ஐ.பி.எல். சீசன் 10 டி20 கிரிக்கெட் திருவிழா ஏப்ரல் மாதம் 5-ந்தேதி முதல் மே 21-ந்தேதி வரை நடக்கிறது. இந்த சீசனுக்கான வீரர்கள் ஏலம் கடந்த ஜனவரி மாதம் நடைபெற்றது. இதில் பென் ஸ்டோக்ஸ், தைமல் மில்ஸ் ஆகியோர் 10 கோடி ரூபாய்க்கு மேல் ஏலம் போனார்கள்.
வீரர்கள் ஏலம் முடிந்த பின்னர் இரு அணிகள் விரும்பினால் வீரர்களை மாற்றிக்கொள்ளலாம். அதன்படி வேகப்பந்து வீச்சாளர் ஷர்துல் தாகூர் கிங்ஸ் லெவன் பஞ்சாப் அணியில் இடம்பிடித்திருந்தார்.
தற்போது அவரை ரைசிங் புனே சூப்பர்ஜெயன்ட் அணி வாங்கியுள்ளது. ஏற்கனவே டெல்லி அணியில் இருந்து பேட்ஸ்மேன் மயங்க் அகர்வாலை புனே அணி வாங்கியிருந்தது குறிப்பிடத்தக்கது.
ரைசிங் புனே சூப்பர்ஜெயன்ட் அணியில் உள்ள வீரர்களின் விவரம்:-
1. ஆடம் சம்பா, 2. ரகானே. 3. அங்கித் ஷர்மா, 4. அங்குஷ் பெய்ன்ஸ், 5. அஷோக் திண்டா, 6. பாபா அபரஜித், 7. பென் ஸ்டோக்ஸ், 8. டேனியல் கிறிஸ்டியன், 9. தீபக் சாஹர், 10. டு பிளிசிஸ், 11. ஈஸ்வர் பாண்டே, 12. ஜாஸ்கரன் சிங், 13. ஜெய்தேவ் உனத்கட், 14. லுக்கி பெர்குசன், 15. மனோஜ் திவாரி, 16. மயங்க் அகர்வால், 17. மிலிந்த் தண்டன், 18. மிட்செல் மார்ஷ், 19. மகேந்திர சிங் டோனி, 20. ராகுல் அஜய் திரிபாதி, 21. ராஜட் பாதியா, 22. ரவிச்சந்திரன் அஸ்வின், 23. சவுரப் குமார், 24. ஷர்துல் தாகூர், 25. ஸ்டீவ் ஸ்மித், 26. உஸ்மான் கவாஜா.
