லாகூர் :
டாப்-8 அணிகள் மட்டுமே பங்கேற்கும் சாம்பியன்ஸ் கோப்பை கிரிக்கெட் போட்டி ஜூன் 1-ந்தேதி முதல் 18-ந்தேதி வரை இங்கிலாந்தில் நடக்கிறது. இதற்கான 15 பேர் கொண்ட பாகிஸ்தான் அணி நேற்று அறிவிக்கப்பட்டது. ஆஸ்திரேலிய ஒரு நாள் தொடரில் ஏற்பட்ட தோல்விக்காக கழற்றிவிடப்பட்ட அசார் அலி, உமர் அக்மல் மீண்டும் அணிக்கு திரும்பியிருக்கிறார்கள். அதே சமயம் பாகிஸ்தான் சூப்பர் லீக்கில் தொடர்நாயகன் விருதை பெற்ற கம்ரன் அக்மல் நீக்கப்பட்டுள்ளார்.
பாகிஸ்தான் அணி விவரம்: சர்ப்ராஸ் அகமது (கேப்டன்), அகமது ஷேசாத், அசார் அலி, முகமது ஹபீஸ், பாபர் அசாம், சோயிப் மாலிக், உமர் அக்மல், இமாத் வாசிம், பஹார் ஜமான், பஹிம் அஷ்ரப், முகமது அமிர், வஹாப் ரியாஸ், ஜூனைட் கான், ஹசன் அலி, ஷதப் கான்.
இந்த போட்டிக்கான இங்கிலாந்து அணியும் அறிவிக்கப்பட்டுள்ளது. அதன் விவரம்: இயான் மோர்கன் (கேப்டன்), மொயீன் அலி, ஜானி பேர்ஸ்டோ, ஜாக் பால், சாம் பில்லிங்ஸ், ஜோஸ் பட்லர், அலெக்ஸ் ஹாலஸ், லியாம் பிளங்கெட், அடில் ரஷித், ஜோ ரூட், ஜாசன் ராய், பென் ஸ்டோக்ஸ், டேவிட் வில்லி, கிறிஸ் வோக்ஸ், மார்க் வுட்.
