மறைந்த இந்திய பிரதமர் ஜவகர்லால் நேரு பிறந்த நாள் குழந்தைகள் தினமாக நவம்பர் 14-ந்தேதி கொண்டாடப்படுகிறது. அந்த நாளில் பள்ளி குழந்தைகளுக்கு இனிப்பு வழங்குவது வழக்கம்.

முதலமைச்சர் விஜய்

முதலமைச்சர் விஜய் குழந்தைகள் தினத்தன்று பள்ளி மாணவர்களுக்கு கேக் வழங்கப்படும் என்று அறிவித்தார். அதனைத் தொடர்ந்து நுகர்பொருள் வாணிப கழகம் சார்பில் கேக் கொள்முதல் செய்யப்பட்டது.

அதன்படி அரசு மற்றும் உதவி பெறும் பள்ளிகளில் படிக்கும் 62 லட்சம் மாணவ, மாணவிகளுக்கு கேக் வழங்குவதற்கான பணிகள் தொடங்கின. 45 கிராம் எடையுள்ள கேக் ஒவ்வொரு மாணவர்களுக்கும் வழங்கப்பட உள்ளது. கேக்குடன் முதலமைச்சரின் குழந்தைகள் தின வாழ்த்து அட்டையும் கொடுக்கப்பட உள்ளது.

கேக்

சென்னையில் அரசு, மாநகராட்சி பள்ளிகள் மற்றும் உதவி பெறும் பள்ளிகள் 890 செயல்பட்டு வருகின்றன. அங்கு படிக்கின்ற சுமார் 3 லட்சம் மாணவர்களுக்கு கேக் வழங்கப்பட உள்ளது.

குழந்தைகள் தினத்தையொட்டி கேக் வழங்கும் புதிய திட்டத்தை த.வெ.க. அரசு புதிதாக செயல்படுத்துவதால் இதனை முதலமைச்சர் விஜய் தொடங்கி வைக்கிறார்.

குழந்தைகள் தின விழா

குழந்தைகள் தின விழா சனிக்கிழமை விடுமுறை தினத்தில் வருவதால் நாளை இத்திட்டத்தை தொடங்கி வைக்க கல்வித்துறை முடிவு செய்துள்ளது.

இந்நிலையில், நவ.14-ல் குழந்தைகள் தினத்தை முன்னிட்டு கொளத்தூரில் உள்ள பள்ளியில் முதலமைச்சர் விஜய் குழந்தைகள் தினம் கொண்டாட திட்டமிட்டுள்ளார். நாளை கொளத்தூர் தொகுதியில் உள்ள நடுநிலைப்பள்ளியில் நடைபெறும் குழந்தைகள் தின விழாவில் முதலமைச்சர் விஜய் பங்கேற்கிறார்.

திருப்பூர் மாவட்டம் ராக்கிபாளையம் ஐஸ்வர்யா கார்டன் பகுதியை சேர்ந்தவர் ரவிக்குமார் (வயது 56). இவர் தனது மனைவி கிருஷ்ணவேணி என்பவருடன் கார் மூலம் கோவைக்கு வந்தார். பின்னர் அவர்கள் மீண்டும் திருப்பூருக்கு காரில் புறப்பட்டனர்.

கார் விபத்து

அப்போது நீலாம்பூர் வெங்கிட்டாபுரம் பிரிவு பகுதியில் அந்த கார் நேற்று மாலை முன்னால் சென்ற ஒரு தனியார் பஸ் மீது எதிர்பாராதவிதமாக மோதியது. இதில் நிலைதடுமாறிய வாகனம் பின்னர் இடதுபுறம் நின்றிருந்த கன்டெய்னர் லாரி மீது மோதியது.

இந்த விபத்தை பார்த்து அதிர்ச்சி அடைந்த அக்கம்பக்கத்தினர் உடனடியாக சம்பவ இடத்துக்கு சென்று பார்த்தனர். பின்னர் அந்த வழியாக வாகனங்களில் சென்றவர்கள் உதவியுடன் விபத்துக்கு உள்ளான காரில் சிக்கியவர்களை மீட்கும் பணி நடைபெற்றது.

கணவன்-மனைவி பலி

அப்போது காருக்குள் இருந்த ரவிக்குமார் விபத்தில் சிக்கி சம்பவ இடத்திலேயே உடல் நசுங்கி பரிதாபமாக பலியானது தெரியவந்தது. தொடர்ந்து இந்த விபத்தில் படுகாயம் அடைந்த கிருஷ்ணவேணியை அக்கம்பக்கத்தினர் மீட்டு கோவை அரசு மருத்துவமனைக்கு அனுப்பி வைத்தனர்.

அங்கு அவருக்கு டாக்டர்கள் தீவிர சிகிச்சை அளித்தனர். இருப்பினும் டாக்டர்களின் சிகிச்சை பலனின்றி கிருஷ்ணவேணி பரிதாபமாக உயிரிழந்தார்.

போலீசார் விசாரணை

கோவை நீலாம்பூர் பகுதியில் கார் விபத்துக்கு உள்ளாகி கணவன்-மனைவி இருவரும் பலியான சம்பவம் அதிர்ச்சியை ஏற்படுத்தி உள்ளது. இந்த விபத்து குறித்து தகவலறிந்த நீலாம்பூர் போலீசார் சம்பவ இடத்துக்கு விரைந்து சென்று தீவிர விசாரணை மேற்கொண்டு வருகின்றனர்.

சென்னை புறநகர் உள்ளிட்ட பகுதிகளில் உள்ள டாஸ்மாக் கடைகளில் தினசரி விற்பனையாகும் பணத்தை வங்கி ஏஜெண்டுகள் மூலம் வசூல் செய்வது வழக்கம்.

அதன்படி நேற்று முன்தினம் இரவு வங்கி ஏஜெண்ட் தாஸ் மற்றும் டிரைவர் அபீப் வெள்ளை நிற ஸ்விஃப்ட் காரில் 22 கடைகளில் வசூல் செய்துள்ளனர். நேற்று முன்தினம் இரவு 10 மணிக்கு ஒரகடம் மதுபான கடையில் வசூல் செய்வதற்காக சென்றுள்ளனர். ஒரகடம் கடையில் தாஸ் பணத்தை வாங்குவதற்காக கடைக்குள் சென்ற நிலையில், ஓட்டுநர் மட்டும் காரில் இருந்துள்ளார். அப்போது அருகில் இருசக்கர வாகனத்தில் வந்த நபர், வேகமாக வந்து கார் மீது மோதியதாக கூறப்படுகிறது.

கொள்ளை

இதனால் ஓட்டுநருக்கும் அந்த நபருக்கும் இடையே தகராறு ஏற்பட்டுள்ளது. இந்த சந்தர்ப்பத்தை பயன்படுத்திய 3-க்கும் மேற்பட்ட மர்மநபர்கள், வசூல் பணத்துடன் காரையே கடத்திச் சென்றனர். பின்னர் படப்பை அருகே காரணிதாங்கலில் காரை சாலையோரம் நிறுத்திவிட்டு, அதிலிருந்த ஒரு கோடியே 50 லட்சம் ரூபாய் பணத்தை மட்டும் எடுத்துக் கொண்டு தப்பி ஓடியுள்ளனர்.

இது குறித்து தகவல் அறிந்து சம்பவ இடத்திற்கு விரைந்த ஸ்ரீபெரும்புதூர் துணை போலீஸ் சூப்பரண்டு கீர்த்திவாசன் ஒரகடம் இன்ஸ்பெக்டர் வடிவேல் முருகன் மற்றும் போலீசார் காரனைதாங்கள் பகுதியில் காணப்பட்ட காரை மீட்டு ஆய்வு செய்தனர். கைரேகை நிபுணர்கள் வரவழைக்கப்பட்டு தடயங்கள் சேகரிக்கப்பட்டது. கொள்ளையர்களை பிடிக்க 7 தனிப்படைகள் அமைக்கப்பட்டு, சுற்றியுள்ள பகுதிகளில் உள்ள சிசிடிவி காட்சிகளை ஆய்வு செய்து தீவிர விசாரணை மேற்கொண்டு வருகின்றனர்.

இந்நிலையில் கார் டிரைவர் அபிப்யிடம் சந்தேகத்தின் பேரில் தீவிர விசாரணை நடத்தி வருகின்றனர். ரூ.1.50 கோடி பணம் காரில் இருக்கும் போது பணத்தை எந்த பாதுகாப்பும் இல்லாமல் அப்படியே காரில் விட்டு விட்டு காரில் இருந்து இறங்கி ஓடியது ஏன்? கார் சாவியை காரிலியே விட்டு விட்டு இறங்கி ஓடியது ஏன்? என போலீசாருக்கு பல சந்தேககள் எழுந்து உள்ளது. விசாரணை முடிவில் பல திடிக்கிடும் தகவல் வெளியாகும் என தெரிகிறது.

மாங்காடு அடுத்த பரணி புத்தூர் பெரிய கொளுத்து வான்சேரி பகுதியை சேர்ந்தவர் கஸ்தூரி (32). கணவரை பிரிந்த இவர் குழந்தைகளுடன் தனியாக வசித்து வருகிறார். இவருக்கும் டைல்ஸ் வேலை செய்யும் சம்பத் என்பவருடன் கடந்த சில மாதங்களாக பழக்கம் ஏற்பட்டது. பின்னர் இது கள்ளக்காதலாக மாறியது. இருவரும் நெருங்கி பழகி வந்தனர்.

கள்ளக்காதல்

இந்த நிலையில் கஸ்தூரி கடந்த சில நாட்களாக சம்பத்திடம் பேசுவதை தவிர்த்தார். மேலும் அவருடன் பழகுவதை நிறுத்தியதாக தெரிகிறது. இதனால் ஆத்திரமடைந்த சம்பத்திற்கு கஸ்தூரி மீது சந்தேகம் ஏற்பட்டது.

இன்று அதிகாலை கஸ்தூரியின் வீட்டுக்கு வந்த சம்பத் கடும் வாக்குவாதம் செய்தார். மேலும் மறைத்து வைத்திருந்த கத்தியால் கஸ்தூரியின் மார்பில் சரமாரியாக குத்திவிட்டு தப்பி ஓடிவிட்டார். இதில் பலத்த கத்திக்குத்து காயம் ஏற்பட்ட கஸ்தூரி ரத்த வெள்ளத்தில் சரிந்தார்.

கைது

அலறல் சத்தம் கேட்டு வந்த அக்கம் பக்கத்தினர் கஸ்தூரியை மீட்டு சென்னை அரசு ஆஸ்பத்திரியில் சேர்த்தனர். அங்கு அவருக்கு தீவிர சிசிச்சை அளிக்கப்பட்டு வருகிறது.

இதுகுறித்து மாங்காடு போலீசார் வழக்கு பதிவு செய்து தலைமறைவாக இருந்த சம்பத்தை கைது செய்தனர். அவரிடம் தீவிர விசாரணை நடந்து வருகிறது.

கடந்த திமுக ஆட்சியில் தனியார் பள்ளிகளுக்கு அங்கீகாரம், அனுமதிகள் பெற்றுத் தருவதாகக் கூறி, தனியார் பள்ளிகளிடம் 100 கோடி ரூபாய் மேல் வசூலித்து மேசடியில் ஈடுபட்டதாக பதிவு செய்யப்பட்ட வழக்கில், திமுக முன்னாள் அமைச்சர் அன்பில் மகேஷ் சென்னை மத்திய குற்றப் பிரிவு போலீசாரால் கடந்த அக்டோபர் 26-ந்தேதி கைது செய்யப்பட்டார். அவரை, வருகிற 18-ந்தேதி வரை நீதிமன்ற காவலில் சிறையில் அடைக்க சென்னை ஊழல் தடுப்பு வழக்குகளை விசாரிக்கும் சிறப்பு நீதிமன்றம் உத்தரவிட்டுள்ளது.

இந்தநிலையில், அன்பில் மகேஷ் ஜாமின் மனுவை சென்னை ஊழல் தடுப்பு சட்ட வழக்குகளுக்கான சிறப்பு நீதிமன்றம் கடந்த 10-ந்தேதி தள்ளுபடி செய்தது.

பதிலளிக்க அவகாசம்

இதையடுத்து, ஜாமின் கோரி அன்பில் மகேஷ் தரப்பில் சென்னை ஐகோர்ட்டில் தாக்கல் செய்யப்பட்ட மனு நீதிபதி வி.லட்சுமிநாராயணன் முன்பு விசாரணைக்கு இன்று வந்தது.

அப்போது, சென்னை மத்திய குற்றப்பிரிவு தரப்பில் அரசு தலைமை குற்றவியல் வக்கீல் ஜான் சத்யன் ஆஜராகி, இந்த வழக்கில் சரணடைந்த முன்னாள் எம்.எல்.ஏ.முத்துகுமாரை காவலில் எடுத்து விசாரிக்க இருக்கிறோம். மற்றொரு குற்றம்சாட்டப்பட்ட நபரான சரவணன் நேற்று சரணடைந்துள்ளார். எனவே மகேஷ் ஜாமின் மனு குறித்து பதிலளிக்க அவகாசம் வழங்க வேண்டும் என கோரிக்கை வைத்தார்.

அதனை ஏற்ற நீதிபதி, போலீஸ் தரப்பு பதிலளிக்க உத்தரவிட்டு வழக்கின் விசாரணையை வருகிற 17-ந்தேதி தள்ளிவைத்து உத்தரவிட்டார்.

மழைக்காலத்தில் வெளியே சென்று பொருட்களை வாங்க முடியாத சூழலில், பொதுமக்கள் உணவு மற்றும் மளிகைப் பொருட்கள் டெலிவரி செயலிகளை அதிகம் நாடுகின்றனர். ஆனால், மழைக்காலக் கூடுதல் கட்டணம் என்ற பெயரில் அதிகத் தொகை வசூலிக்கப்படுவதாக மக்கள் குற்றம் சாட்டுகின்றனர்.

மழைக்காலத்தில் பேருந்துகள் மற்றும் ரயில்கள் தாமதமாவதாலும், போக்குவரத்து நெரிசல் ஏற்படுவதாலும் எரிபொருள் மற்றும் பயணச் செலவுகளும் பன்மடங்கு உயர்ந்துள்ளன.

தொடர்ந்து மழையால் தினக்கூலித் தொழிலாளர்களின் வாழ்வாதாரம் பாதிக்கப்பட்டிருப்பதாக மக்களின் தரப்பில் கருத்துக்கள் கூறப்படுகிறது.

மழைக்காலத்தில் போக்குவரத்து மற்றும் புட் டெலிவெரி கட்டணங்கள் உயர்வு தொடர்பாக மாலைமலர் சார்பில் vox pop நடத்தப்பட்டது. அதில், விலை உயர்வு குறித்து சென்னைவாசிகள் என்ன சொல்கிறார்கள் என்பதைக் கீழே உள்ள வீடியோவில் விரிவாகப் பார்ப்போம்.

தமிழகத்தில் வரைவு வாக்காளர் பட்டியல் இன்று வெளியிடப்பட்டது. செங்கல்பட்டு மாவட்டத்தில் மாவட்ட கலெக்டர் வீரப்பன் இன்று காலை வரைவு வாக்காளர் பட்டியலை அங்கீகரிக்கப்பட்ட அரசியல் கட்சியினர் முன்னிலையில் வெளியிட்டார்.

