருகையை முன்னிட்டு பராமரிப்புப் பணிகள் விரிவாக மேற்கொள்ளப்பட்டன. இதற்காக ஜெனரேட்டர் மூலம் மின்சாரம் வழங்கப்பட்டது. துணைக் குடியரசுத் தலைவர் கோவிலில் இருந்து புறப்பட்டுச் சென்றுவிட்டதாகக் கூறி ஜெனரேட்டரின் மின்சார இணைப்பு தவறுதலாக அணைக்கப்பட்டுள்ளது. இதனால் மின்தடை ஏற்பட்டது. இந்தச் சம்பவம் தொடர்பாக இந்து சமய அறநிலையத்துறை அதிகாரிகள் மீது நடவடிக்கை எடுக்க உத்தரவிட்டுள்ளோம். முன்னாள் முதலமைச்சர்கள் மு.க.ஸ்டாலின், எடப்பாடி பழனிசாமிக்கு வழங்கப்படும் பாதுகாப்பில் எந்த குறைபாடும் இல்லை. இதில் எந்தவிதமான கட்டுப்பாடுகளும் விதிக்கப்படவில்லை.

பணியிடங்கள் நிரப்ப நடவடிக்கை

மின்சார விநியோகத்தில் எங்கெல்லாம் பிரச்சனைகள் உள்ளனவோ அவற்றைக் கண்டறிந்து சரிசெய்து வருகிறோம். மின்சாரத்துறை என்பது தினசரி செயல்பாடுகளைக் கொண்ட, அதிக சவால்கள் நிறைந்த துறையாகும். எங்கெல்லாம் மின்தடை ஏற்படுகிறதோ, அங்கெல்லாம் உடனடியாகப் பிரச்சனைகளைச் சரிசெய்ய நடவடிக்கை எடுத்து வருகிறோம். குடியரசு துணைத் தலைவர் தமிழர் ஒருவர் பிரதமராக முடியும் என்று எந்த நோக்கத்தில் கூறினார் என்பது தெரியவில்லை.

கடந்த ஆட்சிக் காலத்தில் மின்னகம் என்ன செய்து கொண்டிருந்தது என்பது அனைவருக்கும் தெரியும். மின்சாரத்துறையில் எங்கெல்லாம் ஊழல் நடைபெற்றுள்ளதோ, அவற்றைத் தடுத்து நிறுத்தியுள்ளோம். எங்கெல்லாம் தவறுகள் உள்ளனவோ அவற்றைச் சரிசெய்து வருகிறோம். ஆனால் மின்தடை தொடர்பாக ஒரு தவறான பிம்பத்தை உருவாக்க முயற்சி நடைபெறுகிறது. சிறைத்துறையில் காலியாக உள்ள பணியிடங்களை நிரப்ப நடவடிக்கை எடுக்கப்பட்டு வருகிறது. குறிப்பாக, 16 கிளைச் சிறைகளில் காலியாக உள்ள பணியிடங்கள் நிரப்பப்பட உள்ளன.

இவ்வாறு அவர் கூறினார்.

தமிழகத்தில் வடகிழக்கு பருவமழை பரவலாக பெய்து வருகிறது. வங்கக் கடலில் அர்னாப் புயல் உருவாகி ஆந்திரா நோக்கி சென்றதால் தமிழகத்தில் எந்தவித பாதிப்பும் ஏற்படவில்லை.

இந்த நிலையில், வங்கக்கடலில் அடுத்த 6 மணி நேரத்தில் உருவாகும் காற்றழுத்த தாழ்வு மண்டலம், புயலாக மாறும் என வானிலை ஆய்வு மையம் தெரிவித்துள்ளது.

முரசு புயல்

காற்றழுத்த தாழ்வு மண்டலம் 24 மணி நேரத்தில் புயலாக மாறும்போது, இந்தியா பரிந்துரைத்த ‘முரசு’ என்று பெயரிடப்படும். இது வலுப்பெற்று மேற்கு, வடமேற்கு திசையில் நகர்ந்து நாளை மறுநாள் மாலையில் ஆந்திரா அருகே வங்களா விரிகுடாவை அடையும்.

2026-ம் ஆண்டில் வடகிழக்கு பருவமழை காலத்தில் வங்கக்கடலில் உருவாகும் 2-வது புயல்இதுவாக இருக்கும்.

