நீங்கள் தேடியது "MG"

எம்ஜி மோட்டார் இந்தியா நிறுவனம், சைபர்ஸ்டர் ஸ்போர்ட்ஸ் காரை இந்திய சந்தையில் அறிமுகப்படுத்த தயாராக உள்ளது. இது முன்னதாகவே இந்திய சந்தைக்காக வெளியிடப்பட்டது. எனினும் இதன் விலை விவரங்கள் நாளை அறிவிக்கப்பட இருக்கிறது. "உலகின் வேகமான MG" என்று அழைக்கப்படும் இது, M9 எம்பிவி மாடலை தொடர்ந்து, நிறுவனத்தின் செலக்ட் டீலர்ஷிப் மூலம் விற்கப்பட இருக்கும் இரண்டாவது வாகனமாகும்.

இந்த பிராண்டின் எலெக்ட்ரிக் ஸ்போர்ட்ஸ் கார், ஆக்ரோஷமான, லோ-ப்ரோஃபைல் வடிவமைப்பைக் கொண்டுள்ளது. இது நேர்த்தியான, ஸ்வெப்ட்-பேக் LED ஹெட்லைட்களால் சிறப்பிக்கப்படுகிறது. இது அதன் ஸ்போர்ட் தோற்றத்தை மேம்படுத்துகிறது. இந்த வடிவமைப்பை பூர்த்தி செய்யும் வகையில் இந்த காரில் சிசர் டோர் வழங்கப்பட்டுள்ளது.

உள்புறத்தில் எம்ஜி சைபர்ஸ்டர் மூன்று டிஜிட்டல் டிஸ்ப்ளேக்களுடன் பல கண்ட்ரோல்களை கொண்ட தட்டையான ஸ்டீரிங் வீலைக் கொண்டுள்ளது. சென்டர் கன்சோலில் ரூஃப் மெக்கானிசம், டிரைவ் செலக்டர் மற்றும் HVAC கட்டுப்பாடுகளை மேற்கொள்ள மற்றொரு திரை மற்றும் பொத்தான்கள் உள்ளன.

ஸ்டைலான வெளிப்புறத்தின் கீழே, இந்த இரண்டு இருக்கைகள் கொண்ட மின்சார வாகனம் ஒவ்வொரு ஆக்சிலும் நிலைநிறுத்தப்பட்ட இரட்டை மின்சார மோட்டார்கள் பொருத்தப்பட்டுள்ளது. இது ஆல்-வீல் டிரைவ் திறன்களை வழங்குகிறது. இந்த பவர்டிரெய்ன் 510 hp பவர் மற்றும் 725 Nm பீக் டார்க்கை உருவாக்குகிறது.

இந்த எலெக்ட்ரிக் ஸ்போர்ட்ஸ் கார் 77 kWh பேட்டரி பேக் மூலம் இயக்கப்படுகிறது, AWD உள்ளமைவை உருவகப்படுத்த ஒவ்வொரு ஆக்சிலும் இரண்டு ஆயில்-கூல்டு மோட்டார்களுடன் இணைக்கப்பட்டுள்ளது. இது 3.2 வினாடிகளில் மணிக்கு 0 முதல் 100 கிலோமீட்டர்கள் வேகத்தில் செல்லும் திறன் கொண்டுள்ளது. CLTC சுழற்சியின்படி ஒருமுறை சார்ஜ் செய்தால் அதிகபட்சமாக 580 கிலோமீட்டர் தூரம் செல்லும் என்று எம்ஜி கூறுகிறது.

எம்ஜி மோட்டார் இந்தியா நிறுவனம் தனது ஆடம்பர பிராண்ட் பிரிவான எம்ஜி செலக்ட் மூலம் எம்ஜி M9 தி பிரசிடென்ஷியல் லிமோசின் என்ற புதிய மாடலை அறிமுகம் செய்துள்ளது. புதிய எம்ஜி M9 வேரியண்ட் இந்திய சந்தையில் ரூ. 69.90 லட்சம் (எக்ஸ்-ஷோரூம்) என்ற விலையில் கிடைக்கும் என்று அறிவிக்கப்பட்டு இருக்கிறது.

