டெல்லி அணிக்கெதிராக புனே பீல்டிங்: ஸ்மித் இல்லை- ரகானே கேப்டன்

ஐ.பி.எல். சீசன் 2017-ன் இன்றைய லீக் ஆட்டத்தில் டெல்லி டேர்டெவில்ஸ் - ரைசிங் புனே ஜெயன்ட் அணிகள் புனே மைதானத்தில் இரவு 8 மணிக்கு மோதுகின்றன. இதற்கான டாஸ் 7.30 மணிக்கு சுண்டப்பட்டது. புனே அணி சார்பில் கேப்டனாக ரகானே வந்தார். அவர் டாஸ் வென்று பீல்டிங் தேர்வு செய்துள்ளார்.

புனே அணியின் கேப்டன் ஸ்மித் வயிற்று வலி காரணமாக இன்று அவர் இடம்பெறவில்லை. இதனால் ரகானே கேப்டன் பொறுப்பை ஏற்றுள்ளார். அந்த அணியின் மனோஜ் திவாரியின் தந்தை இன்று காலை இயற்கை எய்தியதால் அவரும் அணியில் இடம்பெறவில்லை. ஸ்மித் மற்றும் கிறிஸ்டியன் ஆகியோருக்குப் பதிலாக டு பிளிசிஸ் மற்றும் ஆடம் சம்பா அணியில் சேர்க்கப்பட்டுள்ளனர்.

டெல்லி அணியில் பிராத்வைட்டிற்குப் பதிலாக கோரி ஆண்டர்சன் சேர்க்கப்பட்டுள்ளார்.