வெஸ்ட் இண்டீஸ் அணியின் அதிரடி பேட்ஸ்மேன் கிறிஸ் கெய்ல். 20 ஓவர் போட்டியில் அவர் பவுண்டரி, சிக்சர்கள் அடித்து ரசிகர்களுக்கு எப்போதுமே விருந்து படைப்பார். ஐ.பி.எல். போட்டியில் பெங்களூர் ராயல் சேலஞ்சர்ஸ் அணியில் விளையாடி வருகிறார். ஐ.பி.எல். போட்டியில் 200 சிக்சர்களுக்கு மேல் அடித்து ஒரே வீரர் ஆவார்.
இந்த நிலையில் அனைத்து வகையான 20 ஓவர் போட்டிகளையும் சேர்த்து கிறிஸ் கெய்ல் 10 ஆயிரம் ரன்களை குவித்து சாதனை படைக்கிறார். அதற்கு அவருக்கு இன்னும் 25 ரன்களே தேவை.
இன்று நடைபெறும் பஞ்சாப் அணிக்கு எதிரான ஐ.பி.எல். ஆட்டத்தில் அவர் 10 ஆயிரம் ரன்னை எடுத்த முதல் வீரர் என்ற சாதனையை படைப்பார் என்று எதிர்பார்க்கப்படுகிறது.
37 வயதான கிறிஸ் கெய்ல் 20 ஓவர் போட்டியில் 288 ஆட்டத்தில் விளையாடி 9975 ரன் எடுத்துள்ளார். 37 ஆட்டத்தில் அவுட் ஆகாததால் சராசரி 40.54 ஆகும்.
அதிகபட்சமாக 175 ரன் குவித்து இருக்கிறார். 18 சதமும், 60 அரை சதமும் எடுத்துள்ளார். அவர் மொத்தம் 762 பவுண்டரிகளும், 735 சிக்சர்களும் அடித்துள்ளார்.
கெய்லுக்கு அடுத்தப்படியாக மெக்கல்லம் 7411 ரன்னுடன் 2-வது இடத்திலும், பிரட் ஹோட்ஜ்க் 7338 ரன்னுடன் 3-வது இடத்திலும், வார்னர் 7011 ரன்னுடன் 4-வது இடத்திலும், பொல்லார்ட் 6950 ரன்னுடன் 5-வது இடத்திலும் உள்ளனர்.
