வங்காள தேசம் 157 ரன்னில் சுருண்டது: ஆஸ்திரேலியா வெற்றிக்கு 86 ரன்கள் இலக்கு

வங்காள தேசம் - ஆஸ்திரேலியா அணிகளுக்கு இடையிலான 2-வது மற்றும் கடைசி டெஸ்ட் சிட்டகாங்கில் நடைபெற்று வருகிறது. டாஸ் வென்று முதலில் பேட்டிங் செய்த வங்காள தேசம் 305 ரன்கள் சேர்த்தது.


முஷ்பிகுர் ரஹிமை வீழ்த்திய கம்மின்ஸ்

பின்னர் முதல் இன்னிங்சை ஆடிய ஆஸ்திரேலியா 377 ரன்கள் குவித்தது. 72 ரன்கள் பின்தங்கிய நிலையில் வங்காள தேசம் 2-வது இன்னிங்சை தொடங்கியது. ஆஸ்திரேலியா சுழற்பந்து வீச்சாளர் நாதன் லயனின் சுழலில் வங்காள தேச வீரர்கள் சிக்கித் திணறினார்கள். இதனால் 157 ரன்னில் ஆல்அவுட் ஆனது. நாதன் லயன் 6 விக்கெட்டுக்கள் வீழ்த்தினார்.


நாதன் லயன் பந்தில் ஸ்டம்பிங் ஆகிய தமிம் இக்பால்

வங்காள தேசம் ஒட்டுமொத்தமாக 85 ரன்கள் முன்னிலைப் பெற்றது. இதனால் ஆஸ்திரேலியாவின் வெற்றிக்கு 86 ரன்கள் இலக்காக நிர்ணயித்துள்ளது. இந்த போட்டியில் ஆஸ்திரேலியா வெற்றி பெற்றால் தொடரை 1-1 என சமன் செய்யும்.