புதிய எம்ஜி M9 அதிநவீனத்தையும் புதுமையையும் விரும்புவோருக்கு ஏற்ற மாடல் ஆகும். புதிதாக அறிமுகம் செய்யப்பட்ட எம்ஜி M9 விநியோகங்கள் ஆகஸ்ட் 10-ந்தேதி முதல் தொடங்கும்.

பேட்டரி மற்றும் பவர்டிரெய்ன்:

எம்ஜி M9 காரில் 90-kWh NMC பேட்டரி பொருத்தப்பட்டுள்ளது. இது முறையே 245 hp பவர் மற்றும் 350 Nm டார்க் வெளிப்படுத்தும் திறன் கொண்டது. மேலும் 548 கிலோமீட்டர்கள் வரையிலான ரேஞ்ச் கொண்டுள்ளது. இந்த மாடல் 11-kW வால் பாக்ஸ் சார்ஜரையும், 3.3-kW போர்ட்டபிள் சார்ஜரையும் வழங்குகிறது. மேலும், வாழ்நாள் உத்தரவாதத்தையும் 3 ஆண்டுகள்/வரம்பற்ற கிலோமீட்டர் வாகன உத்தரவாதத்தையும் பெறுகிறது.

வெளிப்புற சிறப்பம்சங்கள்:

எம்ஜி M9 மூன்று தனித்துவமான வண்ணங்களில் வழங்கப்படுகிறது. அதாவது பியர்ல் லஸ்டர் ஒயிட், மெட்டல் பிளாக் மற்றும் கான்கிரீட் கிரே. எம்ஜி M9 ஒரு தனித்துவமான வெளிப்புற வடிவமைப்பைப் பெறுகிறது. அதன் நவீன இருப்பை உறுதிப்படுத்தும் ஒரு தடிமனான ட்ரெப்சாய்டல் மெஷ் கிரில் மூலம் சிறப்பிக்கப்படுகிறது. ஸ்பிலிட் LED ஹெட்லைட்கள் மற்றும் கனெக்ட்டெட் DRLகள் கூர்மையான மற்றும் அதிநவீன முன்புற தோற்றத்தை உருவாக்குகிறது. பின்புறத்தில், ஒருங்கிணைந்த LED டெயில்-லைட் வடிவமைப்பு ஒரு தனித்துவமான மற்றும் நேர்த்தியான தோற்றத்தை உறுதி செய்கிறது.

உட்புறம் மற்றும் அம்சங்கள்:

உட்புறத்தில், எம்ஜி M9 16-வழிகளில் சரிசெய்யும் வசதி, 8 மசாஜ் அமைப்புகள், ஹீட்டிங் மற்றும் வென்டிலேஷன் ஆகியவற்றைப் பெறுகிறது. இதில் டூயல் சன்ரூஃப் பொருத்தப்பட்டுள்ளது. இதில் 13-ஸ்பீக்கர் சவுண்ட் சிஸ்டம் (சப் வூஃபர் மற்றும் ஆம்ப்ளிஃபையர் உட்பட) மற்றும் பலவற்றைப் பெறுகிறது.

விலை:

இந்தியாவில் எம்ஜி M9 எலெக்ட்ரிக் MPV கார் ரூ. 69.90 லட்சம் (எக்ஸ்-ஷோரூம்) அறிமுக விலையில் அறிமுகம் செய்யப்பட்டுள்ளது. மேலும், வாடிக்கையாளர்கள் ரூ.1,00,000 செலுத்தி எம்ஜி M9 காரை முன்பதிவு செய்யலாம்.