மாவட்டத்தில் உள்ள 7 சட்டமன்ற தொகுதிகளில் மொத்தம் 23 லட்சத்து 26 ஆயிரத்து 822 வாக்காளர்கள் உள்ளனர். இதில் அதிகப்பட்சமாக சோழிங்கநல்லூர் சட்டமன்ற தொகுதியில் 2 லட்சத்து 72 ஆயிரத்து 898 ஆண்கள், 2 லட்சத்து 85 ஆயிரத்து 714 பெண்கள் மற்றும் 117 பேர் மற்றவர்கள் என மொத்தம் 5 லட்சத்து 58 ஆயிரத்து 729 வாக்காளர்கள் உள்ளனர்.

பல்லாவரம் தொகுதி

பல்லாவரம் தொகுதியில் 3 லட்சத்து 38 ஆயிரத்து 686 பேரும், தாம்பரம் தொகுதியில் 3 லட்சத்து 32 ஆயிரத்து 636 பேரும், செங்கல்பட்டு தொகுதியில் 3 லட்சத்து 77 ஆயிரத்து 772 பேரும், திருப்போரூர் தொகுயில் 2 லட்சத்து 98 ஆயிரத்து 510 பேரும், செய்யூர் தொகுதியில் 2 லட்சத்து 14 ஆயிரத்து 920 பேரும், மதுராந்தகம் தொகுதியில் 2 லட்சத்து 14 ஆயிரத்து 920 பேரும் வாக்காளர்களாக உள்ளனர்.

திருவள்ளூர்

திருவள்ளூர் மாவட்ட கலெக்டர் கவிதா வரைவு வாக்காளர் பட்டியலை வெளியிட்டார். மாவட்டத்தில் உள்ள 10 சட்டமன்ற தொகுதிகளில் அதிகபட்சமாக ஆவடி தொகுதியில் 4 லட்சத்து 39 ஆயிரத்து 953 வாக்காளர்கள் உள்ளனர். கும்மிடிப்பூண்டி சட்டமன்ற தொகுதியில் 2 லட்சத்து 56 ஆயிரத்து 440 பேர், பொன்னேரி தொகுதியில் 2 லட்சத்து 53 ஆயிரத்து 399 பேர், திருத்தணி தொகுதியில் 2 லட்சத்து 63 ஆயிரத்து 339 பேர், திருவள்ளூர் தொகுதியில் 2 லட்சத்து 52 ஆயிரத்து 865 பேர், பூந்தமல்லி தொகுதியில் 3 லட்சத்து 72 ஆயிரத்து 249 பேர், மதுரவாயல் தொகுதியில் 3 லட்சத்து 77 ஆயிரத்து 267 பேர், அம்பத்தூர் தொகுதியில் 3 லட்சத்து 39 ஆயிரத்து 397 பேர், மாதவரம் தொகுதியில் 4 லட்சத்து 37 ஆயிரத்து 465 பேர், திருவொற்றியூர் தொகுதியில் 2 லட்சத்து 46 ஆயிரத்து 927 பேர் வாக்கா–ளர்களாக உள்ளனர். மாவட்டத்தில் மொத்தம் 32 லட்சத்து 39 ஆயிரத்து 301 வாக்காளர்கள் இருக்கிறார்கள்.

மீஞ்சூர் அருகே உள்ள மேலூர் கிராமம், திருவுடையம்மன் கோவில் தெருவில் வசித்து வந்தவர்கள் மதன்(வயது41), தனசேகர்(53). இவர்கள் 2 பேரும் தனியார் நிறுவனத்தில் டிரைவர்களாக வேலை பார்த்தனர். இந்த நிலையில் நண்பர்களான இருவரும் மீஞ்சூர் நோக்கி ஒரே மோட்டார் சைக்கிளில் சென்றனர்.

விபத்து பலி

அப்போது அத்திப்பட்டு பகுதியில் தனியார் கிடங்கில் இருந்து நிலக்கரியை ஏற்றிக்கொண்டு கும்மிடிப்பூண்டி நோக்கி லாரி ஒன்று திருவொற்றியூர் நெடுஞ்சாலையில் வந்தது. திடீரென அந்த லாரி முன்னால் சென்று கொண்டிருந்த மதன், தனசேகர் ஆகியோர் வந்த மோட்டார் சைக்கிள் மீது பயங்கரமாக மோதியது. இதில் சம்பவ இடத்திலேயே மதனும், தனசேகரும் பலியானார்கள்.

போலீசார் விசாரணை

மீஞ்சூர் போலீசார் விரைந்து வந்து பலியான 2 பேரின் உடல்களையும் மீட்டு பிரேத பரிசோதனைக்காக பொன்னேரி அரசு ஆஸ்பத்திரிக்கு அனுப்பி வைத்தனர். மேலும் வழக்குப்பதிவு செய்து விசாரணை நடத்தி வருகிறார்கள். இந்த விபத்தால் அப்பகுதியில் சிறிது நேரம் போக்குவரத்து பாதிக்கப்பட்டது.

மதுரை பைபாஸ் சாலையில் உள்ள பிரபல நகைக்கடைக்கு நேற்றிரவு முகமூடி அணிந்து வந்த மர்மநபர்கள் 500 சவரன் நகைகளை கொள்ளையடித்ததாக புகார் அளிக்கப்பட்டது. புகாரை தொடர்ந்து சம்பவ இடத்திற்கு தடய அறிவியல் நிபுணர்கள் உதவியுடன் காவல்துறையினர் விசாரணை நடத்தி வருகின்றனர்.

கொள்ளை போன நகைகளின் மதிப்பு முழுமையான விசாரணைக்கு பிறகே தெரியவரும் என காவல்துறை தரப்பில் தெரிவிக்கப்பட்டுள்ளது.

கள்ளக்குறிச்சி மாவட்டம் உளுந்தூர்பேட்டையில் தாசில்தார் அலுவலகம் செயல்பட்டு வருகிறது.

தாசில்தார் அலுவலகம்

தினமும் சாதி சான்று, வருமான சான்று, பட்டா மாறுதல், சட்ட ஒழுங்கு சம்பந்தமான புகார்கள் என மனு கொடுக்க நூற்றுக்கணக்கான பொதுமக்கள் வந்து செல்கின்றனர்.

சம்பவத்தன்று தாசில்தார் அலுவலகத்தில் ஊழியர்கள் பணியில் ஈடுபட்டிருந்தனர். மேலும் பொதுமக்கள் பல்வேறு பணிகளுக்காக தாசில்தார் அலுவலகத்திற்கு வந்திருந்தனர்.

தாசில்தார் அலுவலகம்

இந்த நிலையில் தாசில்தார் அலுவலகத்தில் உள்ள சட்டம் ஒழுங்கு பிரிவு, ஏ3 பிரிவு அறையின் மேற்கூரை திடீரென பெயர்ந்து விழுந்தது.

இந்த அறையின், மேற்கூரை பூச்சு பெரிய துண்டுகளாக பெயர்ந்து கீழே விழுந்துள்ளது. நாற்காலி மீது கான்கிரீட் துண்டுகள் விழுந்ததுடன், மேற்கூரையில் உள்ள இரும்பு கம்பிகள் துருப்பிடித்து வெளியே தெரிகிறது. அத்துடன் சுவர்கள் முழுவதும் பூச்சு பெயர்ந்து, ஈரம் கசிந்து காணப்படுகிறது. அறை முழுவதும் கான்கிரீட் துகள்கள் சிதறி கிடக்கிறது. மேஜை, கணினி, கோப்புகள் மீதும் பூச்சு துகள்கள் விழுந்து சிதறி கிடக்கிறது.

மேற்கூரை

அதிர்ஷ்டவசமாக அந்த அறையில் இருந்த ஊழியர்கள் நூலிழையில் உயிர் தப்பினர். இதன் காரணமாக அந்த பகுதியில் சிறிது நேரம் பரபரப்பு ஏற்பட்டது.

தினந்தோறும் அதிக மக்கள் வந்து செல்லக்கூடிய சூழ்நிலையில், அலுவலகத்தின் மேற்கூரை பெயர்ந்து விழுந்து உள்ளது, ஊழியர்களிடையே அச்சத்தை ஏற்படுத்தியுள்ளது.

எந்த நேரத்திலும் மேற்கூரை முழுவதுமாக இடிந்து விழுந்து பெரும் விபத்து ஏற்படும் அபாயம் உள்ளது. எனவே, மாவட்ட நிர்வாகம் உடனடியாக பொதுப்பணித்துறை மூலம் கட்டிடத்தின் உறுதித் தன்மையை ஆய்வு செய்து, சேதமடைந்த அறைகளை சீரமைக்க வேண்டும் என்றும், ஊழியர்கள், பொதுமக்கள் பாதுகாப்பை உறுதி செய்ய வேண்டும் என்றும் பொதுமக்கள் கோரிக்கை விடுத்துள்ளனர்.

இந்து சமய அறநிலையத்துறை

இந்து சமய அறநிலையத்துறை வெளியிட்டுள்ள செய்திக்குறிப்பில் கூறியிருப்பதாவது:-

முதலமைச்சர் விஜய் வழிகாட்டுதலின்படியும், இந்து சமய அறநிலையத்துறை அமைச்சர் ரமேஷ் முயற்சியால், இவ்வரசு பொறுப்பேற்ற 6 மாதங்களில் ரூ.148.91 கோடி மதிப்பிலான 163.40 ஏக்கர் கோவில் நிலங்கள் மீட்கப்பட்டுள்ளன. மேலும், 17,707.10 ஏக்கர் நிலங்கள் அளவீடு செய்யப்பட்டு, மேற்படி புலங்களில் 13,233 எல்லைக் கற்கள் நடப்பட்டு உள்ளன. கோவில்களுக்குச் சொந்தமான அசையாச் சொத்துகளில் இருந்து வரப்பெற வேண்டிய குத்தகை-வாடகை நிலுவைத் தொகை ரூ.213 கோடி வசூலிக்கப்பட்டு உள்ளது.

பட்டா

கோவில்களுக்குச் சொந்தமான 34.82 ஏக்கர் நிலங்களுக்கு 15 கோ வில்களின் பெயரில் பட்டா மாற்றம் செய்யப்பட்டு உள்ளது. கணினிச் சிட்டாவில் தவறுகள் திருத்தம் செய்ய வருவாய் துறை கோட்டாட்சியரிடம் முறையீடுகள் செய்யப்பட்டு 262 ஏக்கர் நிலங்கள் 226 கோவில்களின் பெயரில் பட்டா பெறப்பட்டுள்ளன.

கோவில்களுக்குச் சொந்தமான கடைகள் மற்றும் கட்டடங்களில் வாடகைக்கு இருப்போருக்கு, வாடகை மற்றும் நிலுவைத் தொகை குறித்த கோரிக்கை அறிவிப்புகள் உரிய கால இடைவெளியில் தவறாமல் வழங்கப்பட்டு வருகின்றன. வாடகைதாரர்கள் நிலுவைத் தொகையைச் செலுத்தியவுடன் உடனடியாக ரசீது வழங்குவதுடன், ஏற்கெனவே செலுத்தப்பட்ட தொகைகளைக் கணக்கில் கொண்டு, மீதமுள்ள நிலுவைத் தொகை குறித்த விவரங்கள் துல்லியமாகப் பராமரிக்கப்பட்டு வருகின்றன.

குறுஞ்செய்தி

வாடகைதாரர்கள் தாங்கள் செலுத்த வேண்டிய வாடகை மற்றும் நிலுவைத் தொகை குறித்த விவரங்களை உடனுக்குடன் அறிந்துகொள்ளும் வகையில், குறிப்பிட்ட கால இடைவெளியில் கைப்பேசி குறுஞ்செய்திகள் வாயிலாகத் தகவல்கள் அனுப்ப ஏற்பாடு செய்யப்பட்டு வருகிறது.

கோவில்களுக்குச் சொந்தமான சொத்துகளைப் பாதுகாத்தல், ஆக்கிரமிப்புகளை அகற்றி கோவில் வசம் சுவாதீனம் பெறுதல் ஆகிய நடவடிக்கைகளை இந்து சமய அறநிலையத்துறை தொடர்ந்து மேற்கொண்டு வருகிறது.

இவ்வாறு அதில் தெரிவிக்கப்பட்டு உள்ளது.

திருத்தணியில் இருந்து கனகம்மாசத்திரம் வழியாக திருவள்ளூருக்கு அரசு பஸ்(எண்197) இயக்கப்படுகிறது. இந்த பஸ்சில் கடந்த ஒரு மாதமாக கே.கே.சத்திரம்-திருவள்ளூர் இடையே 23 கி.மீ. பயணத்திற்கு நிர்ணயிக்கப்பட்ட சாதாரண கட்டணமான ரூ.15-க்கு பதிலாக பயணிகளிடம் ரூ.20 வசூலிக்கப்படுவதாக சமூக ஆர்வலர்கள் குற்றம் சாட்டி உள்ளனர்.

சாதாரண பஸ்

சாதாரண பஸ்சில், விரைவுபஸ் கட்டணமாக ரூ.20 வசூலிக்கப்படுவதாக கூறப்படுகிறது. கூடுதல் டிக்கெட் கட்டணம் தொடர்பாக இந்த டிக்கெட்டுகள் சமூக வலைதளங்களில் வைரலாக பரவிவருகிறது. இது குறித்து போக்குவரத்து கழக அதிகாரி ஒருவரிடம் கேட்டபோது, பயணிகளிடம் இருந்து நிர்ணயிக்கப்பட்ட சரியான கட்டணம் வசூலிக்கப்படுகிறது. எந்தவொரு நடத்துனரும் அதிகக் கட்டணம் வசூலிப்பது கண்டறியப்பட்டால், அவர்கள் மீது கடுமையான நடவடிக்கை எடுக்கப்படும் என்றார்.

டாஸ்மாக் கடைகள்

தமிழ்நாட்டில் 4 ஆயிரத்து 48 டாஸ்மாக் கடைகள் மூலம் மதுபானங்கள் விற்பனை செய்யப்படுகின்றன. ஒரு நாளைக்கு ரூ.130 கோடி முதல் ரூ.150 கோடி வரையிலும், வார இறுதி நாட்களில் ரூ.200 கோடி வரைக்கும் மது விற்பனை நடக்கிறது. பண்டிகை காலங்களில் மதுப்பிரியர்கள் உற்சாகத்தில் திளைப்பார்கள் என்பதால் அப்போது மது விற்பனை படுஜோராக இருக்கும்.

தீபாவளி பண்டிகை

அந்த வகையில், தீபாவளி பண்டிகையையொட்டி மதுப்பிரியர்கள் டாஸ்மாக் கடையை திறப்பதற்கு முன்பாகவே குவிந்தனர். மதுப்பிரியர்களின் உற்சாக மிகுதியால் 7-ந்தேதி (சனிக்கிழமை) அன்று ரூ.234 கோடியே 75 லட்சத்துக்கும், தீபாவளி பண்டிகையன்று (ஞாயிற்றுக்கிழமை) ரூ.206 கோடியே 63 லட்சத்துக்கும் என 2 நாட்களில் சுமார் ரூ.441 கோடியே 38 லட்சத்துக்கு மதுபானங்கள் விற்பனையாகி உள்ளது.

