ஐ.பி.எல். தொடரின் இன்றைய முதல் லீக் போட்டியில் கிங்ஸ் லெவன் பஞ்சாப் - ரைசிங் புனே சூப்பர்ஜெயன்ட் அணிகள் மோதின. மத்திய பிரதேசம் இந்தூரில் நடைபெற்ற இந்த போட்டியில் புனே அணி முதலில் பேட்டிங் செய்தது.
பஞ்சாப் அணியின் நேர்த்தியான பந்து வீச்சால் புனே அணியால் 20 ஓவர்கள் முடிவில் 6 விக்கெட் இழப்பிற்கு 163 ரன்கள் மட்டுமே எடுக்க முடிந்தது. பென் ஸ்டோக்ஸ் அதிகபட்சமாக 50 ரன்கள் எடுத்தார்.
பின்னர் 164 ரன்கள் எடுத்தால் வெற்றி என்ற இலக்குடன் பஞ்சாப் அணியின் ஹசிம் அம்லா, வோரா ஆகியோர் தொடக்க வீரர்களாக களம் இறங்கினார்கள். வோரா 14 ரன்னிலும், அம்லா 28 ரன்னிலும் ஆட்டம் இழந்தனர். அதன்பின் வந்த சகா 13 ரன்னிலும், பட்டேல் 24 ரன்னிலும் வெளியேற பஞ்சாப் அணிக்கு சற்று நெருக்கடி ஏற்பட்டது.
ஐந்தாவது விக்கெட்டுக்கு ஜோடி சேர்ந்த மேக்ஸ்வெல், மில்லர் ஆகியோர் அதிரடியாக விளையாடினார். இதனால், பஞ்சாப் அணி 19 ஓவரில் 4 விக்கெட் இழப்பிற்கு 164 ரன்கள் எடுத்து, 6 விக்கெட் வித்தியாசத்தில் அபார வெற்றி பெற்றது. மேக்ஸ்வெல் 20 பந்தில் 2 பவுண்டரி, 4 சிக்சருடன் 44 ரன்களுடனும், மில்லர் 27 பந்தில் 30 ரன்கள் எடுத்தும் அவுட்டாகாமல் இருந்தனர்.
