search icon
என் மலர்tooltip icon

    நீங்கள் தேடியது "AUSvWI"

    • முதல் ஆடிய வெஸ்ட் இண்டீஸ் 20 ஓவர் முடிவில் 6 விக்கெட்டுகளை இழந்து 220 ரன்கள் குவித்தது.
    • ஆஸ்திரேலிய தரப்பில் அதிகபட்சமாக வார்னர் 49 பந்துகளில் 81 ரன்கள் எடுத்து ஆட்டமிழந்தார்.

    பெர்த்:

    வெஸ்ட் இண்டீஸ்- ஆஸ்திரேலியா அணிகளுக்கு இடையேயான 3-வது மற்றும் கடைசி டி20 போட்டி இன்று பெர்த்தில் நடைபெற்றது. இதில் டாஸ் வென்ற வெஸ்ட் இண்டீஸ் அணி பேட்டிங்கை தேர்வு செய்தது.

    அதன்படி களமிறங்கிய வெஸ்ட் இண்டீஸ் அணி, ருதர்ஃபோர்ட் - ரசல் ஜோடியின் அதிரடி ஆட்டத்தால் 20 ஓவர் முடிவில் வெஸ்ட் இண்டீஸ் அணி 6 விக்கெட்டுகளை இழந்து 220 ரன்கள் குவித்தது. அதிகபட்சமாக ரசல் 29 பந்துகளில் 79 ரன்கள் குவித்து ஆட்டமிழந்தார். ரூதர்போர்ட் 67 ரன்களுடன் ஆட்டமிழக்காமல் இருந்தார். ஆஸ்திரேலியா தரப்பில் சேவியர் பார்ட்லெட் 2 விக்கெட்டுகளை வீழ்த்தினார்.

    இதனையடுத்து ஆஸ்திரேலிய அணியின் தொடக்க ஆட்டக்காரர்களாக மார்ஷ் - வார்னர் களமிறங்கினர். மார்ஷ் 17 ரன்னில் ஆட்டமிழந்தார். அடுத்து வந்த ஆரோன் ஹார்டி 16, ஜோஸ் இங்கிலிஸ் 1, மேக்ஸ்வெல் 12 என வெளியேறினார். ஒரு முனையில் விக்கெட்டுகள் வீழ்ந்தாலும் மறுமுனையில் அதிரடி காட்டிய வார்னர் 49 பந்துகளில் 81 ரன்கள் எடுத்து ஆட்டமிழந்தார்.

    இதனையடுத்து டிம் டேவிட் அதிரடியாக விளையாடி வெற்றிக்காக போராடினார். இறுதியில் ஆஸ்திரேலியா 20 ஓவர் முடிவில் 5 விக்கெட்டுகளை இழந்து 183 ரன்கள் மட்டுமே எடுத்தது. வெற்றிக்காக போராடிய டிம் டேவிட் 41 ரன்கள் எடுத்து ஆட்டமிழக்காமல் இருந்தார். இதனால் 37 ரன்கள் வித்தியாசத்தில் வெஸ்ட் இண்டீஸ் வெற்றி பெற்றது.

    இதன்மூலம் 3 போட்டிகள் கொண்ட டி20 தொடரில் 2-1 என்ற கணக்கில் ஆஸ்திரேலியா தொடரை கைப்பற்றியது. 

    • ரசல் 29 பந்துகளில் 79 ரன்கள் குவித்து ஆட்டமிழந்தார்.
    • ஜாம்பா 4 ஓவர்கள் பந்து வீசி 65 ரன்களை வாரி வழங்கினார்.

    பெர்த்:

    வெஸ்ட் இண்டீஸ்- ஆஸ்திரேலியா அணிகளுக்கும் இடையிலான டி20 தொடர் நடைபெற்று வருகிறது. இதில் 2 போட்டிகளிலும் வெற்றி பெற்று தொடரில் 2-0 என ஆஸ்திரேலியா முன்னிலையில் உள்ளது.

    இந்நிலையில் இரு அணிகளுக்கும் இடையேயான 3-வது மற்றும் கடைசி டி20 போட்டி இன்று பெர்த்தில் நடைபெறுகிறது. இதில் டாஸ் வென்ற வெஸ்ட் இண்டீஸ் அணி பேட்டிங்கை தேர்வு செய்தது.

