நீங்கள் தேடியது "PR Sreejesh"

ஆசிய போட்டி ஆகஸ்ட் 18-ந்தேதியில் இருந்து செப்டம்பர் 2-ந்தேதி வரை இந்தோனேசியாவில் உள்ள ஜகார்த்தா, பாலேம்பங்கில் நடக்கிறது. இதில் பிஆர் ஸ்ரீஜேஷ் தலைமையிலான் இந்திய ஆண்கள் ஹாக்கி அணி பங்கேற்கிறது. ஆசிய போட்டியில் இந்தியா தங்கம் வெல்வதற்கு வாய்ப்புள்ளதாக ஸ்ரீஜேஷ் நம்பிக்கை தெரிவித்துள்ளார்.

இதுகுறித்து ஸ்ரீஜேஷ் கூறுகையில் ‘‘எங்களுடைய இலக்கே, தங்கம் வென்று முன்னதாகவே டோக்கியோவில் 2020-ல் நடைபெறும் ஒலிம்பிக் தொடருக்கு தகுதி பெற வேண்டும் என்பதுதான். இதைவிட வேறு ஏதும் இல்லை.



அதன்பிறகு இரண்டு வருடங்கள் ஒலிம்பிக் தொடருக்காக தயாராக  நேரம் கிடைக்கும். தற்போதுள்ள இந்திய அணியால் ஜகார்த்தாவில் தங்கம் வெல்ல முடியும். தங்கம் வெல்வதற்காக சாதகமான அணிகளில் நாங்களும் ஒன்று’’ என்றார்.

நெதர்லாந்தின் பிரேடாவில் நெதர்லாந்து, அர்ஜென்டினா, பாகிஸ்தான், பெல்ஜியம், நடப்பு சாம்பியன் மற்றும் இந்தியா பங்கேற்கும் சாம்பியன்ஸ் டிராபி ஹாக்கி தொடர் வருகிற 23-ந்தேதி முதல் ஜூலை 1-ந்தேதி வரை நடக்கிறது.

இந்த தொடர் இந்த வருடத்தின் இறுதியில் நடைபெற இருக்கும் உலகக்கோப்பைக்கு பரிசோதனையாக இருக்கும் என்று இந்திய அணி கேப்டன் ஸ்ரீஜேஷ் தெரிவித்துள்ளார்.



இதுகுறித்து ஸ்ரீஜேஷ் கூறுகையில் ‘‘சாம்பியன்ஸ் டிராபி தொடரில் சிறப்பான ஆட்டத்தை வெளிப்படுத்த வேண்டும் என்பதுதான் தற்போதைய இலக்கு. மேலும், உலகக்கோப்பை தொடர் இந்த வருடம் இறுதியில் இந்தியாவில் நடைபெற இருக்கும் நிலையில், முன்னணி அணிகள் மோதும் சாம்பியன்ஸ் டிராபில் நாம் எந்த இடத்தில் இருக்கிறோம் என்பது பரிசோதனை செய்ய சிறந்த தொடராகும்’’ என்றார்.