சென்னையில் தீபாவளி பண்டிகை அன்று வடசென்னையில் சில டாஸ்மாக் கடைகளில் இரவு 9 மணிக்கு முன்பாகவே மதுபானங்கள் விற்று தீர்ந்துள்ளது.

திருச்சி மண்டலம் முதலிடம்

டாஸ்மாக் நிர்வாகம் 5 மண்டலங்களாக இயங்கி வருகிறது. இதில் தீபாவளி மது விற்பனையில் திருச்சி மண்டலம் முதலிடம் பிடித்துள்ளது. திருச்சி, தஞ்சை, திருவாரூர், புதுக்கோட்டை உள்ளிட்ட 9 மாவட்டங்கள் அடங்கிய இந்த மண்டலத்தில் ரூ.98 கோடியே 97 லட்சத்துக்கு மதுபானங்கள் விற்பனையாகி இருக்கிறது.

கொலை சம்பவங்கள்

இதற்கிடையே, தீபாவளி பண்டிகையின்போது, தமிழ்நாட்டில் பல்வேறு இடங்களில் நடந்த மோதல்கள் மற்றும் கொலைச் சம்பவங்களால் பதற்றம் ஏற்பட்டது. தீபாவளி நாளில் தமிழ்நாட்டில் 8 கொலைகள் நடந்ததாக தமிழ்நாடு காவல்துறை அதிகாரப்பூர்வமாகத் தெரிவித்துள்ளது.

தமிழக அரசு

இதையடுத்து சட்டம் ஒழுங்கு உள்ளிட்ட பல்வேறு பிரச்சனைகள் குறித்து அரசை எதிர்க்கட்சிகள் குற்றம்சாட்டி வருகிறது.

இந்நிலையில், தீபாவளி, பொங்கல் உள்ளிட்ட பண்டிகை நாட்களில் டாஸ்மாக் கடைகளுக்கு விடுமுறை அளிக்க தமிழக அரசு திட்டமிட்டுள்ளதாக தகவல் வெளியாகி உள்ளது.

பொன்னேரி நகராட்சியில் மொத்தம் 27 வார்டுகள் உள்ளன. 2026-27 வீட்டு வரி குடிநீர் வரி செலுத்த நகராட்சி நிர்வாகம் ஒலிபெருக்கி மற்றும் துண்டு பிரசுரம் மூலம் பொது மக்களுக்கு அறிவிக்கப்பட்டு வந்தது. வரிசெலுத்த தவறினால் குடிநீர் இணைப்பு துண்டிக்கப்படும் எனவும் எச்சரிக்கப்பட்டது.

குடிநீர் இணைப்பு

இந்த நிலையில் கால அவகாசம் கொடுக்கபட்டும் ஏராளமானோர் வரி செலுத்தாமல் உள்ளனர். இதையடுத்து வரி செலுத்தாத வீடுகள், கடைகளுக்கு குடிநீர் இணைப்புகளை துண்டிக்கும் நடவடிக்கையில் நகராட்சி அதிகாரிகள் ஈடுபட்டுள்ளனர்.

நகராட்சி

இதுவரை 50-க்கும் மேற்பட்ட வீடுகள் மற்றும் கடைகளுக்கு குடிநீர் இணைப்பு துண்டிக்கப்பட்டு இருப்பதாகவும், வரிப் பணத்தை செலுத்தினால் மீண்டும் இணைப்பு வழங்கப்படும் என்றும் நகராட்சி நிர்வாகம் சார்பில் தெரிவிக்கப்பட்டுள்ளது.

தமிழகத்தில் கொலை, கொள்ளை உள்ளிட்ட பிரச்சனைகள் நாளுக்கு நாள் அதிகரித்து வரும் நிலையில், மத்திய உள்துறை மந்திரி அமித்ஷாவை, கவர்னர் அர்லேகர் நாளை சந்திக்கிறார்.

கவர்னரிடம், சட்டம்- ஒழுங்கு நிலவரம் குறித்து, அமித்ஷா அறிக்கை கேட்டிருந்த நிலையில் இந்த சந்திப்பு நடைபெற உள்ளது.

சட்டம்-ஒழுங்கு

தமிழக வெற்றிக் கழகம் ஆட்சிப்பொறுப்பேற்று 6 மாதங்கள் நிறைவடைந்திருக்கின்றன. இந்த நிலையில் தமிழ்நாட்டில் சட்டம்- ஒழுங்கு பிரச்சனை மிகவும் தீவிரமாக வெடித்திருக்கிறது.

அதிலும் தீபாவளி தினத்தன்று, (8-ந்தேதி) 24 மணி நேரத்தில் தமிழ்நாட்டில் 11 கொலை சம்பவங்கள் பதிவாகி இருக்கின்றன. குறிப்பாக இந்த 11 பேரில் ஒரு சிறப்பு உதவி ஆய்வாளரும் அடங்குவார்.

ஒரே நாளில் 11 கொலைகள் என்பது, மிகவும் கவலைக்குரிய விஷயம் என்று எதிர்க்கட்சிகள் விமர்சித்து இருக்கின்றன. கொலைகள் அதிகரித்து வரும் சூழலில் மறுபுறம் சிறுமி காணாமல் போன சம்பவங்களும் விமர்சனங்களை ஏற்படுத்தி இருக்கின்றன. அதிலும் செஞ்சி சிறுமி இன்னும் கிடைக்கவே இல்லை.

இது தவிர, மாவட்ட பெண் கலெக்டருக்கு ஆபாச குறுஞ்செய்தி அனுப்பியதாக த.வெ.க. எம்.எல்.ஏ. மீது கிளம்பிய குற்றச்சாட்டு, சட்டசபை துணை சபாநாயகர் எம்.ரவிசங்கர் பொது பிரச்சனை சம்பந்தமாக பேச வந்த ஒருவரை சரமாரியாக தாக்கியதாக வந்த செய்தி உள்பட தமிழகம் மிகப்பெரிய விமர்சனத்தை எதிர் கொண்டிருக்கிறது.

அறிக்கை கேட்கும் உள்துறை

இப்படிப்பட்ட சூழ்நிலையில், தமிழகத்தில் நிலவும் சட்டம்-ஒழுங்கு பிரச்சனை குறித்து தமிழக அரசிடம் அறிக்கை பெற்று தருமாறு கவர்னர் ஆர்.வி.அர்லேகருக்கு மத்திய அரசு கடிதம் எழுதி உள்ளதாக தகவல் வெளியாகி இருக்கிறது.

அதனால்தான் முதலமைச்சர் விஜய் நேற்று தலைமை செயலகத்தில் 2-வது நாளாக போலீஸ் டி.ஜி.பி. மகேஷ் குமார் அகர்வால், உளவுத்துறை ஐ.ஜி.அஸ்ரா கார்க் ஆகியோருடன் சட்ட-ஒழுங்கு நிலவரம் பற்றியும் சமீபத்தில் நடைபெற்ற குற்ற சம்பவங்கள் குறித்தும் காவல்துறை மேற்கொண்டு வரும் தொடர் நடவடிக்கைகள் பற்றியும் விரிவாக கேட்டறிந்துள்ளார்.

இந்த நிலையில் தமிழக கவர்னர் அர்லேகர் நாளை காலை டெல்லி புறப்பட்டு செல்கிறார்.

அமித்ஷாவை சந்திக்கிறார்

டெல்லியில் நாளை மாலை உள்துறை மந்திரி அமித்ஷாவை சந்திக்கிறார். இந்த சந்திப்பின்போது, தமிழகத்தின் சட்டம்-ஒழுங்கு நிலவரம் குறித்த விவரங்களை அமித்ஷாவிடம் கவர்னர் அர்லேகர் கொடுப்பார் என தெரிகிறது. அப்போது தமிழக நிலவரம் குறித்து விவாதிப்பார் என எதிர்பார்க்கப்படுகிறது.

அமித்ஷாவை சந்தித்த பிறகு கவர்னர் அர்லேகர் ஜம்மு-காஷ்மீர் செல்கிறார். அங்கு நடைபெறும் நிகழ்ச்சியில் பங்கேற்றுவிட்டு ஞாயிற்றுக்கிழமை (15-ந்தேதி) சென்னை திரும்புகிறார்.

சென்னை மாவட்ட ஒருங்கிணைந்த வரைவு வாக்காளர் பட்டியலை மாநகராட்சி ஆணையர் சமீரன் ளியிட்டார்.

வரைவு வாக்காளர் பட்டியலின்படி சென்னை மாவட்டத்தில் மொத்தம் 29.14 லட்சம் வாக்காளர்கள் உள்ளனர்.

சென்னையில் 18-19 வயது வரை உள்ள வாக்காளர்கள் 46,200 பேர் 85 வயதிற்கு மேற்பட்ட வாக்காளர்கள் 28,159 பேர் உள்ளனர்.

கன்னியாகுமரி மாவட்டத்திற்கு வெளி மாவட்டங்களில் இருந்து தினமும் ஏராளமான பஸ்கள் வந்து செல்கின்றன. இந்த பஸ்கள் ஆரல்வாய் மொழி, தோவாளை வழியாக நாகர்கோவில் வருகின்றன. அதன்படி இன்று காலை விருதுநகர் மாவட்டம் சாத்தூரில் இருந்து அரசு பஸ் வந்தது. காலை நேரம் என்பதால் பஸ்சில் பயணிகள் கூட்டம் அதிகமாக இருந்தது.

ஆரல்வாய்மொழி

இந்த பஸ் ஆரல்வாய்மொழி வெள்ளமடம் அருகே உள்ள கிறிஸ்துநகர் பகுதியில் வந்தபோது திடீரென டிரைவரின் கட்டுப்பாட்டை இழந்து தாறுமாறாக ஓடியது. இதனால் பஸ்சில் இருந்த பயணிகள் பயத்தில் அலறினர். பஸ் அங்கும் இங்கும் ஓடியதால் அந்த பகுதியில் நின்ற பொதுமக்களும் அச்சம் அடைந்தனர். இதற்கிடையில் தறிகெட்டு ஓடிய அரசு பஸ், சாலையோரம் இருந்த மின்கம்பத்தில் மோதியது.

மேலும் சாலையின் ஓரம் கவிழ்ந்து விடும் நிலையில் சென்ற பஸ்சை டிரைவர் ஒரு வழியாக நிறுத்தினார். இதற்கிடையில் பஸ், மின் கம்பத்தில் மோதியதால் மின் வயர்கள் அறுந்து விழுந்தன. வயர்கள் ஒன்றொடன்று உரசியதால் தீப்பொறி மற்றும் பலத்த சத்தம் எழுந்தது. இதனால் அங்கு பதட்டம் ஏற்பட்டது. உடனடியாக சுதாரித்த அந்த பகுதி மக்கள் விரைந்து செயல்பட்டு பஸ்சில் இருந்த பயணிகளை கீழே இறக்கினர்.

போலீசார் விசாரணை

இந்த விபத்தில் அதிர்ஷ்ட வசமாக பயணிகள் காயமின்றி உயிர் தப்பினர். பஸ் கம்பத்தில் மோதிய வேகத்தில் மின் வயர்கள் அறுந்து விழுந்து மின் தடை ஏற்பட்டதால், மின்சாரம் தாக்குதலில் இருந்து அவர்கள் தப்பித்தனர். இது பற்றிய தகவல் கிடைத்ததும் மின்வாரிய பணியாளர்கள் சம்பவ இடம் வந்து மின்சாரத்தை அந்த பகுதி முழுவதும் துண்டித்து மீட்பு பணியில் ஈடுபட்டனர்.

விபத்து குறித்து ஆரல்வாய்மொழி போலீசார் சம்பவ இடம் வந்து விசாரணை நடத்தினர். பஸ் முன்பு இருசக்கர வாகனத்தில் யாராவது குறுக்கே வந்ததால் விபத்து ஏற்பட்டதா? டிரைவர் அஜாக்கிரதையால் விபத்து ஏற்பட்டதா? என போலீசார் விசாரணை நடத்தி வருகின்றனர்.

அம்மா மக்கள் முன்னேற்ற கழக பொதுச்செயலாளர் டி.டி.வி.தினகரன் வெளியிட்டுள்ள அறிக்கையில்,

பெரும் அச்சம்

குழந்தைகள் தினத்தையொட்டி தமிழகத்தில் உள்ள அரசு மற்றும் அரசு உதவிபெறும் பள்ளிகளில் பயிலும் மாணவ, மாணவியர்களுக்கு வழங்குவதற்காகப் பல்வேறு நிறுவனங்களிடமிருந்து கொள்முதல் செய்யப்பட்ட கேக்குகள், வெகுதொலைவிலிருந்து கொண்டுவரப்பட்டு, கடந்த நான்கு நாட்களாக வாகனங்களிலேயே முறையான பராமரிப்பின்றி வைக்கப்பட்டிருப்பதாகப் புகார் எழுந்துள்ளது.

அரசுப் பள்ளி மாணவ, மாணவியர்களுக்கு வழங்கப்படும் காலை உணவு மற்றும் மதிய உணவின் தரம் குறித்து அவ்வப்போது பல்வேறு புகார்கள் எழுந்துவரும் நிலையில், குழந்தைகள் தினத்தன்று வழங்குவதற்காகக் கொள்முதல் செய்யப்பட்ட கேக்குகளும் முறையான பாதுகாப்பு மற்றும் பராமரிப்பின்றி வைக்கப்பட்டிருப்பதாக வெளியாகியுள்ள தகவல்கள் பெற்றோர்கள் மத்தியில் பெரும் அச்சத்தை ஏற்படுத்தியுள்ளன.

கூடுதல் கவனம் வேண்டும்

மேலும், கேக்குகளைக் கொள்முதல் செய்வதற்கான ஒப்பந்தப்புள்ளி, தமிழகத்தைச் சேர்ந்த நிறுவனங்களுக்கு மட்டுமின்றி, வட இந்திய மாநிலத்தைச் சேர்ந்த நிறுவனத்திற்கும் வழங்கப்பட்டுள்ளதாகக் கூறப்படும் நிலையிலும், அவ்வாறு கொள்முதல் செய்யப்பட்ட கேக்குகள் பல நாட்களாகச் சாலை மார்க்கமாகக் கொண்டுவரப்பட்டுள்ள நிலையிலும், அவற்றின் தயாரிப்புத் தேதி, காலாவதி தேதி, சேமித்து வைக்கப்பட்ட விதம் மற்றும் தரம் ஆகியவற்றை முறையாகப் பரிசோதிப்பது மிகவும் அவசியமாகியுள்ளது. குறிப்பாக, குழந்தைகளின் உடல்நலத்தைப் பாதிக்கக்கூடிய வகையில் தரமற்ற அல்லது கெட்டுப்போன கேக்குகள் வழங்கப்பட்டுவிடக் கூடாது என்பதில் அரசு கூடுதல் கவனம் செலுத்த வேண்டும்.

