search icon
என் மலர்tooltip icon

    செய்திகள்

    சிட்னி டெஸ்டில் மிஸ்பாதான் கேப்டன்: பாகிஸ்தான் கிரிக்கெட் வாரியம்
    X

    சிட்னி டெஸ்டில் மிஸ்பாதான் கேப்டன்: பாகிஸ்தான் கிரிக்கெட் வாரியம்

    சிட்னி டெஸ்டில் பாகிஸ்தான் அணியின் கேப்டனாக மிஸ்பா உல் ஹக் செயல்படுவார் என்று தெரிவிக்கப்பட்டுள்ளது.
    பாகிஸ்தான் கிரிக்கெட் அணி ஆஸ்திரேலியா சென்று விளையாடி வருகிறது. மூன்று போட்டிகள் கொண்ட டெஸ்ட் தொடரை ஆஸ்திரேலியா 2-0 எனக் கைப்பற்றி முன்னிலையில் இருக்கிறது.

    ‘பாக்சிங் டே’ டெஸ்ட் டிராவில் முடியும் என எதிர்பார்க்கப்பட்ட நிலையில் பாகிஸ்தான் அணி இன்னிங்ஸ் மற்றும் 18 ரன்கள் வித்தியாசத்தில் தோல்வியடைந்து.

    இதனால் டெஸ்ட் கிரிக்கெட்டில் இருந்து ஓய்வு பெறுவது குறித்து யோசித்து வருகிறேன் என்று கூறியிருந்தார். இதனால் 3-ந்தேதி தொடங்க இருக்கும் டெஸ்டில் அவர் பாகிஸ்தான் அணியின் கேப்டனாக இருப்பாரா? என்ற கேள்வி எழுந்தது.

    இந்நிலையில் சிட்னி டெஸ்டில் மிஸ்பாதான் கேப்டனாக இருப்பார் என்று அறிவிக்கப்பட்டுள்ளது. இதுகுறித்து பாகிஸ்தான் கிரிக்கெட் வாரியத்தின் மீடியா டைரக்டர் அம்ஜத் ஹூசைன் கூறுகையில் ‘‘சிட்னி டெஸ்டில் மிஸ்பா விளையாடுவார். அவர் அணியின் கேப்டனாக செயல்படுவார்’’ என்று தெரிவித்துள்ளார்.

    சிட்னி டெஸ்டில் விளையாடும் மிஸ்பா அதன்பின் ஓய்வு பெறுவார் என்று எதிர்பார்க்கப்படுகிறது. ‘‘அணியின் வெற்றிக்கு எனது பங்களிப்பு இல்லை என்றால், அணியில் நீடிப்பதற்கான எந்த வாய்ப்பும் இல்லை’’ என்று மிஸ்பா கூறியுள்ளார்.
    Next Story
    ×