நான்தான் சிறந்தவர் என்று கூறிய கெவின் பீட்டர்சனை நக்கலடித்த டோனி

ஐ.பி.எல். தொடரில் நேற்று புனே - மும்பை அணிகள் மோதின. முதலில் மும்பை அணி பேட்டிங் செய்து கொண்டிருந்தது. டோனி விக்கெட் கீப்பராக செயல்பட்டு கொண்டிருந்தார். மனோஜ் திவாரி முதல் ஸ்லிப் திசையில் பீல்டிங் செய்து கொண்டிருந்தார்.

வர்ணனையாளராக இருந்த கெவின் பீட்டர்சன் மனோஜ் திவாரியுடன் மைக்கில் பேசிக் கொண்டிருந்தார். அப்போது “டோனியிடம் சொல்லுங்கள், நான்தான் அவரைவிட கோல்ப் விளையாட்டில் சிறந்தவர்’’ என்று மனோஜ் திவாரியிடம் கூறினார்.



கெவின் பீட்டர்சன் கூறியதை மனோஜ் திவாரி இந்தியில் டோனியிடம் விளக்கினார். உடனே, டோனி ‘‘என்னுடைய முதல் டெஸ்ட் விக்கெட் அவர்தான்’’ என்று மனோஜ் திவாரியுடம் கூறினார். டோனி கூறியது மைக்கில் கேட்கவே அனைவரும் சிரித்தனர்.

டோனியை வேடிக்கையாக சீண்ட நினைத்த பீட்டர்சனுக்கு டோனி தனது பாணியில் தக்க பதிலடி கொடுத்தார்.