இதனிடையே, சென்னை, திருவள்ளூர் உள்ளிட்ட வட மாவட்டங்களில் நாளை இரவு முதல் மழைக்கு வாய்ப்பு உள்ளதாகவும், தமிழகத்தின் வட கடலோர மாவட்டங்களில் நாளை மறுநாள் முதல் மழை பெய்யக்கூடும் எனவும் கூறப்பட்டுள்ளது.

த.வெ.க. ஆட்சியில் சட்டம்-ஒழுங்கு சீர்கேடு, பெண்கள், குழந்தைகள் பாதுகாப்பின்மை மற்றும் விலைவாசி உயர்வை கண்டித்து தமிழகம் முழுவதும் இன்று தி.மு.க. மகளிர் அணி, மகளிர் தொண்டரணி சார்பில் ஆர்ப்பாட்டம் நடைபெற்றது.

கனிமொழி எம்.பி.

சென்னையில் நடைபெற்ற ஆர்ப்பாட்டத்தில் தி.மு.க. துணை பொதுச்செயலாளர் கனிமொழி எம்.பி. கலந்துகொண்டார்.

காஞ்சிபுரம் தெற்கு மாவட்ட தி.மு.க. மகளிர் அணி, மகளிர் தொண்டரணி சார்பில் காஞ்சிபுரம் தாலுகா அலுவலகம் எதிரில் கண்டன ஆர்ப்பாட்டம் நடைபெற்றது.

காஞ்சிபுரம் மாநகராட்சி மேயர் மகாலட்சுமி யுவராஜ் தலைமை தாங்கினார். 18- வது வார்டு மாமன்ற உறுப்பினர் மல்லிகா ராமகிருஷ்ணன் வரவேற்று பேசினார் .

தெற்கு மாவட்ட தி.மு.க. மகளிர் அணி அமைப்பாளர் ஆ. செல்வி, மாவட்ட தி.மு.க. மகளிர் தொண்டர் அணி அமைப்பாளர் மாலதி செல்வராஜ் ஆகியோர் முன்னிலை வகித்தனர்.

மேயர் பிரியா

இதில் சிறப்பு விருந்தினராக சென்னை மாநகராட்சி மேயர் பிரியா ராஜன், மாநில விளையாட்டு மேம்பாட்டு அணி துணை செயலாளர் நிவேதா ஜெசிகா, காஞ்சிபுரம் தெற்கு மாவட்ட செயலாளர் க. சுந்தர், காஞ்சிபுரம் தொகுதி எம்.பி. செல்வம், மாநில கொள்கை விளக்க அணி செயலாளர் வக்கீல் ஏழிலரசன் ஆகியோர் கலந்துகொண்டு த.வெ.க. ஆட்சியில் அடங்காமல் ஏறி வரும் விலைவாசி உயர்வு, பெண்கள் பாதுகாப்பு கேள்விக்குறியாகி உள்ளது. குழந்தைகள் பாதுகாப்பு இல்லாத சூழ்நிலை ஏற்பட்டுள்ளது, நிர்வாக சீர்கேடு படு பாதாளத்துக்கு சென்று விட்டது உள்ளிட்ட நிலைமைகளை எடுத்துக் கூறி கண்டித்து பேசினார்கள்.

இது குறித்து அவர் தனது சமூகவலைதள பதிவில் குறிப்பிட்டுள்ளதாவது

இதுவரை கேள்விப்படாத கொடுமையாக சிறைக் கைதிகள் இந்த ஆட்சியில் தப்பித்துச் செல்வது , சின்னத்திரை சீரியல் போல் தொடர்கதை ஆகி உள்ளது.வெற்றி ஆட்சி சாதனை மலரில்,சட்டம் ஒழுங்கு சீர்கேடு, போதைப்பொருள் கடத்தல், விலைவாசி உயர்வு, மின்வெட்டு, கடன்கள் வரிசையில் இதுவும் முக்கிய தலைப்பாக வைக்கலாம்.

தேனி, புழல், சேலம் என ஒவ்வொரு முறை சிறைக்கைதிகள் தப்பி ஓடும் போதும் ஒரு ஒரு செய்தி வருகிறது, “சிறைத் துறை பாதுகாப்பை பலப்படுத்துகிறோம்”, “கண்காணிப்பு கோபுரங்களில் ஆயுதம் ஏந்திய காவலர்களை நிற்க வைக்கிறோம்” என்றெல்லாம். இன்று கூட சிறை அதிகாரிகள் விழிப்புடன் செயல்பட வேண்டும்.இல்லையென்றால் கடுமையான நடவடிக்கை எடுக்கப்படும் என முதலமைச்சர்செய்தி வெளியிட்ட சில மணித் துளிகளில் கோவை சிறையில் கைதி தப்பியோடிய கேவலம் அரங்கேறியுள்ளது.