எம்ஜி மோட்டார் இந்தியா நிறுவனம், தங்கள் வரிசையில் உள்ள பெரும்பாலான மாடல்களுக்கு 1.5 சதவீதம் வரை விலை உயர்வை அறிவித்துள்ளது. வாகன விலைகளில் ஏற்படும் மாற்றங்கள் வருகிற 1-ந்தேதி முதல் அமலுக்கு வரும். விலை மாற்றங்களின் அளவு மாடல் மற்றும் வேரியண்ட்-க்கு ஏற்ப வேறுபடும். அதிகரித்து வரும் உள்ளீட்டு செலவுகள் மற்றும் பொருளாதார சரிசெய்தல் காரணமாக வாகனங்களின் விலைகளில் திருத்தம் செய்யப்பட்டுள்ளதாக எம்ஜி நிறுவனம் தெரிவித்துள்ளது.

இந்தியாவில் எம்ஜி பேட்ஜ் கொண்ட தற்போதைய கார்களின் வரிசை கொமெட் EV உடன் தொடங்குகிறது. இந்த மாடல் ரூ.4.99 லட்சம் (எக்ஸ்-ஷோரூம்) ஆரம்ப விலையில் வருகிறது. அதைத் தொடர்ந்து ரூ.10 லட்சம் (எக்ஸ்-ஷோரூம்) விலையில் வரும் விண்ட்சர் EV உள்ளது. இதைத் தொடர்ந்து, ஐசி எஞ்சின் கார்களின் வரிசையில், ஆஸ்டர மாடல் ரூ.11.30 லட்சம் (எக்ஸ்-ஷோரூம்) விலையில் தொடங்குகிறது.

அடுத்தது ஹெக்டார் ரூ.17.5 லட்சம் (எக்ஸ்-ஷோரூம்) விலையில் கிடைக்கிறது. எம்ஜி குளோஸ்டர் ரூ. 41.07 லட்சம் (எக்ஸ்-ஷோரூம்) விலையில் விலை உயர்ந்த மாடல்களில் முதலிடத்தைப் பிடித்துள்ளது.

இந்த நிறுவனத்தின் எலெக்ட்ரிக் கார்கள் நுகர்வோருக்கு பேட்டரி-ஆஸ்-எ-சர்வீஸ் (BaaS) வழங்குகின்றன. இந்த மாடல், காரின் விலையிலிருந்து பேட்டரி விலையைப் பிரிப்பதன் மூலம் நுகர்வோருக்கு வாகனத்தின் ஆரம்ப செலவைக் குறைப்பதை நோக்கமாகக் கொண்டுள்ளது.

எம்ஜி மோட்டார் நிறுவனம் புதிய தயாரிப்புகளுடன் ஆடம்பர சந்தையில் நுழையத் தயாராகி வருகிறது. உயர் ரக வாகனப் பிரிவில் நுழைவதற்கான அறிகுறியாக, எம்9 லிமோசினை அறிமுகப்படுத்தும் திட்டங்களை நிறுவனம் வெளியிட்டுள்ளது.

இந்த ஆண்டின் பிற்பகுதியில், எம்ஜி நிறுவனம் அதன் எலெக்ட்ரிக் வாகன வரிசையில் செயல்திறன் சார்ந்த புதுமைகளை மேம்படுத்துவதை நோக்கமாகக் கொண்ட சைபர்-ஸ்டர் என்ற எலெக்ட்ரிக் ஸ்போர்ட்ஸ் காரையும் அறிமுகப்படுத்தும்.

இந்த இரண்டு பிரீமியம் வாகனங்களும் புதிதாக நிறுவப்பட்ட டீலர்ஷிப் நெட்வொர்க், எம்ஜி செலக்ட் (MG Select) மூலம் விற்கப்படும். இது மிகவும் பிரத்யேக வாடிக்கையாளர் அனுபவத்தை வழங்க வடிவமைக்கப்பட்டுள்ளது.

இதுதவிர எம்ஜி நிறுவனம் மஜெஸ்டர் (Majestor) மாடலின் டீசரை வெளியிட்டுள்ளது. இது குளோஸ்டர் மாடலில் இருந்து பெறப்பட்ட ஒரு சொகுசு எஸ்யூவியாக இருக்கலாம். இந்த மாடல் இந்திய சந்தையில் எம்ஜி நிறுவனம் அதன் பிரீமியம் சலுகைகளை விரிவுபடுத்துவதற்கான லட்சியத்தைக் குறிக்கிறது.

