தமிழ்நாடு பிரிமீயர் லீக் தொடரின் குவாலிபையர்-1 சென்னை சேப்பாக்கம் மைதானத்தில் நடைபெற்று வருகிறது. இதில் லீக் ஆட்டங்கள் முடிவில் முதல் இரண்டு இடங்கள் பிடித்த தூத்துக்குடி பேட்ரியாட்ஸ் - சேப்பாக் சூப்பர் கில்லீஸ் அணிகள் பலப்ரீட்சை நடத்தி வருகின்றன.
டாஸ் வென்ற சேப்பாக் சூப்பர் கில்லீஸ் அணி பேட்டிங் தேர்வு செய்தது. அதன்படி கோபிநாத், தலைவன் சற்குணம் ஆகியோர் தொடக்க வீரர்களாக களம் இறங்கினார்கள். 2-வது ஓவரை அதியசராஜ் டேவிட்சன் வீசினார். இந்த ஓவரின் கடைசி பந்தில் 1 ரன்கள் எடுத்த நிலையில் கோபிநாத் ஆட்டம் இழந்தார். 4-வது ஓவரை அதிசயராஜ் வீசினார். இந்த ஓவரின் முதல் பந்தில் தலைவன் சற்குணம் ஆட்டம் இழந்தார். முதல் இரண்டு விக்கெட்டுக்களை அடுத்தடுத்து இழந்ததால் சேப்பாக சூப்பர் கில்லீஸ் அணி ரன்கள் குவிக்க திணறியது.
3-வது வீரராக களம் இறங்கிய விக்கெட் கீப்பர் கார்த்திக் 26 பந்தில் 33 ரன்கள் குவிக்க, அடுத்து வந்த சத்தியமூர்த்தி சரவணன் 7 ரன்னிலும், சசிதேவ் 2 ரன்னிலும் ஆட்டமிழந்தனர்.
ஆல்ரவுண்டர் அந்தோணி தாஸ் அதிரடியாக விளையாடிக் கொண்டிருந்தார். அந்த வேளையில் மீண்டும் அதிசயராஜ் பந்து வீச அழைக்கப்பட்டார். 17 பந்தில் ஒரு பவுண்டரி, 2 சிக்சருடன் 27 ரன்கள் குவித்திருந்த அந்தோணி தாஸை வீழ்த்திய அதிசயராஜ், அடுத்து வந்த சதீஷ் 2 ரன்னிலும் ஆட்டமிழக்கச் செய்தார். நான்கு விக்கெட்டுக்கள் வீழ்த்தி சேப்பாக் சூப்பர் கில்லீஸ் அணியின் ரன்வேட்டைக்கு ஒரேயடியாக முட்டுக்கட்டை போட்டார்.
இறுதியாக வந்த யோ மகேஷ் 9 ரன்னிலும், சாய் கிஷோர் 1 ரன்னிலும், அலெக்சாண்டர் ரன் ஏதும் எடுக்காமலும் அவுட்டாக சேப்பாக் சூப்பர் கில்லீஸ் அணி சரியாக 20 ஓவரில் 114 ரன்கள் எடுத்து ஆல்அவுட் ஆனது.
பின்னர் 115 ரன்கள் எடுத்தால் வெற்றி என்ற இலக்குடன் தூத்துக்குடி பேட்ரியாட்ஸ் அணி பேட்டிங் செய்து வருகிறது.