சபரிமலை கோவிலை சுற்றி 18 மலைகளும், அங்கு 18 தெய்வங்களும் உள்ளன. அந்த மலைகள் சபரிமலை, பொன்னம்பலமேடு, கவுண்டன்மலை, நாகமலை, சுந்தரமலை, மயிலாடும்மேடு, ஸ்ரீபாதமலை, சிற்றம்பலமேடு, கர்கிமலை, மதாங்கமலை, தேவர்மலை, நிலைக்கல்மலை, தலப்பாறமலை, நீலிமலை, இஞ்சிப்பாறை மலை, காள கெட்டிமலை, கரிமலை, பூதுச்சேரிமலை ஆகியவை ஆகும்.
18 மலைகளின் நடுவில் 148.48 மீட்டர் உயரத்தில் சபரிமலை உள்ளது. இங்கு கிழக்கு முகதரிசனமாக சுவாமி ஐயப்பன் அமர்ந்துள்ளார். 18 மலை நாயகனுக்கு உகந்தது 18 படிகள். இந்த படிகள் 18 வகை புராணங்களை தெரிவிக்கிறது. இருமுடிகட்டி வரும் ஐயப்ப பக்தர்கள் மட்டுமே தங்கத்தகடு வேய்ந்த 18-ம் படியில் ஏறஅனுமதிக்கப்படுவார்கள். நெய் அபிஷேகம் கண்டு சுவாமியை வணங்கி 18-ம் படி ஏறுவதன் மூலம் ஐயப்ப பக்தர்களின் விரதம் பூரணம் அடைகிறது.