கார் பிரியர்களால் பெரிதும் எதிர்பார்க்கப்பட்ட MG M9 இந்திய சந்தையில் விரைவில் அறிமுகப்படுத்தப்பட உள்ளது. இந்நிகழ்வுக்கு முன்னதாக இந்த மாடல் கார்கள் ஷோரூம்களுக்கு வர தொடங்கி உள்ளன. இதனை தொடர்ந்து நிறுவனம் மூலம் விற்பனை செய்யப்படும். சைபர்ஸ்டர் மாடலுடன் இணைந்து, கியா நிறுவனத்தின் சொகுசு கார் டீலர்ஷிப் வழியாக விற்கப்படும் பிராண்டின் இரண்டாவது மாடலாக M9 இருக்கும் என்பது குறிப்பிடத்தக்கது.

இந்த மின்சார MPV-யின் உட்புற இடத்தை அதிகப்படுத்தும் நோக்கில் ஒரு பாக்ஸி வடிவமைப்பைக் கொண்டுள்ளது. ஒரு தனித்துவமான தோற்றத்தை உருவாக்க, வாகனத்தின் முன்பக்கம் LED விளக்குகளால் மேம்படுத்தப்பட்டுள்ளது. குறிப்பாக, முன்பக்கம் பம்பரில் ஒருங்கிணைக்கப்பட்ட ஹெட்லேம்ப்கள் உள்ளன. அவை வாகனத்தின் கீழ் பகுதி வரை நீட்டிக்கப்படும் ஒரு குரோம் டிரிம் மூலம் சூழப்பட்டுள்ளன.

வாகனத்தின் பின்புறம் இந்த வடிவமைப்பை எதிரொலிக்கிறது. அதன்படி பின்புறத்தில் குரோம் அக்சென்ட்கள் மற்றும் முழு அகல லைட் பார் மூலம் இணைக்கப்பட்ட செங்குத்தான டெயில் லைட்களைக் கொண்டுள்ளது. அதன் அழகியல் கவர்ச்சியை மேம்படுத்த, பிராண்ட் பின்புற பம்பரில் சில கோடுகள் மற்றும் வரையறைகளை வழங்கியுள்ளது.

எம்ஜி M9 காருக்கான அம்சங்கள் பட்டியலில் பனோரமிக் சன்ரூஃப், 64-வண்ண சுற்றுப்புற விளக்குகள், 12-ஸ்பீக்கர் ஆடியோ சிஸ்டம், சௌகரியமான இருக்கைகள், இருக்கைகளை 16-வழிகளில் அட்ஜஸ்ட் செய்யும் வசதி மற்றும் காற்றோட்டம் மற்றும் வெப்பமூட்டும் செயல்பாடுகளுடன் 8 மசாஜ் அமைப்புகள் ஆகியவை அடங்கும்.

இவை அனைத்தும் பியூர் பிளாக் அல்லது காக்னாக் பிரவுன் நிற இன்டீரியர் ஆப்ஷன்களுடன் கிடைக்கின்றன. எம்ஜி M9 மாடலில் 90 kWh பேட்டரி பேக் பொருத்தப்பட்டிருக்கும். இந்த அலகு 240 hp மற்றும் 350 Nm பீக் டார்க்கை உற்பத்தி செய்யும் மின்சார மோட்டாரை இயக்குகிறது. இந்த கார் ஒரு முறை சார்ஜ் செய்தால் 430 கிமீ தூரம் செல்லும் என்று கூறப்படுகிறது. 120 kW DC சார்ஜரைப் பயன்படுத்தி பேட்டரியை வெறும் 30 நிமிடங்களில் 30 முதல் 80 சதவீதம் வரை சார்ஜ் செய்யலாம்.

