நீங்கள் அவதிப்படுவதாக சொல்கின்ற 'பல்சடைல் டின்னிடஸ்' என்பது காதிற்குள் கேட்கும் ஒரு வகை சீரான தாளத்துடன் துடிக்கக்கூடிய சப்தத்தோடு சேர்ந்த காதிரைச்சல் என்பதேயாகும்.
உங்களைச் சுற்றி எந்தவித சப்தமும் இல்லாதபோதும் உங்கள் காதிற்குள் மட்டும் உங்கள் இதயத்துடிப்பின் சப்தம் கேட்டுக் கொண்டே இருக்கும்.
காரணங்கள்!
அதிக ரத்த அழுத்தம் உள்ளவர்கள், கழுத்து, தலை போன்ற இடங்களிலுள்ள ரத்தக்குழாய்களில் வீக்கம், காதிற்குள் அதிக அளவில் மெழுகு சேருவது, தலை கழுத்துப் பகுதியில் கட்டிகள், வைரஸ் மற்றும் பாக்டீரியாக்களின் தொற்று உள்ளவர்களுக்கு ஏற்படும்.
பதற்றம், மனச்சோர்வு, மனக்கவலை, எரிச்சலூட்டும் செயல்கள், சரியான தூக்கமின்மை, காது கேட்கும் திறன் குறைந்து போதல்,காதிரைச்சல் உள்ள பலருக்கு காது கேளாமையும் லேசாக இருக்கக்கூடும்.
இந்த பிரச்சினை உள்ளவர்கள் ரத்த பரிசோதனை, ஆடியோகிராம், ஸ்கேன் முதலியவற்றின் மூலம் ஆலோசனையைப் பெற்றுக்கொள்ளவும்.
டாக்டரின் ஆலோசனை இல்லாமல் காதிற்குள் மருந்துகள் போடக்கூடாது. குச்சி, பென்சில், கோழி இறகு, பட்ஸ் போன்றவற்றை காதிற்குள் போட்டுக் குடையக் கூடாது.
மிக அதிக சப்தம் கேட்கும் இடங்களில் வேலை பார்ப்பவர்கள் காதிற்குள் கேட்கும் ஒலியைக் குறைக்க 'இயர் ப்ளக்' என்று சொல்லக்கூடிய ரப்பராலான காது செருகிகளை மாட்டிக் கொள்ளுதல் நல்லது.
பேச்சு சிகிச்சை, ஒலி சிகிச்சை, காது கேட்கும் கருவிகளை உபயோகப்படுத்துதல் போன்றவைகள் இந்த காதிரைச்சல் பிரச்சினைக்கு செய்யப்படும் ஆரம்ப சிகிச்சை ஆகும்.
காதிரைச்சல் என்பது ஒரு நோயினுடைய பிரச்சினையே தவிர இது நோயல்ல. என்ன நோயினால் இரைச்சல் ஏற்பட்டது என்பதைக் கண்டுபிடித்து அதை சரி செய்தால் காதிரைச்சல் சரியாகிவிடும்.