சாம்சங் நிறுவனத்தின் கேலக்ஸி ஏ50 ஸ்மார்ட்போன் அறிமுகம் செய்யப்பட்டது. புதிய ஏ சீரிஸ் ஸ்மார்ட்போன் இன்-டிஸ்ப்ளே கைரேகை சென்சார் கொண்ட சாம்சங்கின் முதல் மிட்-ரேன்ஜ் ஸ்மார்ட்போனாக உருவாகி இருக்கிறது.
சாம்சங் கேலக்ஸி ஏ50 ஸ்மார்ட்போனில் 6.4 இன்ச் ஃபுல் ஹெச்.டி. பிளஸ் இன்ஃபினிட்டி யு சூப்பர் AMOLED டிஸ்ப்ளே, எக்சைனோஸ் 7 சீரிஸ் 9610 10 என்.எம். பிராசஸர், 6 ஜி.பி. ரேம் மற்றும் ஆண்ட்ராய்டு பை இயங்குதளம் கொண்டு இயங்குகிறது.
புகைப்படங்களை எடுக்க 25 எம்.பி. பிரைமரி கேமரா, f/1.7, 5 எம்.பி. டெப்த் சென்சார், 8 எம்.பி. அல்ட்ரா வைடு லென்ஸ் வழங்கப்பட்டிருக்கிறது. புதிய கேலக்ஸி ஏ50 ஸ்மார்ட்போன் 4000 எம்.ஏ.ஹெச். பேட்டரி மற்றும் ஃபாஸ்ட் சார்ஜிங் வசதி வழங்கப்பட்டுள்ளது.
இவைதவிர புதிய ஸ்மார்ட்போனில் சாம்சங் பே, பிக்ஸ்பி விஷன், பிக்ஸ்பி வாய்ஸ், பிக்ஸ்பி ஹோம் மற்றும் பிக்ஸ்பி ரிமைண்டர் உள்ளிட்ட வசதிகள் வழங்கப்பட்டிருக்கின்றன.
சாம்சங் கேலக்ஸி ஏ50 சிறப்பம்சங்கள்:
- 6.4 இன்ச் 2340x1080 பிக்சல் ஃபுல் ஹெச்.டி. பிளஸ் இன்ஃபினிட்டி-யு சூப்பர் AMOLED டிஸ்ப்ளே
- ஆக்டா-கோர் எக்சைனோஸ் 9610 10 என்.எம். பிராசஸர்
- மாலி-G72 GPU
- 4 ஜி.பி. ரேம், 64 ஜி.பி. மெமரி
- 6 ஜி.பி. ரேம், 128 ஜி.பி. மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 9.0 பை
- டூயல் சிம் ஸ்லாட்
- 25 எம்.பி. பிரைமரி கேமரா, எல்.இ.டி. ஃபிளாஷ், f/1.7
- 5 எம்.பி. டெப்த் சென்சார், f/2.2
- 8 எம்.பி. அல்ட்ரா-வைடு ஆங்கிள் கேமரா, f/2.2
- 25 எம்.பி. செல்ஃபி கேமரா, f/2.0
- இன்-டிஸ்ப்ளே கைரேகை சென்சார்
- 3.5 எம்.எம். ஆடியோ ஜாக், எஃப்.எம். ரேடியோ
- டூயல் 4ஜி வோல்ட்இ, வைபை, ப்ளூடூத் 5
- யு.எஸ்.பி. டைப்-சி
- 4000 எம்.ஏ.ஹெச். பேட்டரி
- ஃபாஸ்ட் சார்ஜிங் வசதி
சாம்சங் கேலக்ஸி ஏ50 ஸ்மார்ட்போன் பிளாக், வைட், புளு மற்றும் கோரல் உள்ளிட்ட நிறங்களில் கிடைக்கிறது. இதன் விலை மற்றும் இந்திய விற்பனை பற்றிய விவரங்கள் விரைவில் வெளியாகும் என தெரிகிறது.