சுசி லீக்ஸ் மூலமாக பின்னணி பாடகி சுசித்ரா கோலிவுட் வட்டாரத்தையே கதிகலங்க வைத்தார். சுசித்ராவின் டுவிட்டர் பக்கத்தில் சினிமா பிரபலங்களான தனுஷ், த்ரிஷா, ஹன்சிகா, அனிருத், டிடி, ஆண்ட்ரியா உள்ளிட்ட பலரின் புகைப்படங்கள் வெளியாகி அதிர்ச்சியை ஏற்படுத்தியிருந்தது.

ஆனால் தனது டுவிட்டர் பக்கத்தில் வெளியான படங்களுக்கும், தனக்கும் எந்த சம்பந்தமும் இல்லை என்று சுசித்ரா அப்போது தெரிவித்திருந்தார்.

இந்நிலையில், அண்மையில் சுசித்ரா ளித்த பேட்டியில் அவரது முன்னாள் கணவர் கார்த்திக்குமார் குறித்தும் நடிகர் தனுஷ் குறித்தும் சர்ச்சைக்குரிய வகையில் பேசியிருந்தார். அந்த வீடியோக்கள் சமூக வலைத்தளங்களில் வைரலாகியது.

நடிகர் விஜய்யின் பிறந்தநாளான கடந்த ஜூன் 22ஆம் தேதியில் திரைப்பிரபலங்கள் பலரும் வாழ்த்து தெரிவித்து பதிவிட்டிருந்தனர். அதே நாளில் நடிகை த்ரிஷாவும் நடிகர் விஜய்யுடன் ஒன்றாக இருக்கும் புகைப்படம் ஒன்றை பதிவிட்டு பிறந்தநாள் வாழ்த்து தெரிவித்திருந்தார்.

இந்நிலையில், சுசித்ரா நடிகரும் தவெக தலைவருமான விஜய் மற்றும் திரிஷா குறித்து சர்ச்சைக்குரிய பேசி விடியோ ஒன்றை வெளியிட்டுள்ளார்.

அந்த வீடியோவில், விஜய்யுடன் அவரது மனைவி சங்கீதா மீண்டும் ஒன்று சேர வேண்டும். ஒரு சின்ன சண்டையால் பிரிந்த குடும்பத்தை அவர் ஈகோவினால் சேர்த்து வைக்காமல் இருப்பதால் தான் திரிஷா மாதிரியான ஒட்டுண்ணிகள் நுழைகிறார்கள். லிப்டில் அவங்க எடுத்த போட்டோவை பதிவிட்டதில் இருந்து விஜயை திரிஷா சொந்தம் கொண்டாட முயற்சி செய்கிறார்கள் என்று தெரிகிறது.

இதன்மூலம் திரிஷா விஜய்யுடன் இணைய விரும்புவதாகத் தெரிகிறது. ஏனெனில், நடிகர் விஜய் அரசியலில் நுழைந்துள்ளதன் மூலம் த்ரிஷாவும் அரசியலில் நுழைய விரும்புகிறார்.

ஜெயலலிதா, எம்.ஜி.ஆருக்கு ஒரு ஒட்டுண்ணி தான். ஜெயலலிதா எம்.ஜி.ஆர் யிடம் இருந்து அரசியல் நுணுக்கங்களையும் கற்றுக்கொண்டு அதன்பிறகு எம்.ஜி.ஆரையே ஒதுக்கி விட்டார். திரிஷாவும் ஜெயலலிதா போலவே இருக்க விரும்புகிறார். அதனால் விஜய் திரிஷாவை விட்டு விலகி, அவருடைய மனைவி சங்கீதாவுடன் இணையவேண்டும் என சுசித்ரா அந்த வீடியோவில் பேசி இருக்கிறார்.

இப்படி விஜய்யையும் திரிஷாவையும், எம்.ஜி.ஆர் - ஜெயலலிதாவோடு அவர் ஒப்பிட்டு பேசி இருப்பது சமூக வலைதளத்தில் பேசு பொருள் ஆகி உள்ளது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.