ஐ.பி.எல். தொடரில் கிங்ஸ் லெவன் பஞ்சாப் - மும்பை இந்தியன்ஸ் அணிகளுக்கு இடையிலான போட்டி இந்தூரில் இன்றிரவு 8 மணிக்கு தொடங்கியது. டாஸ் வென்ற மும்பை அணி கேப்டன் ரோகித் சர்மா பீல்டிங் தேர்வு செய்தார்.
அதன்படி அம்லா, ஷேன் மார்ஷ் ஆகியோர் தொடக்க வீரர்களாக களம் இறங்கினார்கள். மார்ஷ் 26 ரன்கள் எடுத்த நிலையில் ஆட்டம் இழந்தார். அடுத்து வந்த சஹா 11 ரன்கள் எடுத்த நிலையிலும் குருணால் பாண்டியா பந்தில் வெளியேறினார்.
3-வது விக்கெட்டுக்கு அம்லாவுடன் மேக்ஸ்வெல் ஜோடி சேர்ந்தார். இந்த ஜோடி அதிரடி ஆட்டத்தை வெளிப்படுத்தியது. மேக்ஸ்வெல் 18 பந்தில் 4 பவுண்டரி, 3 சிக்சருடன் 40 ரன்கள் குவித்தார்.
அரைசதம் அடித்த அம்லா அரை சதமாக மாற்றினார். அவர் அவுட்டாகாமல் 60 பந்தில் 8 பவுண்டரி, 6 சிக்சருடன் 104 ரன்கள் எடுக்க பஞ்சாப் அணி 4 விக்கெட் இழப்பிற்கு 198 ரன்கள் குவித்தது. மும்பை அணி சார்பில் அதிகபட்சமாக மலிங்கா 58 ரன்கள் விட்டுக்கொடுத்தார்.
பின்னர் 199 ரன்கள் எடுத்தால் வெற்றி என்ற இலக்குடன் மும்பை அணி பேட்டிங் செய்து வருகிறது.
