ரிலீசுக்கு ரெடி - எதிர்பார்ப்பை பூர்த்தி செய்யுமா லால் சலாம்?

ஐஸ்வர்யா ரஜினிகாந்த் இயக்கத்தில் உருவாகி இருக்கும் புதிய படம் லால் சலாம். விஷ்ணு விஷால், விக்ராந்த் இணைந்து நடித்துள்ள லால் சலாம் படத்தில் ரஜினிகாந்த் மற்றும் முன்னாள் இந்திய அணி கேப்டன் கபில் தேவ் சிறப்பு தோற்றத்தில் நடித்துள்ளனர்.

கிரிக்கெட்டை மையமாக வைத்து உருவாகி இருக்கும் லால் சலாம் படத்திற்கு ஏ.ஆர். ரகுமான் இசையமைத்துள்ளார். இந்த படத்தில் ரஜினியின் அதிரடி சண்டை காட்சிகளும் இடம்பெற்றுள்ளன. லால் சலாம் படம் உலகம் முழுக்க நாளை திரையரங்குகளில் வெளியாகிறது.

வெளியீட்டை ஒட்டி இந்த படத்தின் அன்பாளனே பாடலின் லிரிக் வீடியோவை படக்குழு வெளியிட்டது. இந்த பாடலை தேவா மற்றும் தீப்தி சுரேஷ் பாடியுள்ளனர்.