search icon
என் மலர்tooltip icon

    நீங்கள் தேடியது "வீடு நகை திருட்டு"

    ஒரத்தநாடு அருகே வீட்டின் ஓடுகளை பிரித்து நகை திருடிய சம்பவம் குறித்து போலீசார் விசாரணை நடத்தி வருகின்றனர்.

    ஒரத்தநாடு:

    தஞ்சை மாவட்டம் ஒரத்தநாடு அருகே தலையாமங்கலம் பகுதியை சேர்ந்தவர் ராஜரத்னம். இவர் ஏற்கனவே இறந்து விட்டார். இவரது மனைவி தேவ சுந்தரி (வயது 50). இவரது மகள், தஞ்சையில் உள்ள தனியார் ஆஸ்பத்திரியில் செவிலியராக பணியாற்றி வருகிறார்.

    இந்த நிலையில் நேற்று தேவசுந்தரி, 100 நாள் வேலைக்கு சென்று விட்டார். பின்னர் மாலையில் வேலை முடிந்து அவர் வீடு திரும்பினார்.

    அப்போது வீட்டின் மேற்கூரையில் இருந்த ஓடுகள் பிரிக்கப்பட்டு இருந்ததை கண்டு திடுக்கிட்டார். இதனால் வீட்டுக்குள் சென்று பார்த்த போது அங்கிருந்த 6 பவுன் நகை திருட்டு போய் இருந்ததை கண்டு அதிர்ச்சி அடைந்தார். இதன் மதிப்பு ரூ.1¼ லட்சம் ஆகும்.

    பூட்டிய வீட்டை நோட்டமிட்ட மர்ம ஆசாமி, வீட்டின் மேல் உள்ள ஓடுகளை பிரித்து உள்ளே இறங்கி நகையை திருடி சென்றது தெரிய வந்தது.

    இதுபற்றி அவர் ஒரத்தநாடு போலீசில் புகார் செய்தார். அதன்பேரில் சப்- இன்ஸ்பெக்டர் அமிர்தலிங்கம் வழக்குபதிவு செய்து விசாரணை நடத்தி வருகிறார்.

    நாமக்கல்லில் பள்ளி ஆசிரியை வீட்டின் பூட்டை உடைத்து 15 பவுன் நகைகளை திருடி சென்ற மர்ம ஆசாமிகளை போலீசார் வலைவீசி தேடி வருகின்றனர்.
    நாமக்கல்:

    நாமக்கல்-மோகனூர் ரோட்டில் உள்ள முல்லை நகரை சேர்ந்தவர் ரவி (வயது 48). இவர் தனியார் நிறுவனத்தில் வேலை பார்த்து வருகிறார். இவரது மனைவி பத்மாவதி (41). இவர் நாமக்கல் கோட்டை நகராட்சி பள்ளியில் ஆசிரியையாக பணியாற்றி வருகிறார்.

    தற்போது விடுமுறை என்பதால் பத்மாவதி மற்றும் அவரது 2 மகள்கள் சிதம்பரத்தில் உள்ள தனது உறவினர் வீட்டிற்கு சென்று இருந்தனர். ரவி மட்டும் வீட்டில் இருந்து வேலைக்கு சென்று வந்தார். இந்த நிலையில் கடந்த 26-ந் தேதி இரவு ரவியும் சிதம்பரத்திற்கு சென்று உள்ளார். மீண்டும் நேற்று முன்தினம் இரவு 11 மணிக்கு நாமக்கல்லுக்கு திரும்பி வந்துஉள்ளார். முன்புற கதவை திறந்து வீட்டிற்குள் சென்று பார்த்தபோது பீரோ உடைக்கப்பட்டு இருப்பது கண்டு அதிர்ச்சி அடைந்தார்.

    வீட்டின் பக்கவாட்டில் உள்ள கதவை உடைத்து உள்ளே புகுந்து உள்ள மர்ம ஆசாமிகள் பீரோவில் வைக்கப்பட்டு இருந்த நகைகளை திருடி சென்று இருப்பது தெரியவந்தது. இதையடுத்து ரவி நாமக்கல் போலீசில் புகார் செய்தார். சம்பவ இடத்திற்கு விரைந்து வந்த போலீசார் திருட்டு நடந்த வீட்டை பார்வையிட்டு விசாரணை நடத்தினர்.

    மேலும் ஈரோட்டில் இருந்து கைரேகை நிபுணர்கள் வரவழைக்கப்பட்டு கைரேகைகள் பதிவு செய்யப்பட்டன. இந்த சம்பவத்தில் வீட்டில் இருந்த சுமார் 15 பவுன் நகைகள், வெள்ளி பொருட்கள் மற்றும் ரூ.11 ஆயிரத்து 500 திருட்டு போனதாக கூறப்படுகிறது.

    இது குறித்து நாமக்கல் போலீசார் தொடர்ந்து விசாரணை மேற்கொண்டு வருகின்றனர். இந்த திருட்டு சம்பவத்தில் ஈடுபட்ட மர்ம ஆசாமிகளையும் போலீசார் வலைவீசி தேடி வருகின்றனர்.  
    ×