முதல் முறையாக ஒரு குப்பை கதை படத்தின் மூலம் நடிகராக அறிமுகமாகிறார் நடன இயக்குநர் தினேஷ் . நல்ல கதைக்கு `ஒரு குப்பை கதை’ எனப் பெயரிட்டு களமிறங்கியுள்ளனர் . ஆரம்பத்தில் என்ன குப்பை கதையா? என முகம் சுழித்தவர்கள் பின் கதையைக் காது கொடுத்துக் கேட்டவுடன் இந்த தலைப்பே சரி என சர்டிஃபிகேட் கொடுத்துள்ளனர்.
படம் குறித்து தயாரிப்பாளர் அஸ்லமிடம் கேட்டபோது, படத்தை உதயநிதி ஸ்டாலினிடம் காண்பித்தோம், படம் அடித்தட்டு மக்களின் பிரச்சனையைப் பேசுகிறது. இக்காலகட்டத்தில் இது போன்ற படம் அவசியம் எனக் குறிப்பிட்டவர், டான்ஸ் மாஸ்டர் தினேஷ் -க்குள் ஒரு மிகச் சிறந்த நடிகன் ஒளிந்திருப்பதை, தான் படம் பார்த்தபோது உணர்ந்ததாக மனம் திறந்து பாராட்டினார். அவரே தன்னுடைய நிறுவனமான ரெட் ஜெயண்ட் மூவிஸ் சார்பில் 'ஒரு குப்பை கதை' படத்தை வெளியிட சம்மதமும் தெரிவித்துள்ளார்.