என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "விவேகானந்த ரெட்டி"
திருமலை:
ஆந்திர மாநில முன்னாள் முதல்வர் ஒய்.எஸ்.ராஜ சேகர ரெட்டியின் தம்பி விவேகானந்த ரெட்டி (வயது 68). கடப்பா மாவட்டம் புலி வெந்துலாவில் குடும்பத்தினருடன் வசித்து வருகிறார்.
1989 மற்றும் 94-ம் ஆண்டில் புலிவெந்துலா தொகுதி எம்.எல்.ஏ.வாக வெற்றி பெற்று ஒருங்கிணைந்த ஆந்திராவில் வேளாண்மை துறை அமைச்சராக பணி புரிந்துள்ளார்.
இவரது குடும்பத்தினர் ஐதராபாத்தில் வசித்து வருகின்றனர். விவேகானந்த ரெட்டி அரசியல் சம்பந்தமான விஷயங்களுக்காக கடப்பா வந்து தங்கி செல்வார்.
2 முறை கடப்பா எம்.பி.யாவும் பணிபுரிந்த விவேகானந்தரெட்டி தற்போது நடைபெற உள்ள மக்களவை தேர்தலுக்கான வேட்பாளர் தேர்வு மற்றும் கட்சி பணிகளை அவரது அண்ணன் மகனும், ஒய்.எஸ்.ஆர். காங்கிரஸ் கட்சி தலைவருமான ஜெகன் மோகன் ரெட்டியுடன் இணைந்து மேற்கொண்டு வந்தார்.
இந்நிலையில் நேற்று முன்தினம் தனது சொந்த ஊரான புலிவெந்துலா வந்த விவேகானந்தரெட்டி இரவு பொதட்டூரில் நடைபெற்ற கட்சி கூட்டத்தில் பங்கேற்று விட்டு வீட்டுக்கு வந்தார்.
நேற்று காலை விவேகானந்தரெட்டி தனது வீட்டு கழிவறையில் ரத்த வெள்ளத்தில் பிணமாக கிடந்தார். விவேகானந்த ரெட்டி கழிவறையில் தலை மற்றும் காலில் வெட்டுப்பட்ட நிலையில் கிடந்தார்.
விவேகானந்தரெட்டி உடலில் 7 இடங்களில் கத்தியால் வெட்டி கொலை செய்யப்பட்டு இருப்பதாக டாக்டர்கள் தெரிவித்தனர்.
அவரை கொலை செய்தவர்களை கண்டு பிடிக்க கடப்பா போலீசார் 5 சிறப்பு படை அமைத்து கொலையாளிகளை தேடி வருகின்றனர்.
விவேகானந்த ரெட்டியின் உறவினர்கள், வீட்டு வேலைக்காரர்களிடம் முதற்கட்ட விசாரணை நடந்து வருகிறது.
தனது சித்தப்பா விவேகானந்த ரெட்டி கொலை குறித்து ஜெகன்மோகன் ரெட்டி கூறியதாவது:-
என் சித்தப்பா ஒய்.எஸ். விவேகானந்த ரெட்டி மரணத்தை மாநில போலீசார் திசை திருப்ப பார்க்கிறார்கள். சந்திரபாபு நாயுடுவின் கீழ் செயல்படும் போலீசார் விசாரணை செய்தால் உண்மை வெளிவரும் என்னும் நம்பிக்கை எனக்கு இல்லை. அவரை 7 முறை கொடூரமாக வெட்டி கொலை செய்திருக்கிறார்கள்.
என் தாத்தா ராஜா ரெட்டி 1998-ல் இதேபோல படுகொலை செய்யப்பட்டார். என் தந்தை எதிர்க்கட்சி தலைவராக அப்போது தீவிர பிரசாரம் செய்து வந்தார். அவரை பிரசாரம் செய்ய விடக்கூடாது என்பதற்காகவே என் தாத்தாவை கொலை செய்து என் தந்தையை கடப்பாவிலேயே முடக்கி வைத்தனர். அப்போதும் சந்திரபாபு நாயுடுதான் முதல்வர்.
