சியோமியின் ரெட்மி பிராண்டு இந்தியாவில் ரெட்மி நோட் 10 ஸ்மார்ட்போனினை மார்ச் மாத வாக்கில் அறிமுகம் செய்தது. இந்த ஸ்மார்ட்போன் 4 ஜிபி + 64 ஜிபி மற்றும் 6 ஜிபி + 128 ஜிபி என இரண்டு வேரியண்ட்களில் விற்பனை செய்யப்படுகிறது.
அறிமுகமான சில மாதங்களில் இந்த ஸ்மார்ட்போனின் விலை உயர்த்தப்பட்ட நிலையில், தற்போது இதன் விலை மீண்டும் உயர்த்தப்பட்டு இருக்கிறது. அதன்படி ரெட்மி நோட் 10 4 ஜிபி + 64 ஜிபி விலை ரூ. 12,999 என மாறி இருக்கிறது. முன்னதாக இந்த ஸ்மார்ட்போன் ரூ. 11,999 விலையில் அறிமுகமாகி பின் ரூ. 12,499 என மாற்றப்பட்டது.
ரெட்மி நோட் 10 6 ஜிபி + 128 ஜிபி விலை ரூ. 14,999 என மாறி இருக்கிறது. அதன்படி ரெட்மி நோட் 10 இரு வேரியண்ட்களின் விலையும் ரூ. 500 உயர்த்தப்பட்டு இருக்கிறது. உயர்த்தப்பட்ட புதிய விலை எம்ஐ மற்றும் அமேசான் வலைதளங்களில் மாற்றப்பட்டுவிட்டது. விரைவில் ஆப்லைன் ஸ்டோர்களிலும் மாற்றப்படும் என தெரிகிறது.