விஜய் முன்னிலையில் த.வெ.க.வில் இணையும் பிரபல நடிகை?

தமிழக வெற்றிக் கழகத்தின் இரண்டாம் ஆண்டு தொடக்க விழா மாமல்லபுரம் அருகே பூஞ்சேரியில் உள்ள தனியார் ஓட்டலில் இன்று காலை 10 மணிஅளவில் நடைபெற உள்ளது.

விழாவிற்கான ஏற்பாடுகளை நிர்வாகிகள் செய்துள்ளனர். தொடக்க விழாவிற்கு வரும் நிர்வாகிகளுக்கு புகைப்படத்துடன் கூடிய பாஸ் வழங்கப்பட்டுள்ளது. QR Code-ஐ பயன்படுத்தி அனுமதிக்கப்படும் தொண்டர்களுக்கு ஸ்நாக்ஸ் உள்ளிட்டவை வழங்கப்பட்டது.

மேலும் பல்வேறு மாவட்டங்களிலிருந்தும் நிர்வாகிகள் மாமல்லபுரத்திற்கு வருவதன் காரணமாக அப்பகுதியில் காலையில் இருந்தே போக்குவரத்து நெரிசல் ஏற்பட்டுள்ளது.

2-ம் ஆண்டு தொடக்க விழாவையொட்டி த.வெ.க. தலைவர் விஜய் சிறப்பு உரை நிகழ்த்த உள்ளார். தேர்தல் வியூகம், சுற்றுப்பயணம், கூட்டணி உள்ளிட்டவை தொடர்பாக விஜய் உரையாற்றலாம் என கூறப்படுகிறது.

இதனிடையே, பா.ஜ.க. வில் இருந்து விலகிய ரஞ்சனா நாச்சியார், நாம் தமிழர் கட்சியில் இருந்து விலகிய காளியம்மாள் உள்ளிட்ட மாற்றுக்கட்சியினர் விஜய் முன்னிலையில் த.வெ.க.வில் இணைய உள்ளதாகவும் தகவல் வெளியாகி உள்ளது.