நீங்கள் தேடியது "விழிப்புணர்"

அவிநாசி :

அவிநாசி பேரூராட்சிக்கு சொந்தமான வளம் மீட்பு பூங்காவில்அவிநாசி நல்லது நண்பர்கள் அறக்கட்டளை சார்பாக மறுசுழற்சி பற்றி விழிப்புணர்வு நிகழ்ச்சி நடைபெற்றது. கைகாட்டிபுதுார் ஊராட்சி ஒன்றிய துவக்கப்பள்ளியில் பயிலும் மாணவ, மாணவிகள் பங்கேற்றனர்.பேரூராட்சி செயல் அலுவலர் செந்தில்குமார் தலைமை வகித்தார்.

நாம் வசிக்கும் பூமியை நாம் எவ்வாறு பாதுகாக்க வேண்டும் என்ற தலைப்பில் இப்பூமிக்கு பெரும் கேடு விளைவிக்கும் நெகிழியை எவ்வாறு ஒழிப்பது, மக்கும் குப்பை - மக்காத குப்பை என்பது என்ன குப்பைகளை எவ்வாறு மறுசுழற்சி செய்வது என்பது பற்றி நேரடியாக பள்ளி குழந்தைகளுக்கு சுகாதார ஆய்வாளர் கருப்பசாமி விளக்கம் அளித்தார். நல்லது நண்பர்கள் அறக்கட்டளை தலைவர் ரவிக்குமார், துவக்கப்பள்ளி தலைமையாசிரியர் செந்தாமரை கண்ணன், ஆசிரியர்கள் மற்றும் அறக்கட்டளை நிர்வாகி ஜீவானந்தம் உட்பட பலர் பங்கேற்றனர்.