    அதன்படி களமிறங்கினர் வெஸ்ட் இண்டீஸ் அணி வீரர்கள் 79 ரன்களில் 5 விக்கெட்டுகளை இழந்தது. சார்லஸ் 4, மேயர்ஸ் 11, பூரன் 1, சேஸ் 37, பவல் 21 ரன்களில் விக்கெட்டுகளை பறிகொடுத்தனர். இதனையடுத்து ருதர்ஃபோர்ட் - ரசல் ஜோடி ஆஸ்திரேலிய அணியின் பந்து வீச்சை பறக்க விட்டனர். குறிப்பாக ஆடம் ஜாம்பா ஓவரை விளாசி தள்ளினர்.

    குறிப்பாக ஜாம்பா 4 ஓவர்கள் பந்து வீசி 65 ரன்களை வாரி வழங்கினார். அதிரடியாக விளையாடிய இருவரும் அரை சதம் அடித்து அசத்தினர். இறுதியில் ரசல் 29 பந்துகளில் 79 ரன்கள் குவித்து ஆட்டமிழந்தார். கடைசி வரை களத்தில் இருந்த ரூதர்போர்ட் 67 ரன்களுடன் ஆட்டமிழக்காமல் இருந்தார். இதனால் 20 ஓவர் முடிவில் வெஸ்ட் இண்டீஸ் அணி 6 விக்கெட்டுகளை இழந்து 220 ரன்கள் குவித்தது.

    • 2-வது டி20 போட்டியில் ஆஸ்திரேலியா வெற்றி பெற்றது.
    • அல்ஜாரி ஜோசப் ரன் அவுட் சர்ச்சையை ஏற்படுத்தியது.

    ஆஸ்திரேலியா - வெஸ்ட் இண்டீஸ் இடையிலான 2-வது டி20 போட்டி அடிலெய்டில் இன்று நடைபெற்றது. இந்த ஆட்டத்தில் முதலில் பேட்டிங் செய்த ஆஸ்திரேலியா மேக்ஸ்வெல்லின் அதிரடி சதத்தின் மூலம் 20 ஓவர்களில் 241 ரன்கள் குவித்தது.

    இதையடுத்து 242 ரன் எடுத்தால் வெற்றி என்ற கடினமான இலக்குடன் ஆடிய வெஸ்ட் இண்டீஸ் அணி 20 ஓவர்களில் 9 விக்கெட் இழப்பிற்கு 207 ரன்கள் மட்டுமே எடுத்தது. இதன் மூலம் 34 ரன் வித்தியாசத்தில் ஆஸ்திரேலியா வெற்றி பெற்றது.

    இந்த ஆட்டத்தில் வெஸ்ட் இண்டீஸ் அணி பேட்டிங் செய்து கொண்டிருந்த போது அந்த இன்னிங்சின் 19-வது ஓவரை ஆஸ்திரேலியாவின் ஸ்பென்சர் ஜான்சன் வீசினார். அந்த ஓவரின் 3-வது பந்தை எதிர்கொண்ட அல்ஜாரி ஜோசப் பந்தை கவர்ஸ் திசையில் அடித்து விட்டு ரன் எடுக்க ஓடினார்.

    அப்போது அந்த திசையில் பீல்டிங் செய்து கொண்டிருந்த பீல்டர் பந்தை எடுத்து வேகமாக ஜான்சனிடம் வீசினார். அவரும் பந்தை பிடித்து ஸ்டெம்பில் அடித்தார். ஆனால், பந்துவீச்சாளர் உட்பட ஆஸ்திரேலிய வீரர்கள் யாரும் அதற்கு மேல்முறையீடு செய்யவில்லை. இதையடுத்து இந்த காட்சி மைதானத்தில் உள்ள பெரிய திரையில் காண்பிக்கப்பட்டது.

    அப்போது ஜான்சன் பந்தை பிடித்து ஸ்டெம்பில் அடிக்கும் போது ஜோசப் கிரிஸிற்குள் வரவில்லை என்பது தெளிவாக தெரிந்தது. இதனால் ஆஸ்திரேலிய வீரர்கள் அவர் ரன் அவுட் என நினைத்து மகிழ்ச்சி அடைந்தனர். ஆனால் கள நடுவர் ஜோசப்பிற்கு அவுட் கொடுக்க மறுத்துவிட்டார். இதனால் ஆஸ்திரேலிய வீரர்கள் கடும் வாக்குவாதத்தில் ஈடுபட்டனர்.

    இதையடுத்து ஆஸ்திரேலிய வீரர்கள் அந்த ரன் அவுட்டிற்கு மேல்முறையீடு செய்யவில்லை. இதனால் கிரிக்கெட் விதிமுறைகளின் படி அல்ஜாரி ஜோசப்பிற்கு ரன் அவுட் கொடுக்கவில்லை என நடுவர் தெரித்தார். இதையடுத்து தொடர்ந்து பேட்டிங் ஆடிய அல்ஜாரி ஜோசப் 5 பந்தில் 2 ரன்கள் அடித்தார்.

