மேட்டூர் அணை நீர்மட்டம் 112.18 அடியை எட்டியது

சேலம்:

காவிரி நீர்ப்பிடிப்பு பகுதிகளில் பெய்து வரும் தொடர் மழை காரணமாக மேட்டூர் அணைக்கு நீர்வரத்து அதிகரித்து காணப்படுகிறது. அணைக்கு நேற்று வினாடிக்கு 4070 கனஅடியாக இருந்த நீர்வரத்து இன்று வினாடிக்கு 4927 கனஅடியாக அதிகரித்துள்ளது. இதன் காரணமாக அணையின் நீர்மட்டம் 112.18 அடியை எட்டியுள்ளது.

அணையில் இருந்து குடிநீர் தேவைக்காக வினாடிக்கு 1000 கனஅடி தண்ணீர் திறந்து விடப்பட்டு வருகிறது. தற்போது அணையில் 81.54 டி.எம்.சி. தண்ணீர் இருப்பு உள்ளது.