மேட்ரிட் ஓபன் டென்னிஸ் தொடர் ஸ்பெயினில் நடைபெற்று வருகிறது. இதில் முன்னணி வீரர், வீராங்கனைகள் பங்கேற்று விளையாடி வருகின்றனர். முன்னணி வீராங்கனைகள் நேரடியாக 2வது சுற்றுக்கு தகுதி பெற்றுள்ளனர்.
இந்நிலையில், நேற்று நடந்த பெண்கள் பிரிவு 2வது சுற்றில் நம்பர் 1 வீராங்கனையான பெலாரசின் அரினா சபலென்கா, அமெரிக்காவின் பெய்டன் ஸ்டீயர்ன்ஸ் உடன் மோதினார்.
இதில் சிறப்பாக விளையாடிய சபலென்கா 7-5, 6-3 என்ற செட் கணக்கில் வென்று 3வது சுற்றுக்கு முன்னேறினார்.
மற்றொரு போட்டியில் போலந்தின் இகா ஸ்வியாடெக் 6-1, 6-2 என்ற செட் கணக்கில் உக்ரைனின் டாரியா ஸ்னைகூரை வீழ்த்தி அடுத்த சுற்றுக்கு முன்னேறினார்.
