‘ஜீன்ஸ் பேண்ட்’ நிறம் மாறாமல் இருக்க... என்ன செய்யலாம்?
ஜீன்ஸ் வெளுத்துப் போகாமல் இருக்க வேண்டுமானால், ஜீன்ஸைத் துவைக்கும் போது உட்பகுதியை வெளிப்புறமாக திருப்பி விட்டு துவைக்க வேண்டும். இதனால் ஜீன்ஸ் சாயம் போகாது.
சில நேரங்களில் ஜீன்ஸைத் துவைக்கும் போது, அதன் வடிவம் மாறி, தரம் குறைய வாய்ப்புள்ளது. இதனைத் தடுக்க, ஜீன்ஸைத் துவைக்கும் போது அதன் பட்டன் மற்றும் ஜிப் ஆகியவற்றை மூடி விட்டு துவைக்க வேண்டும்.
ஜீன்ஸைத் துவைக்கும் போது, ஜீன்ஸ் பாக்கெட்டுகளில் ஏதேனும் பொருட்கள் உள்ளதா என்பதை ஒரு முறைக்கு இருமுறை சரிபார்த்துக் கொள்ள வேண்டும்.
பாக்கெட்டில் ஏதேனும் காகிதம் போன்ற பொருட்கள் இருந்து அதை அப்படியே துவைத்தால், அந்த காகிதம் கரைந்து, ஜீன்ஸின் தரம், நிறம் பாதிக்க வாய்ப்புள்ளது.
ஜீன்ஸின் நிறம் மாறாமல் இருக்க வேண்டுமெனில் ‘ப்ளீச்’ செய்ய கூடாது. சிலர் சிறிய கறைகள் ஏதேனும் இருந்தாலும் அதை நீக்க ப்ளீச்சிங் செய்வார்கள்.
மேலும் ‘ப்ளீச்’ செய்வதால் ஜீன்ஸின் நூலிழை பாதிக்கப்படுவதுடன், ஜீன்ஸ் குறைந்த நாட்களிலேயே பழையது போன்று மாறிவிடும்.
ஜீன்ஸ் பேண்டை துவைத்த பின் அதனை வெயிலில் உலர்த்தும் போது, சூரிய ஒளி நேரடியாக ஜீன்ஸின் வெளிப்புறம் படாதவாறு, ஜீன்சின் உட்புறத்தை வெளிப்புறம் திருப்பிப் போட்டு உலர்த்தலாம்.
நேரடியாக சூரிய ஒளி ஜீன்சின் வெளிப்புறத்தில் படும் போது நிறம் மங்கி விடுவதுடன், நூலிழை பாதிக்கப்பட்டு விரைவில் ஜீன்ஸ் பழையது போன்று மாற வாய்ப்புள்ளது.