    கிரிக்கெட் விதிமுறைகளின் படி ஒரு பீல்டரால் மேல்முறையீடு செய்யப்படும் வரை, எதிரணி வீரர் சட்டத்தின் கீழ் அவுட்டாக இருந்தாலும், எந்த நடுவரும் பேட்ஸ்மேனையும் நடுவர்கள் அவுட் கொடுக்க மாட்டார்கள்.

    • வெஸ்ட் இண்டீஸ் அணிக்கு எதிரான 2-வது டி20 போட்டியில் மேக்ஸ்வெல் சதம் அடித்தார்.
    • இந்த போட்டியில் ஆஸ்திரேலியா 34 ரன்கள் வித்தியாசத்தில் வெற்றி பெற்றது.

    அடிலெய்டு:

    வெஸ்ட் இண்டீஸ் கிரிக்கெட் அணி ஆஸ்திரேலியாவில் சுற்றுப்பயணம் மேற்கொண்டு விளையாடி வருகிறது. இரு அணிகள் இடையிலான 2 போட்டிகள் கொண்ட தொடர் 1-1 என சமனில் முடிந்தது. இதையடுத்து நடைபெற்ற 3 போட்டிகள் கொண்ட ஒருநாள் தொடரை 3-0 என ஆஸ்திரேலியா கைப்பற்றியது.

    தற்போது 3 போட்டிகள் கொண்ட டி20 தொடர் நடைபெற்று வருகிறது. இதில் நடைபெற்ற முதலாவது டி20 போட்டியில் ஆஸ்திரேலியா வெற்றி பெற்றது. இதனையடுத்து இவ்விரு அணிகளுக்கு இடையிலான 2-வது டி20 போட்டி அடிலெய்டில் இன்று நடைபெற்றது.

    முதலில் பேட்டிங் செய்த ஆஸ்திரேலிய அணி, மேக்ஸ்வெல்லின் அதிரடி ஆட்டத்தால் 20 ஓவர் முடிவில் 4 விக்கெட்டுகளை இழந்து 240 ரன்கள் எடுத்தது. இதனையடுத்து விளையாடிய வெஸ்ட் இண்டீஸ் அணி 20 ஓவர் முடிவில் 9 விக்கெட்டுகளை இழந்து 207 ரன்கள் மட்டுமே எடுத்தது, இதனால் ஆஸ்திரேலியா 34 ரன்கள் வித்தியாசத்தில் வெற்றி பெற்று தொடரையும் கைப்பற்றியது.

    இந்நிலையில் இந்த ஆட்டத்தில் மேக்ஸ்வெல் சதம்(120) அடித்ததன் மூலம் ரோகித் சாதனை ஒன்றை சமன் செய்துள்ளார். அதாவது சர்வதேச டி20 கிரிக்கெட்டில் அதிக சதம் அடித்தவர்கள் பட்டியலில் முதல் இடத்தில் இருக்கும் ரோகித் (5 சதம்) சாதனையை மேக்ஸ்வெல் (5 சதம்) பகிர்ந்துள்ளார். இவர்களுக்கு அடுத்தபடியாக சூர்யகுமார் யாதவ் ( 4 சதம்), பாபர் அசம் (3 சதம்), காலின் முன்ரோ (3 சதம்) ஆகியோர் உள்ளனர்.

    மேலும் நாட் அவுட் மூலம் அதிக சதம் விளாசியவர்கள் பட்டியலில் மேக்ஸ்வெல் முதல் இடத்திலும் ரோகித் 2-வது இடத்திலும் உள்ளனர். இதுபோக 4-வது இடத்தில் களமிறங்கி அதிக ரன்கள் குவித்த சூர்யகுமார் யாதவ் (117), பாப் டு பிளெசிஸ்(119) சாதனையை இவர் முறியடித்துள்ளார்.

    • முதலில் பேட்டிங் செய்த ஆஸ்திரேலியா மேக்ஸ்வெல்லின் அதிரடி ஆட்டத்தால் 240 ரன்கள் குவித்தது.
    • 2-வதாக விளையாடிய வெஸ்ட் இண்டீஸ் அணி 207 ரன்கள் மட்டுமே எடுத்தது.

