பாகிஸ்தான் அணி ஆஸ்திரேலியா சென்று விளையாடி வருகிறது. இரு அணிகளுக்கு இடையிலான முதல் டெஸ்ட் பிரிஸ்பேனில் நடைபெற்றது. இதில் 39 ரன்கள் வித்தியாசத்தில் ஆஸ்திரேலியா வெற்றி பெற்றது. 2-வது போட்டி மெல்போர்னில் நாளை நடைபெற இருக்கிறது. ‘பாக்சிங் டே’ டெஸ்டான இதில் யாரொல்லாம் இடம்பெறுவார்கள் என்ற எதிர்பார்ப்பு கிளம்பியது.
முதல் போட்டியில் ஆஸ்திரேலியா அணியின் நின் மேடின்சன் குறைந்த அளவே ரன்கள் சேர்த்தார். அவர் கடந்த மூன்று இன்னிங்சில் 0, 1 மற்றும் 4 ரன்கள் மட்டுமே எடுத்துள்ளார். இதனால் ஆஸ்திரேலிய அணியில் ஆல் ரவுண்டர ஹில்டன் கார்ட்ரைட் சேர்க்கப்பட்டிருந்தார்.
இதனால் மேடின்சன் நீக்கப்படலாம் என்று எதிர்பார்க்கப்பட்ட நிலையில் முதல் டெஸ்டில் விளையாடிய அதே வீரர்கள் விளையாடுவார்கள் என்று ஆஸ்திரேலிய கிரிக்கெட் வாரியம் முடிவு செய்துள்ளது. இதனால் அணியில் இடம்பெற்றிருந்தாலும் கார்ட்ரைட்டுக்கு ‘பாக்சிங் டே’ டெஸ்டிற்கான ஆடும் லெவனில் விளையாடும் வாய்ப்பு கிட்டவில்லை.
ஆஸ்திரேலியா அணி வீரர்கள் விவரம்:-
1. டேவிட் வார்னர், 2. ரென்ஷா, 3. உஸ்மான் கவாஜா, 4. ஸ்டீவ் ஸ்மித் (கேப்டன்), 5. பீட்டர் ஹேண்ட்ஸ்காம்ப், 6. நிக் மேடின்சன், 7. மேத்யூ வடே, 8. மிட்செல் ஸ்டார்க், 9. ஜோஸ் ஹசில்வுட், 10. நாதன் லயன், 11. ஜேக்சன் பேர்ட்.