அதன்பிறகு 2009-ல் இரண்டாம் முறை முதல்வரான எனது தந்தையை நீ எப்படி சட்டமன்றத்திற்கு வருவாய் என பார்க்கிறேன் என சந்திரபாபு நாயுடு சட்டமன்றத்திலேயே சவால் விட்டார். அடுத்த நாளே எனது தந்தை ஹெலிகாப்டர் விபத்தில் மரணம் அடைந்தார். அவரது மரணம் விபத்தல்ல என்னும் சந்தேகம் எங்கள் மனதில் இன்றும் உள்ளது.
இப்போது என் சித்தப்பாவின் படுகொலை இதைகூட சாதாரணமாக பார்க்கிறார்கள்.
தேர்தல் வரும்போது தேர்தலில் தோற்கும் போதும் சந்திரபாபு நாயுடு என் குடும்பத்தினர் மீது இதுபோன்ற கொலை நிகழ்ச்சிகளை அரங்கேற்றி வருகிறார். உண்மை வெளியே வரவேண்டும். மாநிலத்தில் எனக்கு நீதி கிடைக்காது. சி.பி.ஐ. விசாரணைக்கு உத்தரவிட்டு குற்றவாளிகள் யாராக இருந்தாலும் அவர்கள் தண்டிக்கப்பட வேண்டும்.
மேலும் எங்கள் கட்சி தொண்டர்களுக்கும் ஒரு வேண்டுகோள் விடுக்கிறேன். இந்த சம்பவம் காரணமாக யாரும் எந்த அசம்பாவிதமும் ஏற்படுத்தாமல் பொறுமை காக்க வேண்டும். நான் கடவுளை நம்புகிறேன். நிச்சயம் நீதி கிடைக்கும்.
இவ்வாறு அவர் கூறினார். #Jaganmohan #ChandrababuNaidu
ஆந்திர மாநில முன்னாள் முதல்வர் ஒய்.எஸ்.ராஜசேகர ரெட்டியின் தம்பி விவேகானந்த ரெட்டி (வயது 68). இவர் கடப்பா மாவட்டம் புலிவெந்துலாவில் தனது குடும்பத்தினருடன் வசித்து வருகிறார்.
விவேகானந்தரெட்டி கடந்த 1989 மற்றும் 94-ம் ஆண்டில் புலிவெந்துலா தொகுதி எம்.எல்.ஏ.வாக வெற்றி பெற்று ஒருங்கிணைந்த ஆந்திராவில் வேளாண்மை துறை அமைச்சராக பணிபுரிந்துள்ளார்.
இவரது குடும்பத்தினர் ஐதராபாத்தில் வசித்து வருகின்றனர். விவேகானந்த ரெட்டி அரசியல் சம்பந்தமான விஷயங்களுக்காக கடப்பா வந்து தங்கி செல்வார்.
2 முறை கடப்பா எம்.பி.யாவும் பணிபுரிந்த விவேகானந்தரெட்டி தற்போது நடைபெற உள்ள மக்களவை தேர்தலுக்கான வேட்பாளர் தேர்வு மற்றும் கட்சி பணிகளை ஒய்.எஸ்.ஆர். காங்கிரஸ் கட்சி தலைவர் ஜெகன்மோகன் ரெட்டியுடன் இணைந்து மேற்கொண்டு வந்தார்.
இந்நிலையில் நேற்று முன்தினம் தனது சொந்த ஊரான புலிவெந்துலா வந்த விவேகானந்தரெட்டி இரவு பொதட்டூரில் நடைபெற்ற கட்சி கூட்டத்தில் பங்கேற்று விட்டு வீட்டுக்கு வந்தார்.
இந்நிலையில் நேற்று காலை விவேகானந்தரெட்டி தனது வீட்டு கழிவறையில் ரத்த வெள்ளத்தில் பிணமாக கிடந்தார். இதுகுறித்து விவேகானந்தரெட்டியின் உதவியாளர் கிருஷ்ணா ரெட்டி புலிவெந்துலா போலீஸ் நிலையத்தில் புகார் அளித்தார்.
அதில் விவேகானந்த ரெட்டி கழிவறையில் தலை மற்றும் காலில் வெட்டுப்பட்ட நிலையில் ரத்த வெள்ளத்தில் இறந்து கிடப்பதாக தெரிவித்திருந்தார்.