    அடிலெய்டு:

    வெஸ்ட் இண்டீஸ் கிரிக்கெட் அணி ஆஸ்திரேலியாவில் சுற்றுப்பயணம் மேற்கொண்டு விளையாடி வருகிறது. இரு அணிகள் இடையிலான 2 போட்டிகள் கொண்ட தொடர் 1-1 என சமனில் முடிந்தது. இதையடுத்து நடைபெற்ற 3 போட்டிகள் கொண்ட ஒருநாள் தொடரை 3-0 என ஆஸ்திரேலியா கைப்பற்றியது.

    தற்போது 3 போட்டிகள் கொண்ட டி20 தொடர் நடைபெற்று வருகிறது. இதில் நடைபெற்ற முதலாவது டி20 போட்டியில் ஆஸ்திரேலியா வெற்றி பெற்றது. இதனையடுத்து இவ்விரு அணிகளுக்கு இடையிலான 2-வது டி20 போட்டி அடிலெய்டில் இன்று நடைபெற்றது.

    இதில் டாஸ் வென்ற வெஸ்ட் இண்டீஸ் பந்துவீச்சை தேர்வு செய்தது. அதன்படி முதலில் பேட்டிங் செய்த ஆஸ்திரேலிய அணிக்கு மேக்ஸ்வெல் அதிரடியாக விளையாடி ரன்களை குவித்தார். அவர் 55 பந்துகளில் 12 பவுண்டரி மற்றும் 8 சிக்சர்களுடன் 120 ரன்கள் குவித்து அசத்தினார். இறுதி கட்டத்தில் அவருடன் ஜோடி சேர்ந்த டிம் டேவிட்டும் அதிரடியாக விளையாடினார். 14 பந்துகளை சந்தித்த அதில் 31 ரன்கள் குவித்தார்.

    நிர்ணயிக்கப்பட்ட 20 ஓவர்கள் முடிவில் ஆஸ்திரேலியா 4 விக்கெட்டுகளை மட்டுமே இழந்து 241 ரன்கள் குவித்துள்ளது. இதையடுத்து 242 ரன்கள் எடுத்தால் வெற்றி என்ற இமாலய இலக்குடன் வெஸ்ட் இண்டீஸ் களமிறங்கியது.

    தொடக்க வீரர்களான கிங் 5 ரன்னிலும் சார்லஸ் 24 ரன்னிலும் ஆட்டமிழந்தனர். அடுத்து வந்த பூரன் 18, ஹோப் 0, ருதர்வோர்ட் 0 என அடுத்தடுத்து விக்கெட்டுகளை இழந்தது. இதனையடுத்து அதிரடியாக விளையாடிய ரசல் - பவல் ஜோடி ரன் வேகத்தை உயர்த்தினர். தொடர்ந்து சிறப்பான ஆட்டத்தை வெளிப்படுத்திய பவல் அரை சதம் விளாசியும் ரசல் 37 ரன்னிலும் ஆட்டமிழந்தனர்.

    அடுத்து வந்த வீரர்கள் சொற்ப ரன்னில் வெளியேற, வெஸ்ட் இண்டீஸ் அணி 20 ஓவர் முடிவில் 9 விக்கெட்டுகளை இழந்து 207 ரன்கள் எடுத்தது. இதனால் ஆஸ்திரேலியா 34 ரன்கள் வித்தியாசத்தில் வெற்றி பெற்றது.

    இதன் மூலம் 3 போட்டிகள் கொண்ட டி20 தொடரை ஆஸ்திரேலியா 2-0 என்ற கணக்கில் கைப்பற்றியது. இரு அணிகளுக்கு இடையேயான கடைசி டி20 போட்டி வருகிற 13-ந் தேதி நடக்கிறது.

    • மேக்ஸ்வெல் சதம் அடித்து அசத்தினார். அவர் கடைசி வரை ஆட்டமிழக்காமல் 55 பந்துகளில் 120 ரன்கள் குவித்தார்.
    • டிம் டேவிட் 14 பந்துகளில் 31 ரன்கள் குவித்தார்.

    சிட்னி:

    ஆஸ்திரேலியா, வெஸ்ட் இண்டீஸ் அணிகளுக்கு இடையிலான 2-வது டி20 போட்டி இன்று நடைபெற்றது. இதில் டாஸ் வென்ற வெஸ்ட் இண்டீஸ் பந்துவீச்சை தேர்வு செய்தது.

    அதன்படி, ஆஸ்திரேலிய அணியின் தொடக்க ஆட்டக்காரர்களாக டேவிட் வார்னர் - இங்கிலீஸ் களமிறங்கினர். இங்கிலீஸ் 4 ரன்னில் ஆட்டமிழந்தார். அடுத்து வந்த மிட்செல் மார்ஷ் அதிரடியாக விளையாடி 29 ரன்னில் ஆட்டமிழந்தார். நிதானமாக விளையாடிய வார்னர் 22 ரன்னில் அவுட் ஆனார். ஸ்டோய்னிஸ் 16 ரன்களில் ஆட்டமிழந்தார்.

