என் மலர்

    நீங்கள் தேடியது "KTM RC 200"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கேடிஎம் நிறுவனம் இந்திய சந்தையில் தனது RC 125 மற்றும் RC 200 மாடல்களின் விலையில் திடீர் மாற்றம் செய்து இருக்கிறது.
    • விலை தவிர இரு மாடல்களிலும் வேறு எந்த மாற்றமும் மேற்கொள்ளப்படவில்லை.

    கேடிஎம் நிறுவனம் RC 125 மற்றும் RC 200 ஃபுல்லி ஃபேர்டு மோட்டார்சைக்கிள் மாடல்களின் விலையை இந்திய சந்தையில் உயர்த்தி இருக்கிறது. முன்னதாக மே மாத வாக்கில் இரு மாடல்கள் விலையும் உயர்த்தப்பட்ட நிலையில், தற்போது மீண்டும் விலை உயர்த்தப்பட்டு இருக்கிறது. தற்போதைய அறிவிப்பின் படி RC 125 மாடலின் விலை ரூ. 1,779, RC 200 மாடலின் விலை ரூ. 1,427 அதிகரிக்கப்பட்டு உள்ளது.

    புதிய விலை விவரம்:

    கேடிஎம் RC 125: ரூ. 2 லட்சத்து 14 ஆயிரத்து 688

    கேடிஎம் RC 200: ரூ. 1 லட்சத்து 88 ஆயிரத்து 640

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.


    உற்பத்தி செலவீனங்களின் விலை தொடர்ந்து அதிகரித்து வருவதே விலை உயர்வுக்கு காரணமாக இருக்கும் என கூறப்படுகிறது. கடந்த சில மாதங்களாக பல்வேறு நிறுவனங்களும் தங்களின் வாகன விலையை உயர்த்தி வருகின்றன. தற்போதைய விலை உயர்வை அடுத்து RC 125 மற்றும் RC 200 மாடல்கள் அந்த பிரிவில் விலை உயர்ந்த மாடலாக மாறி உள்ளன.

    எனினும், இரு மாடல்களிலும் அவற்றுக்கு போட்டியாக உள்ள மோட்டார்சைக்கிள்களை விட அதிக அம்சங்கள், நவீன வசதிகள் மற்றும் அதிரடி செயல்திறன் வழங்கப்பட்டுள்ளன. கேடிஎம் RC 125 மாடலில் 124.7சிசி, லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 14.75 ஹெச்.பி. பவர், 12 நியூட்டன் மீட்டர் டார்க் இழுவிசையை வெளிப்படுத்துகிறது.

    கேடிஎம் RC 200 மாடலில் 199.5சிசி என்ஜின் வழங்கப்பட்டு இருக்கிறது. இந்த என்ஜின் 25.4 ஹெச்.பி. பவர், 19.5 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இரு மாடல்களிலும் 6 ஸ்பீடு கியர்பாக்ஸ் வழங்கப்பட்டு இருக்கிறது. இத்துடன் ஸ்லிப்பர் கிளட்ச், பிரீமியம் WP சஸ்பென்ஷன், பைபிரெ பிரேக்குகள், ஸ்டீல் டிரெலிஸ் ஃபிரேம், 13.7 லிட்டர் பியூவல் டேன்க், ஃபுல் எல்இடி லைட்டிங், டிஜிட்டல் இன்ஸ்ட்ரூமெண்ட் கிளஸ்டர், மோட்டோ ஜிபி ஸ்டைலிங் உள்ளன. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கேடிஎம் நிறுவனத்தின் ஆர்சி 200 மோட்டார்சைக்கிள் புதிதாய் கருப்பு நிறத்தில் அறிமுகம் செய்யப்பட்டுள்ளது. இதன் விலை மற்றும் முழு விவரங்களை தொடர்ந்து பார்ப்போம்.




    ஆஸ்த்ரியாவை சேர்ந்த மோட்டார்சைக்கிள் நிறுவனமான கேடிஎம் இந்தியாவில் கருப்பு நிறம் கொண்ட ஆர்சி 200 மோட்டார்சைக்கிளை அறிமுகம் செய்துள்ளது.

    முன்னதாக வெள்ளை நிறத்தில் விற்பனை செய்யப்பட்டு வந்த சூப்பர்ஸ்போர்ட் ஆர்சி 200 இனி கருப்பு நிறத்திலும் கிடைக்கும். இது அந்நிறுவனம் ஏற்கனவே விற்பனை செய்து வரும் ஆர்சி 390 மோட்டார்சைக்கிளின் கருப்பு நிறம் போன்றே காட்சியளிக்கிறது. 

    எனினும் இதன் ஆரஞ்சு மற்றும் வெள்ளை நிற மட்டும் வேறுபடுகிறது. கேடிஎம் ஆர்சி 200 பிளாக் நிற எடிஷனின் டெயில் பகுதியில் வெள்ளை நிற கிராஃபிக்ஸ் கொண்டிருக்கிறது. புதிய நிறத்தை தவிர கேடிஎம் ஆர்சி 200 மாடலில் எவ்வித மாற்றங்களும் மேற்கொள்ளப்படவில்லை.



    அந்த வகையில் கேடிஎம் ஆர்சி 200 வழக்கமான 199.5சிசி லிக்விட்-கூல்டு, சிங்கிள்-சிலிண்டர் இன்ஜின் கொண்டுள்ளது. இந்த இன்ஜின் 25 பிஹெச்பி பவர், 19.2 என்எம் டார்கியூ செயல்திறன் மற்றும் 6-ஸ்பீடு கியர்பாக்ஸ் கொண்டுள்ளது. செயல்திறன் மிக்க இன்ஜினுடன் பல்வேறு பிரீமியம் அம்சங்களை கொண்டுள்ளது.

    கேடிஎம் ஆர்சி 200 மாடலின் முன்பக்கம் அப்சைடு-டவுன் ஃபோர்க், பின்புறம் மோனோஷாக் சஸ்பென்ஷன் வழங்கப்பட்டுள்ளது. இரண்டு சக்கரங்களிலும் டிஸ்க் பிரேக் வழங்கப்பட்டுள்ள நிலையில், இவற்றின் இந்தியா மாடலில் ஏபிஎஸ் எனப்படும் ஆன்டி-லாக் பிரேக்கிங் சிஸ்டம் வழங்கப்படவில்லை.

    இத்துடன் முழுமையான டிஜிட்டல் இன்ஸ்ட்ரூமென்ட் கிளஸ்டர், க்ளிப்-ஆன் ஹேன்டிள்பார், அன்டர்பெல்லி எக்சாஸ்ட் உள்ளிட்டவை வழங்கப்பட்டுள்ளது. 2017 மாடலில் அகலமான ரியர் வியூ கண்ணாடிகள், மேம்படுத்தப்பட்ட குஷன் இருக்கை கொண்டுள்ளது. கேடிஎம் ஆர்சி 200 கருப்பு நிற எடிஷன் நாடு முழுக்க இயங்கி வரும் விற்பனையகங்களில் முன்பதிவு செய்ய முடியும்.

    இந்தியாவில் கேடிஎம் ஆர்சி 200 கருப்பு நிற எடிஷன் விலை ரூ.1.77 லட்சம் (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது.
    ×