ஜார்கண்டை சேர்ந்த வேகப்பந்து வீச்சாளர் வருண் ஆரோன். 2011-ம் ஆண்டு தனது 21 வயதில் இந்திய அணியில் அறிமுகமானார். அசுர வேகத்தில் பந்து வீசும் வருண் ஆரோன், இந்திய அணிக்காக 9 டெஸ்ட் மற்றும் 9 ஒருநாள் போட்டிகளில் மட்டுமே விளையாடியுள்ளார். கடைசியாக தென்ஆப்பிரிக்காவிற்கு எதிரான டெஸ்டில் 2015-ம் ஆண்டும், இலங்கைக்கு எதிராக 2014-ம் ஆண்டு ஒருநாள் போட்டியிலும் இடம் பிடித்துள்ளார்.
சுமார் மூன்று ஆண்டுகளாக இந்திய அணியில் இடம்பிடிக்காமல் இருக்கும் வருண் ஆரோன் தற்போது கவுன்ட்டி போட்டியில் லெய்செஸ்டர்ஷைர் அணிக்காக விளையாடி வருகிறார். சிறப்பாக பந்து வீசி வரும் வருண் ஆரோன் கிளேமோர்கன் அணிக்கு எதிராக முதல் இன்னிங்சில் 65 ரன்கள் கொடுத்து 4 விக்கெட்டும், 2-வது இன்னிங்சில் 66 ரன்கள் விட்டுக்கொடுத்து 2 விக்கெட்டும் கைப்பற்றியுள்ளார்.
கவுன்ட்டி போட்டியில் சிறப்பாக பந்து வீசும் என்னால், மீண்டும் இந்திய அணியில் இடம்பிடிக்கும் என நம்பிக்கை தெரிவித்துள்ளார். இதுகுறித்து வருண் ஆரோன் கூறுகையில் ‘‘மீண்டும் இந்திய அணியில் இடம் கிடைக்கும் என்பதில் எனக்கு உறுதியான நம்பிக்கை உள்ளது. என்னுடைய சிறந்த ஆட்டத்தை வெளிப்படுத்த முயற்சி செய்து கொண்டிருக்கிறேன். கவுன்டி போட்டியிலும் என்றால் சிறப்பாக பந்து வீச முடியும்.
என்னால் இந்திய அணிக்காக மீண்டும் விளையாட முடியும் என்று தேர்வாளர்கள் விரும்பினால், என்னால் இந்த அணிக்காக விளையாட முடியும். என்னால் அதிவேகத்திலும் என்னுடைய சிறந்த பந்து வீச்சையும் வெளிப்படுத்த முடியும்’’ என்றார்.