    இதனையடுத்து ருத்ர தாண்டவம் ஆடிய மேக்ஸ்வெல் சதம் அடித்து அசத்தினார். அவர் கடைசி வரை ஆட்டமிழக்காமல் 55 பந்துகளில் 120 ரன்கள் குவித்தார். டிம் டேவிட் 14 பந்துகளில் 31 ரன்கள் குவித்தார். இறுதியில் ஆஸ்திரேலிய அணி நிர்ணயிக்கப்பட்ட 20 ஓவரில் 4 விக்கெட்டுக்கு 240 ரன்கள் குவித்தது.

    வெஸ்ட் இண்டீஸ் சார்பில் ஹோல்டர் 2 விக்கெட்டும், அல்ஜாரி ஜோசப் 1 விக்கெட்டும் வீழ்த்தினர்.

    இதையடுத்து, 241 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் அணி விளையாடி வருகிறது.

    • முதலில் பேட் செய்த ஆஸ்திரேலியா 213 ரன்களைக் குவித்துள்ளது.
    • அடுத்து ஆடிய வெஸ்ட் இண்டீஸ் ரன்களில் 202 ரன்கள் மட்டுமே எடுத்தது.

    சிட்னி:

    ஆஸ்திரேலியா, வெஸ்ட் இண்டீஸ் அணிகளுக்கு இடையிலான முதல் டி20 போட்டி இன்று நடைபெற்றது. டாஸ் வென்ற வெஸ்ட் இண்டீஸ் பந்துவீச்சை தேர்வு செய்தது.

    அதன்படி, முதலில் ஆடிய ஆஸ்திரேலிய அணி நிர்ணயிக்கப்பட்ட 20 ஓவரில் 7 விக்கெட்டுக்கு 213 ரன்கள் குவித்துள்ளது. டேவிட் வார்னர் அதிரடியாக ஆடி 70 ரன்கள் குவித்தார். இங்கிலிஸ் 39 ரன்னும், டிம் டேவிட் 37 ரன்னும் எடுத்தனர்.

    வெஸ்ட் இண்டீஸ் சார்பில் ரசல் 3 விக்கெட்டும், அல்ஜாரி ஜோசப் 2 விக்கெட்டும் வீழ்த்தினர்.

    இதையடுத்து, 214 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் அணி களமிறங்கியது. தொடக்க ஆட்டக்காரர் பிராண்டன் கிங் பொறுப்புடன் ஆடி அரை சதமடித்து 53 ரன்னில் ஆட்டமிழந்தார். ஜான்சன் சார்லஸ் 43 ரன்னில் வெளியேறினார். முதல் விக்கெட்டுக்கு இந்த ஜோடி 89 ரன்கள் சேர்த்தது.

    அடுத்து வந்த வீரர்கள் நிலைத்து நின்று ஆடவில்லை. இதனால் சீரான இடைவெளியில் விக்கெட்டுகள் வீழ்ந்தன.

    இறுதியில், வெஸ்ட் இண்டீஸ் 202 ரன்கள் மட்டுமே எடுத்தது. இதன்மூலம் 11 ரன்கள் வித்தியாசத்தில் ஆஸ்திரேலியா வெற்றி பெற்று, டி20 தொடரில் 1-0 என முன்னிலை வகிக்கிறது.

    ஆஸ்திரேலியா சார்பில் ஆடம் ஜாம்பா 3 விக்கெட்டும், ஸ்டோய்னிஸ் 2 விக்கெட்டும் வீழ்த்தினர்.

    • முதல் டி20 போட்டியில் டாஸ் வென்ற வெஸ்ட் இண்டீஸ் பந்துவீச்சை தேர்வு செய்தது.
    • அதன்படி, முதலில் ஆடிய ஆஸ்திரேலியா 213 ரன்களைக் குவித்துள்ளது.

    சிட்னி:

    வெஸ்ட் இண்டீஸ் அணி ஆஸ்திரேலியாவில் சுற்றுப்பயணம் செய்து 2 டெஸ்ட், 3 ஒருநாள் மற்றும் 3 டி20 போட்டிகள் கொண்ட தொடரில் விளையாடி வருகிறது.

