என் மலர்
செய்திகள்
வங்காளதேசத்துக்கு எதிரான டெஸ்ட் கிரிக்கெட் போட்டியில் புஜாரா புதிய சாதனை
ஐதராபாத்தில் உள்ள ராஜீவ்காந்தி சர்வதேச ஸ்டேடியத்தில் நேற்று நடந்த இந்தியா-வங்காளதேசம் அணிகள் இடையேயான ஒரே ஒரு டெஸ்ட் கிரிக்கெட் போட்டியில் புஜாரா புதிய சாதனை படைத்துள்ளார்.
ஐதராபாத் :
இந்தியா-வங்காளதேசம் அணிகள் இடையேயான ஒரே ஒரு டெஸ்ட் கிரிக்கெட் போட்டி ஐதராபாத்தில் உள்ள ராஜீவ்காந்தி சர்வதேச ஸ்டேடியத்தில் நேற்று தொடங்கியது. இந்த போட்டியில் புஜாரா புதிய சாதனையை படைத்துள்ளார். அது குறித்த விவரமாக பார்க்கலாம்.
* நேற்றைய ஆட்டத்தில் 83 ரன்கள் எடுத்த இந்திய வீரர் புஜாரா இந்த சீசனில் (2016-17) முதல் தர கிரிக்கெட் போட்டிகளில் 6 சதம் உள்பட 1,605 ரன்கள் (21 இன்னிங்சில்) குவித்தார். இதன் மூலம் ஒரு சீசனில் அதிக ரன் குவித்த இந்திய வீரர் என்ற சாதனையை தனதாக்கினார். இதற்கு முன்பு 1964-65-ம் ஆண்டு சீசனில் இந்திய வீரர் சந்து போர்டே 6 சதத்துடன் 1,604 ரன்கள் (28 இன்னிங்சில்) குவித்ததே அதிகபட்சமாக இருந்தது. அந்த 52 ஆண்டு கால சாதனையை புஜாரா நேற்று தகர்த்தார்.
* விஜய்-புஜாரா ஜோடி 2-வது விக்கெட்டுக்கு 178 ரன்கள் சேர்த்தது. இந்த சீசனில் உள்ளூரில் இந்த இணை 100 ரன்களுக்கு மேல் திரட்டியது இது 5-வது முறையாகும். இந்த வகையில் 2005-06-ம் ஆண்டு சீசனில் ஆஸ்திரேலியாவின் ஹைடன்-ரிக்கி பாண்டிங் ஜோடி 7 முறை 100 ரன்களுக்கு மேல் சேர்த்ததே சாதனையாக உள்ளது.
* டெஸ்ட் போட்டியில் தொடக்க ஆட்டக்காரராக விஜய் அடித்த 9-வது சதம் இதுவாகும். இந்திய தொடக்க வீரர்களில் கவாஸ்கர் (33 சதம்), ஷேவாக் (22 சதம்) ஆகியோர் அதிக சதங்கள் அடித்து முதல் 2 இடங்களில் உள்ளனர். அதற்கு அடுத்தபடியாக கம்பீருடன் (9 சதம்), விஜய் 3-வது இடத்தை பகிர்ந்து கொண்டுள்ளார்.
* உள்ளூரில் இந்த சீசனில் விராட்கோலி 1,075 ரன்கள் குவித்துள்ளார். இதன் மூலம் உள்ளூர் சீசனில் 1,000 ரன்களை கடந்த 3-வது இந்திய வீரர் என்ற பெருமையை அவர் பெற்றார். அத்துடன் உள்ளூரில் ஒரு சீசனில் கேப்டனாக அதிக ரன்கள் குவித்தவர் என்ற சிறப்பையும் விராட்கோலி சொந்தமாக்கினார். இந்த வகையில் இங்கிலாந்து வீரர் கிரகாம் கூச் 1,058 ரன்கள் (1990-ம் ஆண்டு) எடுத்ததே அதிகபட்சமாக இருந்தது.
* கேப்டன் பதவியில் விராட்கோலி அடித்த 9-வது சதம் இதுவாகும். இதன் மூலம் இந்திய கேப்டனாக அதிக சதம் அடித்தவர்கள் பட்டியலில் முகமது அசாருதீனுடன் 2-வது இடத்தை பகிர்ந்துள்ளார். இந்திய கேப்டனாக கவாஸ்கர் 11 சதங்கள் அடித்ததே அதிகபட்சமாக உள்ளது.