எனவே, நாளை தமிழகம் முழுவதும் உள்ள அரசு மற்றும் அரசு உதவிபெறும் பள்ளிகளில் பயிலும் மாணவ, மாணவியர்களுக்கு வழங்கப்படவுள்ள கேக்குகளை, அதற்கென நியமிக்கப்பட்டுள்ள அதிகாரிகள் மூலம் உரிய தரப் பரிசோதனைக்கு உட்படுத்துவதுடன் குழந்தைகளின் உடல்நலத்துடன் தொடர்புடைய இவ்விவகாரத்தில் அலட்சியம் கொள்ளாமல் தரமான மற்றும் பாதுகாப்பான கேக்குகள் மட்டுமே மாணவ, மாணவியர்களுக்கு வழங்கப்படுவதைப் பள்ளிக்கல்வித்துறையும் தவெக அரசும் உறுதிசெய்ய வேண்டும் என வலியுறுத்துகிறேன்.

அறுபடை வீடுகளில் இரண்டாம் படை வீடான திருச்செந்தூர் சுப்பிரமணிய சுவாமி கோவிலில் ஆண்டு முழுவதும் பல்வேறு திருவிழாக்கள் நடைபெற்று வருகிறது. முக்கிய திருவிழாக்களில் ஒன்றான கந்தசஷ்டி திருவிழா நேற்று முன்தினம் யாகசாலை பூஜையுடன் தொடங்கி நடைபெற்று வருகிறது.

திருவிழா முன்னிட்டு நெல்லை, தென்காசி, தூத்துக்குடி மாவட்டங்கள் மட்டுமின்றி தமிழகம் முழுவதும் இருந்து பக்தர்கள் திருச்செந்தூருக்கு வந்து செல்வார்கள். திருவிழாவின் முக்கிய நிகழ்ச்சியான சூரசம்ஹாரம் வருகிற 15-ந்தேதி நடைபெறுகிறது. இதனை காண தமிழகம் முழுவதும் இருந்து லட்சணக்கணக்கான பக்தர்கள் திரள்வார்கள். இதற்கான முன்னேற்பாடு பணிகள் நடைபெற்று வருகிறது.

சிறப்பு பஸ்கள்

இந்நிலையில் கந்தசஷ்டி திருவிழாவை முன்னிட்டு அரசு போக்குவரத்து கழகம் சார்பில் 3 நாட்கள் சிறப்பு பஸ்கள் இயக்கப்படுகிறது. இது குறித்து தமிழ்நாடு அரசு போக்குவரத்துக் கழக நெல்லை நிர்வாக இயக்குநர் செல்வம் வெளியிட்டுள்ள செய்திக்குறிப்பில் கூறியிருப்பதாவது:-

திருச்செந்தூர் சுப்பிரமணிய சுவாமி கோவிலில் கந்தசஷ்டி திருவிழா தொடங்கி நடைபெற்று வருகிறது. திருவிழாவின் முக்கிய நிகழ்ச்சியான சூரசம்ஹாரம் வருகிற 15-ந்தேதி (ஞாயிற்றுக்கிழமை) நடைபெறுகிறது. சூரசம்ஹாரத்தை முன்னிட்டு நாளை மறுநாள் (14-ந்தேதி) மற்றும் 15,16-ந்தேதி ஆகிய 3 நாட்கள் தமிழ்நாடு அரசு போக்குவரத்துக் கழகம் நெல்லை சார்பாக தூத்துக்குடி, நெல்லை, கோவில்பட்டி, நாகர்கோவில், உடன்குடி மற்றும் திசையன்விளை ஆகிய பஸ் நிலையங்களில் இருந்து பக்தர்கள் மற்றும் பொதுமக்களின் தேவைக்கு ஏற்ப சிறப்பு பஸ்கள் இயக்கப்படுகிறது.

இவ்வாறு அதில் கூறப்பட்டுள்ளது.

தேனி மாவட்டம் போடி மெட்டு அருகில் உள்ள சாந்தம்பாறையை சேர்ந்த பாலகுரு மனைவி ராணி (வயது 57). தேனியை பூர்வீகமாக கொண்ட இவர்கள் கடந்த 10 வருடத்திற்கு முன்பு கேரளாவுக்கு ஏலத்தோட்டத்திற்கு வேலைக்குச் சென்றனர். இவர்களுக்கு 2 மகள்கள் உள்ளனர். 1 மகள் அமெரிக்காவில் வேலை பார்த்து வந்த நிலையில் தற்போது அதே பகுதியில் தனியாக வசித்து வருகிறார்.

கொடூரக்கொலை

சமீபகாலமாக ராணிக்கு திடீரென பண வரவு அதிகரித்தது. இதனால் ராணிக்கும் அவரது கணவருக்கும் இடையே தகராறு ஏற்பட்டு தனியாக வாழ்ந்து வந்தார். கடந்த சில வருடங்களுக்கு முன்பு கணவர் பாலகுருவை ராணியே கொலை செய்தார் என்று சாந்தம்பாறை போலீஸ் நிலையத்தில் வழக்குப்பதிவு செய்யப்பட்டு கைதானார். பின்னர் இந்த வழக்கில் ராணி மீதான குற்றச்சாட்டு கோர்ட்டில் நிரூபிக்கப்படாததால் விடுவிக்கப்பட்டார். இருந்த போதும் வழக்கு விசாரணை நடந்து வருகிறது.

வட்டி

இந்நிலையில் மகள்கள் இருவரும் தனித்தனியாக குடும்பத்துடன் வசித்து வந்த நிலையில் ராணி பணம் கொடுக்கல் வாங்கல் செய்து வந்தார்.

சோரியார், சாந்தம்பாறை, பூம்பாறை உள்ளிட்ட பகுதிகளில் ஏராளமான ஏலத்தோட்ட தொழிலாளர்கள் பணிபுரிந்து வருகின்றனர். இவர்களில் வடமாநில தொழிலாளர்களும் அடங்குவர். இவர்களுக்கு ராணி வட்டிக்கு பணம் கொடுத்து வந்துள்ளார். இந்நிலையில் சோரியார் பகுதியில் ராணி கொடூரமாக கொலை செய்யப்பட்டு இறந்து கிடந்தார்.

போலீசார் விசாரணை

போலீசார் சம்பவ இடத்திற்கு வந்து பார்த்த போது தலை, கைகளை தனித்தனியாக வெட்டி வெவ்வேறு இடங்களில் தூக்கி வீசி எறிந்ததை கண்டு அதிர்ச்சி அடைந்தனர். இதை தொடர்ந்து உடல் பாகங்களை மீட்டு அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர். சம்பவ இடத்திற்கு மோப்பநாய் வரவழைக்கப்பட்டு விசாரணை நடத்தப்பட்டது.

மேலும் அக்கம் பக்கத்தில் இருந்தவர்களிடம் விசாரணை நடத்தியதில் ராணி வீட்டிற்கு அருகே வடமாநில தொழிலாளர்கள் தங்கி இருந்ததாகவும், அவர்கள் தற்போது தீபாவளி விடுமுறைக்காக சொந்த ஊருக்கு சென்றிருப்பதாகவும் தெரிவித்தனர்.

அவர்களது செல்போன் எண்ணிற்கு தொடர்பு கொண்டபோது சுவிட்ச் ஆப் செய்யப்பட்டிருந்தது. இதனால் பணம் கொடுக்கல் வாங்கல் பிரச்சினையில் வடமாநில தொழிலாளர்கள் ராணியை கொலை செய்தார்களா? அல்லது வேறு ஏதும் காரணமாக? என்று விசாரணை நடத்தி வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தி உள்ளது.

சர்வதேச அளவில் பதற்றம் நிறைந்த ஹார்முஸ் ஜலசந்தி கடல் பகுதியில், 2 சரக்குக் கப்பல்களுடன் மாயமான திண்டுக்கல் மாலுமி நவீன் குமாரை மீட்டுத் தரக்கோரி, அவரது தாய் கண்ணீர் மல்க தமிழக அரசுக்கு வேண்டுகோள் விடுத்துள்ளார்.

போர் பதற்றம்

ஈரான் போர் பதற்றம் மற்றும் வணிகக் கப்பல்கள் மீதான தாக்குதல்களுக்கு இடையே, பொலிவியா நாட்டின் கொடியுடன் எக்கு ஏற்றிச் சென்ற ‘பிரிட்ஜ் 1’ மற்றும் ‘பிரிட்ஜ் 2’ ஆகிய இரண்டு சரக்குக் கப்பல்கள் ஈரானின் கிஷ் தீவு அருகே கடந்த மே மாதம் 9-ந் தேதி மாயமாகின.

ரேடார் தொடர்பில் இருந்து துண்டிக்கப்பட்ட இந்த 2 கப்பல்களில் இருந்தும் எவ்வித அவசர உதவிக்கான ‘டிஸ்ட்ரஸ்’ அழைப்புகளும் வரவில்லை. இதில் திண்டுக்கல் குடைப்பாறைப்பட்டியைச் சேர்ந்த வடிவேல் - பாண்டிச்செல்வி தம்பதியின் மகன் நவீன் குமார் (வயது 26) உட்பட 2 இந்தியர்கள், 3 ஈராக்கியர்கள் மற்றும் ஒரு பாகிஸ்தானியர் என மொத்தம் 6 மாலுமிகள் பணியாற்றி வந்தனர்.

திண்டுக்கல் குடைப்பாறைப்பட்டியைச் சேர்ந்த நவீன் குமார், சென்னையில் ஜி.பி. ரேட்டிங் மரைன் படிப்பை முடித்துள்ளார்.

பெற்றோர் கவலை

ரூ.15 லட்சம் கடன் வாங்கி மகனைப் படிக்க வைத்த பெற்றோர், மும்பையைச் சேர்ந்த தனியார் முகமை மூலம் அவரை வேலைக்கு அனுப்பியுள்ளனர்.

துபாயில் 6 மாத ஒப்பந்தப் பணி எனக் கூறி அனுப்பப்பட்ட அவர், அங்கு பணியில் சேர்ந்த ஒரே வாரத்திலேயே ஈரானுக்கு மாற்றப்பட்டு சரக்குக் கப்பலில் பணியமர்த்தப்பட்டுள்ளார். கப்பல் மாயமாகி 6 மாதங்களுக்கும் மேலாகியும் நவீன் குமார் குறித்து எந்தவித தகவலும் கிடைக்கவில்லை. இதனால் அவரது குடும்பத்தினர் மிகுந்த கவலையில் மூழ்கியுள்ளனர்.

திண்டுக்கல் மாவட்ட கலெக்டர்

இது குறித்து திண்டுக்கல் மாவட்ட கலெக்டர் அலுவலகம் மற்றும் முதலமைச்சரின் தனிப்பிரிவில் மனு அளித்தும் எந்தவித தெளிவான பதிலும் இதுவரை கிடைக்கவில்லை என நவீன் குமாரின் தாய் பாண்டிச்செல்வி வேதனையுடன் தெரிவித்தார்.

ஒருபுறம் மகனின் நிலை தெரியாத தவிப்பு, மறுபுறம் கல்விக்கடன் கொடுத்தவர்களின் நெருக்கடி எனப் பல்வேறு இன்னல்களுக்கு மத்தியில் வாழ வழியின்றி தவித்து வருவதாகவும், மத்திய, மாநில அரசுகள் உடனடியாக தலையிட்டு தூதரக ரீதியில் நடவடிக்கை எடுத்து தன் மகனை உயிருடன் மீட்டுத் தர வேண்டும் என கண்ணீருடன் கோரிக்கை விடுத்துள்ளார்.

இதுகுறித்து அவர் வெளியிட்டுள்ள பா.ம.க. தலைவர் மருத்துவர் அன்புமணி வெளியிட்டுள்ள அறிக்கையில் கூறப்பட்டுள்ளதாவது:-

கோவை பெரியார் அறிவுலகம் நூலகத்திற்கு நூல்களை வாங்கியதில் நடைபெற்றதாகக் கூறப்படும் ஊழல் தொடர்பாக ஒவ்வொரு நாளும் வெளியாகி வரும் செய்திகள் அதிர்ச்சியும், கவலையும் அளிப்பவையாக உள்ளன.

நூல் கொள்முதலில் கூட ஊழல் செய்வார்களா? என நாடு முழுவதும் தமிழகத்திற்கு அவப்பெயர் ஏற்பட்டுள்ள நிலையில், இது குறித்த அனைத்து உண்மைகளையும் வெளியிட்டு ஊழல்வாதிகளை அம்பலப்படுத்த வேண்டும்.

கோவையில் திமுக ஆட்சியில் அமைக்கப்பட்டு, கடந்த அக்டோபர் 16-ஆம் தேதி திறக்கப்பட்ட பெரியார் அறிவுலகம் நூலகத்திற்கு நூல்கள் கொள்முதல் செய்யப்பட்டதில் பெருமளவில் ஊழல்கள் நடைபெற்றுள்ளதாக கடந்த 6-ஆம் தேதி குற்றச்சாட்டுகள் எழுந்தன.

பதிப்பக உலகில் பெரிய அளவில் பேசப்படாத, தென்னிந்திய பதிப்பாளர் சங்கத்தில் கூட பதிவு செய்யப்படாத அகல்விளக்கு பதிப்பகம், பீனிக்ஸ் பதிப்பகம் ஆகிய இரு பதிப்பகங்களில் இருந்து தான் மிக அதிக எண்ணிக்கையில் நூல்கள் கொள்முதல் செய்யப்பட்டன என்பதும், அந்நூல்கள் அனைத்தும் இல்லாத நபர்களின் கற்பனை பெயர்களில், செயற்கை அறிவுத்திறன் தொழில்நுட்பத்தைப் பயன்படுத்தி உருவாக்கப்பட்டவை என்பதும் கடந்த சில நாள்களில் வெளியான அதிர்ச்சியூட்டும் செய்திகள்.

கோவை பெரியார் அறிவுலகத்திற்காக நூல்களை கொள்முதல் செய்வதில் மட்டுமே ஊழல் நடைபெற்றதாக நம்பப்பட்ட நிலையில், தென்காசியில் புதிதாக கட்டப்பட்டு கடந்த ஆண்டு அக்டோபர் 29-ஆம் தேதி திறக்கப்பட்ட தென்காசி மத்திய நூலகத்தில் மட்டும் அகல்விளக்கு பதிப்பகத்தால் பதிப்பிக்கப்பட்ட சுமார் 2200 போலி நூல்கள் அடையாளம் காணப்பட்டு அகற்றப்பட்டிருப்பதாக செய்திகள் வெளியாகியுள்ளன.

அவற்றில் பெரும்பாலான நூல்களில் விலைகள் ரூ.1000&க்கும் அதிகம் என்றும், இதற்காக அகல்விளக்கு பதிப்பகத்திற்கு மட்டும் ரூ.27 லட்சம் வழங்கப்பட்டிருப்பதாகவும் ஊடகங்களில் செய்திகள் வெளியாகியுள்ளன. திமுக ஆட்சியில் கொள்முதல் செய்யப்பட்ட இந்த நூல்களுக்கு அவசர, அவசரமாக பணம் வழங்கப்பட்டதாகவும் அதிகாரிகள் தெரிவித்துள்ளனர்.