    முதல் டெஸ்டில் ஆஸ்திரேலியாவும், 2வது டெஸ்டில் வெஸ்ட் இண்டீஸ் அணியும் வெற்றி பெற்றன. அடுத்து நடந்த ஒருநாள் தொடரில் 3-0 என ஆஸ்திரேலியா அபார வெற்றி பெற்றது.

    இந்நிலையில், இரு அணிகளுக்கு இடையிலான முதல் டி20 போட்டி இன்று நடைபெற்றது. டாஸ் வென்ற வெஸ்ட் இண்டீஸ் பந்துவீச்சை தேர்வு செய்தது.

    அதன்படி, முதலில் ஆடிய ஆஸ்திரேலிய அணியின் தொடக்க ஆட்டக்காரர் டேவிட் வார்னர் அதிரடியாக ஆடினார். அவர் 36 பந்தில் ஒரு சிக்சர், 12 பவுண்டரி உள்பட 70 ரன்கள் குவித்து அவுட்டானார். இங்கிலிஸ் 39 ரன்னில் வெளியேறினார்.

    கடைசி கட்டத்தில் டிம் டேவிட், மேத்யூ வேட் ஜோடி அதிரடியாக ஆடி 50 ரன்களுக்கும் மேல் குவித்தது. டிம் டேவிட் 37 ரன்களுடன் ஆட்டமிழக்காமல் இருந்தார்.

    இறுதியில், ஆஸ்திரேலிய அணி நிர்ணயிக்கப்பட்ட 20 ஓவரில் 7 விக்கெட்டுக்கு 213 ரன்கள் குவித்துள்ளது.

    வெஸ்ட் இண்டீஸ் சார்பில் ரசல் 3 விக்கெட்டும், அல்ஜாரி ஜோசப் 2 விக்கெட்டும் வீழ்த்தினர்.

    இதையடுத்து, 214 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் அணி களமிறங்குகிறது.

    • 3 போட்டிகள் கொண்ட தொடரை 3-0 என ஆஸ்திரேலியா கைப்பற்றியது.
    • இன்று நடந்த கடைசி ஒருநாள் போட்டியில் ஆஸ்திரேலியா 8 விக்கெட் வித்தியாசத்தில் வெற்றி பெற்றது.

    வெஸ்ட் இண்டீஸ்- ஆஸ்திரேலியா அணிகள் இடையிலான 3 போட்டிகள் கொண்ட ஒருநாள் தொடரில் விளையாடியது. முதல் 2 போட்டிகளில் ஆஸ்திரேலியா வெற்றி பெற்று தொடரை கைப்பற்றியது.

    இந்த நிலையில் இவ்விரு அணிகள் இடையிலான 3-வது மற்றும் கடைசி ஒருநாள் போட்டி இன்று நடைபெற்றது. இதில் டாஸ் வென்ற ஆஸ்திரேலியா அணி முதலில் பந்துவீசுவதாக அறிவித்தது.

    அதன்படி முதலில் பேட்டிங் செய்த வெஸ்ட் இண்டீஸ் அணி, ஆஸ்திரேலியா அணியின் பந்து வீச்சை தாக்கு பிடிக்க முடியாமல் 24.1 ஓவரில் 86 ரன்களில் ஆல் அவுட் ஆனது. ஆஸ்திரேலியா தரப்பில் சேவியர் பார்ட்லெட் 4 விக்கெட்டுகள் வீழ்த்தினார்.

    இதனையடுத்து 87 என்ற எளிய இலக்குடன் ஆஸ்திரேலிய களமிறங்கியது. தொடக்கம் முதலே அதிரடி காட்டிய ஆஸ்திரேலியா 6.5 ஓவரில் 87 ரன்கள் எடுத்து 8 விக்கெட் வித்தியாசத்தில் வெற்றி பெற்றது. அதிகபட்சமாக ஜேக் ஃப்ரேசர்-மெக்குர்க் 18 பந்துகளில் 41 ரன்கள் எடுத்தார்.

    இந்த வெற்றியின் மூலம் 3 போட்டிகள் கொண்ட ஒருநாள் தொடரை ஆஸ்திரேலியா 3-0 என்ற கணக்கில் கைப்பற்றியது.

    • இந்திய அணி 1055 ஒருநாள் போட்டியில் விளையாடி உள்ளது.
    • பாகிஸ்தான் 970 ஒருநாள் போட்டியில் விளையாடி 3-வது இடத்தில் உள்ளது.