* டெஸ்ட் போட்டியில் தான் எதிர்த்து ஆடிய 7 நாடுகளுக்கும் எதிராக விராட்கோலி சதம் அடித்துள்ளார். பாகிஸ்தான், ஜிம்பாப்வேக்கு எதிராக மட்டும் அவர் டெஸ்ட் போட்டியில் விளையாடியதில்லை.
இந்தியா-வங்காளதேசம் அணிகள் இடையேயான ஒரே ஒரு டெஸ்ட் கிரிக்கெட் போட்டி ஐதராபாத்தில் உள்ள ராஜீவ்காந்தி சர்வதேச ஸ்டேடியத்தில் நேற்று தொடங்கியது. இந்த போட்டியில் புஜாரா புதிய சாதனையை படைத்துள்ளார். அது குறித்த விவரமாக பார்க்கலாம்.
* நேற்றைய ஆட்டத்தில் 83 ரன்கள் எடுத்த இந்திய வீரர் புஜாரா இந்த சீசனில் (2016-17) முதல் தர கிரிக்கெட் போட்டிகளில் 6 சதம் உள்பட 1,605 ரன்கள் (21 இன்னிங்சில்) குவித்தார். இதன் மூலம் ஒரு சீசனில் அதிக ரன் குவித்த இந்திய வீரர் என்ற சாதனையை தனதாக்கினார். இதற்கு முன்பு 1964-65-ம் ஆண்டு சீசனில் இந்திய வீரர் சந்து போர்டே 6 சதத்துடன் 1,604 ரன்கள் (28 இன்னிங்சில்) குவித்ததே அதிகபட்சமாக இருந்தது. அந்த 52 ஆண்டு கால சாதனையை புஜாரா நேற்று தகர்த்தார்.
* விஜய்-புஜாரா ஜோடி 2-வது விக்கெட்டுக்கு 178 ரன்கள் சேர்த்தது. இந்த சீசனில் உள்ளூரில் இந்த இணை 100 ரன்களுக்கு மேல் திரட்டியது இது 5-வது முறையாகும். இந்த வகையில் 2005-06-ம் ஆண்டு சீசனில் ஆஸ்திரேலியாவின் ஹைடன்-ரிக்கி பாண்டிங் ஜோடி 7 முறை 100 ரன்களுக்கு மேல் சேர்த்ததே சாதனையாக உள்ளது.
* டெஸ்ட் போட்டியில் தொடக்க ஆட்டக்காரராக விஜய் அடித்த 9-வது சதம் இதுவாகும். இந்திய தொடக்க வீரர்களில் கவாஸ்கர் (33 சதம்), ஷேவாக் (22 சதம்) ஆகியோர் அதிக சதங்கள் அடித்து முதல் 2 இடங்களில் உள்ளனர். அதற்கு அடுத்தபடியாக கம்பீருடன் (9 சதம்), விஜய் 3-வது இடத்தை பகிர்ந்து கொண்டுள்ளார்.
* உள்ளூரில் இந்த சீசனில் விராட்கோலி 1,075 ரன்கள் குவித்துள்ளார். இதன் மூலம் உள்ளூர் சீசனில் 1,000 ரன்களை கடந்த 3-வது இந்திய வீரர் என்ற பெருமையை அவர் பெற்றார். அத்துடன் உள்ளூரில் ஒரு சீசனில் கேப்டனாக அதிக ரன்கள் குவித்தவர் என்ற சிறப்பையும் விராட்கோலி சொந்தமாக்கினார். இந்த வகையில் இங்கிலாந்து வீரர் கிரகாம் கூச் 1,058 ரன்கள் (1990-ம் ஆண்டு) எடுத்ததே அதிகபட்சமாக இருந்தது.
* கேப்டன் பதவியில் விராட்கோலி அடித்த 9-வது சதம் இதுவாகும். இதன் மூலம் இந்திய கேப்டனாக அதிக சதம் அடித்தவர்கள் பட்டியலில் முகமது அசாருதீனுடன் 2-வது இடத்தை பகிர்ந்துள்ளார். இந்திய கேப்டனாக கவாஸ்கர் 11 சதங்கள் அடித்ததே அதிகபட்சமாக உள்ளது.
* டெஸ்ட் போட்டியில் தான் எதிர்த்து ஆடிய 7 நாடுகளுக்கும் எதிராக விராட்கோலி சதம் அடித்துள்ளார். பாகிஸ்தான், ஜிம்பாப்வேக்கு எதிராக மட்டும் அவர் டெஸ்ட் போட்டியில் விளையாடியதில்லை.
Next Story
×