2018-19ஆம் ஆண்டுகளில் புதிதாக திறக்கப்பட்ட 6 புதிய மாவட்டங்களில் மாவட்ட மத்திய நூலகங்கள் கட்ட முடிவு செய்யப்பட்டு தென்காசி, இராணிப்பேட்டை, காஞ்சிபுரம் ஆகிய மாவட்டங்களில் புதிய நூலகங்கள் திறக்கப் பட்டுள்ளன.

தென்காசி மட்டுமின்றி, மற்ற நூலகங்களுக்கு கொள்முதல் செய்யப்பட்ட நூல்களில் பெரும்பாலானவை அகல்விளக்கு மற்றும் பீனிக்ஸ் பதிப்பகத்தால் பதிக்கப்பட்டவை என்று கூறப்படுகிறது.

சென்னை கன்னிமாரா நூல்கம் தொடங்கி கிராமங்களில் உள்ள கிளை நூல்கங்கள் வரை எங்கும் அகல்விளக்கு பதிப்பக நூல்கள் தான் நிறைந்து காணப்படுவதாகக் கூறப்படுகிறது. இந்த ஊழலால் தமிழகத்திற்கு பெரும் அவப்பெயர் ஏற்பட்டுள்ளது.

போலி நூல்கள் கொள்முதல் விவகாரத்தில் அனைத்து உண்மைகளும் வெளிக்கொண்டு வரப்படும் என்றும், குற்றவாளிகள் தப்ப முடியாது என்றும் அரசுத் தரப்பில் மீண்டும், மீண்டும் கூறப்படும் போதிலும், இந்த ஊழல் தொடர்பான தகவல்களை வெளியிடவில்லை; முதல் தகவல் அறிக்கையும் இன்னும் பதிவாகவில்லை.

இந்த ஊழல் தொடர்பாக தொடரப்பட்ட வழக்கை விசாரித்த சென்னை உயர்நீதிமன்றத்தின் மதுரை அமர்வு, தமிழக அரசுக்கு சில கடுமையான உத்தரவுகளைப் பிறப்பித்ததைத் தொடர்ந்து தான், அகல்விளக்கு பதிப்பகத்திற்கு சொந்தமான 3 வங்கிக் கணக்குகளில் உள்ள ரூ.22 லட்சம் முடக்கப்பட்டுள்ளது.

இதுவரை முதல் தகவல் அறிக்கை தாக்கல் செய்யப்படாத நிலையில், விரைவில் முதல் தகவல் அறிக்கையை பதிவு செய்து நீதிமன்றத்தில் தாக்கல் செய்வதாக தமிழக அரசின் சார்பில் வாக்குறுதி அளிக்கப்பட்டிருக்கிறது.

போலி நூல்கள் கொள்முதலில் அகல் விளக்கு பதிப்பகம், பீனிக்ஸ் பதிக்கப்பகம் ஆகியவை தவிர மேலும் பல பதிப்பகங்கள் சம்பந்தப்பட்டிருக்கக் கூடும் என்று கூறப்படுகிறது. நூல்கள் கொள்முதல் செய்யப் பட்டதில் மட்டுமின்றி, நூலகங்கள் கட்டப்பட்டதிலும் கோடிக்கணக்கில் ஊழல் நடைபெற்றிருக்கலாம் என்று குற்றச்சாட்டுகள் எழுந்துள்ளன. இந்த ஊழல்களில் சம்பந்தப்பட்ட எவரும் தப்புவதற்கு அனுமதிக்கக் கூடாது.

போலி நூல்கள் கொள்முதல் ஊழல் வாயிலாக கொள்ளையடிக்கப்பட்ட பணம் முழுவதும் தமிழக மக்களின் வரிப் பணம் ஆகும். அதனால், இந்த ஊழல் குறித்த அனைத்து உண்மைகளையும் அறிந்து கொள்ளும் உரிமை தமிழக மக்களுக்கு உள்ளது. இந்த ஊழலால் வெளி மாநிலங்களிலும், வெளி நாடுகளிலும் தமிழக அரசுக்கு அவப்பெயர் ஏற்படுள்ளது.

அதைத் துடைக்க இந்த ஊழலில் தொடர்புடைய பதிப்பாளர்கள், அதிகாரிகள், அரசியல்வாதிகள் உள்ளிட்ட அனைவரையும் கைது செய்து சட்டத்தின் முன்நிறுத்த வேண்டியது தமிழக அரசின் முதன்மைக் கடமை. அந்தக் கடமையை தமிழக அரசு நிறைவேற்ற வேண்டும்.

மக்கள் மற்றும் மாணவர்களின் அறிவை வளர்க்க வேண்டிய நூலகங்களுக்கு நூல்களை கொள்முதல் செய்வதில் ஊழலை நடத்தியது மட்டுமின்றி, தரமற்ற போலி நூல்களைக் கொள்முதல் செய்து அறிவை மழுக்கடிக்கும் செயல்களில் ஈடுபட்டவர்களுக்கு மன்னிப்பே கிடையாது.

எனவே, தமிழ்நாட்டில் எந்தெந்த நூலகங்களுக்கு அகல்விளக்கு பதிப்பகம், பீனிக்ஸ் பதிப்பகம் போன்ற பதிப்பகங்களில் இருந்து எவ்வளவு நூல்கள் வாங்கப்பட்டன? அவற்றின் மதிப்பு என்ன? அவற்றை வாங்குவதற்காக பரிந்துரைத்தவர்கள் யார்?

அதனடிப்படையில் கொள்முதல் அனுமதி வழங்கியவர்கள் யார்? என்பன உள்ளிட்ட முழுமையான விவரங்கள் அடங்கிய வெள்ளை அறிக்கையை உடனடியாக வெளியிட வேண்டும்; இந்த ஊழலில் தொடர்புடையவர்கள் யாராக இருந்தாலும் அவர்களை கைது செய்து சட்டத்தின் முன் நிறுத்த வேண்டும்.

இவ்வாறு அவர் குறிப்பிட்டுள்ளார்.

முந்தைய தி.மு.க. ஆட்சியில் தனியார் பள்ளிகளுக்கு அங்கீகாரம் பெற்றுத்தருவதாக கூறி ரூ.400 கோடி வரை முறைகேடாக பணம் வசூலித்ததாக சென்னை மத்திய குற்றப்பிரிவு போலீசார் வழக்குப்பதிவு செய்தனர்.

இந்த வழக்கில் முன்னாள் பள்ளிக்கல்வித்துறை அமைச்சர் அன்பில் மகேஷ், தனியார் பள்ளி நிர்வாகிகள் சங்க தலைவர் பி.டி.அரசகுமார் உள்பட சிலர் கைது செய்யப்பட்டனர்.

பி.டி.அரசகுமார் ஜாமினில் விடுவிக்கப்பட்டார். இந்த வழக்கில் போலீசாரால் தேடப்பட்டு வந்த அன்பில் மகேஷின் நண்பரும் முன்னாள் எம்.எல்.ஏ.வுமான முத்துக்குமார் கோர்ட்டில் சரண் அடைந்தார்.

அன்பில் மகேஷ்

இந்த வழக்கில் கைதாகியுள்ள அன்பில் மகேஷ் ஜாமின் கேட்டு சிறப்பு கோர்ட்டில் மனு தாக்கல் செய்தார். அந்த மனு மீதான விசாரணையின்போது, முறைகேடாக வசூலித்த பணத்தை அன்பில் மகேஷின் வீட்டுக்கு முத்துக்குமாரின் கார் டிரைவர் சரவணன் எடுத்து சென்றதற்கான வீடியோ ஆதாரம் இருப்பதாகவும், தற்போது சரவணன் தலைமறைவாக இருப்பதாகவும் போலீஸ் தரப்பில் தெரிவிக்கப்பட்டது.

கோர்ட்டில் சரண்

சென்னை ஊழல் தடுப்பு வழக்குகளை விசாரிக்கும் சிறப்பு கோர்ட்டில் நீதிபதி சத்தியமூர்த்தி முன்னிலையில் சரவணன் நேற்று சரண் அடைந்தார்.

விசாரணைக்கு பின்பு அவரை, வருகிற 25-ந் தேதி வரை நீதிமன்ற காவலில் சிறையில் அடைக்க நீதிபதி உத்தரவிட்டார். இதைத்தொடர்ந்து சரவணன், புழல் சிறையில் அடைக்கப்பட்டார்.

முன்னாள் எம்.எல்.ஏ. முத்துக்குமாரை 5 நாட்கள் போலீஸ் காவலில் விசாரிக்க அனுமதி கோரிய மனு அதே கோர்ட்டில் நேற்று விசாரிக்கப்பட்டது. மனு மீதான தீர்ப்பை நீதிபதி தள்ளிவைத்தார்.

இந்நிலையில் அன்பில் மகேஷின் நண்பர் முத்துக்குமாரின் வங்கி கணக்குகள் முடக்கப்பட்டுள்ளது. முத்துக்குமாரின் 29 வங்கி கணக்குகளில் இருந்து ரூ.4.5 கோடி முடக்கப்பட்டுள்ளது.

முன்னாள் அமைச்சர் அன்பில் மகேஷின் வங்கிக்கணக்குகளும் ஆய்வுக்கு உட்படுத்தப்பட்டுள்ளதாகவும் ஆய்வுக்குப்பிறகு வங்கிக்கணக்குகள் முடக்க வாய்ப்பு என மத்திய குற்றப்பிரிவு போலீசார் தெரிவித்துள்ளனர்.

குடிநீர் வசதி கேட்டு கோரிக்கை மனு அளிக்க சென்ற நபரை தமிழக சட்டமன்ற துணை சபாநாயகரும், திருச்சி மாவட்டம் துறையூர் தொகுதி எம்.எல்.ஏ.வுமான ரவிசங்கர் தாக்கியதாக புகார் எழுந்தது.

ஆர்ப்பாட்டம்

எனவே அவரை பதவி நீக்கம் செய்யக்கோரி திருச்சி வடக்கு மாவட்ட தி.மு.க. சார்பில் துறையூர் பழைய பேருந்து நிலைய அண்ணா சிலை முன்பு நேற்று ஆர்ப்பாட்டம் நடைபெற்றது. இதில் தி.மு.க. நிர்வாகிகள் பலர் கலந்து கொண்டனர். இந்த ஆர்ப்பாட்டத்திற்கு உரிய அனுமதி பெறாததால் சப்-இன்ஸ்பெக்டர் ராஜ துரை துறையூர் போலீஸ் நிலையத்தில் புகார் அளித்தார்.

அதன்பேரில் போலீசார் ஆர்ப்பாட்டத்தில் ஈடுபட்ட திருச்சி வடக்கு மாவட்ட தி.மு.க.,செயலாளர் காடுவெட்டி தியாகராஜன், முன்னாள் எம்.எல்.ஏ., ஸ்டாலின் குமார், நகர் மன்ற தலைவர் செல்வராணி மலர்மன்னன், ஒன்றிய குழு முன்னாள் தலைவர் சரண்யா மோகன் தாஸ் உள்பட 137 பேர் மீது, சட்டவிரோதமாக ஒன்று கூடியது, பொதுமக்களுக்கும், போக்குவரத்துக்கும் இடையூறு ஏற்படுத்தியதாக 2 பிரிவின் கீழ் வழக்குப்பதிவு செய்துள்ளனர்.

விழுப்புரம்-புதுவை சாலையில் உள்ள ராகவன்பேட்டை ஆசிரியர் நகரை சேர்ந்தவர் ஜானி.

மருந்து விற்பனை பிரதிநிதி

இவர் மருந்து விற்பனை பிரதிநிதியாக வேலை பார்த்து வருகிறார். இவரது மனைவி ஹேமா. நேற்று இரவு கணவன், மனைவி இருவரும் சாப்பிட்டு முடித்து விட்டு வழக்கம் போல வீட்டை உள்பக்கம் தாழிட்டு கொண்டு தங்கள் குழந்தைகளுடன் தூங்கி கொண்டிருந்தனர்.

இந்த நிலையில் நள்ளிரவு நேரத்தில் மூகமுடி அணிந்த 5 பேர் கொண்ட கொள்ளை கும்பல், கடப்பாரையால் வீட்டின் முன்பக்க கதவை உடைத்து உள்ளே புகுந்தனர்.

பின்னர் அந்த கும்பல் வீட்டில் இருந்த பீரோவை உடைத்து, அதில் வைத்திருந்த நகை, பணத்தை கொள்ளையடித்து கொண்டிருந்தனர்.

கத்தியை வைத்து மிரட்டல்

வீட்டில் ஏதோ சத்தம் கேட்டதால் ஜானியும், அவரது மனைவி ஹேமாவும் எழுந்து பார்த்தனர். அப்போது, வீட்டிற்குள் முகமூடி அணிந்த நிலையில் கொள்ளையர்கள் இருப்பதை பார்த்ததும் அதிர்ச்சியாகினர்.

உடனடியாக அவர்கள் கொள்ளை கும்பலை பிடிக்க முயன்றனர். ஆனால் அந்த கொள்ளை கும்பலை சேர்ந்தவர்கள் தாங்கள் மறைத்து வைத்திருந்த கத்தியை எடுத்து ஜானி, ஹேமாவின் கழுத்தில் வைத்து மிரட்டி, ஹேமா கழுத்தில் அணிந்திருந்த 5 பவுன் தாலி செயின், மற்றும் வீட்டில் பீரோவில் வைத்திருந்த 14 பவுன் நகை என மொத்தம் 19 பவுன் நகை மற்றும் ரூ.1 லட்சம் ரொக்கப் பணத்தை எடுத்து கொண்டு கொள்ளை கும்பல் தப்பி சென்றது.

கொள்ளை

அந்த கொள்ளை கும்பல் தப்பி சென்ற போது, அந்த வீட்டின் அருகே உள்ள துரை மற்றும் லதா என்பவரது வீட்டிலும் பூட்டை உடைத்து கொள்ளை முயற்சியில் ஈடுபட்டுள்ளனர். அந்த வீட்டில் எதுவும் சிக்காததால் அந்த கொள்ளை கும்பல் தப்பி சென்றது.

இதுகுறித்து விழுப்புரம் தாலுகா போலீசாருக்கு தகவல் கொடுக்கப்பட்டது. தகவல் அறிந்ததும் போலீசார் சம்பவ இடத்திற்கு சென்று விசாரணை மேற்கொண்டனர்.

மேலும் கைரேகை நிபுணர்கள் வரவழைக்கப்பட்டு அங்கு பதிவாகி இருந்த தடயங்களை சேகரித்தனர். மோப்பநாயும் வரவழைக்கப்பட்டு போலீசார் விசாரணை மேற்கொண்டு வருகின்றனர்.

இந்த சம்பவம் அப்பகுதி மக்களிடையே பெரும் பரபரப்பையும், அச்சத்தையும் ஏற்படுத்தியுள்ளது.

நீலகிரி மாவட்டம் ஊட்டியில் குளிர்காலத்தின் தாக்கம் நாளுக்கு நாள் அதிகரித்து வருகிறது. அதிகாலை மற்றும் இரவு நேரங்களில் நிலவும் கடும் குளிர், நீர்ப்பனிப்பொழிவு காரணமாக பொதுமக்களின் இயல்பு வாழ்க்கை பாதிக்கப்பட்டுள்ளது.