மொத்தத்தில், இந்த ஆட்சியின் கோமாளித்தனங்களை குறிப்பிட வேண்டும் என்றால், “வாய் மட்டும் தான் வேலை செய்யுது, மத்தது எல்லாம் அப்படியே இருக்கு” என்ற முதலமைச்சர் நடித்த போக்கிரி படத்தில் வரும் நகைச்சுவை தான் பொருத்தமாக இருக்கும்.அது எப்படி கைதிகளால் , சிறையில் இருந்து இவ்வளவு எளிதாக தப்பிக்க முடிகிறது?இது போன்ற கடுங்குற்றவாளிகள் , தப்பித்துச் சென்று என்ன என்ன குற்றங்களை செய்வார்கள் என நினைத்தாலே பதறுகிறது,

சிறைச்சாலையை கூட பாதுகாப்பாக வைக்க முடியவில்லை என்றால் எப்படி இந்த ஆட்சி தங்களைக் பாதுகாக்கும் என்ற நம்பிக்கை மக்களுக்கு வரும்?அறிக்கை மூலம் அதிகாரிகளை முழு கவனத்துடனும், விழிப்புணர்வுடனும் தங்களது பொறுப்புகளை மேற்கொள்ள வேண்டும் என்றும், பணியில் மெத்தனமாகவோ, கவனக்குறைவாகவோ செயல்படக்கூடாது என்று அறிவுறுத்தும் தவெக கூட்டணி அரசின் முதல்வர் விஜய் எப்போது தனது அறிக்கையில் கூறியுள்ளவாறு தனது முதல்வர் பணிகளை மேற்கொள்ளப்போகிறார்?

என்று தெரிவித்துள்ளார்.

அம்மா மக்கள் முன்னேற்ற கழக பொதுச்செயலாளர் டி.டி.வி.தினகரன் வெளியிட்டுள்ள அறிக்கையில்,

நிர்வாக சீர்கேடு

உலகப்புகழ்பெற்ற மதுரை மீனாட்சி அம்மன் திருக்கோவிலில் குடியரசு துணைத் தலைவர் சி.பி. ராதாகிருஷ்ணன் அவர்கள் மற்றும் அதிமுக பொதுச்செயலாளர் எடப்பாடி பழனிசாமி அவர்கள் தரிசனம் செய்யச் சென்றபோது ஏற்பட்டுள்ள மின்வெட்டு, மின்வாரியத்தின் அலட்சியத்தையும், நிர்வாக சீர்கேட்டையும் வெளிப்படுத்தியுள்ளது.

தமிழகத்தில் குடியிருப்புகள், வணிக வளாகங்கள், தொழிற்சாலைகள், மயானங்கள் என அனைத்து இடங்களிலும் ஏற்படும் அறிவிக்கப்படாத மின்வெட்டைக் கண்டித்து பொதுமக்கள் போராடிய பின்பும், மின்தடையை ஒப்புக்கொள்ளாத மின்வாரியம், மதுரை மீனாட்சி அம்மன் திருக்கோவிலில் ஏற்பட்ட மின்தடைக்கு முதலில் பராமரிப்பு என்றும், தற்போது பழுது என்றும் முன்னுக்குப்பின் முரணாகப் பேசி, முழுப் பூசணிக்காயைச் சோற்றில் மறைக்க முயற்சிப்பது வெட்டவெளிச்சமாகத் தெரிகிறது.

அடுத்தடுத்த புகார்

அறிவிக்கப்படாத மின்வெட்டு, மின் கட்டணம் வசூலிப்பதில் குளறுபடி, ஸ்மார்ட் மீட்டர் பொருத்துவதற்கான ஒப்பந்தப்புள்ளி, ஒப்பந்த அடிப்படையில் பணியாளர்கள் நியமனம், மின் தட்டுப்பாட்டைச் சமாளிக்க அதிக விலையில் மின்சாரம் கொள்முதல் செய்வதற்கான ஒப்பந்தப்புள்ளி வெளியிட்டுப் பின்னர் பொதுமக்கள் கேள்வி எழுப்பியதும் பின்வாங்கியது என, என்ன செய்கிறோம், எதற்காகச் செய்கிறோம் எனத் தெரியாமலும், புரியாமலும் தான்தோன்றித்தனமாகச் செயல்பட்டு மின்வாரியம் அடுத்தடுத்த புகார்களுக்கு உள்ளாகிக் கொண்டிருக்கிறது.

