வால்வோ கார்ஸ் நிறுவனத்தின் 2019 எஸ்60 செடான் கார் ஜூன் 20-ம் தேதி வெளியிடப்பட இருக்கிறது. அமெரிக்காவில் நடைபெற இருக்கும் விழாவில் இந்த கார் அறிமுகம் செய்யப்பட இருக்கிறது. இந்த கார் புதிதாய் துவங்கப்பட்டு இருக்கும் வால்வோ தயாரிப்பு ஆலையில் தயாரிக்கப்பட இருக்கிறது.
இந்த தயாரிப்பு ஆலை 2019 வால்வோ எஸ்60 செடான் மாடலை உருவாக்கவே பிரத்யேகமாக துவங்கப்பட்டு இருக்கிறது. டீசல் இன்ஜின் இல்லாத முதல் வால்வோ கார் என்ற பெருமையுடன் வால்வோ 2019 எஸ்60 அறிமுகமாக இருக்கிறது. 2025-ம் ஆண்டு வாக்கில் அனைத்து கார்களையும் எலெக்ட்ரிக் மயமாக்கும் நோக்கில் இந்த நடவடிக்கையை மேற்கொண்டிருக்கிறது.
புதிய போல்ஸ்டார் இன்ஜினியர் செயய்ப்பட்ட எஸ்60 மாடல் ஆர்-டிசைன் வெர்ஷனின் T8 ட்வின் இன்ஜினை விட மேம்பட்டிருக்கிறது. ஆர்-டிசைன் மாடலில் வழங்கப்பட்டு இருப்பதை போன்று 2019 எஸ்60 செடான் மாடலில் முன்பக்க கிரில் உருவாக்கப்பட்டு இருக்கிறது. சிவப்பு நிறத்தில் மட்டும் கிடைக்கும் எஸ்60 செடான் முதற்கட்டமாக அமெரிக்காவிலும், அதன் பின் ஐரோப்பிய சந்தைகளில் விற்பனை செய்யப்பட இருக்கிறது.
2019 வால்வோ எஸ்60 போல்ஸ்டார்-க்கு இணையான செயல்திறன் வழங்குகிறது. இது புதிய மாடலில் போல்ஸ்டார் 1 கூப் மாடலுக்கு இணையான செயல்திறன் வழங்குகிறது. வால்வோ 2019 எஸ்60 மாடலில் T8 ட்வின் இன்ஜின் அதிகபட்சம் 415 பிஹெச்பி பவர், 670 என்எம் டார்கியூ செயல்திறன் வழங்குகிறது.
