என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
இது புதுசு
அசத்தலாக அறிமுகம் செய்யப்பட்ட சுசுகி வி ஸ்டாம் 800DE ரேலி எடிஷன்
- புதிய ரேலி எடிஷன் மாடலில் ஏராளமான அப்கிரேடுகள் செய்யப்பட்டு, ஆஃப் ரோடர் மாடலாக வெளிப்படுகிறது.
- புதிய வி ஸ்டாம் 800DE ரேலி எடிஷன் மாடலிலும் 776சிசி பேரலல் டுவின் என்ஜின் வழங்கப்பட்டு இருக்கிறது.
சுசுகி நிறுவனத்தின் மிகவும் பிரபலமான அட்வென்ச்சர் மோட்டார்சைக்கிள் வி ஸ்டாம் சீரிஸ் ஆகும். உள்நாடு மற்றும் பல்வேறு சர்வதேச சந்தைகளில் வி ஸ்டாம் சீரிஸ் விற்பனையில் அமோக வரவேற்பை பெற்று வருகிறது. அந்த வகையில் சுசுகி வி ஸ்டாம் 800DE ரேலி எடிஷன் மாடல் சர்வதேச சந்தையில் விற்பனைக்கு அறிமுகம் செய்யப்பட்டு இருக்கிறது.
ரேலி எடிஷன் மாடலில் ஏராளமான அப்கிரேடுகள் செய்யப்பட்டு, ஆஃப் ரோடர் மாடலாக வெளிப்படுகிறது. டிசைன் அடிப்படையில், புதிய ரேலி எடிஷனில் எவ்வித மாற்றமும் மேற்கொள்ளப்படவில்லை. எனினும், ரேலி சார்ந்த கிராஃபிக்ஸ் பைக்கிற்கு அசத்தல் தோற்றத்தை கொடுக்கிறது. இதன் கிட்-இல் ஹேன்ட்கார்டுகள், கிராஷ் கார்டுகள் கூடுதல் பாதுகாப்பை வழங்குகிறது.
இத்துடன் ஆஃப்ரோடு சார்ந்த ப்ரிட்ஜ்-ஸ்டோன் AX41 ரக டயர்கள் வழங்கப்பட்டு உள்ளன. இவை அதிக சகதி உள்ள பகுதிகளிலும் சிறப்பான கண்ட்ரோல் வழங்குவதை உறுதிப்படுத்துகிறது. புதிய வி ஸ்டாம் 800DE ரேலி எடிஷன் மாடலிலும் 776சிசி பேரலல் டுவின் என்ஜின் வழங்கப்பட்டு இருக்கிறது.
இந்த என்ஜின் 84 ஹெச்பி பவர், 78 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த மாடலில் முழுமையாக அட்ஜஸ்ட் செய்யும் வசதி கொண்ட USD முன்புற ஃபோர்க்குகள், பின்புறம் பிரீலோடு - ரிபவுன்ட் அட்ஜஸ்ட்மென்ட் கொண்ட மோனோஷாக் யூனிட் வழங்கப்பட்டுள்ளது.
சுசுகி மோட்டார்சைக்கிள் நிறுவனம் முந்தைய தலைமுறை வி ஸ்டாம் 650 மற்றும் வி ஸ்டாம் 1000 மாடல்களை இந்திய சந்தையில் விற்பனை செய்திருக்கிறது. புதிய வி ஸ்டாம் 800DE மாடல் இந்திய சந்தையில் டெஸ்டிங் செய்யப்படும் புகைப்படங்களும் வெளியாகி உள்ளன. அந்த வகையில் இந்த மாடல் இந்தியாவிலும் அறிமுகம் செய்யப்படும் என்று எதிர்பார்க்கலாம்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்