புனேவில் நடைபெற்ற டெஸ்டில் இந்தியாவை 333 ரன்கள் வித்தியாசத்தில் ஆஸ்திரேலியா தோற்கடித்தது. இந்தியாவை தோற்கடிக்க ஆஸ்திரேலியாவின் இடது கை சுழற்பந்து வீச்சாளர் ஓ'கீபே 12 விக்கெட்டுக்கள் வீழ்த்தி முக்கிய காரணமாக இருந்தார். அவர் 2 இன்னிங்சிலும் சேர்த்து 28.1 ஓவர்கள் வீசி 70 ரன்கள் மட்டும் விட்டுக்கொடுத்து 12 வி்க்கெட்டுக்கள் வீழ்த்தினார். இதன்மூலம் பல்வேறு சாதனைகள் படைத்துள்ளார்.
1. வெளிநாட்டு சுழற்பந்து வீச்சாளர் ஒருவர் இந்திய அணியில் அதிக விக்கெட்டுக்கள் வீழ்த்தியவர்களில் முதல் இடம் பிடித்துள்ளார். இவர் 70 ரன்கள் விட்டுக்கொடுத்து 12 விக்கெட்டுக்கள் கைப்பற்றினார். இதற்கு முன் மற்றொரு ஆஸ்திரேலிய வீரர் ஜேசன் கிரேஜா 358 ரன்கள் விட்டுக்கொடுத்து 12 விக்கெட்டுக்கள் வீழ்த்தியதே சாதனையாக இருந்தது. தற்போது அதை ஓ'கீபே முறியடித்துள்ளார்.
2. ஆஸ்திரேலிய பந்து வீச்சாளர் ஒருவர் இந்திய மண்ணில் அதிக விக்கெட் வீழ்த்திய வீரர் என்ற பெருமையை பெற்றுள்ளார். இதற்கு முன் ஆலன் டேவிட்சன் 124 ரன்கொடுத்து 12 விக்கெட்டும், ஜெஃப் டைமோக் 166 ரன்கள் விட்டுக்கொடுத்து 12 விக்கெட்டும், கிரேஜா 358 ரன்கள் விட்டுக்கொடுத்து 12 விக்கெட்டும், ரிச்சி பெனாட் 105 ரன்கள் விட்டுக்கொடுத்து 11 விக்கெட்டும் வீழ்த்தியுள்ளனர்.
3. இடது கை சுழற்பந்து வீச்சாளர் இந்திய மண்ணில் அதிக விக்கெட்டுக்கள் வீழ்த்தியதில் முதல் இடம்பிடித்துள்ளார். இதற்கு முன் 1934-ல் இங்கிலாந்து வீரர் ஹெட்லி வெரிட்டி 11 விக்கெட்டும், 2012-ல் மோன்டி பெனாசர் 11 விக்கெட்டும், 1979-ம் ஆண்டு பாகிஸ்தான் வீரர் இக்பால் குவாசிம் 10 விக்கெட்டும், 1952-ல் மால்கம் ஹில்டன் 9 விக்கெட்டும் வீழ்த்தியுள்ளனர்.
4. ஒட்டுமொத்தமாக இந்திய மண்ணில் அதிக விக்கெட்டுக்கள் வீழ்த்திய 2-வது வீரர் என்ற பெயரை பெற்றுள்ளார். இயான் போத்தம் 1980-ம் ஆண்டு 106 ரன்கள் விட்டுக்கொடுத்து 13 விக்கெட்டுக்கள் வீழ்த்தியதே வெளிநாட்டு வீரர் ஒருவர் இந்திய மண்ணில் அதிக விக்கெட்டுக்கள் வீழ்த்தியவர் என்ற பெருமையை பெற்றுள்ளார். தற்போது 12 வி்க்கெட்டுக்கள் வீழ்த்திய ஓ'கீபே 12 விக்கெட்டுக்கள் வீழ்த்தி 2-வது இடத்தை பிடித்துள்ளார். பாகிஸ்தான் வீரர் பாசல் மெஹ்மூத் 12 விக்கெட்டுக்கள் வீழ்த்தி 3-வது இடத்தையும், வெஸ்ட் இண்டீஸ் வீரர் ஆன்டி ராபர்ட்ஸ் 4-வது இடத்தையும், ஆஸ்திரேலிய வீரர் ஆலன் டேவிட்சன் 5-வது இடத்தையும் பிடித்துள்ளனர்.
