நீங்கள் தேடியது "வைகோ பிரசாரம்"

புதுச்சேரி:

புதுவை பாராளுமன்ற தொகுதியில் காங்கிரஸ் வேட்பாளராக போட்டியிடும் வைத்திலிங்கம், தட்டாஞ்சாவடி இடைத்தேர்தலில் தி.மு.க. சார்பில் போட்டியிடும் வெங்கடேசன் ஆகியோரை ஆதரித்து ம.தி.மு.க. பொதுச்செயலாளர் வைகோ நாளை பிரசாரம் செய்கிறார்.

நாளை மாலை 4 மணிக்கு தட்டாஞ்சாவடியில் 2 வேட்பாளர்களுக்கும் பொதுமக்களிடம் ஆதரவு கேட்டு பேசுகிறார். இதைத் தொடர்ந்து 4.30 மணிக்கு முதலியார்பேட்டை வானொலி திடலில் பாராளுமன்ற வேட்பாளர் வைத்திலிங்கத்துக்கு ஆதரவு திரட்டி பேசுகிறார்.

5 மணிக்கு கிருமாம்பாக்கத்தில் பேசிவிட்டு புதுவை சுற்றுப்பயணத்தை வைகோ நிறைவு செய்கிறார். வைகோ பிரசாரத்தின்போது காங்கிரஸ், தி.மு.க. மற்றும் கூட்டணி கட்சி நிர்வாகிகள் கலந்துகொள்கின்றனர்.

இந்த தகவலை ம.தி.மு.க. புதுவை மாநில பொறுப்பாளர் கபிரியேல் தெரிவித்துள்ளார். #LokSabhaElections2019 #Vaiko