சேலம்:
தமிழக அரசு 2,748 கிராம உதவியாளர் பணியிடங்களுக்கான அறிவிப்பு வெளியிட்டு உள்ளது. இதில் சேலம் மாவட்டத்தில் தாலுகா வாரியாக காலியாக உள்ள பணியிடங்கள் எண்ணிக்கை அறிவிக்கப்பட்டு உள்ளன. அதில் எடப்பாடி-2, கெங்கவல்லி-2, காடையாம்பட்டி-3, மேட்டூர்-12, ஓமலூர் -8, பெத்தநாயக்கன் பாளையம்-11, சேலம்-15, சேலம் தெற்கு-28, சேலம் மேற்கு-8, சங்ககிரி-7, தலைவாசல்-5, வாழப்பாடி-12, ஏற்காடு-6 ஆகிய பணியிடங்கள் ஒதுக்கப்பட்டு உள்ளது.
இந்த பணியிடங்கள் எழுத்து தேர்வு மற்றும் நேர்முக தேர்வு ஆகியவற்றின் அடிப்படையில் நேரடி நியமனம் செய்யப்படுகிறது. https://cra.tn.gov.in என்ற இணையதளம் வாயிலாக வருகிற 7-ந் தேதி மாலை 5.45 மணி வரை விண்ணப்பம் அனுப்பி வைக்கலாம். விண்ணப்பதாரர்கள் தேர்வு முறை மற்றும் இதர விவரங்களை சேலம் மாவட்ட நிர்வாக இணையதள முகவரியில் தெரிந்து கொள்ளலாம்.