சாம்சங் நிறுவனம் குறைந்த விலை 5ஜி ஸ்மார்ட்போன் ஒன்றை உருவாக்கி வருகிறது. கேலக்ஸி எப்42 5ஜி மாடல் விவரங்கள் வைபை அலையன்ஸ் வலைதளத்தில் இடம்பெற்று இருக்கிறது. இந்த ஸ்மார்ட்போன் SM-E426B/DS எனும் மாடல் நம்பர் கொண்டு உருவாகி வருகிறது.
வைபை அலையன்ஸ் வலைதளத்தில் புது ஸ்மார்ட்போன் அம்சங்கள் பற்றி அதிக விவரங்கள் இடம்பெறவில்லை. எனினும், இந்த மாடலில் வைபை 802.11 b/g/n/ac வசதி, ஆண்ட்ராய்டு 11 ஒஎஸ் கொண்டிருக்கிறது. இந்த மாடல் கேலக்ஸி எம்42 5ஜி மாடலின் ரி-பிராண்டு செய்யப்பட்ட வெர்ஷனாக இருக்கும் என கூறப்படுகிறது.
அந்த வகையில் கேலக்ஸி எம்42 5ஜி மாடலில் ஸ்னாப்டிராகன் 750ஜி பிராசஸர், அதிகபட்சம் 8 ஜிபி ரேம், 128 ஜிபி மெமரி வழங்கப்படும் என தெரிகிறது. இந்திய சந்தையில் இந்த மாடல் விலை ரூ. 20 ஆயிரம் பட்ஜெட்டில் நிர்ணயம் செய்யப்படும் என கூறப்படுகிறது.