மதிய உணவுக்கு சுடச்சுட இதை செஞ்சு சாப்பிடுங்க..அம்புட்டு ருசியா இருக்கும்..!
தேவையான பொருட்கள்:
தர்பூசணி கீற்று -3 பாசிப் பருப்பு - 100 கிராம் சிறிய வெங்காயம் - 4 தேங்காய் - 1/2 மூடி பச்சை மிளகாய் - 3
தேவையான பொருட்கள்:
மஞ்சள் தூள் - 1 டீஸ்பூன் கடுகு - சிறிதளவு கறிவேப்பிலை - சிறிதளவு கடலை எண்ணெய்- சிறிதளவு உப்பு தேவையான அளவு
செய்முறை:
தர்பூசணி கீற்றுகளின் பழுத்த பகுதிகளை நீக்கி விட்டு, பச்சைப்பகுதிகளை சீவி விட்டு இடைப்பட்ட சதைப்பகுதிகளை சிறு சிறு துண்டுகளாக வெட்டி வைத்துக் கொள்ளவும்.
வெங்காயம், பச்சை மிளகாயை வெட்டிவைத்துக் கொள்ளவும். தேங்காயை துருவி வைத்துக் கொள்ளவும். பாசிப்பருப்பை ஊறவைத்துக் கொள்ளவும். கறிவேப்பிலையை உருவி வைத்துக் கொள்ளுங்கள்.
கடாயை அடுப்பில் வைத்து எண்ணெய் விட்டு காய்ந்ததும், கடுகு, பச்சை மிளகாய், வெங்காயம், கறிவேப்பிலை போட்டு தாளிக்கவும்.
அத்துடன், வெட்டி வைத்துள்ள தர்பூசணித் துண்டுகள், ஊற வைத்துள்ள பாசிப்பருப்பு, மஞ்சள்தூள், தேவையான அளவு உப்பு ஆகியவற்றை சேர்த்து சிறிது தண்ணீர் விட்டு நன்கு வேக விடவும்.
தர்பூசணி காய் நன்கு வெந்ததும் தேங்காய்த் துருவலை சேர்த்து நன்கு கிளறி இறக்கவும்.
தர்பூசணி பாசிப்பருப்பு கூட்டு தயார். சாதத்துடன் சேர்த்து சாப்பிட மிகவும் சுவையாக இருக்கும்.