கடும் குளிர்

ஊட்டியில் குறைந்தபட்ச வெப்பநிலை 10.7 டிகிரி செல்சியஸாகவும், அதிகபட்ச வெப்பநிலை 14.2 டிகிரி செல்சியஸாகவும் பதிவாகியுள்ளது. இதனால் காலை நேரங்களில் வீட்டை விட்டு வெளியே வருபவர்கள் கடும் குளிரை எதிர்கொள்ள வேண்டிய நிலை ஏற்பட்டுள்ளது.

குறிப்பாக முதியவர்கள், குழந்தைகள், அதிகாலையில் பணிக்கு செல்லும் தொழிலாளர்கள், நடைப்பயிற்சி மேற்கொள்பவர்கள் மற்றும் வியாபாரிகள் குளிரால் சிரமப்படுகின்றனர்.

நீர்ப்பனித்துளிகள்

குளிரின் தாக்கத்திலிருந்து தங்களை பாதுகாத்துக்கொள்ள பொதுமக்கள் கம்பளி ஆடைகள், ஸ்வெட்டர்கள், குல்லாக்கள், கையுறைகள் உள்ளிட்டவற்றை அணிந்து வெளியே செல்கின்றனர். ஊட்டி அரசு தாவரவியல் பூங்கா, ரேஸ்கோர்ஸ், தொட்டபெட்டா, சூட்டிங் மட்டம் மற்றும் சுற்றுவட்டார பகுதிகளில் அதிகாலை நேரங்களில் புல்வெளிகள், செடிகள், மலர்கள் மீது நீர்ப்பனித்துளிகள் படர்ந்து காணப்படுகின்றன.

சூரிய ஒளி படும்போது பனித்துளிகள் வைரக்கற்களை போன்று மின்னுவது கண்கொள்ளாக் காட்சியாக அமைந்துள்ளது. தேயிலை தோட்டங்களிலும் பசுமையான புல்வெளிகளிலும் படர்ந்துள்ள பனித்துளிகள் ஊட்டியின் இயற்கை அழகுக்கு மேலும் மெருகூட்டுகின்றன.

சுற்றுலா பயணிகள்

ஒருபுறம் கடும் குளிரால் உள்ளூர் மக்கள் அவதிப்படும் நிலையில், மறுபுறம் ஊட்டிக்கு வருகை தரும் சுற்றுலாப் பயணிகள் குளிர்ச்சியான காலநிலையை உற்சாகத்துடன் அனுபவித்து வருகின்றனர். சமவெளி பகுதிகளில் இருந்து வரும் சுற்றுலா பயணிகள் ஊட்டியின் குளிர்ந்த காற்றையும், பனிமூட்டம் சூழ்ந்த மலைகளையும், பனித்துளிகள் படர்ந்த புல்வெளிகளையும் கண்டு மகிழ்ச்சியடைகின்றனர்.

குறிப்பாக, அதிகாலை நேரங்களில் இயற்கைக் காட்சிகளை புகைப்படம் எடுப்பதிலும், குடும்பத்தினருடன் குளிரை ரசிப்பதிலும் ஆர்வம் காட்டுகின்றனர். குளிரின் தாக்கம் அதிகரித்துள்ளதால் சூடான தேநீர், காபி மற்றும் சூப் போன்ற பானங்களை பொதுமக்களும் சுற்றுலா பயணிகளும் விரும்பி அருந்துகின்றனர்.

முன்னெச்சரிக்கை

அதிகாலை நேரங்களில் வெளிப்புறங்களில் பணியாற்றுபவர்கள் குளிரிலிருந்து தங்களை பாதுகாத்துக்கொள்ள வெப்ப ஆடைகளை அணிந்து வருகின்றனர். கடும் குளிர் நிலவும் அதிகாலை மற்றும் இரவு நேரங்களில் முதியவர்கள், குழந்தைகள் மற்றும் உடல்நலப் பிரச்சினைகள் உள்ளவர்கள் உரிய முன்னெச்சரிக்கையுடன் இருக்க வேண்டும் என அறிவுறுத்தப்படுகிறது.

குமரி மாவட்டம் பூதப்பாண்டி அருகே உள்ள நன்றிகுழி கோவில் தெருவை சேர்ந்தவர் சாமுவேல். இவரது மனைவி இன்பமுத்து(வயது78). இவர்களது மகள் மல்லிகா. இவருக்கு 2 மகன்கள் உள்ளனர். மூத்த மகன் சதீஷ்குமார் (29) டிரைவராக உள்ளார். இவர் நன்றிகுழி கோவில் தெரு பகுதியில் வசித்து வருகிறார்.

கொடூர தாக்குதல்

சதீஷ்குமார் தனது பாட்டி இன்பமுத்துவின் வீட்டிற்கு அடிக்கடி செல்வது வழக்கம். அப்போது நன்றிகுழியில் அரை சென்ட்டில் அமைந்துள்ள பழைய வீட்டை தனது பெயருக்கு எழுதித் தருமாறு கேட்டு வந்துள்ளார். அதற்கு அவர் மறுப்பு தெரிவித்ததாக தெரிகிறது. இதனால் பாட்டியிடம் சதீஷ்குமார் தகராறில் ஈடுபட்டு வந்துள்ளார்.

நேற்று முன்தினம் இரவு பாட்டி இன்பமுத்து வீட்டிற்கு சதீஷ்குமார் சென்றிருக்கிறார். அங்கு வீட்டில் தூங்கிக் கொண்டிருந்த பாட்டியை சரமாரியாக தாக்கியுள்ளார். காலால் மிதித்தது மட்டுமின்றி, தலைகீழாக தூக்கி சிமெண்ட் தரையில் அடித்தார். இதில் இன்பமுத்து படுகாயம் அடைந்து வலியால் துடித்தார்.

உயிரிழப்பு

இதையடுத்து சதீஷ்குமார் அங்கிருந்து தப்பிச் சென்று விட்டார். ​இது குறித்து தகவல் அறிந்த இன்பமுத்துவின் மகன் சுந்தர்ராஜ் மற்றும் உறவினர்கள் சம்பவ இடத்துக்கு வந்தனர். அவர்கள் படுகாயமடைந்து கிடந்த இன்பமுத்துவை மீட்டு சிகிச்சைக்காக ஆசாரிப்பள்ளம் அரசு மருத்துவமனைக்கு கொண்டு சென்றனர்.

அங்கு அவருக்கு தீவிர சிகிச்சை அளிக்கப்பட்டு வந்தது. எனினும் சிகிச்சை பலனின்றி இன்பமுத்து இன்று காலை பரிதாபமாக உயிரிழந்தார். இதுகுறித்து பூதப்பாண்டி போலீசில் சுந்தர்ராஜ் புகார் செய்தார். அவரது புகாரின் பேரில் போலீசார் வழக்குப்பதிந்து விசாரணை நடத்தினர்.

பேரன் கைது

இன்பமுத்துவை கொடூரமான முறையில் அடித்துக் கொன்ற பேரன் சதீஷ்குமாரை கைது செய்தனர். வீட்டை எழுதிக்கேட்டு தகராறு செய்து வந்த நிலையில் இன்பமுத்து கொலை செய்யப்பட்டிருப்பதால், அந்த காரணத்துக்காகவே சதீஷ்குமார் தனது பாட்டியை கொடூரமான முறையில் தாக்கி கொலை செய்திருக்கலாம் என்று கருதப்படுகிறது.

கொலைக்கு அது தான் காரணமா? அல்லது வேறு எதுவும் காரணமா? என்று கைது செய்யப்பட்டுள்ள சதீஷ்குமாரிடம் போலீசார் தொடர்ந்து விசாரணை மேற்கொண்டு வருகின்றனர். பாட்டியை கொடூரமான முறையில் பேரன் அடித்து கொலை செய்த சம்பவம் பூதப்பாண்டி பகுதியில் பரபரப்பை ஏற்படுத்தி உள்ளது.

கோவையில் பெரியார் அறிவுலகம் நூலகத்திற்கான புத்தகக் கொள்முதல் நடைமுறையில், செயற்கை நுண்ணறிவு மூலம் உருவாக்கப்பட்ட புத்தகங்கள், முக்கியத்துவ மற்ற தலைப்புகள், போலி எழுத்தாளர்கள், சந்தேகத்திற்குரிய பதிப்பகங்கள் மற்றும் அதிகப்படியான விலை நிர்ணயம் ஆகியவை குறித்த புகார்கள் எழுந்தன.

புத்தகங்கள் அகற்றம்

இதன் எதிரொலியாக மதுரை மாவட்டத்தில் உள்ள நூலகங்களில் இருந்து இரண்டு குறிப்பிட்ட பதிப்பகங்களால் வெளியிடப்பட்ட 1,529 புத்தகங்களை அகற்றுமாறு மாவட்ட நூலக ஆணைக்குழு உத்தரவிட்டுள்ளது. இதற்கான நடவடிக்கையை மதுரை மாவட்ட நூலக ஆணைக்குழு அதிரடியாக எடுத்துள்ளது.

2025-26 ஆம் ஆண்டில் கொள்முதல் செய்யப்பட்டு, மதுரை மாவட்டத்தில் உள்ள 133 கிளை நூலகங்களுக்கு விநியோகிக்கப்பட்ட ‘பீனிக்ஸ்’ பதிப்பகத்தின் 998 புத்தகங்கள் மற்றும் ‘அகல் விளக்கு’ பதிப்பகத்தின் 531 புத்தகங்கள் என மொத்தம் 1,529 புத்தகங்கள் தற்போது அகற்றப்பட்டுள்ளன. மேலும், அனைத்துப் புத்தகப் பதிப்பகங்களுக்கும் வழங்கப்பட்ட கொள்முதல் ஆணைகளும் தற்காலிகமாக ரத்து செய்யப்பட்டுள்ளதாக அதிகாரி கூறினார்.

இதற்கிடையே, மதுரை கலைஞர் நூற்றாண்டு நூலகத்தில் 2022-23 ஆம் ஆண்டில் கொள்முதல் செய்யப்பட்ட ‘பீனிக்ஸ் பப்ளிகேஷன்ஸ்’ பெயரிலான சுமார் 350 புத்தகங்கள், போலி ஐ.எஸ்.பி.என். எண்கள் குறித்த புகார்களின் அடிப்படையில் தனியாகப் பிரித்து வைக்கப்பட்டுள்ளன. அறிவியல் மற்றும் சமூக அறிவியல் உள்ளிட்ட பல்வேறு தலைப்புகளைக் கொண்ட இந்தப் புத்தகங்களின் மதிப்பு சுமார் ரூ.2 லட்சம் இருக்கும் என கலைஞர் நூற்றாண்டு நூலக அதிகாரி ஒருவர் தெரிவித்துள்ளார்.

திண்டுக்கல், சிவகங்கையிலும் நடவடிக்கை

அதேபோல் திண்டுக்கல் மாவட்டத்தில் உள்ள கிளை நூலகங்களில் இருந்தும் இந்த இரண்டு பதிப்பகங்களின் புத்தகங்கள் அகற்றப்பட்டுள்ளன. இதுவரை பீனிக்ஸ் பதிப்பகத்தின் 1,007 புத்தகங்களும், அகல்விளக்கு பதிப்பகத்தின் 1,200 புத்தகங்களும் கண்டறியப்பட்டு அகற்றப்பட்டுள்ளதாக அதிகாரி ஒருவர் தெரிவித்தார்.

சிவகங்கை மாவட்டத்தில் உள்ள 52 கிளை நூலகங்களில் இருந்து அகல்விளக்கு பதிப்பகத்தின் 840 புத்தகங்களும், பீனிக்ஸ் பதிப்பகத்தின் 357 புத்தகங்களும் நூலக அதிகாரிகளால் அகற்றப்பட்டுள்ளன.

காவிரி நீர்ப்பிடிப்பு பகுதிகளில் பெய்து வரும் தொடர் மழையின் காரணமாக, மேட்டூர் அணைக்கான நீர்வரத்து கடந்த சில நாட்களாக அதிகரித்து காணப்படுகிறது. பாசனத்திற்காக வெளியேற்றப்படும் நீரின் அளவை விட அணைக்கு வரும் நீரின் அளவு அதிகமாக இருப்பதால், அணையின் நீர்மட்டம் தொடர்ந்து உயர்ந்து வருகிறது.

நீர்மட்டம் உயர்வு

நேற்று அணையின் நீர்மட்டம் 60.75 அடியாக இருந்த நிலையில் இன்று 61 அடியாக உயர்ந்து காணப்பட்டது.

அணைக்கு நீர்வரத்து வினாடிக்கு 3295 கனஅடியாக அதிகரித்து வந்து கொண்டு இருந்தது. அணையில் இருந்து காவிரி டெல்டா பாசனத்துக்கு வினாடிக்கு 1000 கனஅடி தண்ணீர் திறந்து விடப்படுகிறது. அணையில் 25.43 டி.எம்.சி. தண்ணீர் இருப்பு உள்ளது.

காவிரி நீர்ப்பிடிப்பு பகுதிகளில் மழை நீடித்து வருவதால், அணைக்கு வரும் நீர்வரத்து மேலும் அதிகரிக்க வாய்ப்புள்ளதாக நீர்வளத்துறை அதிகாரிகள் தெரிவித்துள்ளனர். இதனால் டெல்டா விவசாயிகள் மகிழ்ச்சி அடைந்துள்ளனர்.

தமிழக பா.ஜ.க. மாநில தலைவர் நயினார் நாகேந்திரன் எக்ஸ் தள பக்கத்தில் வெளியிட்டுள்ள பதிவில்,

கும்பகர்ண தூக்கம்

தென்காசி மாவட்டத்தின் விவசாய நிலங்களிலும் திறந்தவெளிகளிலும், அண்டை மாநிலமான கேரளாவிலிருந்து டன் கணக்கில் கொண்டுவரப்படும் அபாயகரமான மருத்துவக் கழிவுகள் கொட்டப்பட்டு எரிக்கப்படும் அவலம் தொடர்கதையாகி வருகிறது. 'கேரள மாநில விற்பனைக்கு மட்டும்' என்று அச்சிடப்பட்ட பாட்டில்களும் நச்சுக் கழிவுகளும் கண்முன்னே ஆதாரமாகக் கிடந்தும், எல்லையோரச் சோதனைச் சாவடிகளைக் கண்காணிக்கத் திராணியின்றி விஜய் தலைமையிலான தவெக அரசு கும்பகர்ண தூக்கத்தில் ஆழ்ந்துள்ளது.

இதேபோன்று ஒரு குண்டூசி அளவிலான கழிவுப் பொருளைக்கூடத் தமிழகத்திலிருந்து கொண்டுபோய்க் கேரள எல்லைக்குள் கொட்டிவிட முடியுமா? அங்கு அந்த அளவிற்குச் சோதனைகளும் கண்காணிப்பும் மிகக் கடுமையாக உள்ள சூழலில், அண்டை மாநிலத்தின் நச்சுக் கழிவுகளை இங்கு கொட்டும் அளவிற்குத் தமிழகக் காவல்துறையும், தவெக அரசும் இத்தனை அலட்சியமாக இருக்கிறது! இது தென்காசியில் மட்டுமல்ல, ஒட்டுமொத்த எல்லையோர மாவட்டங்களிலும் தொடர்கிறது. பசுமையான நிலங்களை நஞ்சாக்கித் தமிழகத்தைக் கேரளாவின் குப்பைத் தொட்டியாக மாற்றும் இந்த ஆட்சியில், இன்னும் என்னென்ன கூத்துகளும் அவலங்களும் அரங்கேறப் போகின்றனவோ தெரியவில்லை!