    கான்பெரா:

    ஆஸ்திரேலியா கிரிக்கெட் அணி இன்று 1000-வது ஒருநாள் போட்டியில் விளையாடி சாதனை படைத்தது. வெஸ்ட் இண்டீசுக்கு எதிராக இன்று நடந்த 3-வது ஒருநாள் ஆட்டம் அந்த அணியின் 1000-வது ஒருநாள் போட்டியாகும். ஆயிரம் போட்டியில் விளையாடிய 2-வது நாடு ஆஸ்திரேலியாவாகும். இந்திய அணி 1055 ஒருநாள் போட்டியில் விளையாடி உள்ளது. பாகிஸ்தான் 970 ஒருநாள் போட்டியில் விளையாடி 3-வது இடத்தில் உள்ளது.

    கான்பெராவில் நடந்த 3-வது ஒருநாள் போட்டியில் முதலில் ஆடிய வெஸ்ட் இண்டீஸ் 24.1 ஓவரில் 86 ரன்னில் சுருண்டது. 87 ரன் எடுத்தால் வெற்றி என்ற இலக்குடன் ஆஸ்திரேலியா ஆடியது.

    • ஸ்டீவ் ஸ்மித்- க்ரீன் ஜோடி சிறப்பான ஆட்டத்தை வெளிப்படுத்தி அரை சதம் அடித்தனர்.
    • இறுதியில் ஆஸ்திரேலிய அணி 38.3 ஓவரில் 2 விக்கெட்டுகளை மட்டும் இழந்து 8 விக்கெட் வித்தியாசத்தில் வெற்றி பெற்றது.

    மெல்போர்ன்:

    வெஸ்ட்இண்டீஸ் கிரிக்கெட் அணி ஆஸ்திரேலியாவில் சுற்றுப்பயணம் செய்து விளையாடி வருகிறது. இரு அணிகள் மூன்று ஆட்டம் கொண்ட ஒருநாள் போட்டி தொடரில் விளையாடுகின்றன. இதில் முதல் ஒருநாள் போட்டி இன்று காலை மெல்போர்ன் நகரில் தொடங்கியது. டாஸ் ஜெயித்த ஆஸ்திரேலியா பந்து வீச்சை தேர்வு செய்தது.

    ஆஸ்திரேலிய வேகப்பந்து வீரர் பர்ட்லெட் பந்து வீச்சில் வெஸ்ட்இண்டீஸ் திணறியது. அவரது பந்தில் அத்தானாஸ் (5 ரன்), கிரீவ்ஸ் (1), கேப்டன் ஷாய்ஹோப் (12) ஹாட்ஜ் (11), ஆகியோர் அவுட் ஆனார்கள். இதனால் வெஸ்ட்இண்டீஸ் அணி 59 ரன்னுக்கு 4 விக்கெட்டை இழந்து திணறியது.

    இதனையடுத்து ரோஸ்டன் சேஸ்- கீசி கார்டி ஜோடி சிறப்பான ஆட்டத்தை வெளிப்படுத்தி ரன்களை குவித்தனர். இருவரும் அரை சதம் விளாசினார். இந்த ஜோடி 5-வது விக்கெட்டுக்கு 100 ரன்கள் பார்ட்னர்ஷிப் அமைத்து கொடுத்தது. ரோஸ்டன் சேஸ் 59 ரன்னிலும் கீசி கார்டி 88 ரன்களிலும் ஆட்டமிழந்தனர்.

    அடுத்த வந்த வீரர்கள் சொற்ப ரன்னில் வெளியேற வெஸ்ட் இண்டீஸ் அணி 48.4 ஓவரில் அனைத்து விக்கெட்டுகளையும் இழந்து 231 ரன்கள் எடுத்தது. இதை தொடர்ந்து களமிறங்கிய ஆஸ்திரேலிய அணியின் தொடக்க வீரர் 4 ரன்னில் அவுட் ஆனார். அதிரடியாக விளையாடிய இங்கிலிஸ் 65 ரன்கள் எடுத்து ஆட்டமிழந்தார்.

    இதனையடுத்து ஸ்டீவ் ஸ்மித்- க்ரீன் ஜோடி சிறப்பான ஆட்டத்தை வெளிப்படுத்தி அரை சதம் அடித்தனர். இறுதியில் ஆஸ்திரேலிய அணி 38.3 ஓவரில் 2 விக்கெட்டுகளை மட்டும் இழந்து 8 விக்கெட் வித்தியாசத்தில் வெற்றி பெற்றது.

    இதனால் 3 போட்டிகள் கொண்ட ஒருநாள் தொடரில் ஆஸ்திரேலியா 1-0 என்ற கணக்கில் முன்னிலை பெற்றது. இரு அணிகளுக்கும் இடையேயான 2-வது ஒருநாள் போட்டி 4-ந் தேதி நடக்கிறது.

