ஆஸ்திரேலியாவுக்கு எதிரான முதல் டெஸ்ட்: பாகிஸ்தான் 142 ரன்னில் சுருண்டது

பிரிஸ்பேன்:

ஆஸ்திரேலியா- பாகிஸ்தான் அணிகள் மோதும் முதல் டெஸ்ட் (பகல்-இரவு) போட்டி பிரிஸ்பேனில் நடந்து வருகிறது.

முதல் இன்னிங்சில் ஆஸ்திரேலியா 429 ரன் குவித்தது. அடுத்து விளையாடிய பாகிஸ்தான் அணி விக்கெட்டுகளை இழந்து திணறியது. நேற்றைய 2-ம் நாள் ஆட்ட நேர முடிவில் 8 விக்கெட்டுக்கு 97 ரன் எடுத்தது. சர்பிராஸ் அகமது (31ரன்) களத்தில் இருந்தார். இன்று 3-ம் நாள் ஆட்டம் நடந்தது.

சர்பிராஸ் அகமது அரை சதம் அடித்தார். முகமது அமீர் 21 ரன்னிலும், ரகத்அலி 4 ரன்னிலும் அவுட் ஆனார்கள். பாகிஸ்தான் 55 ஓவரில் 142 ரன்னுக்கு ஆல்-அவுட் ஆகி பாலோஆன் ஆனது. ஆனால் பாலோ-ஆன் கொடுக்காமல் 287 ரன் முன்னிலையுடன் ஆஸ்திரேலியா 2-வது இன்னிங்சை விளையாடியது.