மனிதனின் உடல் இயக்கத்திற்கு தேவையான பல்வேறு ஊட்டச்சத்துக்களை கொண்ட, இந்த உலகில் குறைந்த விலையில் எளிதாக கிடைக்கும் ஒரு உணவுப்பொருள் என்றால் அது கோழி முட்டை மட்டுமே.
முட்டையில் உயர்தர புரதம், அத்தியாவசிய கொழுப்புகள், உடலுக்குத் தேவையான அனைத்து வைட்டமின்கள் மற்றும் தாதுக்கள் உள்ளது.
தசைகளின் இயக்கத்திற்கு, மூளையின் செயல்பாட்டிற்கு, கண்களின் பார்வைக்கு, இதயத்தின் சீரான இயக்கத்திற்கு என்று ஒட்டுமொத்த உடலின் சீரான செயல்பாட்டுக்கு தேவையான அனைத்து சத்துக்களையும் கொண்டுள்ளது.
கால்சியம், வைட்டமின்-ஏ, பி1, தையமின், வைட்டமின் பி2 எனும் ரிபோப்ளேவின், குரோமியம், நியாசின், செம்பு, வைட்டமின் பி 5 எனும் பாந்தோயோனிக் அமிலம் உள்ளது.
இரும்பு, மெக்னீசியம், மாங்கனீசு, பயோட்டின், மாலிப்டினம், போலேட், பாஸ்பரஸ், பொட்டாசியம், செலினியம். துத்தநாகம், கோலின், ஒமேகா உள்பட பல்வேறு சத்துகள் முட்டையில் உள்ளன.
தினமும் ஒரு முட்டை உட்கொள்ளும் போது சத்துக்குறைபாட்டால் ஏற்படும் பல உடல் பாதிப்புகளை தடுக்கலாம் என்கிறார்கள் டாக்டர்கள்.