    • வெஸ்ட் இண்டீஸ் அணி 27 ஆண்டுகளுக்குப்பிறகு ஆஸ்திரேலிய மண்ணில் சாதனை படைத்து உள்ளது.
    • இந்த வெற்றிக்கு இளம் வேகப்புயல் ஷமர் ஜோசப் காரணமாக அமைந்துள்ளார்.

    கபா டெஸ்ட் போட்டியில் 7 விக்கெட்டுகளை வீழ்த்தி வெஸ்ட் இண்டீஸ் அணி 27 ஆண்டுகளுக்குப்பிறகு ஆஸ்திரேலிய மண்ணில் சாதனை படைத்து உள்ளது. இந்த வெற்றிக்கு இளம் வேகப்புயல் ஷமர் ஜோசப் காரணமாக அமைந்துள்ளார்.

    ஆஸ்திரேலியா மற்றும் வெஸ்ட் இண்டீஸ் அணிகளுக்கு இடையே 2-வது டெஸ்ட் போட்டி ஆஸ்திரேலியா நாட்டின் கபாவில் நடந்தது. இந்த போட்டியில் வெஸ்ட் இண்டீஸ் வீரர் ஷமர்ஜோசப் முழு பலத்தையும் பந்து வீச்சில் காண்பித்து 12 ஓவர்களை வீசி 7 விக்கெட்டுகளை வீழ்த்தினார். இதற்கு முந்தையநாள் ஆட்டத்தில் ஆஸ்திரேலிய அணியின் ஸ்டார்க் வீசிய பந்தில் ஷமர் ஜோசப் காலில் காயம் ஏற்பட்டது. இதனால் அவர் கண்ணீர் சிந்தியபடியே மைதானத்தை விட்டு வெளியேறினார். ஆனாலும், அடுத்த நாளில் அசாத்திய பந்துவீச்சால் ஆஸ்திரேலியாவை வீழ்த்தி வெஸ்ட் இண்டீஸ் வரலாற்று வெற்றி பெற காரணமாக அமைந்துள்ளார் ஷமர் ஜோசப். யார் இந்த ஷமர் ஜோசப் என்று தெரிந்துகொள்ளும் ஆர்வம் ஏற்படுகிறதல்லவா.

    கண்டிப்பாக ஏற்படும், ஷமர் ஜோசப்பின் வாழ்க்கை வரலாறு பெரும் வியப்பை தரும்.

    வெஸ்ட் இண்டீஸ் நாட்டில் கரீபியனில் உள்ள பராகரா என்ற கிராமத்தைச் சேர்ந்தவர் ஷமர் ஜோசப் (வயது 24). இவரது கிராமத்தில் மொத்தம் 350 பேர் வசித்து வருகின்றனர். கூலித் தொழிலாளியாக வாழ்க்கையை தொடங்கிய ஷமர் ஜோசப், தினமும் 12 மணி நேரம் பணிபுரியும் காவலாளியாக வேலை பார்த்தார்.

    கிரிக்கெட்டில் தீவிர ஆர்வம் கொண்ட ஷமர் ஜோசப் வெஸ்ட் இண்டீஸ் கிரிக்கெட் அணியில் சேர்ந்தார். உள்ளூர் போட்டிகளில் சிறப்பான பங்களிப்பை அளித்ததன் மூலம், மிகவும் எதிர்பார்க்கப்பட்டவர் கபா டெஸ்டில் ஆஸ்திரேலிய அணிக்கு சிம்ம சொப்பனமாக திகழ்ந்தார். ஆம், கபா டெஸ்ட் போட்டியில் வெஸ்ட் இண்டீஸ் அணி வரலாற்று சாதனை புரிய இவரே காரணம். 27 ஆண்டுகளாக ஆஸ்திரேலியாவை டெஸ்டில் வீழ்த்தியதே இல்லை, அதிலும் ஆஸ்திரேலியாவை அதன் சொந்த மண்ணில் வைத்து வெல்வது எளிதான காரியம் அன்று.

    காரணம், அவர்களது மண்ணில் ஆஸ்திரேலியாவின் பலம் இரட்டிப்பாகும் என்பது தெரிந்த கதைதான். அப்படி இருந்தும், தனது அசாத்திய திறமையால், அறிமுகத் தொடரில் 2-வது இன்னிங்ஸில் 7 விக்கெட்டுகள் வீழ்த்தி வெஸ்ட் இண்டீஸ் வரலாற்று வெற்றியை பெற ஷமர் ஜோசப் மிக முக்கிய காரணமாக திகழ்ந்தார்.

    ×