அதன்பேரில் போலீசார் வழக்கு பதிவு செய்து விவேகானந்தரெட்டியின் உடலை மீட்டு பிரேத பரிசோதனைக்காக கடப்பா அரசு மருத்துவமனைக்கு அனுப்பி வைத்தனர். விவேகானந்தரெட்டி உடலில் 7 இடங்களில் சரமாரியாக கத்தியால் வெட்டி கொலை செய்யப்பட்டு இருப்பதாக டாக்டர்கள் தெரிவித்தனர்.
இதற்கிடையே அவரை கொலை செய்தவர்களை கண்டு பிடிக்க கடப்பா போலீசார் 5 சிறப்பு படை அமைத்து கொலையாளிகளை தேடி வருகின்றனர்.
விவேகானந்த ரெட்டியின் உறவினர்கள், வீட்டு வேலைக்காரர்களிடம் முதற்கட்ட விசாரணை நடந்து வருகிறது.
இது தொடர்பாக சி.பி.சி.ஐ.டி. விசாரணைக்கு உத்தரவிட வேண்டுமென ஜெகன்மோகன் ரெட்டி வலியுறுத்தியுள்ளார். #VivekanandaReddy
ஆந்திரபிரதேச முன்னாள் முதல்-மந்திரி ஒய்.எஸ்.ராஜசேகரரெட்டியின் தம்பி ஒய்.எஸ்.விவேகானந்த ரெட்டி. இவர் 2 முறை எம்.எல்.ஏ.வாக பதவி வகித்துள்ளார். ஒரு முறை எம்.பி.யாகவும், ஒரு முறை எம்.எல்.சி.யாகவும், விவசாயத்துறை மந்திரியாகவும் பதவி வகித்தவர்.
ஒய்.எஸ்.ஆர். காங்கிரஸ் கட்சி சார்பில் ஐதராபாத்தில் கடந்த 4 நாட்களாக வேட்பாளர் தேர்வு நடைபெற்று வந்தது. வேட்பாளர் தேர்வு நிகழ்ச்சியில் ஜெகன்மோகன் ரெட்டியுடன் ஒய்.எஸ்.விவேகானந்த ரெட்டியும் பங்கேற்றார்.
நேற்று காலை விவேகானந்த ரெட்டி தேர்தல் பிரசாரத்தில் ஈடுபட்டார். பின்னர் தனது சொந்த ஊரான கடப்பா மாவட்டம் புலிவேந்துலாவுக்கு திரும்பினார். அங்குள்ள வீட்டில் அவர் மட்டும் தனியாக தங்கி இருந்தார்.
இந்தநிலையில் இன்று அதிகாலையில் வீட்டுக்கு வேலைக்காரர்கள் வந்தனர். அப்போது விவேகானந்த ரெட்டி இறந்து கிடப்பதை அறிந்து அதிர்ச்சி அடைந்தனர். இதையடுத்து விவேகானந்த ரெட்டி இயற்கையாக மரணம் அடைந்துவிட்டதாக தகவல் பரவியது.
இதற்கிடையே அவரது உடலை பார்த்த போது தலையில் காயம் இருப்பது தெரியவந்தது. இதனால் சிறிது நேரத்தில் அவரது சாவில் மர்மம் இருப்பதாக தகவல் பரவியது.
இதுதொடர்பாக அவரது உதவியாளர் கிருஷ்ண ரெட்டி புலிவேந்துலா போலீஸ் நிலையத்தில் புகார் செய்தார். புகாரில் விவேகானந்த ரெட்டி தலையில் காயம் இருப்பதால் அவரது சாவில் மர்மம் இருப்பதாக கூறியுள்ளனர்.
இதையடுத்து போலீசார் வழக்குப்பதிவு செய்து விவேகானந்த ரெட்டி உடலை பிரேத பரிசோதனை செய்ய நடவடிக்கை எடுத்துள்ளனர். விவேகானந்த ரெட்டி இறந்த தகவல் அறிந்ததும் ஜெகன்மோகன் ரெட்டி அவரது தாயார் விஜயலட்சுமி ஆகியோர் புலிவேந்துலா விரைந்துள்ளனர்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்