வாஸ்து மற்றும் பெங் சுயி என்னும் சீன சாஸ்திரம் ஆகியவற்றுடன் நெருங்கிய தொடர்புடையது மூங்கில் செடி. செல்வ வளம், ஆரோக்கியம் ஆகியவற்றை தரக்கூடியதாகும்.
பொதுவாக மூங்கில் செடி அதிர்ஷ்டத்தின் அடையாளமாக பார்க்கப்பட்டாலும், இது வைக்கப்படும் எண்ணிக்கைக்கு ஏற்ப பலன்கள் மாறுபடும்.
5 என்ற எண்ணிக்கையில் வைப்பதால் செல்வமும், 6 வைத்தால் அதிர்ஷ்டமும், 7 வைத்தால் ஆரோக்கியமும், 21 வைத்தால் அளவில்லாத திடீர் அதிர்ஷ்டம் மற்றும் ஆரோக்கியத்தையும் தரும்.
அதிர்ஷ்டத்தை தருவதுடன் காற்றில் உள்ள மாசுக்களை சுத்தப்படுத்தும் தன்மையும் மூங்கிலுக்கு உண்டு.
ரப்பர் செடி
ரப்பர் செடியின் இலைகள் நீள்வட்டவடிவமாக இருக்கும். பொதுவாக நுனிப்பாகம் கூர்மையாக இல்லாமல் வட்டமாக இருக்கும் இலைகளைக் கொண்ட செடிகளை வீட்டில் வைப்பது செல்வத்தை ஈர்க்கும் அடையாளமாக கருதப்படுகிறது.
வீட்டிற்கு அதிகப்படியான அதிர்ஷ்டத்தை தரும்.ரப்பர் செடிக்கு இயற்கையாகவே காற்றை சுத்தப்படுத்தி, சுத்தமான காற்றை வெளியிடும் தன்மை இருப்பதால் அது வீட்டில் நிம்மதியான சூழலை உருவாக்கும்.
யூகலிப்டஸ்
யூகலிப்டஸ் செடிகள் உலகம் முழுவதும் மருந்தாக பயன்படுத்தப்படுகிறது. யூகலிப்டஸ் எண்ணெய் மற்றும் இலைகள் வலிகளை குணப்படுத்தும் தன்மை கொண்டவை.
வீட்டில் அமைதியான சூழல் ஏற்படும். பாசிட்டிவ் எனர்ஜியை அதிகரிக்கச் செய்யும்.
சாமந்திப்பூ
மஞ்சள் சாமந்திப்பூ மலர்கள் நம்பிக்கை மற்றும் அதிர்ஷ்டத்தின் அடையாளம். இந்த அதிர்ஷ்ட மலர்கள் வீட்டில் இருந்தால் நல்ல அதிர்வலைகளை ஏற்படுத்துவதுடன், வீட்டில் மகிழ்ச்சியையும் உண்டாக்கும்.
வீட்டின் முன் வாசலுக்கு அருகில் சாமந்திப்பூ செடியை நட்டு வளர்ப்பது அதிர்ஷ்டமானதாக நம்பப்படுகிறது. வடக்கு அல்லது கிழக்கு திசையில் சாமந்திப்பூ செடிகளை வளர்ப்பது மிகவும் சிறப்பானதாகும்.
லாவண்டர்
லாவண்டரின் அறிவியல் பெயர் லாவண்டுல்லா. இது நறுமணத்தை தருவதுடன், மருத்துவ குணமும் கொண்டிருப்பதால் பலவற்றிற்கும் இதை பயன்படுத்துகின்றனர்.
மனதிற்கு அமைதியை தரக்கூடியதாகும். அதிர்ஷ்டத்தை தரக் கூடிய செடிகளில் இதுவும் ஒன்றாகும்.
செம்பருத்தி
மஞ்சள் செம்பருத்தி பூ வீடுகளில் வளர்ப்பது அதிர்ஷ்டமானதாக பார்க்கப்படுகிறது. இது அதிர்ஷ்டத்தையும், வாழ்க்கையில் முன்னேற்றத்தையும் கொண்டுவரக் கூடியதாக நம்பப்படுகிறது.