நைஜீரியாவின் போனி தீவு அருகே கடந்த ஏப்ரல் மாதம் 19ம் தேதி ‘எம்டி அபகஸ்’ என்ற கப்பலை கடற்கொள்ளையர்கள் கடத்தினர். அதில் இருந்த 5 இந்திய மாலுமிகளை கரைக்கு அழைத்துச் சென்று சிறைவைத்தனர். அவர்களை மீட்கும் நடவடிக்கையில் இந்திய கப்பல் துறை அமைச்சகம் இறங்கியது.
நைஜீரியாவில் உள்ள இந்திய தூதரகத்துடன் இணைந்து மேற்கொள்ளப்பட்ட முயற்சி காரணமாக, 5 மாலுமிகளும் கடந்த 27-ம் தேதி விடுவிக்கப்பட்டனர். அவர்களை இந்தியாவிற்கு அழைத்து வருவதற்கான ஏற்பாடுகள் நடந்து வருகிறது.