அனைத்துத் தரப்பு மக்களின் அத்தியாவசிய அன்றாடத் தேவைகளில் ஒன்றான மின்சாரத்தைத் தடையின்றி விநியோகம் செய்ய வேண்டிய மின்சாரத்துறைக்குப் பொறுப்பு வகிக்கும் அமைச்சர், 'நானும் ரவுடிதான், நானும் ரவுடிதான்' என்ற நகைச்சுவைக் காட்சிகளுக்கு ஏற்ப, அனைத்து பிரச்சனைகளிலும் தாமாக முன்வந்து மூக்கை நுழைத்து, மக்கள் மத்தியில் அம்பலப்பட்டு, அசிங்கப்பட்டு நிற்பதன் மூலம், பிரச்சனை மின்சாரத்திலா அல்லது நிர்வாகத்திலா என்ற கேள்வியே எழுகிறது.

அதே நேரத்தில், கவனக்குறைவாகச் செயல்படுவோர் மீது பாரபட்சமற்ற நடவடிக்கை எடுக்கப்படும் எனக் கூறும் முதலமைச்சர் விஜய் அவர்கள், கடந்த ஐந்து மாதங்களாக மக்களைச் சிரமத்திற்கு உள்ளாக்கியும், தனது நிர்வாகத் திறனற்ற செயல்பாட்டால் மின்வாரியத்தை அதலபாதாளத்திற்குத் தள்ளியும், அறிவிக்கப்படாத மின்வெட்டுக்குத் தினந்தோறும் புதுப்புதுக் கதைகளையும் பச்சைப் பொய்களையும் கூறி, முதலமைச்சர் தானே நேரில் ஆய்வு மேற்கொண்ட பின்னரும், அத்துறையின் செயல்பாடுகளில் அக்கறை இல்லாமல் இருந்து வரும் எரிசக்திதுறை அமைச்சர் மீது இதுவரை நடவடிக்கை எடுக்காதது ஏன்?

எனவே, மக்களுக்குத் தேவை தடையற்ற மின்சாரமே தவிர, மின்வாரியத்தின் அற்பக் காரணங்கள் அல்ல என்பதை உணர்ந்து, தமிழகத்தில் சீரான மின்விநியோகத்தை உறுதிசெய்வதற்கான நிர்வாகச் சீர்திருத்தங்களை உடனடியாக மேற்கொள்ள வேண்டும் என எரிசக்தித்துறையையும், முதலமைச்சர் திரு. ஜோசப் விஜய் அவர்களையும் வலியுறுத்துகிறேன்.

போலீசார் சஸ்பெண்ட்

கோவையில் விசாரணை கைதி தப்பியோடிய விவகாரத்தில் கவனக்குறைவக செயல்படட் போலீசார் 4 பேர் சஸ்பெண்ட் செய்யபப்ட்டுள்ளனர்.பாதுகாப்பாக அழைத்து வந்த 4 போலீசாரை தள்ளிவிட்டு கைதி ராகவன் தப்பியோடியுள்ளார்.

கைதியை தேடும் பணி தீவிரம்

தப்பியோடிய கைதியை, ட்ரோன் கண்காணிப்பு, சிசிடிவி கேமரா பதிவுகள் மூலம் தீவிர வாகனச்சோதனைகள் மூலம் கைதியை தேடுவருவதாக காவல்துறை விளக்க அளித்துள்ளது.கோவை மாநகரம் மற்றும் மாவட்ட போலீசார் தனிப்படை அமைத்து தப்பியோடிய கைதி ராகவனை தீவிரமாக தேடி வருகின்றனர்.

தேனி மாவட்ட சிறையில் இருந்து கைதிகள் தப்பியோடிய சம்பவம் தமிழ்நாட்டையே அதிர்ச்சிகுள்ளாக்கிய நிலையில்,மீண்டும் கோவையில் மற்றொரு கைதி தப்பியோடியது பெரும் பரப்பரப்பை எறப்டுத்தியுள்ளது