சேலம் வழியாக செல்லும் நாகர்கோவில்-மும்பை ரெயில் இயக்கத்தில் திடீர் மாற்றம்

சேலம்:

சேலம் ரெயில்வே கோட்டம் சார்பில் வெளியிட்டுள்ள செய்திக்குறிப்பில் கூறி இருப்பதாவது:-

நாகர்கோவில் ரெயில் நிலையத்தில் இருந்து இன்று புறப்படும் நாகர்கோவில்-மும்பை எக்ஸ்பிரஸ் ரெயில் கரூர், நாமக்கல், சேலம், திருப்பத்தூர் வழியாக புனே ஜங்சன் வரை மட்டுமே இயக்கப்படும்.

பொறியியல் பணியால் புனே முதல் மும்பை வரையிலான ரெயில் சேவை ரத்து செய்யப்படுகிறது. ஜூன் 1-ந்தேதி மும்பையில் இருந்து புறப்பட வேண்டிய மும்பை-நாகர்கோவில் எக்ஸ்பிரஸ் ரெயில் புனே ஜங்சனில் இருந்து புறப்பட்டு சேலம் வழியாக நகார்கோவிலை சென்றடையும். இதனால் மும்பை முதல் புனே வரையிலான ரெயில் சேவை ரத்து செய்யப்படுகிறது.

இவ்வாறு அதில் கூறப்பட்டுள்ளது.