கடுமையான நடவடிக்கை

எனவே, இனியாவது இந்த மெத்தனப் போக்கைக் கைவிட்டு, கேரள முதல்வரிடம் பேசி இந்த விவகாரத்திற்கு முதல்வர் விஜய் உடனடியாக ஒரு முற்றுப்புள்ளி வைக்க வேண்டும். எல்லையோரச் சோதனைச் சாவடிகளில் கண்காணிப்பைத் தீவிரப்படுத்தி, கேரளக் கழிவுகளைத் தமிழகத்திற்குள் கடத்திவரும் வாகனங்களை உடனடியாகப் பறிமுதல் செய்வதோடு, மக்களின் சுகாதாரத்தோடு விளையாடும் சமூக விரோதிகள் மீது குண்டர் சட்டத்தின் கீழ் வழக்குப் பதிவு செய்து கடுமையான நடவடிக்கை எடுக்க வேண்டும் என வலியுறுத்திக் கேட்டுக்கொள்கிறேன்.

அந்த வகையில், நாளை மின் தடை செய்யப்படும் பகுதிகள் குறித்து தமிழ்நாடு மின்சார வாரியம் அறிவிப்பு வெளியிட்டுள்ளது. அதன்படி, சென்னையில் நாளை (13.11.2026) காலை 9 மணி முதல் பிற்பகல் 2 மணி வரை மின்வாரிய பராமரிப்பு பணி காரணமாக பின்வரும் இடங்களில் மின் விநியோகம் நிறுத்தப்படும். அதன்படி, நாளை திருவொற்றியூர் பகுதியில் மின்தடை செய்யப்படுகிறது. அதன் விவரம் வருமாறு:-

கல்லூரி சாலை துணை மின் நிலையம்

கல்லூரி சாலை, கல்லூரி லேன், நுங்கம்பாக்கம் நெடுஞ்சாலை, மூர்ஸ் சாலை, கே.என்.கே சாலை, வாலஸ் கார்டன் 1 முதல் 3வது தெரு, ரட்லேண்ட் கேட் 1 முதல் 6வது தெரு, சுப்பாராவ் அவென்யூ 1 முதல் 3வது தெரு, ஆண்டர்சன் சாலை, ஹாடோஸ் சாலை 1, 2வது தெரு, நவாப் ஹபிபுல்லா 1, 2வது அவென்யூ, பைக்ராஃப்ட் கார்டன் மற்றும் அதனை சுற்றியுள்ள பகுதிகள்.

பல்லாவரம்

பல்லாவரம் பழைய சந்தை, பம்மல் பிரதான சாலை, அப்துல் பாரூக் தெரு, காமராஜர் நெடுஞ்சாலை, தெய்வசிகாமணி தெரு, முத்தமிழ் நகர், கிருஷ்ணா நகர், அரங்கநாதன் தெரு, தேவராஜன் தெரு, சோழன் தெரு, இஸ்ரோ விருந்தினர் மாளிகை, ரேடியன்ஸ், ஜி.இ. நிறுவனம், ராணுவ குடியிருப்புகள், ஏர் இந்தியா, டிஆர்டிஓ, தாஜ் விமான உணவுத் தயாரிப்பு மையம், பாரத் பெட்ரோலியம் கார்ப்பரேஷன் நிறுவனம், எல்&டி, இந்துஸ்தான் பெட்ரோலியம் நிறுவனம்.

அம்பத்தூர் அத்திப்பட்டு ஐ.சி.எப் காலனியைச் சேர்ந்தவர் ஹரிபிரசாத் (வயது 25). இவர் பட்டரைவாக்கத்தில் உள்ள தனியார் தொழிற்சாலை ஒன்றில் பணியாற்றி வந்தார். நேற்று இரவு 12 மணி அளவில் பணி முடிந்ததும் வீட்டிற்குச் செல்லாமல், அம்பத்தூர் தொழிற்பேட்டையிலிருந்து மதுரவாயல் பைபாஸ் சர்வீஸ் சாலை வழியாக நூம்பல் நோக்கித் தனது இருசக்கர வாகனத்தில் சென்று கொண்டிருந்தார். அந்தச் சாலையில் மழைநீர் வடிகால்வாய் அமைப்பதற்காகப் பள்ளம் தோண்டப்பட்டு, தடுப்புகள் ஏதும் மின்றி திறந்த நிலையில் இருந்தது. இருள் சூழ்ந்த அந்தப் பகுதியில் சாலையோர மின்விளக்குகளும் இல்லாத நிலையில் வேகமாக வந்த ஹரிபிரசாத், பள்ளம் இருப்பதை அறியாமல் இருசக்கர வாகனத்துடன் உள்ளே விழுந்துள்ளார்.

மீட்பு

இதில், கட்டுமான பணிகளுக்காக நடப்பட்டிருந்த இரும்புக் கம்பிகள் அவரது தலையில் ஆழமாக குத்தியதால் ரத்த வெள்ளத்தில் துடிதுடித்து சம்பவ இடத்திலேயே உயிரிழந்தார். இந்நிலையில் அவரது பின்னால் இருசக்கர வாகனத்தில் வந்தவர் இதை பார்த்து அதிர்ச்சி அடைந்தார். இதுகுறித்துத் போலீசாருக்கு தகவல் தெரிவித்ததால் சம்பவ இடத்திற்கு விரைந்து வந்த அம்பத்தூர் தொழிற்பேட்டை போலீசார் தீயணைப்பு துறைக்கு தகவல் தெரிவித்து அங்கிருந்து வந்த மீட்பு படையினர் ஏணி மூலம் பள்ளத்தில் இறங்கி ரத்த வெள்ளத்தில் இருந்த ஹரிபிரசாத் உடலை மீட்டு மேலே கொண்டு வந்து 108 ஆம்புலன்ஸ்க்கு தகவல் தெரிவித்தனர்.

சம்பவ இடத்திற்கு வருகை தந்த மருத்துவர்கள் அவரை பரிசோதித்து அவர் இறந்து அரை மணி நேரத்துக்கு மேல் ஆகிவிட்டது என்று தெரிவித்தனர். பின்னர் உடலை கைப்பற்றி பிரேத பரிசோதனைக்காக கீழ்ப்பாக்கம் அரசு பொது மருத்துவமனைக்கு அனுப்பி வைத்தனர். இச்சம்பவம் குறித்து அண்ணா நகர் போக்குவரத்துப் புலனாய்வுப் பிரிவு போலீசார், வழக்கு பதிவு செய்து விசாரித்து வருகின்றனர்.

ஒவ்வொரு ஆண்டும் நடக்கும் வாக்காளர் பட்டியல் சிறப்பு சுருக்கமுறை திருத்தப்பணிகள் (எஸ்எஸ்ஆர்) தமிழகத்தில் தொடங்கப்பட உள்ளன.

முன்னதாக வாக்காளர் பட்டியல் தீவிர சிறப்பு திருத்தம் (எஸ்ஐஆர்) நடைபெற்று முடிந்த நிலையில் இந்த எஸ்எஸ்ஆர் பணிகள் நடைபெறவுள்ளன.

எஸ்எஸ்ஆர்

இதற்காக ஏற்கனவே வெளியிடப்பட்ட அறிவிப்புப்படி, 1.1.2027 தேதியை வாக்காளராக தகுதியேற்படுத்தும் நாளாக கொண்டு வாக்காளர் பட்டியல் திருத்தப்பணிகள் நடைபெறவுள்ளன.

இதன்படி வாக்குச்சாவடிகளை திருத்தி அமைத்தல் மற்றும் மறுசீரமைத்தல் பணி கடந்த 2ந்தேதி முடிக்கப்பட்டு புதிய வாக்குச்சாவடிகளின் பட்டியலும் வெளியிடப்பட்டது.

வரைவு வாக்காளர் பட்டியல்

இந்நிலையில் இன்று (வியாழக்கிழமை) ஒருங்கிணைந்த வரைவு வாக்காளர் பட்டியல் வெளியிடப்பட உள்ளது.

இந்த பட்டியலை இன்று காலை 10 மணிக்கு மேல் தமிழக தலைமை தேர்தல் அதிகாரி அர்ச்சனா பட்நாயக் வெளியிடுவார்.

விண்ணப்பம்

வரைவுப் பட்டியலில் வெளியானதும் வாக்காளர்கள் தங்களின் பெயர் இருக்கிறதா? சரியாக இருக்கிறதா? உள்ளிட்ட விவரங்களை சரிபார்த்து புதிதாக பெயர் சேர்த்தல், இடம் மாற்றம், பெயர் நீக்குதலுக்காக டிசம்பர் 11 ஆம் தேதிக்குள் விண்ணப்பிக்கலாம்.

இந்த விண்ணப்பங்கள் மீது டிசம்பர் 28ந்தேதிக்குள் முடிவு எடுக்கப்பட்டு அடுத்த ஆண்டு ஜனவரி 4ந்தேதி இறுதி வாக்காளர் பட்டியல் வெளியிடப்படும்.

தமிழக வாக்காளர்கள்

முன்னதாக தமிழக சட்டமன்ற தேர்தலுக்கு முன் நடந்த எஸ்ஐஆருக்கு பின் வெளியான இறுதி வாக்காளர் பட்டியலின்படி தமிழ்நாட்டில் மொத்தம் 5 கோடியே 69 லட்சத்து 17 ஆயிரத்து 979 ( 2.78 கோடி ஆண், 2.90 கோடி பெண், 7,656 மூன்றாம் பாலின) வாக்காளர்கள் உள்ளனர் என்பது குறிப்பிடத்தக்கது.

இது வடமேற்கு திசையில் நகர்ந்து, அதற்கடுத்த 24 மணி நேரத்தில் ஆழ்ந்த காற்றழுத்த தாழ்வு பகுதியாக மாறக்கூடும். சுமார் 0.9 கிமீ உயரத்தில் மன்னார் வளைகுடா மற்றும் அதனை ஒட்டிய பகுதிகளின் மேல் ஒரு வளிமண்டல சுழற்சி நிலவுகிறது.

மழைக்கு வாய்ப்பு:

இதன் காரணமாக இன்று (நவ. 12) தஞ்சாவூர், திருவாரூர், மயிலாடுதுறை, நாகப்பட்டினம், புதுக்கோட்டை, இராமநாதபுரம், தூத்துக்குடி, திருநெல்வேலி, கன்னியாகுமரி மாவட்டங்களில் ஓரிரு இடங்களிலும், காரைக்கால் பகுதிகளிலும் இடி மின்னலுடன் கூடிய மிதமான மழை பெய்யக்கூடும்.

மேற்கு தொடர்ச்சி மலை மாவட்டங்கள் மற்றும் ஏனைய வட கடலோர தமிழகத்தில் ஓரிரு இடங்களிலும், புதுவையிலும் லேசான மழை பெய்யக்கூடும். ஏனைய தமிழகத்தில் பொதுவாக வறண்ட வானிலை நிலவக்கூடும்.

சென்னை மற்றும் புறநநகர் பகுதிகளில் இன்று (நவ. 12) வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் மிக லேசான மழை பெய்ய வாய்ப்புள்ளது. அதிகபட்ச வெப்பநிலை 31-32° செல்சியஸை ஒட்டியும், குறைந்தபட்ச வெப்பநிலை 24-25° செல்சியஸை ஒட்டியும் இருக்கக்கூடும்.

கோவை பெரியார் அறிவுலகம் நூலகத்தில் புத்தக கொள்முதலில் ஊழல் நடந்ததாக சமீபத்தில் குற்றச்சாட்டு எழுந்தது.

சமீபத்தில் பெரியார் அறிவுலகம் நூலகத்தை முதலமைச்சர் ச. ஜோசப் விஜய் திறந்து வைத்தார்.

இதையடுத்து இந்த நூலகத்தை திமுக தலைவர் மு.க.ஸ்டாலின் உள்ளிட்ட தலைவர்கள் நேரில் சென்று பார்வையிட்டு வந்தனர்.

இதைத்தொடர்ந்து எழுத்தாளர் பெருமாள் முருகன், புத்தகத்தில் தவறுதலாக கருத்துகள் அச்சிடப்பட்டுள்ளதாகவும், அகல்விளக்கு மற்றும் பீனிக்ஸ் போன்ற பதிப்பகங்களின் மீது அடுக்கடுக்கான குற்றச்சாட்டுகளை முன்வைத்தார்.

இதையடுத்து நூல்கள் கொள்முதலில் ஊழல் நிகழ்ந்துள்ளதாக திமுக மற்றும் தவெக ஆகிய கட்சிகள் மாறிமாறி குற்றச்சாட்டுகளை முன்வைத்தன.

தமிழக அமைச்சர் ராஜ்மோகன் செய்தியாளர்களை சந்தித்தபோது, இதுகுறித்து ஒரு விரிவான விசாரணைக்கு உத்தரவிட்டுள்ளதாகவும், இது ஒரு விதமான ஏ.ஐ ஊழல் என்றும் குற்றம் சாட்டியிருந்தார்.

இந்த நிலையில், புத்தக கொள்முதல் ஊழல் புகார் தொடர்பாக லஞ்ச ஒழிப்புத்துறை அண்ணா நூற்றாண்டு நூலகம் உள்ளிட்ட இடங்களில் ஆய்வுகள் மேற்கொண்டன.

இந்த ஆய்வின் போது, சேகரிகப்பட்ட ஆவணங்களை அடிப்படையாக வைத்து லஞ்ச ஒழிப்புத்துறை தற்போது வழக்கு பதிவு செய்துள்ளது.

கடந்த 2018-ம் ஆண்டு மே 22-ல் தூத்துக்குடியில் ஸ்டெர்லைட் ஆலைக்கு எதிர்ப்பு தெரிவித்து போராட்டத்தில் ஈடுபட்டவர்கள் மீது துப்பாக்கிச்சூடு நடத்தப்பட்டது. இந்த துப்பாக்கி சூட்டில் 13 நபர்கள் உயிரிழந்தனர். மேலும் 40 பேர் படுகாயமடைந்தனர். இந்நிலையில், தூத்துக்குடி ஸ்டெர்லைட் ஆலைக்கு எதிரான போராட்டத்தின் போது பாதிக்கப்பட்ட குடும்பத்தினரின் நீண்ட கால கோரிக்கைகளை ஏற்று, கூடுதல் நிவாரணத் தொகையாக ரூ.5.25 கோடியை உடனடியாக வழங்க தமிழக அரசு உத்தரவிட்டுள்ளது. பாதிக்கப்பட்ட மக்களின் துயரத்தை போக்கும் வகையிலும், அவர்களின் வாழ்வாதாரத்தை மேம்படுத்தும் நோக்கத்திலும் இந்த அறிவிப்பு வெளியாகியுள்ளது.

