தமிழக முதல்வரின் சிறப்பு கால்நடை சுகாதார விழிப்புணர்வு முகாம்

கிருஷ்ணகிரி,

கிருஷ்ணகிரி மாவட்டம் பர்கூர் ஒன்றியம் வரட்டனப்பள்ளி ஊராட்சிக்குட்பட்ட கீழ்பூங்குருத்தி

கிராமத்தில் கால்நடை பராமரிப்புத்துறை சார்பாக, தமிழக முதல்வரின் சிறப்பு கால்நடை சுகாதார மற்றும் விழிப்புணர்வு முகாம் நடந்தது. இந்த முகாமினை கலெக்டர் ஜெயசந்திரபானு ரெட்டி தலைமை தாங்கி, தொடங்கி வைத்து, சிறப்பாக வளர்க்கப்பட்ட கால்நடை உரிமையாளர்

13பயனாளிகளுக்கு கேடயம் ம்றறும் பரிசுகளை வழங்கி பேசினார்.அப்போது அவர் கூறியதாவது:-

கிருஷ்ணகிரி மாவட்டத்தில் கால்நடை பராமரிப்புத்துறை சார்பாக சிறப்பு கால்நடை சுகாதார மற்றும் விழிப்புணர்வு முகாம்கள் ஒரு முகாமிற்கு ரூ.10 ஆயிரம் வீதம், ரூ.20 லட்சம் நிதி ஒதுக்கீட்டில் ஒரு ஊராட்சி ஒன்றியத்திற்கு 20 முகாம்கள் வீதம் 200 முகாம்கள் நடத்தப்படவுள்ளது.

இம்முகாமில் 200 மாடுகள், 350 ஆடுகள், 200 கோழிகளுக்கு தடுப்பூசி, குடற்புழு நீக்கம் மற்றும் சிகிச்சை அளிக்கப்படுகிறது. 100 மாடுகளுக்கு தாது உப்பு வழங்கப்படுகிறது. எனவே, கிருஷ்ணகிரி மாவட்டத்தில் உள்ள கால்நடை வளர்ப்போர் இம்முகாம்கள் மூலம் தங்களது கால்நடைகளுக்கு தடுப்பூசி, குடற்புழு நீக்கம் மற்றும் சிகிச்சைகளை பெற்றுக்கொள்ளுமாறு கேட்டுக்கொள்கிறேன். இவ்வாறு அவர் கூறினார்.

இம்முகாமில், கால்நடை பராமரிப்புத்துறை மண்டல இணை இயக்குநர் டாக்டர்.ராஜேந்திரன், ஆவின் பொது மேலாளர் டாக்டர்.வசந்த்குமார், துணை பொதுமேலாளர் டாக்டர்.நாகராஜ், ஆவின் துணைப்பதிவாளர் கோபி, உதவி இயக்குநர்கள் டாக்டர்.மரியசுந்தர், டாக்டர்.அருள்ராஜ், தாசில்தார் பன்னீர்செல்வி, கால்நடை உதவி மருத்துவர்கள் திருமுருகன், வேலன், ரோஜா, பிரேம்குமார், வட்டார வளர்ச்சி அலுவலர்கள் சுப்பிரமணி, வெங்கட்ராமகணேஷ், ஊராட்சி மன்ற துணைத் தலைவர் சேட்டு, ஊராட்சி மன்ற உறுப்பினர்கள் முருகேசன், கால்நடை ஆய்வாளர் சிவநேசன், சின்னசாமி, யூனஸ், கால்நடை பராமரிப்பு உதவியாளர்கள் நாகேஷ், முனிராஜ் மற்றும் கால்நடை விவசாயிகள் கலந்துகொண்டனர்.