ஸ்பெயின் நாட்டின் முன்னணி கால்பந்து கிளப் அணியான ரியல் மாட்ரிட் 40 போட்டிகளில் தொடர் வெற்றி பெற்று சாதனைப் பெற்றிருந்தது.
இந்நிலையில் கடந்த ஞாயிற்றுக்கிழமை (15-ந்தேதி) லா லிகா தொடரில் ரியல் மாட்ரிட் அணி, செவில்லா வாலென்சியா அணியை எதிர்கொண்டது. இந்த ஆட்டத்தின் முதல்பாதி நேரத்தில் எந்த அணியும் கோல் அடிக்கவில்லை. 67-வது நிமிடத்தில் ரியல் மாட்ரிட் அணிக்கு பெனால்டி வாய்ப்பு கிடைத்தது. இந்த வாய்ப்பை சரியான பயன்படுத்தி ரொனால்டோ கோல் அடித்தார். இதனால் ரியல் மாட்ரிட் 1-0 என முன்னிலைப் பெற்றது.
அதன்பின் 85-வது நிமிடத்தில் ரியல்மாட்ரிட் அணியின் கேப்டன் செர்ஜியோ ரமோஸ் சேம்சைடு கோல் போட ஸ்கோர் 1-1 என சமநிலைப் பெற்றது. 90 நிமிடங்கள் முடிந்து கூடுதல் நேரம் கொடுக்கப்பட்டது. அப்போது 91-வது நமிடத்தில் செவில்லா அணியின் ஸ்டீவன் ஜோவெடிக் சிறப்பாக கோல் அடிக்க, செவில்லா 2-1 என வெற்றி பெற்றது.
இந்த வெற்றியின் மூலம் ரியல் மாட்ரிட்டின் 40 தொடர் வெற்றிக்கு முற்றுப்புள்ளி வைத்துள்ளது.
லா லிகா தொடரில் 17 போட்டிகளில் 40 புள்ளிகளுடன் முதல் இடத்திலும், செவில்லா 18 போட்டிகளில் 39 புள்ளிகளுடன் 2-வது இடத்திலும், பார்சிலோனா 18 போட்டிகளில் 38 புள்ளிகளுடன் 3-வது இடத்திலும் உள்ளது.