நிதி விவரங்கள்

இந்த நிவாரணத் தொகையின் மூலம், போராட்டத்தின் போது உயிரிழந்தவர்களின் குடும்பங்களுக்கு ஆதரவு அளிக்கும் வகையில் நடவடிக்கை எடுக்கப்பட்டுள்ளது. அதன்படி, உயிரிழந்தவர்களின் 13 குடும்பங்களுக்கு மீதமுள்ள தொகையாக தலா ரூ.25 லட்சமும், தீவிர துப்பாக்கிச்சூடு மற்றும் வன்முறையில் கொடுங்காயமடைந்து இன்னமும் சிரமப்பட்டு வரும் 40 நபர்களுக்கு மீதமுள்ள தொகையாக தலா ரூ.5 லட்சமும் கூடுதல் நிவாரண நிதியாக நேரடியாக வழங்கப்படவுள்ளது. பாதிக்கப்பட்ட மக்களின் நியாயமான கோரிக்கைகளுக்கு செவிசாய்த்து முதல்வர் விஜய் பிறப்பித்துள்ள இந்த உத்தரவு பொதுமக்கள் மத்தியில் வரவேற்பைப் பெற்றுள்ளது.

இந்த தலைப்பு பலரிடையே விமர்சனங்களைப் பெற்றுவருகிறது. இதற்கு முன்னதாகவும் இந்த தலைப்புக்கு எதிர்ப்பு கிளம்பியது. விருமாண்டி படத்திற்கு முதலில் இந்த தலைப்புதான் வைக்கப்பட்டிருந்தது.

இதற்கு புதிய தமிழகம் கட்சித் தலைவர் கிருஷ்ணசாமி கடும் எதிர்ப்பு தெரிவிக்க, பின்னர் அந்த தலைப்பு கைவிடப்பட்டது. இந்நிலையில் மீண்டும் கமலின் மற்றொரு படத்திற்கு வைக்கப்பட்டுள்ளது.

இந்த தலைப்பு அறிவிப்பு வெளியானதில் இருந்தே, இதற்கு கிருஷ்ணசாமி எதிர்ப்பு தெரிவித்து வருகிறார். இது பல்வேறு சாதிய மோதல்களுக்கு வழிவகுக்கும் என எச்சரிக்கிறார்.

இந்நிலையில் இந்த தலைப்புக்கு அனுமதி தரக்கூடாது, இந்த தலைப்பை தடை செய்யவேண்டும் என அமைச்சர் ராஜ்மோகனிடம் இன்று மனு அளித்தார்.

இதனைத்தொடர்ந்து இன்று செய்தியாளர்களிடம் பேசிய அவர் கூறியதாவது;

கொடியங்குளம் கலவரம்

“இதே கமல்ஹாசன் 1992ம் ஆண்டு தேவர் மகன் என்ற பெயரில் படம் எடுத்தார். அப்படத்தில் ஒரு சமூகத்தினரை போற்றும் வகையில் பாடல் வந்தது.

அந்தப் பாடலை அந்த மக்கள் மட்டும் வசிக்கும் இடத்தில் போட்டால் பிரச்சனை இல்லை. ஆனால், ஒரு கிராமத்தில் ஒரு சமூகத்தினர் மட்டும் இருப்பதில்லை.

அந்த படம் வெளியாகி முடிந்துவிட்டது. ஆனால், அதனால் பிரச்சனைகள் தொடர்ந்து ஏற்பட்டன. இதனால் ஏற்பட்ட ஒரு மோதலில் பெண் ஒருவரின் கையும் வெட்டப்பட்டது. அதன்பிறகுதான், கொடியங்குளம் பிரச்சனைகள் எல்லாம் வந்தது.

10 ஆண்டுகள் தொடர்ந்து கலவரம்

அவர் ஒரு பிரபலமான நடிகர். அவர் சொல்லும் கருத்துகள் எளிதாக மக்களிடையே சென்று செல்லும். நல்லது செல்கிறதோ இல்லையோ, கெட்ட கருத்துகள் எளிதாக சென்றடைகின்றன.

1993ம் ஆண்டிற்கு பிறகு தமிழ்நாட்டில் தொடர்ந்து 10 ஆண்டுகள் பிரச்சனைகள் நடக்க காரணமே அவரது படம்தான்.

சுந்தரலிங்கம் பெயரில் போக்குவரத்துக்கழகம் உருவாக்கப்பட்டது. அந்த பெயரில் என்ன தவறு இருக்கிறது? அந்த பெயருக்கு எதிர்ப்பு வந்தது. சில பெயர்களுக்கு பிரச்சனை இருக்கிறது. அதனால் இதுபோன்றவற்றை தவிர்க்க வேண்டும்.

சண்டியர்களை உருவாக்கக்கூடாது

சண்டியர் என்ற பெயரில் தமிழ்நாட்டில் வன்மத்தை திணிக்க நினைக்கிறார் கமல்ஹாசன்; விரோதத்தை வளர்க்க நினைக்கிறார். இளைஞர்களை சண்டியராக்க முற்படுகிறார். தமிழ்நாட்டில் பட்டதாரிகளை உருவாக்க வேண்டும்; சண்டியர்களை உருவாக்கக்கூடாது.

இந்த வேலையை திரைப்படம் வாயிலாக கமல் செய்வதை அனுமதிக்க முடியாது என்பதற்காகத்தான் இந்த எதிர்ப்பு.” என தெரிவித்தார்.

முதலமைச்சர் விஜய் தலைமையில் நடைபெற்று வரும் இந்த ஆலோசனை கூட்டத்தில், கட்சியின் பொதுச்செயலாளரும் அமைச்சருமான என்.ஆனந்த் மற்றும் அமைச்சர்கள், எம்.எல்.ஏ.க்கள் அனைவரும் பங்கேற்றுள்ளனர்.

இந்த கூட்டத்தில் அமைச்சர்கள் மற்றும் எம்.எல்.ஏ.க்களுக்கு முதலமைச்சர் விஜய் பல்வேறு அறிவுரைகளை வழங்குவதுடன் சில அமைச்சர்கள் மற்றும் சில எம்.எல்.ஏ.க்களுக்கு கடுமையான எச்சரிக்கை விடுக்க இருப்பதாகவும் கூறப்பட்டது.

இந்நிலையில், சென்னை மாமல்லபுரம் நட்சத்திர விடுதியில் நடைபெற்ற கூட்டத்தில் இருந்து தவெக பெண் எம்எல்ஏக்கள் மட்டும் புறப்பட்டனர்.

கூட்டம் தொடங்கிய சிறிது நேரத்தில் பெண் எம்எல்ஏக்கள் மட்டும் புறப்பட்டனர். முதலில் பெண் எம்எல்ஏக்களிடம் முதலமைச்சர் விஜய் ஆலோசனை நடத்திய நிலையில் அவர்கள் புறப்பட்டனர்.

எம்எல்ஏக்கள் காமாட்சி, சிந்து, தாகிரா, கனிமொழி, குழந்தை ராணி உள்ளிட்டோர் புறப்பட்டனர்.

மாமல்லபுரத்தில் எம்எல்ஏக்களை முதலமைச்சர் விஜய் தனித்தனியே சந்தித்து வருகிறார். முதலமைச்சருடனான சந்திப்பிற்கு பிறகு எம்எல்ஏக்கள் திரும்பிச் செல்கின்றனர்.

கூட்டத்தின்போது, அனைவரும் ஒற்றுமையாக இருந்து மக்களுக்கான சேவையை தொடர்ந்து செய்ய வேண்டும் என தவெக எம்எல்ஏக்களுக்கு முதலைமைச்சர் விஜய் அறிவுறுத்தியுள்ளார்.

மேலும், எதிர்க்கட்சிகளின் டிராப்-ல் மாட்டிக்கொள்ளாதீர்கள். நம் கூட்டணியில் உள்ளவர்களை தவிர நமக்கு எதிர்க்கட்சிகள் அதிகமாக உள்ளது. எனவே நமக்கு நிறைய எதிரிகள் என்பதால் எந்த டிராப்-ல் சிக்கிக்கொள்ளாதீர்கள். தொடர்ந்து மக்கள் சேவையில் மட்டும் கவனம் செலுத்த வேண்டும்.

நாம் கொண்டு வரும் மக்கள் நல திட்டங்களை மக்களுக்கு கொண்டு செல்வதில் கவனம் செலுத்துங்கள் என தவெக எம்எல்ஏக்களுக்கு முதலமைச்சர் விஜய் அறிவுரை வழங்கியதாக கூறப்படுகிறது.

மேலும், தங்கள் தொகுதி குறைகளை தெரிவித்த தவெக எமஎல்ஏக்களிடம் சரிசெய்து தரப்படும் என முதலமைச்சர் உறுதி அளித்துள்ளார். எம்எல்ஏக்கள் விடுத்த கோரிக்கைகளில் சிலவற்றை குறித்துக் கொட முதலமைச்சர் விஜய் செய்து கொடுப்பதாக வாக்குறுதி அளித்துள்ளார்.

முதலமைச்சர் விஜய் தலைமையில் நடைபெற்று வரும் இந்த ஆலோசனை கூட்டத்தில், கட்சியின் பொதுச்செயலாளரும் அமைச்சருமான என்.ஆனந்த் மற்றும் அமைச்சர்கள், எம்.எல்.ஏ.க்கள் அனைவரும் பங்கேற்றுள்ளனர்.

இந்த கூட்டத்தில் அமைச்சர்கள் மற்றும் எம்.எல்.ஏ.க்களுக்கு முதலமைச்சர் விஜய் பல்வேறு அறிவுரைகளை வழங்குவதுடன் சில அமைச்சர்கள் மற்றும் சில எம்.எல்.ஏ.க்களுக்கு கடுமையான எச்சரிக்கை விடுக்க இருப்பதாகவும் கூறப்படுகிறது.

இந்நிலையில், சென்னை மாமல்லபுரம் நட்சத்திர விடுதியில் நடைபெறுள் கூட்டத்தில் இருந்து தவெக பெண் எம்எல்ஏக்கள் மட்டும் புறப்பட்டனர்.

கூட்டம் தொடங்கிய சிறிது நேரத்தில் பெண் எம்எல்ஏக்கள் மட்டும் புறப்பட்டனர். முதலில் பெண் எம்எல்ஏக்களிடம் முதலமைச்சர் விஜய் ஆலோசனை நடத்திய நிலையில் அவர்கள் புறப்பட்டனர்.

எம்எல்ஏக்கள் காமாட்சி, சிந்து, தாகிரா, கனிமொழி, குழந்தை ராணி உள்ளிட்டோர் புறப்பட்டனர்.

தமிழகத்தில் சமீபகாலமாக சட்டம்-ஒழுங்கு பிரச்சினை மோசமடைந்து வருவதாக எதிர்க்கட்சிகள் குற்றம் சாட்டி வருகின்றன. விழுப்புரம் மாவட்டம் செஞ்சி அடுத்த ஆலம்பூண்டி கிராமத்தை சேர்ந்த 7 வயது சிறுமி ஹேமாவதி மாயமாகி ஒரு மாதம் ஆகிறது.

சி.பி.சி. ஐ.டி. போலீசார் தீவிர விசாரணை நடத்தியும் சிறுமியை இன்னும் கண்டு பிடிக்க முடியவில்லை.

விமர்சனம்

தீபாவளி பண்டிகையையொட்டி தமிழகம் முழுவதும் 10-க்கும் மேற்பட்ட கொலை சம்பவங்கள் அரங்கேறி உள்ளன. இது தொடர்பாக எதிர்க்கட்சிகள் கடுமையான விமர்சனங்களை முன்வைத்து வருகின்றன.

மேலும், விலைவாசி கடுமையாக உயர்ந்துள்ளதாக பொது மக்கள் குற்றம்சாட்டி வருகின்றனர். அரசுத்துறை நிறுவனங்களை தனியார் மயமாக்குதல் உள்ளிட்ட பல்வேறு சர்ச்சைகளில் தமிழக அரசு சிக்கி வருகிறது.

எம்.எல்.ஏ.க்கள் சர்ச்சை

இந்தநிலையில் துணை சபாநாயகரும் துறையூர் தொகுதி த.வெ.க. எம்.எல்.ஏ.வுமான ரவிசங்கர், அடிப்படை வசதிகள் குறித்து புகார் அளிக்க வந்த வாலிபர் ஒருவரை தாக்கியதாக பரவிய வீடியோ பெரும் சர்ச்சையை ஏற்படுத்தியுள்ளது.

அதன் தொடர்ச்சியாக கள்ளக்குறிச்சி தொகுதி த.வெ.க. எம்.எல்.ஏ. அருள் விக்னேஷ், கள்ளக்குறிச்சி மாவட்ட பெண் கலெக்ட ர் பத்மஜாவுக்கு ஆபாச குறுஞ்செய்தி அனுப்பியதாக புகார் எழுந்தது.

இதை கண்டித்தும், அவர் மீது நடவடிக்கை எடுக்க கோரியும் கூட்டணி கட்சி தலைவர்கள் மற்றும் எதிர்க்கட்சி தலைவர்கள் அறிக்கை வெளியிட்டனர்.

ஆலோசனைகூட்டம்

திருச்சி கிழக்கு, பெருந்துறை, அம்பாசமுத்திரம், விராலிமலை, கரூர் ஆகிய 5 தொகுதிகளில் விரைவில் இடைத்தேர்தல் நடைபெற இருக்கிறது. இந்தநிலையில் அரசின் மீது எழுந்துள்ள சர்ச்சைகள் தேர்தல் வெற்றியை பாதிக்கும் என்று த.வெ.க. தலைமை கருதுகிறது.

இந்தநிலையில் முதலமைச்சர் விஜய் தலைமையில் த.வெ.க. அமைச்சர்கள் மற்றும் எம்.எல்.ஏ.க்கள் அவசர ஆலோசனை கூட்டம் சென்னையில் இன்று நடைபெறும் என்று அறிவிக்கப்பட்டது. இந்த கூட்டத்தில் அனைத்து அமைச்சர்கள், எம்.எல். ஏ.க்கள் கட்டாயம் பங்கேற்க வேண்டும் என்று அழைப்பு விடுக்கப்பட்டு இருந்தது.

முதலமைச்சர் விஜய்

இந்த கூட்டத்தில் பங்கேற்பதற்காக வெளியூர்களில் இருந்து எம்.எல்.ஏ.க்கள் சென்னை வந்தனர். இந்நிலையில், த.வெ.க. எம்.எல்.ஏ.க்கள் அவசர ஆலோசனை கூட்டம் மாமல்லபுரம் அருகேயுள்ள தனியார் விடுதியில் தொடங்கியது.

முதலமைச்சர் விஜய் தலைமையில் நடைபெற்று வரும் இந்த ஆலோசனை கூட்டத்தில், கட்சியின் பொதுச்செயலாளரும் அமைச்சருமான என்.ஆனந்த் மற்றும் அமைச்சர்கள், எம்.எல்.ஏ.க்கள் அனைவரும் பங்கேற்கிறார்கள்.

இந்த கூட்டத்தில் அமைச்சர்கள் மற்றும் எம்.எல்.ஏ.க்களுக்கு முதலமைச்சர் விஜய் பல்வேறு அறிவுரைகளை வழங்குவதுடன் சில அமைச்சர்கள் மற்றும் சில எம்.எல்.ஏ.க்களுக்கு கடுமையான எச்சரிக்கை விடுக்க இருப்பதாகவும் கூறப்படுகிறது.